ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ກຸມພານີ້ ຕາມເວລາທ້ອງຖິ່ນ, ສະພາການຄ້າ ແລະ ການພັດທະນາຂອງອົງການສະຫະປະຊາຊາດໄດ້ປະກາດບົດລາຍງານກ່ຽວກັບການຄ້າທົ່ວໂລກ ໂດຍຊີ້ໃຫ້ເຫັນວ່າ: ການຄ້າທົ່ວໂລກໄດ້ເຕີບໂຕຢ່າງຕໍ່ເນື່ອງ, ແຕ່ຄາດວ່າຈັງຫວະການເຕີບໂຕຈະຊ້າລົງໃນໄຕມາດທີ 1 ຂອງປີນີ້.
ອີງຕາມຕົວເລກສະຖິຕິຂອງສະພາການຄ້າ ແລະ ການພັດທະນາອົງການສະຫະປະຊາຊາດໃຫ້ຮູ້ວ່າ, ການຄ້າທົ່ວໂລກໃນປີ 2021 ໄດ້ສ້າງສະຖິຕິສູງສຸດ ຄືບັນລຸປະມານ 2.850 ຕື້ໂດລາ, ເພີ່ມຂຶ້ນ 25% ເມື່ອທຽບກັບປີ 2020 ແລະ ເພີ່ມຂຶ້ນ 13% ເມື່ອທຽບກັບປີ 2019. ໃນໄຕມາດທີ 4 ຂອງປີກາຍນີ້, ການຄ້າທົ່ວໂລກເພີ່ມຂຶ້ນຢ່າງວ່ອງໄວ, ໃນນັ້ນ ການຄ້າສິນຄ້າທີ່ຈັບຕ້ອງໄດ້ຍັງແຂງແຮງ, ການຄ້າການບໍລິການກໍ່ສາມາດຟື້ນຟູຈົນຮອດລະດັບກ່ອນເກີດມີການແຜ່ລະບາດພະຍາດໂຄວິດ-19. ໃນໄຕມາດທີ 4, ການຄ້າລະຫວ່າງປະເທດຂອງບັນດາປະເທດພວມພັດທະນາດີກວ່າປະເທດທີ່ພັດທະນາແລ້ວ, ການຄ້າລະຫວ່າງປະເທດໃຕ້ໃຕ້ໄດ້ເພີ່ມຂຶ້ນສູງກວ່າລະດັບສະເລ່ຍຂອງທົ່ວໂລກ.
ຄຳເຫັນ
0