ວັນທີ 1 ມີນານີ້,ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ ແນະນຳໃນກອງປະຊຸມຖະແຫຼງຂ່າວວ່າ:ວັນທີ 28 ກຸມພາແລ້ວນີ້,ທ່ານຫວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມ ກອງປະຊຸມລະດັບສູງຂອງສະພາສິດທິມະນຸດອົງການສະຫະປະຊາຊາດຄັ້ງທີ 49 ດ້ວຍຮູບແບບວີດີໂອຈາກປັກກິ່ງ,ພ້ອມທັງໄດ້ກ່າວຄຳປາໄສໃນຫົວຂໍ້ ＂ຍຶດ ໝັ້ນຄວາມຍຸຕິທຳແລະຄວາມເປັນທຳເພື່ອຊຸກຍູ້ວຽກງານສິດທິມະນຸດທົ່ວໂລກໃຫ້ມີການ ພັດທະນາຢ່າງປອດໃສ＂.

  ໃນກອງປະຊຸມ,ທ່ານຫວາງຢີ້ໄດ້ສະເໜີຈຸດຢືນ 4 ຂໍ້ຂອງຝ່າຍຈີນເພື່ອຊຸກຍູ້ ແລະປົກປ້ອງສິດທິມະນຸດນັ້ນກໍ່ຄື:ໜຶ່ງ,ຈີນຈະເປັນຜູ້ປົກປ້ອງສິດທິມະນຸດດ້ວຍ ການກະທຳຕົວຈິງ.ການພັດທະນາວຽກງານສິດທິມະນຸດຕ້ອງເລີ່ມຕົ້ນຈາກສະ ພາບແຫ່ງຊາດແລະຄວາມຕ້ອງການຂອງປະຊາຊົນພາຍໃນປະເທດຕົນ,ປະສານງານແລະເພີ່ມສິດດ້ານເສດຖະກິດ ການເມືອງ ສັງຄົມ ວັດທະນະທຳແລະສິ່ງ ແວດລ້ອມໃຫ້ກັລປະຊາຊົນທຸກຖວ້ນໜ້າ，ຊຸກຍູ້ແລະໃຫ້ບັນລຸເປົ້າໝາຍການພັດທະນາຢ່າງຮອບດ້ານຂອງຄົນ．ສອງ,ຈະ ເປັນຜູ້ປົກປ້ອງຜົນປະໂຫຍດຂອງປະຊາຊົນຢ່າງຊື່ສັດ．ການເຮັດໃຫ້ປະຊາຊົນ້ດຳລົງຊີວິດຢ່າງມີຄວາມສຸກແມ່ນສິດທິມະນຸດທີ່ໃຫຍ່ທີ່ສຸດ．ສາມ,ຈະເປັນຜູ້ປະກອບ ສ່ວນທີ່ຕັ້ງໜ້າໃນການຮ່ວມກັນພັດທະນາ．ຖ້າບໍ່ມີການພັດທະນາ，ສິດທິມະນຸດ ທຸກຢ່າງກໍ່ບໍ່ຕ້ອງເວົ້າເຖິງ，ແລະກໍ່ຍາກທີ່ຈະສືບຕໍ່ໄປໄດ້．ສີ່,ຈະເປັນຜູ້ປົກປ້ອງ ຄວາມຍຸຕິທຳແລະຄວາມເປັນທຳຢ່າງເດັດດ່ຽວໜຽວແໜ້ນ．ການຕີລາຄາປະ　ເທດໃດໜຶ່ງວ່າມີສິດທິມະນຸດຫຼືບໍ່，ຈະບໍ່ສາມາດຊັ່ງຊາດ້ວຍມາດຕະຖານຂອງປະ　ເທດອື່ນ，ຍິ່ງບໍ່ສາມາດໃຊ້ສອງມາດຕະຖານ，ຈົນເຖິງຂັ້ນທີ່ຖືເອົາສິດທິມະນຸດເປັນ　ເຄື່ອງມືດ້ານການເມືອງເພື່ອແຊກແຊງວຽກງານພາຍໃນຂອງປະເທດອື່ນ．

　　ທ່ານວ່າງເວີນປິ່ນກ່າວວາ：ເມື່ອຈ້ອງເບິ່ງອະນາຄົດ，ປະເທດຈີນຈະເດັດ　ດ່ຽວເດີນໄປຕາມເສັ້ນທາງການພັດທະນາວຽກງານສິດທິມະນຸດທີ່ສອດຄ່ອງກັບ ທ່າອ່ຽງການພັດທະນາຂອງຍຸກສະໄໝແລະສອດຄ່ອງກັບສະພາບແຫ່ງຊາດຂອງປະເທດຕົນ.ປະເທດຈີນຈະສືບຕໍ່ເຂົ້າຮ່ວມວຽກງານສິດທິມະນຸດຂອງອົງການສະ ຫະປະຊາຊາດຢ່າງຕັ້ງໜ້າ,ສົ່ງສຽງຂອງປະເທດຈີນ,ປະກອບສ່ວນຂອງຈີນ,ແລະຮ່ວມກັນກັບບັນດາປະເທດ ເພື່ອຊຸກຍູ້ວຽກງານສິດທິມະນຸດທົ່ວໂລກໃຫ້ມີການພັດທະນາຢ່າງປອດໃສ.