ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ກຸມພານີ້, ທ່ານໂທມັສ ບັກສ, ປະທານຄະນະກຳມະການໂອລິມປິກສາກົນ ໄດ້ໃຫ້ສຳພາດຕໍ່ນັກຂ່າວສະຖານີວິທະຍຸໂທລະພາບສູນກາງຈີນ ຫຼື CMG ໂດຍໄດ້ສະແດງຄວາມຍ້ອງຍໍຊົມເຊີຍວ່າ: ປະເທດຈີນໄດ້ປະຕິບັດຕາມຄຳໝັ້ນສັນຍາຂອງຕົນ ໂດຍໄດ້ຈັດງານກິລາໂອລິມປິກລະດູໜາວທີ່ລຽບງ່າຍ, ປອດໄພ ແລະໜ້າເບິ່ງໜ້າຊົມ ໃຫ້ກັບໂລກ.
ທ່ານໂທມັສ ບັກສ ກ່າວວ່າ: ຜ່ານການຈັດງານກິລາໂອລິມປິກລະດູໜາວ 2022, ກິລາລະດູໜາວຢູ່ປະເທດຈີນຈະເກີດມີການປ່ຽນແປງຢ່າງຫຼວງຫຼາຍ ເພາະວ່າຢູ່ປະເທດຈີນມີ 300 ລ້ານຄົນໄດ້ເຂົ້າຮ່ວມກິລາຫິມະ ແລະນ້ຳກ້ອນ. ຕາມການຄາດຄະເນຂອງພວກເຮົາ, ໃນປີ 2025, ມູນຄ່າການຕະຫຼາດຂອງກິລາລະດູໜາວຢູ່ປະເທດຈີນຈະບັນລຸເຖິງ 150 ຕື້ໂດລາສະຫະລັດ. ນີ້ກໍຈະເປັນການຊຸກຍູ້ການພັດທະນາກິລາລະດູໜາວໃນທົ່ວໂລກ.
ທ່ານ ໂທມັສ ບັກສ ຍັງກ່າວຕື່ມອີກວ່າ: ຄະນະກຳມະການໂອລິມປິກສາກົນຫວັງວ່າຈະເພີ່ມທະວີການຮ່ວມມືກັບ CMG ໃນອະນາຄົດ, ສືບຕໍ່ເພີ່ມທະວີບົດບາດຂອງກິລາໂອລິມປິກ, ເຮັດໃຫ້ການຫຼິ້ນກິລາຝັງເລິກຢູ່ໃນໃຈຂອງປະຊາຊົນຈີນ.
ຄຳເຫັນ
0