ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ກຸມພານີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ຈັດກອງປະຊຸມຂ່າວ. ມີນັກຂ່າວຖາມວ່າ: ຫວ່າງມໍ່ໆມານີ້, ບໍລິສັດສະໜອງການໃຫ້ບໍລິການຖ່າຍທອດສົດງານໂອລິມປິກໄດ້ປະກາດວ່າ, ງານກິລາໂອລິມປິກລະດູໜາວປັກກິ່ງໄດ້ກາຍເປັນງານກິລາໂອລິມປິກລະດູໜາວທີ່ມີອັດຕາຜູ້ຊົມສູງສຸດໃນປະຫວັດສາດໂດຍມີຜູ້ເອົາໃຈໃສ່ຕິດຕາມເບິ່ງຢູ່ສື່ສັງຄົມອອນລາຍທົ່ວໂລກຫຼາຍກວ່າ 2 ຕື້ຄົນ. ຈີນມີຄວາມເຫັນແນວໃດຕໍ່ເລື່ອງນີ້?
ທ່ານວ່າງເວີນປິ່ນກ່າວວ່າ, ໃນສອງມື້ມໍ່ໆມານີ້, ສື່ມວນຊົນຕ່າງປະເທດຈຳນວນຫຼາຍໄດ້ລາຍງານຂ່າວກ່ຽວກັບງານກິລາໂອລິມປິກລະດູໜາວປັກກິ່ງດ້ວຍການພາດຫົວຂໍ້ວ່າ:ອັດຕາການຕິດຕາມ ແລະ ຮັບຊົມງານກິລາໂອລິມປິກລະດູໜາວປັກກິ່ງໄດ້ສ້າງສະຖິຕິໃໝ່. ອັດຕາການຮັບຊົມການແຂ່ງຂັນຕ່າງໆບໍ່ພຽງແຕ່ໄດ້ເພີ່ມຂຶ້ນໜຶ່ງເທົ່າຢູ່ປະເທດທີ່ມີຄວາມເຂັ້ມແຂງດ້ານກິລາໂອລິມປິກລະດູໜາວ ເຊັ່ນຢູ່ທະວີບເອີລົບ ແລະ ອາເມຣິກາເທົ່ານັ້ນ, ຍັງໄດ້ສ້າງສະຖິຕິໃໝ່, ຢູ່ບັນດາປະເທດເຂດຮ້ອນທີ່ບໍ່ມີຫິມະກໍ່ມີຈຳນວນຜູ້ເອົາໃຈໃສ່ຕິດຕາມ ແລະ ຮັບຊົມງານກິລາໂອລິມປິກລະດູໜາວປັກກິ່ງຢ່າງຫຼວງຫຼາຍ.
ທ່ານວ່າງເວີນປິ່ນຍັງກ່າວຕື່ມວ່າ, ງານກິລາໂອລິມປິກລະດູໜາວປັກກິ່ງສະແດງໃຫ້ເຫັນເຖິງຄວາມສາມັກຄີ,ການຮ່ວມມື ແລະ ຄວາມຫວັງ, ພວມສ້າງຄວາມໝັ້ນໃຈ ແລະ ໃຫ້ກຳລັງໃຈແກ່ປະເທດຕ່າງໆໃນໂລກ.
ຄຳເຫັນ
0