ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ຫາວັນທີ 18 ກຸມພານີ້, ກອງປະຊຸມລັດຖະມົນຕີກະຊວງການເງິນຂອງກຸ່ມG20 ໄດ້ຈັດຂຶ້ນຢູ່ນະຄອນຫຼວງຈາກາຕາປະເທດອິນໂດເນເຊຍ.
ທ່ານໂຈໂກ ວິໂດໂດ ປະທານາທິບໍດີອິນໂດເນເຊຍໄດ້ປະກອບຄຳເຫັນໃນທາງອອນລາຍວ່າ, ການແຜ່ລະບາດຂອງພະຍາດໂຄວິດ-19 ຍັງບໍ່ທັນສິ້ນສຸດລົງເທື່ອ, ປັດໄຈທີ່ບໍ່ແນ່ນອນຕ່າງໆຍັງຄົງສ້າງຄວາມຫຍຸ້ງຍາກໃຫ້ກັບຫຼາຍປະເທດ, ເສດຖະກິດໂລກຍັງຟື້ນຄືນຢ່າງລຳບາກ. ພາຍໃຕ້ສະພາບການແນວນີ້, ບັນດາປະເທດມີການຕິດພັນກັນ. ປັດຈຸບັນນີ້ບໍ່ແມ່ນເວລາທີ່ແຂ່ງຂັນກັນ ແລະ ສ້າງສະພາບຄວາມເຄັ່ງຕຶງທີ່ກະທົບເຖິງຄວາມໝັ້ນຄົງຂອງໂລກ. ທ່ານໂຈໂກຮຽກຮ້ອງໃຫ້ຝ່າຍຕ່າງໆຈົ່ງຢຸດຕິການແຂ່ງຂັນກັນ ແລະ ສ້າງສະຖານະການຄວາມເຄັ່ງຕຶງ, ພະຍາຍາມສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19. ບັນດາປະເທດຕ້ອງປະສານງານ ແລະ ຮ່ວມມືກັນ, ເພື່ອຮັບມືກັບບັນຫາທີ່ບໍ່ແນ່ນອນຕ່າງໆ, ເຊັ່ນ: ໄພເງິນເຟີ້, ການຂາດແຄນສະບຽງອາຫານ, ຕ່ອງໂສ້ການສະໜອງບໍ່ມີຄວາມໝັ້ນທ່ຽງ ແລະ ອື່ນໆໃນຂອບເຂດທົ່ວໂລກ.
ທ່ານໂຈໂກກ່າວຕື່ມວ່າ, ຫວັງວ່າ ກອງປະຊຸມລັດຖະມົນຕີກະຊວງການເງິນກຸ່ມG20 ແລະກອງປະຊຸມ ຜູ້ວ່າການທະນາຄານກາງກຸ່ມG20ທີ່ຈັດຂຶ້ນໃນອາທິດນີ້ຈະສາມາດຮ່ວມກັນແກ້ໄຂບັນຫາເຫຼົ່ານີ້ໄດ້.
ຄຳເຫັນ
0