ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄະນະກຳມະການໂອລິມປິກສາກົນ ແລະຄະນະກຳມະການຈັດງານກິລາໂອລິມປິກລະດູໜາວປັກກິ່ງໄດ້ຈັດກອງປະຊຸມຖະແຫຼງຂ່າວໃນວັນທີ 14 ກຸມພານີ້, ໂດຍແນະນຳວ່າ: ມາຮອດປັດຈຸບັນ, ງານກິລາໂອລິມປິກລະດູໜາວປັກກິ່ງໄດ້ກາຍເປັນງານກິລາໂອລິມປິກລະດູໜາວທີ່ມີນັກກິລາຍິງເຂົ້າຮວມຫຼາຍທີ່ສຸດ ແລະມີນັກກິລາຍິງເຂົ້າຮ່ວມການແຂ່ງຂັນຂອງຫຼາຍລາຍການທີ່ສຸດ.
ທ່ານມາກ ອາດາມສ໌ ໂຄສົກຄະນະກຳມະການໂອລິມປິກສາກົນກ່າວວ່າ: ອັດຕາເຂົ້າຮ່ວມຂອງນັກກິລາເພດຍິງໃນງານກິລາໂອລິມປິກລະດູໜາວປັກກິ່ງແມ່ນ 45,4%, ໃນລາຍການແຂ່ງຂັນທັງໝົດ 109 ລາຍການນັ້ນ, ມີນັກກິລາຍິງເຂົ້າຮ່ວມເຖິງ 53%. ທ່ານກ່າວຕື່ມວ່າ: ການປຸກລະດົມໃຫ້ນັກກິລາຍິງເຂົ້າຮ່ວມງານກິລາໂອລິມປິກຫຼາຍກວ່າເກົ່າ ແມ່ນຍຸດທະສາດສຳຄັນຂອງຄະນະກໍາມະການໂອລິມປິກສາກົນ. ພວກເຮົາໄດ້ຮ່ວມມືຢ່າງໃກ້ຊິດກັບອົງການກິລາລາຍການດ່ຽວຂອງສາກົນ, ຄະນະກຳມະການໂອລິມປິກລະດັບປະເທດ ແລະເຂດແຄວ້ນ, ຝ່າຍຊື້ສິດຖ່າຍທອດສົດ ແລະບໍລິສັດໃຫ້ບໍລິການຖ່າຍທອດສົດງານໂອລິມປິກ, ໂດຍໄດ້ຊຸກຍູ້ຄວາມສະເໝີພາບທາງເພດໃນລະດັບຕ່າງໆ.
ຄຳເຫັນ
0