ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 28 ກຸມພານີ້, ທ່ານຫວາງຢີ້, ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ກ່າວຄຳປາໄສໃນພິທີລະນຶກການອອກ “ຖະແຫຼງການຊຽງໄຮ” ຄົບຮອບ 50 ປີຜ່ານທາງວີດີໂອ.
ທ່ານຫວາງຢີ້ກ່າວວ່າ, ຈີນ ແລະ ອາເມຣິກາໄດ້ຮ່ວມກັນອອກ “ຖະແຫຼງການຊຽງໄຮ” ໂດຍມີເນື້ອວໃນວ່າ, ບໍ່ວ່າຝ່າຍໃດກໍບໍ່ຄວນສະແຫວງຫາຄວາມເປັນເຈົ້າອຳນາດຢູ່ພາກພື້ນອາຊີປາຊີຟິກ. ເຊິ່ງເນື້ອໃນນີ້ຍັງຄົງມີຄວາມໝາຍສຳຄັນໃນປັດຈຸບັນນີ້. ໃນອະດີດ ປັດຈຸບັນ ແລະ ອະນາຄົດ, ຈີນຈະບໍ່ສະແຫວງຫາຄວາມເປັນເຈົ້າອຳນາດແຕ່ຢ່າງໃດ, ອາເມຣິກາກໍຄວນເຮັດແບບນີ້ເຊັ່ນກັນ. ພາກພື້ນອາຊີປາຊີຟິກແມ່ນພາກພື້ນທີ່ຈີນ ແລະ ອາເມຣິກາມີຜົນປະໂຫຍດຮ່ວມກັນທີ່ເຊື່ອມໂຍງກັນຫຼາຍທີ່ສຸດ, ທັງແມ່ນພາກພື້ນທີ່ສອງປະເທດມີການພົວພັນກັນຫຼາຍທີ່ສຸດ, ສະນັ້ນຄວນສ້າງໃຫ້ເປັນແບບຢ່າງໃນການຮ່ວມມືແບບໄວ້ເນື້ອເຊື່ອໃຈກັນລະຫວ່າງສອງປະເທດ, ແຕ່ບໍ່ຄວນກາຍເປັນສວນດອກໄມ້ສ່ວນຕົວທີ່ຝ່າຍໃດໜຶ່ງສາມາດສະແຫວງຫາຂອບເຂດອິດທິພົນຂອງຕົນ, ຍິ່ງບໍ່ຄວນເປັນສະໜາມຮົບທີ່ສອງປະເທດເປັນປໍລະປັກ ແລະ ປະທະກັນ. ອາເມຣິກາຄວນຢຸດຕິການສ້າງກຸ່ມກ້ອນຄັບແຄບທີ່ເປັນປໍລະປັກກັນ ແລະ ປັດເຂ່ຍຜູ້ອື່ນຢູ່ໃນພາກພື້ນແຫ່ງນີ້, ຄວນຮ່ວມກັນກັບປະເທດຈີນ ກໍຄືປະເທດອື່ນໆໃນພາກພື້ນແຫ່ງນີ້, ຮ່ວມກັນສ້າງວົງຄະນາຍາດໃຫຍ່ແຫ່ງອາຊີປາຊີຟິກທີ່ເປີດກວ້າງ ກວມລວມ, ເຕີບໂຕດ້ວຍການປະດິດສ້າງໃໝ່, ເຊື່ອມໂຍງເຊື່ອມຈອດກັນ, ແລະຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ.
ຄຳເຫັນ
0