ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ14ກຸມພານີ້ ຄະນະກຳມະການຈັດງານກິລາໂອລິມປິກລະດູໜາວປັກກິ່ງວ່າ: ງານກິລາໂອລິມປິກລະດູໜາວປັກກິ່ງໄດ້ໃຊ້ລະບົບແປພາສາພ້ອມກັບຜູ້ກ່າວໃນຮູບແບບທາງໄກເປັນເທື່ອທຳອິດ ເຊິ່ງສາມາດໃຫ້ບໍລິການກອງປະຊຸມຂ່າວ5ຄັ້ງໃນເວລາດຽວກັນ.
ທີ່ປຶກສາການບໍລິການດ້ານການແປພາສາຂອງຄະນະກຳມະການໂອລິມປິກສາກົນໄດ້ແນະນຳໃຫ້ຮູ້ວ່າ: ງານກິລາໂອລິມປິກໂຕກຽວແມ່ນງານກິລາໂອລິມປິກທີ່ໃຊ້ລະບົບແປພາສາພ້ອມກັບຜູ້ກ່າວໃນຮູບແບບທາງໄກເປັນເທື່ອທຳອິດ. ເມື່ອທຽບໃສ່ງານກິລາໂອລິມປິກລະດູໜາວພຽງຊາງທີ່ສ.ເກົາຫຼີແລ້ວ, ງານກິລາໂອລິມປິກລະດູໜາວປັກກິ່ງໄດ້ໃຊ້ລະບົບແປພາສາພ້ອມກັບຜູ້ກ່າວໃນຮູບແບບທາງໄກ ໂດຍມີນາຍພາສາໜ້ອຍກວ່າງານກິລາໂອລິມປິກພຽງຊາງ20 ກວ່າຄົນ. ປັດຈຸບັນ,ໜ່ວຍງານບໍລິການແປພາສາພ້ອມກັບຜູ້ກ່າວໃນຮູບແບບທາງໄກມີ 35ຄົນ, ເຊິ່ງລວມທັງນາຍພາສາສາກົນ25ຄົນທີ່ມາຈາກ9ປະເທດແລະເຂດແຄວ້ນ.
ທ່ານ ເມີຍຈ້ຽນຈວີ່ນ ຜູ້ອຳນວຍການບໍລິການແປພາສາຂອງສູນສື່ມວນຊົນຫຼັກໃນງານກິລາໂອລິມປິກລະດູໜາວປັກກິ່ງໄດ້ກ່າວວ່າ: ການແປພາສາພ້ອມກັບຜູ້ກ່າວໃນຮູບແບບທາງໄກມີທ່າແຮງຢູ່ທີ່ບ່ອນວ່າ ນາຍພາສາແມ່ນເຮັດວຽກຢູ່ສູນແປພາສາທີ່ຢູ່ໃນສູນສື່ມວນຊົນຫຼັກ,ບໍ່ຕ້ອງໄປເຮັດວຽກຢູ່ສະໜາມແຂ່ງຂັນກິລາຕ່າງໆ,ເຊິ່ງສາມາດຫຼຸດຕົ້ນທຶນການໃຊ້ແຮງງານແລະສາມາດຍົກສູງປະສິດທິພາບ.
ຄຳເຫັນ
0