ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ກໍລະນີທີ່ປະເທດແລະອົງການຈັດຕັ້ງຈຳນວນໜຶ່ງໄດ້ປະຕິບັດມາດຕະການລົງໂທດຣັດເຊຍຄັ້ງໃໝ່ໃນຫວ່າງມໍ່ໆມານີ້, ວັນທີ 23 ກຸມພານີ້, ທ່ານນາງຮວ້າຊຸນຢິງ ໂຄສົກກະຊວງການຕ່າງປະເທດຈີນກ່າວວ່າ: ແຕ່ໃດໆມາ, ການລົງໂທດບໍ່ແມ່ນຊ່ອງທາງພື້ນຖານໃນການແກ້ໄຂບັນຫາຢ່າງບັງເກີດຜົນ, ຈີນຄັດຄ້ານການລົງໂທດແຕ່ຝ່າຍດຽວທີ່ຜິດກົດໝາຍທຸກປະການຢ່າງສະເໝີຕົ້ນສະເໝີປາຍ.
ທ່ານນາງຮວ້າຊຸນຢິງກ່າວຕື່ມວ່າ: ຕະຫຼອດເວລາ 20 ປີຜ່ານມາ, ຈຳນວນການລົງໂທດຂອງອາເມຣິກາໄດ້ເພີ່ມຂຶ້ນ 10 ເທົ່າ, ປະທານາທິບໍດີຊຸດກ່ອນຂອງອາເມຣິກາໄດ້ປະຕິບັດການການລົງໂທດປະເທດອື່ນ 3.800 ລາຍການ, ເທົ່າກັບວ່າສະເລ່ຍແລ້ວ, ມື້ໜຶ່ງໄດ້ “ລົງໂທດ” 3 ລາຍການ.
ທ່ານນາງຮວ້າຊຸນຢິງກ່າວຕື່ມອີກວ່າ: ຫວັງວ່າຝ່າຍທີ່ກ່ຽວຂ້ອງຈະຄິດໃຫ້ຮອບຄອບ, ພະຍາຍາມແກ້ໄຂບັນຫາ ໂດຍຜ່ານການສົນທະນາແລະປຶກສາຫາລືກັນ. ການລົງໂທດແຕ່ຝ່າຍດຽວແບບຜິດກົດໝາຍທີ່ອາເມຣິກາແລະປະເທດຈຳນວນໜຶ່ງໄດ້ປະຕິບັດນັ້ນ ໄດ້ສ້າງຄວາມຫຍຸ້ງຍາກລຳບາກອັນໜັກໜ່ວງໃຫ້ກັບເສດຖະກິດແລະຊີວິດການເປັນຢູ່ຂອງປະຊາຊົນຂອງປະເທດທີ່ກ່ຽວຂ້ອງ. ອາເມຣິກາບໍ່ຄວນທຳລາຍສິດແລະຜົນປະໂຫຍດທີ່ຖືກຕ້ອງຕາມກົດໝາຍຂອງຈີນແລະຝ່າຍອື່ນໆທີ່ກ່ຽວຂ້ອງ ໃນການແກ້ໄຂບັນຫາອູແກຣນ ແລະ ການພົວພັນກັບຣັດເຊຍ.
ຄຳເຫັນ
0