ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ16ກຸມພານີ້, ທ່ານສີຈິ້ນຜິງ ປະທານປະເທດຈີນໄດ້ສົນທະນາກັບທ່ານເອມ ມານູແອນ ມາຄຣົງ ປະທານາທິບໍດີຝຣັ່ງທາງໂທລະສັບ. ທ່ານເອມ ມານູແອນ ມາຄຣົງໄດ້ກ່າວຄຳອວຍພອນບຸນກຸດຈີນປີຂານໃຫ້ກັບທ່ານສີຈິ້ນຜິງແລະປະຊາຊົນຈີນ ໂດຍກ່າວວ່າ: ປະເທດຝຣັ່ງໄດ້ສະໜັບສະໜູນຢ່າງສະເໝີຕົ້ນສະເໝີປາຍ ແລະຈະສືບຕໍ່ອອກແຮງສຸດຂີດສະໜັບສະໜູນງານກິລາໂອລິມປິກລະດູໜາວປັກກິ່ງແລະງານກິລາໂອລິມປິກຄົນພິການລະດູໜາວໃຫ້ໄດ້ຮັບຜົນສຳເລັດ.
ທ່ານສີຈິ້ນຜິງກ່າວເນັ້ນວ່າ: ໃນປີໃໝ່ນີ້ ຈີນແລະຝຣັ່ງຈະສືບຕໍ່ເດີນຕາມເສັ້ນທາງທີ່ສ້າງສັນປອດໃສ່ແລະທິດທາງບວກ,ອິງໄສ່ຫຼັກການເຄົາລົບກັນແລະປະຕິບັດຕໍ່ກັນຢ່າງສະເໝີພາບກັນ, ເພີ່ມທະວີການສົນທະນາແລະການແລກປ່ຽນຄວາມຄິດເຫັນກັນໃນຂັ້ນຕ່າງໆ,ເພີ່ມຄວາມເຂົ້າໃຈແລະຄວາມໄວ້ເນື້ອເຊື່ອໃຈກັນ,ຊຸກຍູ້ໃຫ້ສາຍພົວພັນລະຫວ່າງຈີນແລະຝຣັ່ງປະສົບຜົນສຳເລັດອັນໃໝ່.
ທ່ານເອມ ມານູແອນ ມາຄຣົງໄດ້ສະແດງທັດສະນະຂອງຕົນກ່ຽວກັບສະຖານະການລະຫວ່າງຣັດເຊຍ-ອູແກຼນໃນສະເພາະໜ້ານີ້. ສຳລັບເລື່ອງນີ້ ທ່ານສີຈິ້ນຜິງກ່າວເນັ້ນວ່າ: ທຸກຝ່າຍທີ່ກ່ຽວຂ້ອງຄວນຍຶດໝັ້ນທິດທາງລວມໃນການແກ້ໄຂບັນຫາທາງການເມືອງ,ນຳໃຊ້ເວທີຫຼາຍຝ່າຍທີ່ລວມທັງກົນໄກໂນມັນດີຢ່າງເຕັມທີ່,ນຳໃຊ້ການສົນທະນາແລະປຶກສາຫາລືກັນເພື່ອແກ້ໄຂບັນຫາອູແກຼນຢ່າງຮອບດ້ານ.
ຄຳເຫັນ
0