ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຜູ້ອອກແບບສັດນຳໂຊກ “ເສຢົງຢົງ”ຂອງງານກິລາໂອລິມປິກຄົນພິການລະດູໜາວປັກກິ່ງ ເປັນຜູ້ຍິງຈີນທີ່ມີອາຍຸ 24 ປີ. ໃນວັນທີ 21 ກັນຍາ ປີ 2018, ຄະນະກໍາມະການຈັດງານກິລາໂອລິມປິກລະດູໜາວປັກກິ່ງ ໄດ້ຈັດການໂຄສະນາກິດຈະກຳ “ການແຂ່ງຂັນອອກແບບສັດນຳໂຊກສຳລັບງານກິລາໂອລິມປິກລະດູໜາວປັກກິ່ງ ແລະສັດນຳໂຊກສຳລັບງານໂອລິມປິກຄົນພິການລະດູໜາວປັກກິ່ງ 2022” ຢູ່ວິທະຍາໄລວິຈິດສີນຈີລີນ ປະເທດຈີນ. ນາງຈ່ຽງຢູຟານ, ຜູ້ອອກແບບສັດນຳໂຊກ “ເສຢົງຢົງ”, ຕອນນັ້ນເປັນນັກສຶກສາປີ 3 ທີ່ຮຽນວິຊາການອອກແບບຢູ່ວິທະຍາໄລວິຈິດສີນຈີລີນ.
ແນວຄິດການອອກແບບສັດນຳໂຊກ “ເສຢົງຢົງ” ແມ່ນມາຈາກຄວາມຊົງຈຳຂອງນາງຈ່ຽງຢູຟານກ່ຽວກັບການສະຫຼອງບຸນກຸດຈີນ. ບ້ານເກີດຂອງນາງ ຈ່ຽງຢູຟານ ຕັ້ງຢູ່ເມືອງເຈ່ຍຢີ່ນ ນະຄອນຢີ່ຊຸ່ນ ແຂວງເຫຫຼົງຈ່ຽງ ເຊິ່ງເປັນເມືອງນ້ອຍແຫ່ງໜຶ່ງທີ່ເຂດຊາຍແດນ. ຕາມຄວາມຊົງຈຳຂອງນາງຈ່ຽງຢູຟານ, ໃນຍາມນ້ອຍ, ເມື່ອຮອດມື້ສົ່ງທ້າຍປີເກົ່າຕ້ອນຮັບປີໃໝ່ບຸນກຸດຈີນ, ຢູ່ຕາມເຮືອນຂອງຊາວບ້ານໄດ້ປະດັບປະດາໄປດ້ວຍໂຄມໄຟສີແດງ, ເມືອງນ້ອຍແຫ່ງນີ້ກໍເຕັມໄປດ້ວຍບັນຍາກາດທີ່ອົບອຸ່ນ ແລະຄືກຄື້ນມ່ວນຊື່ນ.
ນອກນີ້, ໃນໄລຍະບຸນກຸດຈີນ, ເດັກນ້ອຍມັກຫຼິ້ນຫິມະ ແລະເອົາຫິມະດຶກໃສ່ກັນ, ບາງເທື່ອຫິມະຕິດໜ້າເຕັມເລີຍ. ຢູ່ຕາມໃບໜ້າຂອງສັດນຳໂຊກ “ເສຢົງຢົງ” ຈຶ່ງມີຫິມະສີຂາວຕິດໜ້າ. ນາງຈ່ຽງຢູຟານເວົ້າວ່າ: ໂຄມໄຟ ແລະການຫຼິ້ນຫິມະ ຕ່າງກໍເປັນຄວາມຊົງຈຳກ່ຽວກັບບຸນກຸດຈີນທີ່ດີງາມ ແລະອົບອຸ່ນ. ຜ່ານການອອກແບບສັດນຳໂຊກ “ເສຢົງຢົງ”, ຕົນເອງສາມາດມອບວັດທະນະທຳ ແລະຮີດຄອງປະເພນີຂອງຈີນເຫຼົ່ານີ້ໃຫ້ກັບທົ່ວໂລກ.
ນັບແຕ່ປີ 2018 ເປັນຕົ້ນມາ, ທີມງານອອກແບບສັດນຳໂຊກ “ເສຢົງຢົງ”ຈຳນວນ 16 ຄົນ ທີ່ລວມທັງຈ່ຽງຢູຟານນັ້ນ ໄດ້ໃຊ້ເວລາ 300 ກວ່າວັນ, ແຕ້ມຮູບສະບັບຮ່າງ 1 ໝື່ນກວ່າຮູບ, ໃນທີ່ສຸດຈຶ່ງໄດ້ສຳເລັດການອອກແບບ ສັດນຳໂຊກ “ເສຢົງຢົງ”.
ຄຳເຫັນ
0