ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຂ່າວທີ່ຈັດຂຶ້ນໃນວັນທີ 18 ກຸມພານີ້, ທ່ານ ວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ປະກອບຄຳຄິດເຫັນກ່ຽວກັບຝ່າຍຕ່າງໆທີ່ຍ້ອງຍໍງານກິລາໂອລິມປິກລະດູໜາວປັກກິ່ງ, ໂດຍກ່າວວ່າ, ຈີນຈະສືບຕໍ່ພະຍາຍາມຮ່ວມກັບບັນດາຝ່າຍ ແລະ ປະກອບສ່ວນໃໝ່ ເພື່ອຮັບປະກັນໃຫ້ງານກິລາໂອລິມປິກລະດູໜາວປັກກິ່ງສິ້ນສຸດລົງຢ່າງຈົບງາມ, ເພື່ອເປີດງານກິລາໂອລິມປິກຄົນພິການລະດູໜາວປັກກິ່ງຢ່າງສະດວກ ແລະເພື່ອຊຸກຍູ້ການພັດທະນາຂອງພາລະກິດໂອລິມປິກ ແລະ ຄວາມສາມັກຄີກ້າວໜ້າຂອງມວນມະນຸດ.
ຫຼາຍມື້ມານີ້, ຄະນະກຳມະການໂອລິມປິກສາກົນ, ຫົວໜ້າ ແລະ ນັກກິລາຂອງຄະນະນັກກິລາຫຼາຍປະເທດ ໄດ້ພາກັນຍ້ອງຍໍງານກິລາໂອລິມປິກລະດູໜາວປັກກິ່ງ ໂດຍກ່າວວ່າ, ງານກິລາໂອລິມປິກລະດູໜາວປັກກິ່ງ ໄດ້ປະສົບຜົນສຳເລັດທີ່ສຸດ. ໃນກອງປະຊຸມຂ່າວທີ່ຈັດຂຶ້ນໃນວັນທີ 18 ກຸມພານີ້, ທ່ານ ໂທມັສ ບັກສ໌ ປະທານຄະນະກຳມະການໂອລິມປິກສາກົນກ່າວວ່າ, ການແຂ່ງຂັນຂອງງານກິລາໂອລິມປິກລະດູໜາວປັກກິ່ງ ສາມາດເວົ້າໄດ້ວ່າ ໄດ້ປະສົບຜົນສຳເລັດທີ່ສຸດ, ນັກກິລາທັງຫຼາຍໄດ້ສະແດງໃຫ້ເຫັນເຖິງລະດັບການແຂ່ງຂັນທີ່ສູງຫຼາຍ ເຊິ່ງເປັນການສະແດງຈິດໃຈໂອລິມປິກຢ່າງເຕັມທີ່.
ກ່ຽວກັບເລື່ອງນີ້, ທ່ານ ວ່າງເວີນປິ່ນ ກ່າວວ່າ:
“ໂດຍຜະເຊີນໜ້າກັບສະພາບພະຍາດໂຄວິດ-19 ທີ່ຍັງຄົງແຜ່ລະບາດຢູ່, ງານກິລາໂອລິມປິກລະດູໜາວປັກກິ່ງ ໄດ້ຈັດຂຶ້ນຕາມເວລາກຳນົດ ທັງໄດ້ຈັດຂຶ້ນຢ່າງປະສົບຜົນສຳເລັດ, ເຊິ່ງເຮັດໃຫ້ຄົນຕື້ນຕັນໃຈທີ່ສຸດ. ງານກິລາໂອລິມປິກລະດູໜາວຄັ້ງນີ້ ແມ່ນງານກິລາໂອລິມປິກລະດູໜາວຄັ້ງທຳອິດທີ່ຈັດຂຶ້ນພາຍຫຼັງເພີ່ມຕື່ມຄຳສັບທີ່ວ່າ “ສາມັກຄີກວ່າເກົ່າ” ເຂົ້າໃນຄຳຂວັນໂອລິມປິກ, ນັກກິລາຂອງປະເທດຕ່າງໆໄດ້ແຂ່ງຂັນກັນ, ລື່ນກາຍຕົນເອງ, ເຮັດໃຫ້ຄຳຂວັນໂອລິມປິກທີ່ວ່າ “ໄວກວ່າເກົ່າ, ສູງກວ່າເກົ່າ, ເຂັ້ມແຂງກວ່າເກົ່າ ແລະ ສາມັກຄີກວ່າເກົ່າ” ມີຄວາມສະຫງ່າງາມຍິ່ງຂຶ້ນ.
ຄຳເຫັນ
0