ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ກຸມພານີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວຢູ່ນະຄອນຫຼວງປັກກິ່ງວ່າ: ໃນການແກ້ໄຂບັນຫາອູແກຼນຜ່ານທາງການເມືອງ ບໍ່ຄວນຖືການປ່ອຍຂ່າວລືກ່ຽວກັບສົງຄາມເປັນເກມການພະນັນ, ບໍ່ຄວນຂົ່ມຂູ່ດ້ວຍການລົງໂທດແລະຄວາມແຮງກົດດັນ, ຍິ່ງບໍ່ຄວນຖືການປຸກປັ່ນການເປັນປໍລະປັກກັນເປັນວິທີທາງ.
ວັນທີ 17 ກຸມພານີ້, ທ່ານ ອັນໂຕນີ ບລິນເກນ ລັດຖະມົນຕີກະຊວງການຕ່າງປະເທດອາເມຣິກາໄດ້ກ່າວຄຳປາໄສໃນສະພາຄວາມໝັ້ນຄົງອົງການ ສປຊ ວ່າ: ຂ່າວລັບອາເມຣິກາສະແດງໃຫ້ເຫັນວ່າ: ຣັດເຊຍໄດ້ເດີນຕາມເສັ້ນທາງສົງຄາມແລ້ວ, ມີແຜນການຈະໂຈມຕີອູແກຼນພາຍໃນບໍ່ເທົ່າໃດມື້ຂ້າງໜ້າ. ທ່ານຍັງກ່າວວ່າ: ອາເມຣິກາແບ່ງປັນຂ່າວລັບນີ້ແມ່ນເພື່ອສະກັດກັ້ນສົງຄາມ ແຕ່ບໍ່ແມ່ນກໍ່ສົງຄາມ. ທ່ານວ່າງເວີນປິ່ນໄດ້ກ່າວໃນເວລາຕອບຄຳຖາມທີ່ກ່ຽວຂ້ອງວ່າ: ອົງການຂ່າວລັບອາເມຣິກາມີຄວາມໜ້າເຊື່ອຖືຄືແນວໃດ, ບັນຫາອີຣັກ, ອູແກຼນແລະອື່ນໆໄດ້ກວດສອບແລ້ວ.
ທ່ານວ່າງເວີນປິ່ນກ່າວເນັ້ນຕື່ມອີກວ່າ: ຝ່າຍຕ່າງໆທີ່ກ່ຽວຂ້ອງຄວນຢູ່ບົນພື້ນຖານສັນຍາມິນສສະບັບໃໝ່, ຜ່ານການສົນທະນາແລະການເຈລະຈາ ເພື່ອແກ້ໄຂຄວາມເປັນຫ່ວງກ່ຽວກັບຄວາມໝັ້ນຄົງທີ່ສົມເຫດສົມຜົນຂອງຝ່າຍຕ່າງໆ ເຊິ່ງລວມທັງຣັດເຊຍຢ່າງເໝາະສົມ, ຊຸກຍູ້ໃຫ້ວິກິດການອູແກຼນແລະບັນຫາທີ່ກ່ຽວຂ້ອງໄດ້ຮັບການແກ້ໄຂຢ່າງຮອບດ້ານ.
ຄຳເຫັນ
0