ວັນທີ　2　ມີນານີ້，ທ່ານວ່າງເວີນປິ່ນ　ໂຄສົກກະຊວງການຕ່າງປະເທດ　ຈີນໄດ້ກ່າວວ່າ：ປີ　2021，ເຖິງວ່າໄດ້ຮັບຄວາມກົດດັນແລະສິ່ງທ້າທາຍຈາກ　ສະພາບແວດລ້ອມດ້ານເສດຖະກິດທັງພາຍໃນແລະຕ່າງປະເທດທີ່ເກີດມີການ　ປ່ຽນແປງ，ແຕ່ເສດຖະກິດຂອງຈີນຍັງຄົງຮັກສາທ່ວງທ່າການພັດທະນາໄດ້ດີ　ສົມຄວນ，ມີຜົນສຳເລັດທີ່ປະຈັກຕາ，ແລະມີຈຸດເດັ່ນຫຼາຍດ້ານ．

ຫວ່າງມໍ່ໆມານີ້，ອົງການສາກົນຫຼາຍແຫ່ງໄດ້ປັບຫຼຸດການຄາດຄະເນ　ຈັງຫວະການເຕີບໂຕຂອງເສດຖະກິດໂລກໃນປີນີ້．ໃນຂະນະດຽວກັນ，ອົງການ　ສະຖິຕິແຫ່ງຊາດກໍ່ໄດ້ເຜີຍແຜ່ບົດລາຍງານກ່ຽວກັບສະຖິຕິການພັດທະນາເສດຖະກິດແລະສັງຄົມແຫ່ງຊາດປະຈຳປີ　2021 ເຊິ່ງສະແດງໃຫ້ເຫັນວ່າ：ລວມຍອດ ຜະລິດຕະພັນພາຍໃນປະເທດຫຼື　GDP ຂອງຈີນໃນປີກາຍນີ້ ໄດ້ເພີ່ມຂຶ້ນ8，1％ເມື່ອທຽບໃສ່ປີກ່ອນ．ສະນັ້ນ,ຫາງສຽງໂດຍທົ່ວໄປຈິ່ງເຫັນວ່າ：ຈີນຍັງຄົງ ແມ່ນຫົວຈັກຂັບເຄື່ອນການເຕີບໂຕຂອງເສດຖະກິດໂລກ．

ຕໍ່ກັບເລື່ອງນີ້，ທ່ານວ່າງເວີິນປ່ິນໄດ້ກ່າວວ່າ：

＂ເລື່ອງຈິງແລະຂໍ້ມູນໄດ້ສ່ອງແສງໃຫ້ເຫັນວ່າ,ເສດຖະກິດຂອງຈີນມີ ການ ພັດທະນາຢ່າງໜັກແໜ້ນ,ມີກຳລັງບົ່ມຊ້ອນຢ່າງພຽງພໍແລະມີທ່ວງທ່າທີ່ດີໃນໄລ ຍະຍາວເຊິ່ງພື້ນຖານເຫຼົ້ານີ້ບໍ່ໄດ້ມີການປ່ຽນແປງ,ທ່ວງທ່າທີ່ເສດຖະກິດຈີນໄດ້ມີ ການຟື້ນຟູຢ່າງໜັກແໜ້ນນັ້ນກໍ່ບໍ່ມີການປ່ຽນແປງ.ປະຊາຄົມໂລກໄດ້ເບິ່ງໄປໃນແງ່ດີໂດຍທົ່ວໄປຕໍ່ພາບອະນາຄົດທີ່ເສດຖະກິດຈີນຈະສືບຕໍ່ພັດທະນາຢ່າງໜັກແໜ້ນ.ພວກເຮົາຍິນດີສືບຕໍ່ຮ່ວມມືກັບຝ່າຍຕ່າງໆ,ແບ່ງປັນໂອກາດການພັດທະນາໃຫ້ກັບໂລກ,ເພື່ອເພີ່ມພະລັງແຮງໃຫ້ເສດຖະກິດຂອງໂລກຟື້ນຄືນຢ່າງຕໍ່ເນື່ອງ,ຮ່ວມກັນສືບຕໍ່ຂຽນ ‘ປະຫວັດສາດໜ້າໃໝ່ຂອງຜົນ ສຳເລັດ’ກ່ຽວກັບການເຕີບໂຕດ້ານ ເສດຖະກິດແລະການພັດທະນາແບບຍືນຍົງ.＂