ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ມີນານີ້, ທ່ານນາງມາເຣຍ ຊາຄາໂຣວາ ໂຄສົກກະຊວງການຕ່າງປະເທດຣັດເຊຍໄດ້ມີຄວາມເຫັນກ່ຽວກັບອາເມຣິກາຂັບໄລ່ເຈົ້າໜ້າທີ່ການທູດຂອງຄະນະຜູ້ແທນຖາວອນຣັດເຊຍປະຈຳອົງການ ສປຊ. ທ່ານນາງຊາຄາໂຣວາກ່າວວ່າ: ການຂັບໄລ່ເຈົ້າໜ້າທີ່ຂອງຄະນະຜູ້ແທນຖາວອນຣັດເຊຍປະຈຳອົງການ ສປຊ 12 ທ່ານເປັນການກະທຳທີ່ຊົ່ວຮ້າຍຂອງອາເມຣິກາທີ່ມີເຈດຕະນາຢາກເຮັດໃຫ້ການພົວພັນລະຫວ່າງຣັດເຊຍ-ອາເມຣິກາເຄັ່ງຕຶງຂຶ້ນຕື່ມອີກ, ໄດ້ຝ່າຝືນພັນທະທີ່ຄວນແບກຫາບຂອງອາເມຣິກາໃນສັນຍາກ່ຽວກັບປະເທດເຈົ້າພາບ.
ທ່ານນາງມາເຣຍ ຊາຄາໂຣວາກ່າວວ່າ: ລັດຖະບານອາເມຣິກາບໍ່ພຽງແຕ່ໄດ້ສືບຕໍ່ທຳລາຍພື້ນຖານການພົວພັນລະຫວ່າງປະເທດຢ່າງເຖິງຖອງເທົ່ານັ້ນ, ຍັງໄດ້ທຳລາຍບົດບາດແກນກາງຂອງອົງການ ສປຊ ເຊິ່ງມີຈຸດປະສົງເພື່ອເພີ່ມແຮງກົດດັນໃຫ້ແກ່ຣັດເຊຍ, ນາບຂູ່ຣັດເຊຍເພື່ອຫວັງຫາຜົນປະໂຫຍດທາງການເມືອງ ເພື່ອບັ່ນທອນຫຼັກໝັ້ນຂອງຣັດເຊຍ, ຕັດໂອກາດການເຮັດວຽກຢ່າງເຕັມສ່ວນຂອງຣັດເຊຍໃນເວທີອົງການ ສປຊ.
ຣັດເຊຍຂໍເຕືອນເລຂາທິການໃຫຍ່ອົງການ ສປຊ ອີກຄັ້ງໜຶ່ງວ່າ: ຄວນເລີ່ມຂັ້ນຕອນໄກ່ເກ່ຍຢ່າງເປັນທາງການໃນທັນທີ ໂດຍປິ່ນອ້ອມການກະທຳຂອງອົງການ ສປຊ ແລະອາເມຣິກາທີ່ໄດ້ລະເມີດ “ສັນຍາວຽນ ແລະ ຂໍ້ຕົກລົງວ່າດ້ວຍສຳນັກງານໃຫຍ່ລະຫວ່າງ ສປຊ-ອາເມຣິກາ” ຢ່າງໜັກໜ່ວງ. ຣັດເຊຍສະເໜີໃຫ້ເຈົ້າໜ້າທີ່ທີ່ກ່ຽວຂ້ອງຂອງອາເມຣິກາພິຈາລະນາເຖິງຜົນຮ້າຍຈະຕາມມາທີ່ເຂົາເຈົ້າປະຕິບັດແນວທາງໃນລັກສະນະທຳລາຍ.
ຄຳເຫັນ
0