ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານກິລາໂອລິມປິກຄົນພິການລະດູໜາວປັກກິ່ງ 2022 ຈະຈັດຂຶ້ນແຕ່ວັນທີ 4 ຫາວັນທີ 13 ມີນາໜ້າ. ວັນທີ 21 ກຸມພານີ້, ຄະນະນັກກິລາຈີນສຳລັບງານກິລາໂອລິມປິກຄົພິການລະດູໜາວໄດ້ສ້າງຕັ້ງຂຶ້ນຢູ່ນະຄອນຫຼວງປັກກິ່ງ, ນີ້ແມ່ນຄະນະຜູ້ແທນນັກກິລາຄົນພິການຈີນທີ່ຈະເຂົ້າຮ່ວມງານກິລາໂອລິມປິກຄົນພິການລະດູໜາວເປັນຄັ້ງທີ 5.
ຄະນະນັກກິລາຈີນມີຈຳນວນທັງໝົດ 217 ຄົນ, ໃນນັ້ນມີນັກກິລາ 96 ຄົນ, ນັກກິລາເພດຊາຍ 68 ຄົນແລະນັກກິລາເພດຍິງ 28 ຄົນ, ນອກນັ້ນຍັງມີຄູຝຶກ, ຜູ້ປະສານງານ, ຜູ້ຊ່ວຍການແຂ່ງຂັນແລະແພດກິລາ 121 ຄົນ. ນີ້ແມ່ນຄະນະຜູ້ແທນນັກກິລາຄົນພິການລະດູໜາວຂອງຈີນທີ່ມີຂະໜາດໃຫຍ່ທີ່ສຸດແລະມີນັກກິລາຫຼາຍທີ່ສຸດນັບແຕ່ປະເທດຈີນເລີ່ມເຂົ້າຮ່ວມງານກິລາໂອລິມປິກຄົນພິການລະດູໜາວເປັນຕົ້ນມາ.
ເປົ້າໝາຍຂອງຄະນະນັກກິລາທີ່ເຂົ້າຮ່ວມການແຂ່ງຂັນກໍຄື: ສະແດງໃຫ້ເຫັນນ້ຳໃຈແລະໃບໜ້າຂອງຄົນພິການຂອງປະເທດຈີນທີ່ບຸກບືນກ້າວໜ້າຢ່າງບໍ່ທໍ້ຖອຍໃນຍຸກໃໝ່, ແລະສະແດງໃຫ້ເຫັນໝາກຜົນແຫ່ງການພັດທະນາກິລາໂອລິມປິກຄົນພິການລະດູໜາວຂອງປະເທດຈີນ, ພວກເຂົາເຈົ້າຈະພະຍາຍາມຍາດໄດ້ຫຼຽນໃຫ້ຫຼາຍເພື່ອສ້າງກຽດສັກສີໃຫ້ແກ່ປະເທດຊາດ.
ຄຳເຫັນ
0