ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ມີນານີ້, ສະພາຄວາມໝັ້ນຄົງອົງການສະຫະປະຊາຊາດໄດ້ອອກຖະແຫຼງການກ່າວປະນາມເຫດການໂຈມຕີດ້ວຍລະເບີດແບບສະຫຼະຊີບທີ່ເກີດຂຶ້ນຢູ່ປາກິສະຖານໃນຫວ່າງມໍ່ໆມານີ້.
ຖະແຫຼງການກ່າວວ່າ: ລັດທິກໍ່ການຮ້າຍທຸກຮູບແບບລ້ວນແຕ່ເປັນໜຶ່ງໃນໄພຂົ່ມຂູ່ທີ່ຮ້າຍແຮງທີ່ສຸດທີ່ມີຕໍ່ສັນຕິພາບແລະຄວາມໝັ້ນຄົງສາກົນ,ປະເທດຕ່າງໆຕ້ອງພະຍາຍາມສຸດຂີດເພື່ອສະກັດກັ້ນໄພຂົ່ມຂູ່ຈາກການເຄື່ອນໄຫວຂອງລັດທິກໍ່ການຮ້າຍທີ່ມີຕໍ່ສັນຕິພາບແລະຄວາມໝັ້ນຄົງໃນສາກົນ. ຕ້ອງລົງໂທດຜູ້ກະທຳຜິດ,ຜູ້ບົງການ,ຜູ້ໃຫ້ທຶນແລະຜູ້ສະໜັບສະໜູນການເຄື່ອນໄຫວລັດທິກໍ່ການຮ້າຍຕາມກົດໝາຍ.
ຖະແຫຼງການໄດ້ຮຽກຮ້ອງໃຫ້ປະເທດຕ່າງໆຕັ້ງໜ້າດຳເນີນການຮ່ວມມືກັນກັບລັດຖະບານປາກິສະຖານແລະຝ່າຍທີ່ກ່ຽວຂ້ອງອື່ນໆໂດຍອີງຕາມກົດໝາຍສາກົນແລະພັນທະທີ່ໄດ້ກຳນົດໄວ້ໃນມະຕິທີ່ກ່ຽວຂ້ອງຂອງສະພາຄວາມໝັ້ນຄົງອົງການສະຫະປະຊາຊາດ. ຖະແຫຼງການຍັງໄດ້ສະແດງຄວາມເຫັນໃຈແລະສົ່ງຄວາມຢື້ຢາມຖາມຂ່າວຢ່າງຈິງໃຈທີ່ສຸດຕໍ່ຄອບຄົວຜູ້ປະສົບເຄາະຮ້າຍໃນເຫດການດັ່ງກ່າວກໍ່ຄືລັດຖະບານປາກິສະຖານ.
ຄຳເຫັນ
0