ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ກຸມພານີ້, ທ່ານດິມີຕຣີ ເປສຄົຟ ໂຄສົກປະທານາທິບໍດີຣັດເຊຍກ່າວວ່າ, ທ່ານວະລາດິເມຍ ປູຕິນ ປະທານາທິບໍດີຣັດເຊຍໄດ້ເຂົ້າຮ່ວມຕິດຕາມເບິ່ງການຊ້ອມຮົບທາງການທະຫານທາງຍຸດທະສາດແບບນາມຂູ່, ໃນໄລຍະການຊ້ອມຮົບຍັງໄດ້ຍິງຂີປະນາວຸດນຳວິຖີ. ກະຊວງປ້ອງກັນປະເທດຣັດເຊຍແຈ້ງຂ່າວວ່າ, ທະຫານແລະອາວຸດຍຸດໂທປະກອນຂອງກອງທັບອາກາດແລະອະວະກາດ, ເຂດທະຫານພາກໃຕ້, ກອງທັບຂີປະນາວຸດຍຸດທະສາດ, ກອງກຳປັ່ນຮົບພາກເໜືອ ແລະ ກອງກຳປັ່ນຮົບທະເລດຳໄດ້ເຂົ້າຮ່ວມການຊ້ອມຮົບໃນຄັ້ງນີ້. ກົມການຂ່າວວັງແກລມແລັງໄດ້ແຈ້ງຂ່າວວ່າ, ກຳປັ່ນຮົບແລະກຳປັ່ນດຳນ້ຳຂອງກອງກຳປັ່ນຮົບພາກເໜືອ ແລະ ກອງກຳປັ່ນຮົບທະເລດຳ ພ້ອມທັງກອງທັບອາກາດແລະອະວະກາດ ລ້ວນແຕ່ໄດ້ຍິງຂີປະນາວຸດຄວາມໄວເໜືອສຽງຢ່າງສຳເລັດຜົນ.
ກະຊວງປ້ອງກັນປະເທດຣັດເຊຍແຈ້ງຂ່າວວ່າ, ການຊ້ອມຮົບຄັ້ງນີ້ມີຈຸດປະສົງກວດກາສະພາບຄວາມພ້ອມຂອງສູນບັນຊາການທະຫານ, ທະຫານຂີປະນາວຸດ ແລະ ທະຫານຮາບ, ທະຫານເຮືອ ແລະ ທະຫານອາກາດຂີປະນາວຸດຍຸດທະສາດ ພ້ອມທັງຄວາມເຊື່ອຖືໄດ້ຂອງກຳລັງນິວເຄຣຍຍຸດທະສາດ ແລະ ກຳລັງອາວຸດປະເພດທີ່ບໍ່ແມ່ນນິວເຄຣຍ.
ຄຳເຫັນ
0