ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສອງສະພາ ຄືສະພາປະຊາຊົນແຫ່ງຊາດຈີນແລະສະພາປຶກສາການເມືອງປະຊາຊົນແຫ່ງຊາດຈີນ ໃກ້ຈະໄຂຂຶ້ນໃນໄວໆນີ້, ສື່ຕ່າງປະເທດໄດ້ໃຫ້ຄວາມສົນໃຈຫຼາຍຂຶ້ນ. ກອງປະຊຸມສອງສະພາປີນີ້ຈະມີຜົນດີຕໍ່ການພັດທະນາເສດຖະກິດຂອງຈີນແນວໃດ, ຈະມີນະໂຍບາຍກ່ຽວກັບເສດຖະກິດແບບໃດ, ນີ້ຄືບັນຫາທີ່ສື່ຮົງກົງ, ມາກາວ, ໄຕ້ຫວັນ ກໍຄືສື່ຕ່າງປະເທດໃຫ້ຄວາມສົນໃຈຫຼາຍທີ່ສຸດ.
ເວັບໄຊໜັງສືພິມ South China morning post ຂອງຮົງກົງຈີນໄດ້ພິມບົດຄວາມໃນຫວ່າງມໍ່ໆມານີ້ວ່າ: ສະຖາບັນການຕະຫຼາດຫຼາຍແຫ່ງເຫັນວ່າ: ກອງປະຊຸມສອງສະພາທີ່ຈະໄຂຂຶ້ນໃນໄວໆນີ້ ຈະຖືເອົາການຮັກສາການເຕີບໂຕເປັນຫົວຂໍ້ສຳຄັນທີ່ສຸດ. ຈີນອາດຈະວາງນະໂຍບາຍເສດຖະກິດທີ່ຜ່ອນຄາຍເພື່ອເພີ່ມຄວາມໝັ້ນໃຈໃຫ້ກັບຕະຫຼາດໃນດ້ານການຮັກສາການເຕີບໂຕ, ຕະຫຼາດຫຸ້ນຂອງຈີນຈະມີຄວາມເຂັ້ມແຂງກວ່າເກົ່າ.
ຂ່າວສານຣອຍເຕີກໍໄດ້ພິມບົດຄວາມເມື່ອມໍ່ໆມານີ້ໂດຍເຫັນວ່າ: ໃນໄລຍະຈັດກອງປະຊຸມສອງສະພາ ຈີນຈະວາງນະໂຍບາຍຫຼາຍກວ່າເກົ່າເພື່ອຊຸກຍູ້ການເຕີບໂຕດ້ານເສດຖະກິດ. ບົດຄວາມຍັງເຫັນວ່າ: ກອງປະຊຸມສອງສະພາປີນີ້ອາດຈະສະເໜີໃຫ້ເພີ່ມລາຍຈ່າຍງົບປະມານ, ເພີ່ມທະວີການຫຼຸດພາສີອາກອນແລະຄ່າທຳນຽມ ແລະຍັງຈະໃຊ້ມາດຕະການທີ່ມີປະສິດທິຜົນຫຼາຍກວ່າເກົ່າເພື່ອກະຕຸ້ນການລົງທຶນແລະການບໍລິໂພກຕື່ມອີກ.
ຄຳເຫັນ
0