ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ15ກຸມພານີ້ ກະຊວງການຕ່າງປະເທດມາເລເຊຍໄດ້ອອກຖະແຫຼງການວ່າ: ທ່ານໄຊຟຸດດິນ ອັບດູລາ ລັດຖະມົນຕີກະຊວງການຕ່າງປະເທດມາເລເຊຍຈະເດີນທາງເຂົ້າຮ່ວມກອງປະຊຸມລະດັບລັດຖະມົນຕີຂອງປະເທດອາຊຽນທີ່ຈະຈັດຂຶ້ນຢູ່ນະຄອນຫຼວງພະນົມເປັນປະເທດກຳປູເຈຍແຕ່ວັນທີ16ຫາວັນທີ17ກຸມພານີ້, ເຊິ່ງເປັນກອງປະຊຸມຄັ້ງທຳອິດແຜນການຂອງປະເທດສະມາຊິກອາຊຽນສຳລັບປີ2022ນີ້.
ຖະແຫຼງການໄດ້ລະບຸວ່າ: ບັນດາລັດຖະມົນຕີກະຊວງການຕ່າງປະເທດຈະປຶກສາຫາລືຫົວຂໍ້ຕ່າງໆ ເຊັ່ນ: ຜົນການຈັດຕັ້ງປະຕິບັດເນື້ອໃນຈິດໃຈຂອງກອງປະຊຸມສຸດຍອດອາຊຽນຄັ້ງທີ38 ແລະຄັ້ງທີ39, ແລະກອງປະຊຸມສຸດຍອດຄັ້ງອື່ນໆ, ພ້ອມດ້ວຍການພົວພັນຂອງອາຊຽນກັບພາຍນອກ ແລະອື່ນໆ. ນອກຈາກນີ້, ລັດຖະມົນຕີກະຊວງການຕ່າງປະເທດຍັງຈະປຶກສາຫາລືມາດຕະການການຊຸກຍູ້ໃຫ້ກຳປູເຈຍໃນຖານະປະເທດປະທານໝູນວຽນຂອງອາຊຽນປີ2022ຈັດຕັ້ງວາລະປະຊຸມ ແລະຫົວຂໍ້ບູລິມະສິດອື່ນໆ ພ້ອມກັບແລກປ່ຽນຄວາມຄິດເຫັນກ່ຽວກັບບັນຫາພາກພື້ນແລະສາກົນທີ່ສົນໃຈນຳກັນ.
ຄຳເຫັນ
0