ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນໄລຍະການພົວພັນລະຫວ່າງຣັດເຊຍແລະອູແກຼນພວມເຄັ່ງຕຶງຂຶ້ນນີ້, ວິສາຫະກິດເຕັກນິກອິນເຕີເນັດຫຼາຍແຫ່ງຂອງອາເມຣິກາໄດ້ຈຳກັດບໍ່ໃຫ້ສື່ມວນຊົນທາງການຣັດເຊຍລາຍງານຂ່າວຜ່ານທາງສື່ສັງຄົມອອນລາຍຕົ້ນຕໍຕ່າງໆ.
ຫຼັງຈາກຣັດເຊຍດຳເນີນການເຄື່ອນໄຫວພິເສດທາງການທະຫານຕໍ່ກັບອູແກຼນໃນວັນທີ 24 ກຸມພາແລ້ວນີ້, ປະເທດຕາເວັນຕົກໄດ້ປະກາດໃຊ້ມາດຕະການລົງໂທດຣັດເຊຍໃນດ້ານຕ່າງໆ.
ວັນທີ 27 ກຸມພາຜ່ານມານີ້, ທ່ານນາງອູຣົຊູລາ ວອນເດີເລອັນ ປະທານຄະນະກຳມາທິການສະຫະພາບເອີຣົບກ່າວວ່າ: ສະຫະພາບເອີຣົບໄດ້ຕົກລົງເປີດກວ້າງຂົງເຂດການລົງໂທດຣັດເຊຍ ເຊິ່ງລວມທັງການໃຊ້ມາດຕະການຄວບຄຸມ, ການຫ້າມບໍ່ໃຫ້ຜະລິດຕະພັນຂ່າວຂອງໂທລະພາບ RT (Russia Today) ແລະ ຂ່າວສານສະປຸດຍິກ (Sputnik) ເຜີຍແຜ່ຢູ່ໃນສະຫະພາບເອີຣົບ.
ວັນທີ 1 ມີນານີ້, ກະຊວງການຕ່າງປະເທດຣັດເຊຍກ່າວວ່າ: ວິສາຫະກິດເຕັກນິກອິນເຕີເນັດປະເທດຕາເວັນຕົກຄວນຮັບຜິດຊອບຕໍ່ການສ້າງສະຖານະການຂອງສົງຄາມ. ອົງການຕິດຕາມກວດກາການສື່ສານ, ເຕັກນິກຂໍ້ມູນຂ່າວສານແລະສື່ມວນຊົນມະຫາຊົນຣັດເຊຍໄດ້ຮຽກຮ້ອງໃຫ້ວິສາຫະກິດອິນເຕີເນັດຕ່າງປະເທດຈົ່ງຢຸດຕິການຈຳແນກສື່ມວນຊົນຣັດເຊຍ.
ຄຳເຫັນ
0