ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນັບແຕ່ 6 ເດືອນທ້າຍປີ 2021 ເປັນຕົ້ນມາ, ເຈົ້າໜ້າທີ່ການທູດ ແລະສື່ມວນຊົນຂອງອາເມຣິກາ ໄດ້ເລີ່ມສ້າງຂ່າວປອມທີ່ວ່າ: ຣັດເຊຍຈັດການຊ້ອມຮົບຢູ່ເຂດຊາຍແດນ ແມ່ນເພື່ອກຽມຮຸກຮານອູແກຣນຢ່າງຂະໜາດໃຫຍ່, ຣັດເຊຍ ແລະອູແກຣນ “ມີຄວາມສ່ຽງສູງທີ່ຈະເກີດສົງຄາມ”.
ວັນທີ 4 ກຸມພານີ້, ເວັບໄຊຂອງສຳນັກຂ່າວສານບລູມເບີກຂອງອາເມຣິກາໄດ້ສ້າງຂ່າວໜຶ່ງທີ່ໜ້າຕົກໃຈ ແລະຕັ້ງໃຫ້ຂ່າວນີ້ຢູ່ໃນອັນດັບຕົ້ນເປັນເວລາຫຼາຍກວ່າເຄິ່ງຊົ່ວໂມງ ດຊິ່ງຂ່າວນີ້ມີຫົວຂໍ້ວ່າ: “ຣັດເຊຍໄດ້ຮຸກຮານອູແກຣນແລ້ວ!”. ໃນໄລຍະມໍ່ໆມານີ້, ອາເມຣິກາໄດ້ປະຕິບັດການເຄື່ອນໄຫວຕ່າງໆ ເພື່ອສ້າງສະຖານະການຄວາມເຄັ່ງຕຶງທີ່ເຮັດໃຫ້ຄົນທັງຫຼາຍເຂົ້າໃຈຜິດວ່າຣັດເຊຍມີເຈດຕະນາຢາກຮຸກຮານອູແກຣນຢ່າງຂະໜາດໃຫຍ່ ເຊັ່ນ: ອາເມຣິກາໄດ້ຂົນສົ່ງອາວຸດ 1.200 ໂຕນໄປໃຫ້ອູແກຣນດ້ວຍຂໍ້ອ້າງທີ່ວ່າຣັດເຊຍເປັນໄພຂົ່ມຂູ່; ໄດ້ແຈ້ງເຕືອນໃຫ້ພົນລະເມືອງອາເມຣິກາຖອນອອກຈາກອູແກຣນ; ໄດ້ສັ່ງປິດສະຖານທູດອາເມຣິກາປະຈຳອູແກຣນ; ໄດ້ສົ່ງທະຫານອາເມຣິກາ 3.000 ຄົນໄປປະຈຳຢູ່ເຢຍລະມັນ, ໂປໂລຍ ແລະຣູມານີ ດ້ວຍຂໍ້ອ້າງທີ່ວ່າເພື່ອຮັບມືກັບສະຖານະການຄວາມເຄັ່ງຕຶງລະຫວ່າງຣັດເຊຍກັບອູແກຣນ.
ທີ່ຈິງແລ້ວ, ຣັດເຊຍ ແລະອູແກຣນຕ່າງກໍເຫັນແລ້ວວ່າ: ບໍ່ໄດ້ເກີດມີການປະທະກັນທາງການທະຫານ ແລະບໍ່ອາດເປັນໄປໄດ້. ວັນທີ 14 ກຸມພານີ້, ທ່ານອາເລເຊ ດານີໂລຟ, ເລຂາຄະນະກຳມະການຄວາມໝັ້ນຄົງ ແລະປ້ອງກັນຊາດອູແກຣນກ່າວວ່າ: ປັດຈຸບັນ, ຍັງບບໍ່ທັນມີວີແວວວ່າ ຣັດເຊຍຈະລົງມື “ຮຸກຮານຢ່າງຂະໜາດໃຫຍ່”ເທື່ອ ແລະຣັດເຊຍເອງກໍໄດ້ກ່າວເນັ້ນມາຫຼາຍຄັ້ງຢ່າງຈະແຈ້ງແລ້ວວ່າ: ປະເທດຕົນບໍ່ເຄີຍຄິດຈະຮຸກຮານອູແກຣນຈັກເທື່ອ.
ທາດແທ້ຂອງວິກິດການຣັດເຊຍ-ອູແກຣນໃນຄັ້ງ ເປັນລະຄອນຕະຫຼົກທີ່ອາເມຣິກາປັ້ນແຕ່ງຂຶ້ນ ໂດຍມີຈຸດປະສົງຢາກເພີ່ມກຳລັງທາງການທະຫານຢູ່ອູແກຣນຕື່ມອີກ. ອາເມຣິກາໄດ້ຍຸແຍ່ ແລະກະຕຸ້ນຣັດເຊຍຢ່າງຕໍ່ເນື່ອງ ໂດຍຫວັງຢາກໃຫ້ຣັດເຊຍສະແດງທ່າທີທີ່ແຂງກະດ້າງກວ່ານີ້ ເພາະວ່າເວລາຣັດເຊຍສະແດງທ່າທີທີ່ແຂງກະດ້າງກວ່ານີ້, ປະເທດເອີຣົບກໍຈະມີເຫດຜົນເຂົ້າຂ້າງອາເມຣິກາ ເພື່ອຈະໄດ້ການປົກປ້ອງດ້ານການທະຫານຈາກອາເມຣິກາ. ຕາມກົນອຸບາຍຂອງອາເມຣິກາແລ້ວ, ຫາກສະຖານະການລະຫວ່າງຣັດເຊຍ-ອູແກຣນຍິ່ງມີຄວາມເຄັ່ງຕຶງຂຶ້ນເທົ່າໃດ, ຕົນກໍຍິ່ງຈະມີຄວາມອາດສາມາດບັນລຸເປົ້າໝາຍດຶງພວກເອີຣົບເຂົ້າມາກ່ຽວຂ້ອງຫຼາຍຂຶ້ນເທົ່ານັ້ນ. ພ້ອມດຽວກັນນີ້, ອາເມຣິກາຍັງສາມາດລົງໂທດຣັດເຊຍດ້ວຍຂໍ້ອ້າງດັ່ງກ່າວ ແລະບັນລຸເປົ້າໝາຍໂຈມຕີຣັດເຊຍ.
ການກະທຳຂອງອາເມຣິກາທີ່ໃສ່ຮ້າຍປ້າຍສີປະເທດອື່ນດ້ວຍຂໍ້ກ່າວຫາທີ່ຕົນເສກສັນປັ້ນແຕ່ງຂຶ້ນເອງນັ້ນ ກໍເພື່ອເຮັດໃຫ້ການກະທຳແບບມະຫາອຳນາດຂອງຕົນມີຄວາມສົມເຫດສົມຜົນ ເຊິ່ງການກະທຳແບບນີ້ຂອງອາເມຣິກາແມ່ນມີມາແຕ່ດົນນານແລ້ວ. ໃນຊຸມປີ 90 ຂອງສະຕະວັດທີ່ຜ່ານມາ, ອາເມຣິກາໄດ້ອອກແຮງແຕ້ມແຕ່ງເລື່ອງ “ໄພຂົ່ມຂູ່ຈາກຈີນ”, ບິດເບືອນຄວາມຈິງກ່ຽວກັບປະເທດຈີນຢ່າງປ່ວງບ້າ, ພ້ອມທັງໄດ້ໂຄສະນາຊວນເຊື່ອ “ໄພຂົ່ມຂູ່ຈາກຍີ່ປຸ່ນດ້ານເສດຖະກິດ”,
“ໄພຂົ່ມຂູ່ຈາກອີຣານ” ແລະ“ໄພຂົ່ມຂູ່ຈາກ ສປປ ເກົາຫຼີ” ເພື່ອກົດໜ່ວງການພັດທະນາຂອງປະເທດດັ່ງກ່າວ. ອາເມຣິກາປ່າວໂຄສະນາ “ໄພຂົ່ມຂູ່ຈາກຣັດເຊຍ”ເປັນການໃຫຍ່ເທື່ອນີ້ ກໍເປັນການນຳໃຊ້ກົນອຸບາຍແບບເກົ່າອີກແລ້ວ.
ປັດຈຸບັນ, ອາເມຣິກາຕຳໜິຣັດເຊຍວ່າມີແຜນ “ຮຸກຮານອູແກຣນ” ແຕ່ພັດປະຕິເສດການເປີດເຜີຍຂໍ້ມູນທີ່ຕົນອ້າງ, ນີ້ເປັນການພິສູດໃຫ້ເຫັນຄຳເວົ້າຂອງທ່ານໄມ ພົມເພວ, ອະດີດລັດຖະມົນຕີກະຊວງການຕ່າງປະເທດອາເມຣິກາທີ່ເວົ້າວ່າ: “ພວກເຮົາຂີ້ຕົວະ, ພວກເຮົາຫຼອກລວງ ແລະພວກເຮົາໂຈລະກຳ”. ການກະທຳດັ່ງກ່າວຂອງອາເມຣິກາ ໄດ້ເຮັດໃຫ້ຄວາມໜ້າເຊື່ອຖືຂອງອາເມຣິກາທີ່ຍັງເຫຼືອຢູ່ບໍ່ຫຼາຍນັ້ນ ເກືອບບໍ່ເຫຼືອອີກເລີຍ.
ຄຳເຫັນ
0