ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 8 ມີນານີ້, ຄະນະປະທານກອງປະຊຸມຄັ້ງທີ 5 ຂອງສະພາປະຊາຊົນແຫ່ງຊາດຈີນຊຸດທີ 13 ໄດ້ຈັດກອງປະຊຸມຄັ້ງທີ 2 ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ. ຜ່ານການລົງຄະແນນສຽງ, ກອງປະຊຸມໄດ້ເຫັນດີຍື່ນຫຼາຍເອກະສານໃຫ້ສະມາຊິກສະພາພິຈາລະນາເຊັ່ນ: ຮ່າງຍັດຕິກ່ຽວກັບບົດລາຍງານວຽກງານຂອງລັດຖະບານ, ບົດລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປີ 2021 ແລະຮ່າງແຜນການກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປີ 2022, ບົດລາຍງານກ່ຽວກັບງົບປະມານຂອງລັດຖະບານຈີນ ແລະຮ່າງຍັດຕິກ່ຽວກັບການດັດແກ້ກົດໝາຍວ່າດ້ວຍການຈັດຕັ້ງຂອງສະພາປະຊາຊົນທ້ອງຖິ່ນທຸກຂັ້ນ ແລະອົງການປົກຄອງທ້ອງຖິ່ນທຸກຂັ້ນ.
ທ່ານລີ້ຈ້ານຊູ່ ປະທານຜູ້ປະຈຳການຂອງຄະນະປະທານໄດ້ເປັນປະທານກອງປະຊຸມເທື່ອນີ້.
ຜ່ານການລົງຄະແນນສຽງ, ທີ່ປະຊຸມໄດ້ຮັບຮອງບົດລາຍງານຜົນການກວດກາສອງສະບັບຂອງຄະນະກຳມາທິການການເງິນແລະເສດຖະກິດຂອງສະພາປະຊາຊົນແຫ່ງຊາດຈີນ.
ຄຳເຫັນ
0