ວັນທີ　2　ມີນານີ້，ສະພາບັນດິດວິທະຍາສາດຈີນໄດ້ເຜີຍແຜ່ “ແຜນ　ດຳເນີນງານດ້ານຍຸດທະສາດເພື່ອສະໜັບສະໜູນການປ່ອຍກາກບອນໃຫ້ເຖິງລະ　ດັບສູງສຸດແລະການປອດການປ່ອຍກາກບອນ”ຢ່າງເປັນທາງການໂດຍໄດ້ແນະ ນຳການຈັດຕັ້ງປະຕິບັດ　8　ໂຄງການໃຫຍ່ແລະ　18 ແຜນງານຈຸດສູມ　ໃນການປະຕິບັດຕົວຈິງເພື່ອຕອບສະໜອງຕາມຄວາມຕ້ອງການດ້ານວິທະຍາ ສາດເຕັກໂນໂລຊີທີ່ສຳຄັນຂອງຍຸດທະສາດດ້ານການປ່ອຍກາກບອນໃຫ້ເຖິງລະ ດັບສູງສຸດແລະການປອດການປ່ອຍກາກບອນໄດ້ກຳນົດວ່າ:ເມື່ອຮອດປີ2030，ເຕັກນິກສຳຄັນເພື່ອສະໜັບສະໜູນການປ່ອຍກາກບອນໃຫ້ເຖິງລະດັບສູງສຸດຕ້ອງບັນລຸຄວາມກ້າວໜ້າລະດັບສາກົນ．

ຈີນໄດ້ຕັ້ງເປົ້າໝາຍວ່າ：ເມື່ອຮອດປີ2030ຕ້ອງບັລຸການປ່ອຍກາກບອນ ໃຫ້ເຖິງລະດັບສູງສຸດ;ຮອດປີ2060ຕ້ອງບັນລຸການປອດການປ່ອຍກາກບອນ，ນີ້ໝາຍຄວາມວ່າ：ປະເທດຈີນຈະຫຼຸດການປ່ອຍກາກບອນຈຳນວນຫຼວງຫຼາຍທີ່ ສຸດໃນໂລກໃຫ້ສຳເລັດ,ໂດຍນຳໃຊ້ເວລາທີ່ສັ້ນທີ່ສຸດໃນປະຫວັດສາດຂອງໂລກ ເພື່ອບັນລຸເປົ້າໝາຍຈາກການປ່ອຍກາກບອນໃຫ້ເຖິງລະດັບສູງສຸດຮອດການ ປອດການປ່ອຍກາກບອນ．ໃນຂະບວນການດັ່ງກ່າວ，ກຳລັງປະດິດສ້າງໃໝ່ ດ້ານວິທະຍາສາດເຕັກໂນໂລຊີແມ່ນສິ່ງທີ່ຂາດບໍ່ໄດ້．＂ແຜນດຳເນີນງານ＂ທີ່ສະພາບັນດິດວິທະຍາສາດຈີນເຜີຍແຜ່ໃນວັນທີ　2　ມີນານີ້ໄດ້ກຳນົດການ ຈັດຕັ້ງປະຕິບັດ　8　ໂຄງການໃຫຍ່ເຊັ່ນ:ການຄົ້ນຄວ້າຍຸດທະສາດດ້ານວິທະ ຍາສາດເຕັກໂນໂລຊີ　ການປະດິດສ້າງຂ້າມຂະແໜງການວິທະຍາສາດແຖບ ໜ້າພື້ນຖານ　ການບຸກທະລຸດ້ານເຕັກໂນໂລຊີແກນກາງທີ່ສຳຄັນ　ການສະໜັບ　ສະໜູນການບຳລຸງສ້າງຜູ້ມີຄວາມຮູ້ຄວາມສາມາດ　ການສະໜັບສະໜູນການ　ຮ່ວມມືສາກົນແລະອື່ນໆຢ່າງເປັນລະບົບ，ໄດ້ກຳນົດເປົ້າໝາຍການພັດທະນາທີ່　ຕ່າງກັນໃນແຕ່ລະໄລຍະເຊັ່ນ:ໄລຍະໃກ້　ໄລຍະກາງແລະໄລຍະຍາວໂດຍມີ ວິທະຍາສາດເຕັກໂນໂລຊີເປັນໂຕຊ່ວຍໃຫ້ບັນລຸເປົ້າໝາຍການປ່ອຍກາກບອນໃຫ້ເຖິງລະດັບສູງສຸດແລະການປອດການປ່ອຍກາກບອນ．