ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 25 ກຸມພານີ້, ທ່ານສີຈິ້ນຜິງ ປະທານປະເທດຈີນໄດ້ສົນທະນາກັບທ່ານວາລະດິເມຍ ປູຕິນ ປະທານາທິບໍດີຣັດເຊຍຜ່່ານທາງໂທລະສັບ. ສອງຝ່າຍໄດ້ແລກປ່ຽນຄວາມຄິດເຫັນກ່ຽວກັບສະຖານະການຢູ່ອູແກຼນ.
ທ່ານປູຕິນໄດ້ແນະນຳຄວາມເປັນມາຂອງບັນຫາອູແກຼນ ແລະ ໄດ້ແຈ້ງກ່ຽວກັບສະພາບການ ແລະ ຫລັກໝັ້ນຂອງຣັດເຊຍໃນການປະຕິບັດການເຄື່ອນໄຫວທາງການທະຫານພິເສດຢູ່ພາກຕາເວັນອອກອູແກຼນ, ທ່ານ ປູຕິນຍັງກ່າວວ່າ: ອາເມຣິກາ ແລະອົງການນາໂຕບໍ່ໄດ້ເອົາຫົວຊານຳຄວາມກັງວົນກ່ຽວກັບຄວາມໝັ້ນຄົງທີ່ສົມເຫດສົມຜົນຂອງຣັດເຊຍ, ໄດ້ລະເມີດຄຳໝັ້ນສັນຍາຊ້ຳແລ້ວຊ້ຳອີກ, ໄດ້ຂະຫຍາຍກຳລັງທາງການທະຫານໄປສູ່ພາກຕາເວັນອອກຢ່າງບໍ່ຢຸດຢັ້ງ ເຊິ່ງເປັນການທ້າທາຍເສັ້ນອັນຕະລາຍທາງຍຸດທະສາດຂອງຣັດເຊຍ. ແຕ່ຣັດເຊຍກໍ່ຍິນດີຈັດການເຈລະຈາລະດັບສູງກັບອູແກຼນ.
ທ່ານສີຈິ້ນຜິງ ກ່າວວ່າ: ຫວ່າງມໍ່ໆມານີ້, ສະຖານະການໃນພາກຕາເວັນອອກຂອງອູແກຼນໄດ້ປ່ຽນແປງໄປຢ່າງໄວວາ, ເຮັດໃຫ້ປະຊາຄົມໂລກໃຫ້ຄວາມສົນໃຈຢ່າງສູງ. ຈີນມີຫຼັກໝັ້ນຂອງຕົນໂດຍອີງຕາມຄວາມຖືກຜິດ ແລະຄວາມເປັນທຳ-ຄວາມອະທຳ ໃນບັນຫາອູແກຼນ. ຈີນສະໜັບສະໜູນຣັດເຊຍແລະອູແກຼນໃຫ້ແກ້ໄຂບັນຫາດ້ວຍການເຈລະຈາ. ຈີນມີຫຼັກໝັ້ນພື້ນຖານທີ່ເຄົາລົບອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຕ່າງໆ, ປະຕິບັດຕາມຈຸດປະສົງ ແລະຫຼັກການຂອງກົດບັດອົງການສະຫະປະຊາຊາດແຕ່ຕົ້ນຕະຫຼອດປາຍ. ຈີນຍິນດີຮ່ວມກັບຝ່າຍຕ່າງໆຂອງປະຊາຄົມໂລກ, ລິເລີ່ມທັດສະນະກ່ຽວກັບຄວາມໝັ້ນຄົງຮ່ວມກັນ, ກວມລວມ, ຮ່ວມມື ແລະ ແບບຍືນຍົງ, ຮັກສາລະບົບສາກົນທີ່ຖືອົງການສະຫະປະຊາຊາດເປັນແກນກາງ ແລະ ລະບຽບການສາກົນທີ່ຖືກົດໝາຍສາກົນເປັນພື້ນຖານ.
ຄຳເຫັນ
0