ວັນ​ທີ 18 ກຸມ​ພານີ້, ພາຍຫຼັງ​ພົບ​ປະ​ກັບ​ທ່ານ ອາ​ເລັກ​ຊັນ​ເດີ ລູ​ຄາ​ເຊັນ​ໂກ ປະ​ທານ​າ​ທິ​ບໍ​ດີ​ເບ​ລາ​ຣຸດ​ຊີ, ທ່ານ ວະ​ລາ​ດີ​ເມຍ ປູ​ຕິນ ປະ​ທາ​ນາ​ທິ​ບໍ​ດີ​ຣັດ​ເຊຍ ໄດ້​ກ່າວ​ຕໍ່​ສື່ມວນ​ຊົນ​ວ່າ, ການ​ປະ​ຕິ​ບັດ​ຕາມ​ສັນ​ຍາ​ມິນ​ສ໌ ແມ່ນ​ສິ່ງ​ຮັບ​ປະ​ກັນ​ສັນ​ຕິ​ພາບ​ຂອງ​ອູ​ແກ​ຣ​ນ.

ທ່ານ ປູ​ຕິນ ກ່າວ​ວ່າ: ສະ​ພາບ​ການ​ຢູ່​ເຂດ​ພາກ​ຕາ​ເວັນ​ອອກ​ຂອງ​ອູ​ແກ​ຣນ ໄດ້​ມີ​ຄວາມ​ເຄັ່ງ​ຕຶງ​ຂຶ້ນ​ອີກ, ລັດ​ຖະ​ບານ​ອູ​ແກ​ຣນ ຄວນ​ເຈ​ລະ​ຈາ​ກັບ​ກຸ່ມ​ປະ​ກອບ​ອາ​ວຸດ​ທ້ອງ​ຖິ່ນ​ຢູ່​ພາກ​ຕາ​ເວັນ​ອອກ​ອູ​ແກ​ຣນ ແລະ ແຮ່ງ​ໄວ​ແຮ່ງ​ດີ. ທ່ານ ປູ​ຕິນ​ເຫັນ​ວ່າ, ອູ​ແກ​ຣນ​ບໍ່​ໄດ້​ປະ​ຕິ​ບັດ​ຕາມ​ມາດ​ຕາ​ທັງ​ໝົດ​ຂອງ​ສັນ​ຍາ​ມິນ​ສ໌, ໃນ​ດ້ານ​ທາດ​ແທ້​ແລ້ວ, ອູ​ແກ​ຣນ​ກຳ​ລັງ​ທຳ​ລາຍ​ສັນ​ຍາ​ດັ່ງ​ກ່າວ.

ກ່ອນ​ໜ້ານີ້, ມີ​ສື່ມວນ​ຊົນ​ລາຍ​ງານ​ວ່າ, ທ່ານ ວາ​ລະ​ດີ​ເມຍ ເຊ​ເລັນ​ສະ​ກີ ປະ​ທາ​ນາ​ທິ​ບໍ​ດີ​ອູ​ແກ​ຣນ ໄດ້​ກ່າວຫຼາຍ​ເທື່ອ​ວ່າ ຢາກ​ເຈ​ລະ​ຈາ​ກັບ​ທ່ານ ປູ​ຕິນ, ແຕ່​ພັດ​ຖືກວັງ​ແກ​ຣມ​ແລງ​ປະ​ຕິ​ເສດ. ທ່ານ ດີ​ມິ​ຕ​ຣີ ເປັ​ສ​ໂຄ​ຟ ໂຄ​ສົກ​ຂອງ​ປະ​ທາ​ນາ​ທິ​ບໍ​ດີ​ຣັດ​ເຊຍ​ກ່າວ​ວ່າ, ໄດ້​ຮັບ​ຂໍ້​ສະ​ເໜີ​ປະ​ເພດນີ້​ຂອງ​ອູ​ແກ​ຣນ​ແທ້, ແຕ່​ຣັດ​ເຊຍ​ເຫັນ​ວ່າ, ຖ້າ​ຢາກ​ແກ້​ໄຂ​ບັນ​ຫາ​ອູ​ແກ​ຣນ, ລັດ​ຖະ​ບານ​ອູ​ແກ​ຣນ​ຄວນ​ເຈ​ລະ​ຈາ​ກັບ​ກຸ່ມ​ປະ​ກອບ​ອາ​ວຸດ​ທ້ອງ​ຖິ່ນ​ຕາ​ເວັນ​ອອກ​ກ່ອນ, ຫາກ​ບໍ່​ແມ່ນ​ຣັດ​ເຊຍ.