何斌

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ການ​ນຳ​ໃຊ້​ມໍ​ລະ​ດົກ​ກິ​ລ​າ​ໂອ​ລິມ​ປິກ​ລະ​ດູ​ໜາວ​ຈະ​ຊ່ວຍຊຸກ​ຍູ້​ການ​ພັດ​ທະ​ນາ​ອຸດ​ສາ​ຫະ​ກຳ​ຫິ​ມະ ແລະ​ນ້ຳ​ກ້ອນ​ຂອງ​ຈີນ

2022-03-06 14:47:43 CRI

ການ​ນຳ​ໃຊ້​ມໍ​ລະ​ດົກ​ກິ​ລ​າ​ໂອ​ລິມ​ປິກ​ລະ​ດູ​ໜາວ​ຈະ​ຊ່ວຍຊຸກ​ຍູ້​ການ​ພັດ​ທະ​ນາ​ອຸດ​ສາ​ຫະ​ກຳ​ຫິ​ມະ ແລະ​ນ້ຳ​ກ້ອນ​ຂອງ​ຈີນ_fororder_src=http___nimg.ws.126.net__url=http%3A%2F%2Fdingyue.ws.126.net%2F2021%2F0401%2F0484252ej00qqudxi001lc000hs00b4g&thumbnail=650x2147483647&quality=80&type=jpg&refer=http___nimg.ws.126

ສະ​ມາ​ຊິກ​ສະ​ພາ​ປຶກ​ສາ​ການ​ເມືອງ​ປະ​ຊາ​ຊົນ​ແຫ່ງ​ຊາດ​ຈີນຫຼາຍ​ທ່ານ​ທີ່​ພວມ​ເຂົ້າ​ຮ່ວມກອງ​ປະ​ຊຸມ​ສອງ​ສະ​ພາ​ແຫ່ງ​ຊາດ​ຈີນ​ຢູ່​ທີ່​ນະ​ຄອນຫຼວງ​ປັກ​ກິ່ງ​​ໄດ້ກ່າວ​ວ່າ, ໃນ​ຖາ​ນະ​ເປັນ “ຕົວ​ເມືອງ​ທີ່​ໄດ້​ຈັດ​ງານ​ກິ​ລາ​ໂອ​ລິມ​ປິກ​ລະ​ດູ​ຮ້ອນ ແລະ ງານ​ກິ​ລາ​ໂອ​ລິມ​ປິກ​ລະ​ດູ​ໜາວ ຫຼື ເອີ້ນ​ຫຍໍ້​ວ່າ ຕົວ​ເມືອງ​ສອງ​ໂອ​ລິມ​ປິກ” ແຫ່ງ​ທຳ​ອິດ​ຂອງ​ໂລກ, ການ​ກະ​ກຽມ ແລະ ຈັດ​ງານ​ກິ​ລາ​ໂອ​ລິມ​ປິກ​ໄດ້​ຈົ່ງ​ມໍ​ລະ​ດົກ​ທີ່​ອຸ​ດົມ​ສົມ​ບູນ​ໃຫ້​ກັບ​ນະ​ຄອນຫຼວງ​ປັກ​ກິ່ງ, ແລະ​ຈະ​ປະ​ກອບ​ສ່ວນ​ຂອງ​ຈີນ​ເຂົ້າ​ໃນ​ການ​ພັດ​ທະ​ນາ​ແບບ​ຍືນ​ຍົງ ແລະ ​ການຫັນ​ປ່ຽນ​ຮູບ​ແບບ​ການ​ພັດ​ທະ​ນາ​ຕ​າ​ມ​ທິດ​ສີ​ຂຽວ​ຂອງ​ໂລກ.

ໃນ “ທາງ​ຜ່ານ​ສະ​ມາ​ຊິກ​ສະ​ພາ” ຄັ້ງ​ທຳ​ອິດ​ໃນ​ກອງ​ປະ​ຊຸມ​ສະ​ພາ​ປຶກ​ສາ​ການ​ເມືອງ​ປະ​ຊາ​ຊົນ​ແຫ່ງ​ຊາດ​ຈີນ​ຄັ້ງ​ທີ 5 ຊຸດ​ທີ 13, ທ່ານ​ເສີນ​ຈິນ ​ສະ​ມາ​ຊິກ​ສະ​ພາ​ປຶກ​ສາ​ການ​ເມືອງ​ປະ​ຊາ​ຊົນ​ແຫ່ງ​ຊາດ​ຈີນ ທັງ​ເປັນຮອງ​ຫົວ​ໜ້າ​ພະ​ແນກວາງ​ແຜນ ແລະ​ກໍ່​ສ້າງ​ຂອງ​ຄະ​ນະ​ກຳ​ມະ​ການ​ໂອ​ລິມ​ປິກ​ລະ​ດູ​ໜາວ​ປັກ​ກິ່ງ​ກ່າວ​ວ່າ, ໃນ​ໄລ​ຍະ​ເບື້ອງ​ຕົ້ນ​ທີ່​ອອກ​ແບບ​ສະ​ໜາມ​ກິ​ລາ​ໂອ​ລິມ​ປິກ​ລະ​ດູ​ໜາວ, ກໍ​ໄດ້​ພິ​ຈາ​ລະ​ນາ​ຢ່າງ​ເຕັມ​ສ່ວນ​ວ່າ​ພາຍ​ໃຕ້​ປະ​ຖົມ​ປັດ​ໄຈ​ທີ່​ຕອບ​ສະ​ໜອງ​ຕາມ​ມາດ​ຕະ​ຖານ ແລະ ຄວາມ​ຕ້ອງ​ການ​ຂອງ​ການ​ແຂ່ງ​ຂັນ​ນັ້ນ, ສາ​ມາດ​ນຳ​ໃຊ້​ໄດ້​ໃນຫຼາຍ​ດ້ານ​ເທົ່າ​ທີ່​ຈະຫຼາຍ​ໄດ້, ພ້ອມ​ກັນ​ນັ້ນ​ຈົ່ງ​ຊ່ອງ​ຫວ່າງ​ທີ່​ສາ​ມາດ​ປັບ​ປຸງ​ໄດ້​ໃນ​ອະ​ນາ​ຄົດ.

ການ​ນຳ​ໃຊ້​ມໍ​ລະ​ດົກ​ກິ​ລ​າ​ໂອ​ລິມ​ປິກ​ລະ​ດູ​ໜາວ​ຈະ​ຊ່ວຍຊຸກ​ຍູ້​ການ​ພັດ​ທະ​ນາ​ອຸດ​ສາ​ຫະ​ກຳ​ຫິ​ມະ ແລະ​ນ້ຳ​ກ້ອນ​ຂອງ​ຈີນ_fororder_src=http___p0.itc.cn_q_70_images03_20210206_f2f42f31bbd14acf97a1bedf43fd5f1a.jpeg&refer=http___p0.itc

ໃນ​ຂະ​ນ​ດຽວ​ກັນ​ທີ່​ງານ​ກິ​ລາ​ໂອ​ລິມ​ປິກ​ລະ​ດູ​ໜາວ​ໄດ້​ສ້າງ​ຄວາມ​ຊົງ​ຈຳ​ທີ່​ສວຍ​ງາມ​ໃຫ້​ກັບ​ທົ່ວ​ໂລກ, ກໍ​ໄດ້​ຊຸກ​ຍູ້​ກິ​ລາ​ຫິ​ມະ ແລະ ນ້ຳ​ກ້ອນ​ຂອງ​ຈີນ​ໄດ້​ເຂົ້າ​​ສູ່ໄລ​ຍະ​ການ​ພັດ​ທະ​ນາ​ອັນ​ໃໝ່. ທ່ານ​ລຽນ​ອີ້​ໝິງ ສະ​ມາ​ຊິກ​ສະ​ພາ​ປຶກ​ສາ​ການ​ເມືອງ​ປະ​ຊາ​ຊົນ​ແຫ່ງ​ຊາດ​ຈີນ​ທີ່​ເຄີຍ​ເຂົ້າ​ຮ່ວມ​ວຽກ​ງານ​ກະ​ກຽມ​ຈັດ​ງານ​ກິ​ລາ​ໂອ​ລິມ​ປິກ​ລະ​ດູ​ຮ້ອນ ແລະ ງານ​ກິ​ລາ​ໂອ​ລິມ​ປິກ​ລະ​ດູ​ໜາວ, ຫົວ​ໜ້າ​ສະ​ຖາ​ບັນ​ຄົ້ນ​ຄວ້າ​ການ​ພັດ​ທະ​ນາ​ຕົວ​ເມືອງ​​ສາ​ກົນ​ປັກ​ກິ່ງ​ໄດ້​ມີ​ການ​ພິ​ຈາ​ລະ​ນາ​ຢ່າງ​ເລິກ​ເຊິ່ງ​ກ່ຽວ​ກັບ​ເລື່ອງ​ນີ້, ທ່ານ​ກ່າວ​ວ່າ: ຄວນ​ເພີ່ມ​ທະ​ວີ​ການ​ສະ​ໜອງ​ສະ​ໜາມ​ກິ​ລາ​ຫິ​ມະ ແລະ​ນ້ຳ​ກ້ອນ, ​ຊຸກ​ຍູ້​ໃຫ້​ປະ​ຊາ​ຊົນມີ​ຄວາມ​ຊິ​ນ​ເຄີຍ​ໃນ​ການຫຼິ້ນ​ກິ​ລາ​ຫິ​ມະ ແລະ​ນ້ຳ​ກ້ອນ, ເພີ່ມ​ທະ​ວີ​ຄວາມ​ນິ​ຍົມ​ຂອງ​ປະ​ຊາ​ຊົນ​ທີ່​ມີ​ຕໍ່​ການ​ບໍ​ລິ​ໂພກ​​ກິ​ລາ​ຫິ​ມະ ແລະ​ນ້ຳ​ກ້ອນ. ກຳ​ແໜ້ນ​ໂອ​ກາດ​ທີ່​ເອື້ອ​ອຳ​ນວຍ​ຂອງ​ງານ​ກິ​ລາ​ໂອ​ລິມ​ປິກ​ລະ​ດູ​ໜາວ, ເສີມ​ຂະ​ຫຍາຍ​ກຳ​ລັງ​ຂອງ​ລັດ​ຖະ​ບານ ແລະ ຕະຫຼາດ, ສ້າງ​ສູນ​ອຸດ​ສ​າ​ຫະ​ກຳ​ຫິ​ມະ ແລະ ນ້ຳ​ກ້ອນ​ຂະ​ໜາດ​ໃຫຍ່​ຈຳ​ນວນ​ໜຶ່ງ, ນຳ​ເຂົ້າ ແລະ ສະ​ໜັບ​ສະ​ໜູ​ນ​ການ​ແຂ່ງ​ຂັນ​ກິ​ລາ​ລະ​ດັບ​ສູງ​ທັງ​ພາຍ​ໃນ​ ແລະ​ສາ​ກົນ​ມາ​ຈັດ​ຢູ່​ນະ​ຄອນຫຼວງ​ປັກ​ກິ່ງ, ເພື່ອ​ສ້າງ​ເວ​ທີ​ສຳ​ຄັນ​ທີ່​ວາງ​ສະ​ແດງ​ພາບ​ພົດ​ຂອງ “ຕົວ​ເມືອງ​ສອງ​ໂອ​ລິມ​ປິກ”.

ຄຳ​ເຫັນ

0