ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ມີນານີ້, ທ່ານ ຫວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວກ່ຽວກັບກອງປະຊຸມຄັ້ງທີ 5 ຂອງສະພາປະຊາຊົນແຫ່ງຊາດຈີນຊຸດທີ 13 ວ່າ: ຈີນແລະອາຊຽນໄດ້ເດີນຕາມເສັ້ນທາງທີ່ສະຫວ່າງສະໄຫວໃນຖານະເປັນປະເທດບ້ານໃກ້ເຮືອນຄຽງທີ່ສະໜິດສະໜົມແລະມີການຮ່ວມມືແບບຕ່າງຝ່າຍຕ່າງມີຜົນປະໂຫຍດ,ສອງຝ່າຍໄດ້ສ້າງແບບຢ່າງການຮ່ວມມືໃນພາກພື້ນທີ່ມີພະລັງຊີວິດແລະມີຄວາມສາມາດບົ່ມຊ້ອນໃນການພັດທະນາຢ່າງຫຼວງຫຼາຍ. ການພົວພັນລະຫວ່າງຈີນ-ອາຊຽນມີແຕ່ຈະດີຂຶ້ນກວ່ານີ້ຕື່ມອີກ. ທ່ານ ຫວາງຢີ້ ກ່າວເນັ້ນໜັກວ່າ: ຈີນຈະສືບຕໍ່ຖືເອົາອາຊຽນເປັນທິດທາງບຸລິມະສິດໃນວຽກງານການຕ່າງປະເທດຂອງຈີນ,ປົກປັກຮັກສາຂອບການຮ່ວມມືໃນພາກພື້ນທີ່ຖືອາຊຽນເປັນໃຈກາງ, ປົກປັກຮັກສາຫຼັກການຂອງອາຊຽນທີ່ເປັນເຂດປອດອາວຸດນິວເຄລຍ,ປົກປັກຮັກສາສັນຕິພາບແລະສະຖຽນລະພາບຂອງພາກພື້ນ,ສະໜັບສະໜູນການໄກ່ເກ່ຍບັນຫາເຄັ່ງຮ້ອນໃນພາກພື້ນດ້ວຍຮູບແບບອາຊຽນ,ຄັດຄ້ານການເປັນປໍລະປັກກັນແລະຕໍ່ຕ້ານການແບ່ງແຍກຢູ່ພາກພື້ນແຫ່ງນີ້.
ຄຳເຫັນ
0