ວັນທີ 3 ມີນານີ້,ທ່ານຈຽງຕ່ວນ ຄະນະຜູ້ແທນຖາວອນຂອງຈີນປະຈຳອົງການສະຫະປະຊາຊາດທີ່ນະຄອນເຊີແນວໄດ້ປະກອບຄຳເຫັນໃນການອະພິປາຍໃນ　ກອງປະຊຸມລະດັບສູງຂອງສະພາສິດທິມະນຸດອົງການສະຫະປະຊາຊາດຄັ້ງທີ 49,ໂດຍທ່ານໄດ້ກ່າວຕອບໂຕ້ການຕຳໜິທີ່ບໍ່ມີເຫດຜົນ ຂອງອາເມຣິກາ ອັງກິດ ອົສຕຣາລີແລະປະເທດອື່ນໆແລະທວງໃຫ້ປະເທດເຫຼົ່ານີ້ຈົ່ງຢຸດຕິການນຳໃຊ້ບັນ　ຫາສິດທິມະນຸດເປັນເຄື່ອງມືທາງການເມືອງເພື່ອແຊກແຊງວຽກງານພາຍໃນ ຂອງປະເທດອື່ນ,ຢຸດຕິການລະເມີດສິດທິມະນຸດຂອງປະຊາຊົນປະເທດອື່ນ.

  ທ່ານຈຽງຕ່ວນກ່າວວ່າ:ນັບຕັ້ງແຕ່ມື້ສ້າງຕັ້ງພັກຄອມມຸນິດຈີນຂຶ້ນເປັນຕົ້ນມາ,　ພັກກໍ່ໄດ້ເຕົ້າໂຮມຄວາມສາມັກຄີນຳພາປະຊາຊົນຈີນສູ້ຊົນຢ່າງບໍ່ລົດລະເພື່ອຍາດເອົາສິດທິມະນຸດ ເຄົາລົບສິດທິມະນຸດ ປົກປ້ອງສິດທິມະນຸດແລະພັດທະນາ　ສິດທິມະນຸດ.ຈີນໄດ້ຍຶດໝັ້ນການຖືເອົາປະຊາຊົນເປັນໃຈກາງມາໂດຍຕະຫຼອດ,　ຊຸກຍູ້ການປົກຄອງປະເທດແລະການພັດທະນາທີ່ສ້າງຜົນປະໂຫຍດໃຫ້ຫຼາຍກວ່າ　ເກົ່າ ຍຸຕິທຳກວ່າເກົ່າໃຫ້ກັບປະຊາຊົນ,ບໍ່ໃຫ້ຜູ້ໃດຕົກຂະບວນ.　ຈີນໄດ້ປະສົບ　ຜົນສຳເລັດເປັນຄັ້ງປະຫວັດສາດໃນດ້ານວຽກງານສິດທິມະນຸດທີ່ປະຈັກຕາຊາວໂລກ.

  ທ່ານຈຽງຕ່ວນໄດ້ຊີ້ໃຫ້ເຫັນວ່າ:ສະພາບສິດທິມະນຸດຂອງປະເທດທີ່ຕຳໜິຈີນ　ໄດ້ຊຸດໂຊມລົງຢ່າງຕໍ່ເນື່ອງ,ແຕ່ປານນັ້ນຍັງປັ້ນແຕ່ງແລະປ່າວປະກາດຄຳຂີ້ຕົວະ　ອີກແລ້ວອີກຕື່ມ,ເພື່ອໃສ່ຮ້າຍປ້າຍສີປະເທດຈີນ,ມີເຈດຕະນາທຳລາຍຄວາມໝັ້ນຄົງຂອງຈີນແລະສະກັດກັ້ນການພັດທະນາຂອງຈີນ,ສິ່ງນີ້ໄດ້ເປັນການຢັ້ງຢືນໃຫ້　ເຫັນອີກເທື່ອໜຶ່ງວ່າ： ສິດທິມະນຸດເປັນພຽງແຕ່ເຄື່ອງມືຂອງເຂົາເຈົ້າເພື່ອໂຈມຕີ　ປະເທດອື່ນທາງການເມືອງເທົ່ານັ້ນ.ຈີນທວງໃຫ້ປະເທດເຫຼົ່ານີ້ຈົ່ງດັດແກ້ຄວາມ　ຜິດພາດຂອງຕົນ,ຢຸດຕິການນຳໃຊ້ບັນຫາສິດທິມະນຸດເປັນເຄື່ອງມືທາງການເມືອງເພື່ອແຊກແຊງວຽກງານພາຍໃນຂອງປະເທດອື່ນ,ຢຸດຕິການລະເມີດສິດທິມະນຸດຂອງປະຊາຊົນປະເທດອື່ນ.