ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ກ່າວໃນກອງ ປະຊຸມຖະແຫຼງຂ່າວໃນວັນທີ 9 ມີນານີ້ວ່າ: ໃນບັນຫາອູແກຼນ, ລັດຖະບານ ອາເມຣິກາໄດ້ເຜີຍແຜ່ຂໍ້ມູນຂ່າວສານປອມທີ່ແນໃສ່ປະເທດຈີນຢ່າງຕໍ່ເນື່ອງ, ມີເຈດຕະນາຢາກຫັນເຫຄວາມຂັດແຍ້ງພາຍໃນອາເມຣິກາ, ປຸກປັ່ນການເປັນປໍລະປັກກັນ, ສວຍ ໂອກາດເພື່ອຫາຜົນປະໂຫຍດ, ເຊິ່ງແມ່ນເຄື່ອງມືທີ່ອັບປີ ແລະມີເຈດຕະ ນາຊົ່ວຮ້າຍແທ້ໆ.
ຕາມຂ່າວແຈ້ງວ່າ: ເມື່ອບໍ່ດົນມານີ້, ໜັງສືພິມນີວຢອກທາມສໄດ້ລົງ ພິມບົດຄວາມສອງບົດກ່ຽວກັບປະເທດຈີນວ່າໄດ້ຮູ້ລ່ວງໜ້າແລ້ວກ່ຽວກັບເລື່ອງທີ່ຣັດເຊຍຈະປະຕິບັດການທາງການທະຫານຢູ່ອູແກຼນ, ບົດຄວາມເຫຼົ່ານີ້ເຊິ່ງແມ່ນເຈົ້າໜ້າທີ່ຂັ້ນສູງຂອງຄະນະ ກຳມະການຮັກສາຄວາມໝັ້ນຄົງແຫ່ງຊາດອາເມຣິກາເປັນຜູ້ບົ່ງການຢູ່ເບື້ອງຫຼັງ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ, ທ່ານຈ້າວລີ້ຈ່ຽນກ່າວ ຢືນຢັນວ່າ: “ບັນຫາອູແກຼນຜັນແປໄປຈົນເຖິງທຸກມື້ນີ້, ກໍເປັນຍ້ອນການກະທຳ ຂອງອົງການນາໂຕທີ່ນຳພາໂດຍອາເມຣິກາ, ທີ່ພາໃຫ້ຄວາມຂັດແຍ້ງລະ ຫວ່າງຣັດເຊຍກັບອູແກຼນໄປເຖິງຈຸດອັນຕະລາຍເທື່ອລະກ້າວ. ອາເມຣິກາບໍ່ຫົວຊານຳ ຄວາມຮັບຜິດຊອບຂອງຕົນ, ກົງກັນຂ້າມພັດຕຳໜິຫຼັກໝັ້ນຂອງຈີນກ່ຽວກັບບັນ ຫາອູແກຼນ, ເພື່ອຊອກຫາຊ່ອງທາງປະຕິບັດກົນອຸບາຍເພື່ອກົດດັນສອງປະເທດຈີນແລະຣັດເຊຍພ້ອມກັນ, ເພື່ອບັນລຸຈຸດປະສົງໃນການຮັກສາຄວາມເປັນເຈົ້າອຳນາດຂອງອາເມຣິກາເອງ.”
ຄຳເຫັນ
0