ຕອນ​ຄ່ຳ​ວັນ​ທີ 23 ກຸມ​ພາ​ນີ້, ທ່ານ​ເຊ​ເລນ​ສະ​ກີ ປະ​ທາ​ນາ​ທິ​ບໍ​ດີ​ອູ​ແກ​ຣນ​ໄດ້​ເຊັນ​​ລັດ​ຖະດຳ​ລັດ ໂດຍ​ສັ່ງ​ໃຫ້​ປະ​ຕິ​ບັດ​ພາ​ວະ​ສຸກ​ເສີນ​ແຫ່ງ​ຊາດ​ຢູ່​ທົ່ວ​ປະ​ເທດ​ອູ​ແກ​ຣນ ​ໂດຍຍົກ​ເວັ້ນ​ລັດ​ໂດເນັ​ສ ແລະ ລັດ​ລູ​ຮັນ​ສ ​ເປັນ​ເວ​ລາ 30 ວັນ ​ເລີ່ມແຕ່​ເວ​ລາ 0 ໂມງ​ຂອງວັນ​ທີ 24 ກຸມ​ພາ​ນີ້​ເປັນ​ຕົ້ນ​ໄປ.

ອີງ​ຕາມ​ລັດ​ຖະ​ດຳ​ລັດ​ສະ​ບັບ​ນີ້, ຫ້າມ​ຈັດ​ການ​ໂຮມ​ຊຸມ​ນຸມ, ການ​ປະ​ທ້ວງ ແລະ ການ​ນັດ​ຢຸດ​​ງານ ແລະ ກິດ​ຈະ​ກຳ​ລວມ​ໝູ່​ອື່ນໆ ຢູ່​ເຂດ​ທີ່​ປະ​ຕິ​ບັດ​ພາ​ວະ​ສຸກ​ເສີນ​ແຫ່ງ​ຊາດ, ຫ້າມ​ທະ​ຫານ​ປ່ຽນ​​ທີ່​ຢູ່​ອາ​ໄສ, ປະ​ຕິ​ບັດ​ລະ​ບຽບ​ການ​ເຂົ້າ​ອອກ​ເມືອງ​ພິ​ເສດ, ຖ້າ​ມີ​ຄວາມ​ຈຳ​ເປັນ, ຈະ​​ສັ່ງ​ຫ້າມ​ສັນ​ຈອນ​ຍາມ​ຄ່ຳຄືນ, ຫ້າມ​ການ​ເຄື່ອນ​ໄຫວ​ຢ່າງ​ເສ​ລີ ແລະ ອື່ນໆ.