ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 28 ກຸມພານີ້, ອົງການສະຖິຕິແຫ່ງຊາດຈີນໄດ້ເຜີຍແຜ່ “ບົດລາຍງານກ່ຽວກັບສະຖິຕິດ້ານການພັດທະນາເສດຖະກິດ ແລະ ສັງຄົມແຫ່ງຊາດປີ 2021”, ເຊິ່ງຕົວເລກສະແດງໃຫ້ເຫັນວ່າ, ປີ 2021, ເສດຖະກິດແຫ່ງຊາດຈີນໄດ້ຟື້ນຄືນຢ່າງຕໍ່ເນື່ອງ, ການພັດທະນາໄດ້ກ້າວຂຶ້ນສູ່ລະດັບສູງກວ່າເກົ່າ.
ປີ 2021, ຂະໜາດເສດຖະກິດຂອງຈີນມີເຖິງ 114400ຕື້ຢວນ, ເປັນກຸ່ມເສດຖະກິດໃຫຍ່ອັນດັບສອງຂອງໂລກ, GDP ສະເລ່ຍຕໍ່ຫົວຄົນໄດ້ບັນລຸເຖິງ 80976 ຢວນ (12551 ໂດລາສະຫະລັດ), ເຊິ່ງສູງກວ່າລະດັບGDPສະເລ່ຍຕໍ່ຫົວຄົນຂອງໂລກ.
ປີ 2021, ມູນຄ່າເພີ່ມຂອງອຸດສາຫະກຳທີ 1 ຫຼື ອຸດສາຫະກຳກະສິກຳຂອງຈີນໄດ້ເພີ່ມຂຶ້ນ 7,1% ເມື່ອທຽບໃສ່ປີ 2020. ອຸດສາຫະກຳການຜະລິດໄດ້ພັດທະນາໄປໃນທິດທາງທີ່ດີ, ກວມ 27,4%ຂອງGDP, ເພີ່ມຂຶ້ນ 1.1%ເມື່ອທຽບໃສ່ປີ 2020. ປະລິມານຜະລິດຕະພັນຂອງອຸດສາຫະກຳສຳຄັນຢູ່ໃນອັນດັບໜຶ່ງຂອງໂລກ. ຂະແໜງການບໍລິການໄດ້ຟື້ນຄືນເທື່ອລະກ້າວ. ປີ 2021, ມູນຄ່າເພີ່ມຂອງຂະແໜງການການບໍລິການໄດ້ເພີ່ມຂຶ້ນ 8,2% ເມື່ອທຽບໃສ່ປີ 2020.
ປີ 2021, ຍອດມູນຄ່າເສດຖະກິດຂອງຈີນມີເຖິງ 17700ຕື້ໂດລາສະຫະລັດ, ຄາດວ່າກວມຫຼາຍກວ່າ 18%ຂອງເສດຖະກິດໂລກ, ອັດຕາປະກອບສ່ວນເຂົ້າໃນການເຕີບໂຕຂອງເສດຖະກິດໂລກມີປະມານ 25%. ຍອດມູນຄ່າການຄ້າສິນຄ້າ, ຄັງສຳຮອງເງິນຕາຕ່າງປະເທດຂອງຈີນລ້ວນແຕ່ຢູ່ອັນດັບໜຶ່ງຂອງໂລກ, ການຄ້າການບໍລິການ, ການລົງທຶນຢູ່ຕ່າງປະເທດ ແລະຂະໜາດຕະຫຼາດການບໍລິໂພກຢູ່ລະດັບແຖວໜ້າຂອງໂລກຢ່າງໝັ້ນທ່ຽງ, ເຊິ່ງໄດ້ເສີມຂະຫຍາຍບົດບາດທີ່ສຳຄັນໃນການຊຸກຍູ້ໃຫ້ເສດຖະກິດໂລກຟື້ນຄືນ, ສາມາດເຮັດໃຫ້ຕ່ອງໂສ້ອຸດສາຫະກຳ ແລະ ຕ່ອງໂສ້ການສະໜອງຂອງໂລກມີຄວາມໝັ້ນທ່ຽງ.
ຄຳເຫັນ
0