ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 5 ມີນານີ້, ກອງປະຊຸມຄັ້ງທີ 5 ຂອງສະພາປະຊາຊົນແຫ່ງຊາດຈີນຊຸດທີ 13 ໄດ້ໄຂຂຶ້ນຢູ່ນະຄອນຫຼວງປັກກິ່ງ. ໃນເວລາຜ່ານບົດລາຍງານວຽກງານຂອງລັດຖະບານຈີນຕໍ່ກອງປະຊຸມ, ທ່ານຫຼີ້ເຄີ້ສຽງ ນາຍົກລັດຖະມົນຕີຈີນໄດ້ສະເໜີເປົ້າໝາຍຕົ້ນຕໍໃນການພັດທະນາຂອງຈີນໃນປີນີ້, ໃນນັ້ນ, ລວມຍອດຜະລິດຕະພັນພາຍໃນຫຼື GDP ຂອງຈີນຈະໃຫ້ເຕີບໂຕປະມານ 5,5%.
ທ່ານຫຼີ້ເຄີ້ສຽງ ກ່າວວ່າ: ການຕັ້ງເປົ້າໝາຍການເຕີບໂຕດ້ານເສດຖະກິດດັ່ງກ່າວ, ຕົ້ນຕໍແມ່ນໄດ້ພິຈາລະນາເຖິງຄວາມຕ້ອງການໃນການຮັບປະກັນການມີວຽກເຮັດງານທຳ, ການຮັບປະກັນຊີວິດການເປັນຢູ່ຂອງປະຊາຊົນຂັ້ນພື້ນຖານແລະການປ້ອງກັນບໍ່ໃຫ້ເກີດຄວາມສ່ຽງ. ພ້ອມກັນນັ້ນກໍ່ໄດ້ພິຈາລະນາໃນການເຊື່ອມສານຈັງຫວະຄວາມໄວຂອງການເຕີບໂຕສະເລ່ຍໃນສອງປີຜ່ານມາແລະເປົ້າໝາຍເຕີບໂຕຂອງ “ແຜນພັດທະນາເສດຖະກິດສົງຄົມແຫ່ງຊາດ 5 ປີຄັ້ງທີ 14”. ທ່ານຫຼີ້ເຄີ້ສຽງໄດ້ເປີດເຜີຍຢ່າງກົງໄປກົງມາວ່າ: ນີ້ແມ່ນຈັງຫວະການເຕີບໂຕທີ່ມີຄວາມໄວສູງປານກາງບົນພື້ນຖານຕົວເລກຈັງຫວະການເຕີບໂຕໃນລະດັບສູງຂອງປີຜ່ານມາ, ເຊິ່ງໄດ້ສະແດງໃຫ້ເຫັນເຖິງຄວາມພະຍາຍາມຂອງລັດຖະບານຈີນຢ່າງເປັນເຈົ້າການ, ເພື່ອຢາກບັນລຸເປົ້າໝາຍດັ່ງກ່າວຕ້ອງສຸມຄວາມພະຍາຍາມທີ່ລະບາກ.
ອີງຕາມບົດລາຍງານວຽກງານຂອງລັດຖະບານສະບັບນີ້, ເປົ້າໝາຍຕົ້ນຕໍໃນດ້ານການພັດທະນາຂອງຈີນໃນໄລຍະຕໍ່ໄປຍັງລວມມີ: ການເພີ່ມໂອກາດການມີວຽກເຮັດງານທຳຢູ່ຕົວເມືອງໃຫ້ໄດ້ຫຼາຍກວ່າ 11 ລ້ານຕຳແໜ່ງງານ, ອັດຕາຫວ່າງງານຂອງຕົວເມືອງຈະໃຫ້ຢູ່ໃນລະດັບ 5,5%, ລາຄາເຄື່ອງອຸປະໂພກບໍລິໂພກຂອງປະຊາດຊົນຈະເພີ່ມຂຶ້ນປະມານ 3%.
ຄຳເຫັນ
0