ຕອນບ່າຍວັນທີ　28　ກຸມພາແລ້ວນີ້，ພິທີເກັບໄຟງານກິລາໂອລິມປິກ　ຄົນພິການລະດູໜາວປັກກິ່ງ　2022　ໄດ້ຈັດຂຶ້ນຢູ່ສະໜາມກິລາສະໂຕກ　ແມນເດີວີວປະເທດອັງກິດ．

　ທ່ານເຈິ້ງເຈີກວ່າງ　ເອກອັກຄະລັດຖະທູດຈີນປະຈຳອັງກິດກ່າວວ່າ:ໄຟ　ງານກິລາໂອລິມປິກຄົນພິການລະດູໜາວເປັນສັນຍາລັກອັນສູງສົ່ງຂອງຈິດໃຈໂອລິມປິກຄົນພິການ.ອີກ 3 ມື້,ໄຟດັ່ງກ່າວຈະຖືກໄຕ້ຂຶ້ນຢູ່ສະໜາມກິລາແຫ່ງຊາດ ຈີນເຊິ່ງເປັນຂີດໝາຍສະແດງໃຫ້ເຫັນວ່າ:ງານກິລາໂອລິມປິກຄົນພິການລະດູ ໜາວປັກກິ່ງ 2022 ຈະເປີດສາກຂຶ້ນຢ່າງເປັນທາງການ. ລັດຖະບານຈີນໄດ້ ຍຶດໝັ້ນການຖືເອົາສຸຂະພາບແລະຄວາມປອດໄພຂອງຝ່າຍຕ່າງໆທີ່ເຂົ້າຮ່ວມການແຂ່ງຂັນເປັນສິ່ງສຳຄັນອັນດັບໜຶ່ງມາໂດຍຕະຫຼອດ，ແລະຈະສ້າງສະພາບແວດ ລ້ອມການແຂ່ງຂັນທີ່ດີງາມໃຫ້ແກ່ນັກກິລາປະເທດຕ່າງໆຢ່າງສຸດໃຈ，ຈະຈັດງານ ມະຫາກຳກິລາໂອລິມປິກຄົນພິການທີ່ງ່າຍດາຍ ປອດໄພແລະໜ້າເບິ່ງໜ້າຊົມ ໃຫ້ກັບໂລກ．

　　ການສ່ົງຕໍ່ທວນໄຟງານກິລາໂອລິມປິກຄົນພິການລະດູໜາວປັກກິ່ງຈະຈັດ ຂຶ້ນຢູ່　3　ເຂດການແຂ່ງຂັນຄື：ປັກກິ່ງ　ຢຽນຊິ້ງແລະຈ່າງເຈ່ຍໂຂແຕ່ວັນທີ　2　ຫາວັນທີ　4　ມີນາປີ　2022．ໃນນັກແລ່ນຕໍ່ທວນໄຟນັ້ນບໍ່ພຽງແຕ່ມີ ນັກກິລາຄົນພິການທີ່ດີເດັ່ນ ຄູຝຶກພ້ອມດ້ວຍຜູ້ຕາງໜ້າຄົນພິການທີ່ີດີເດັ່ນຈາກ ຂະແໜງການຕ່າງໆເທົ່ານັ້ນ,ຍັງມີບຸກຄົນວົງການຕ່າງໆຈຳນວນຫຼາຍທີ່ມີຄວາມ　ກະຕືລືລົ້ນຊ່ວຍເຫຼືອວຽກງານຄົນພິການ，ສົ່ງເສີມຈິດໃຈກິລາໂອລິມປິກຄົນພິການ　ແລະປະກອບສ່ວນກຳລັງວັງຊາເຂົ້າໃນການບັນລຸເປົ້າໝາຍຕາມວິໄສທັດການຈັດງານກິລາໂອລິມປິກຄົນພິການລະດູໜາວປັກກິ່ງ.