ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ໃນກອງປະຊຸມຖະແຫຼງຂ່າວໃນວັນທີ 10 ມີນານີ້, ທ່ານຈ້າວລີ້ຈ່ຽນ, ໂຄສົກກະຊວງການຕ່າງປະເທດຈີນໄດ້ກ່າວກ່ຽວກັບເລື່ອງທີ່ລັດຖະມົນຕີກະຊວງການຕ່າງປະເທດຣັດເຊຍ, ອູແກຼນແລະຕວກກີພົບປະກັນວ່າ: ຈີນມີຄວາມຍິນດີໃນຄວາມພະຍາຍາມທາງການທູດທັງໝົດເພື່ອແກ້ໄຂວິກິດການລະຫວ່າງຣັດເຊຍແລະອູແກຼນໂດຍສັນຕິ, ເຊິ່ງລວມທັງການພົບປະກັນລະຫວ່າງລັດຖະມົນຕີກະຊວງການຕ່າງປະເທດຕວກກີ, ຣັດເຊຍແລະອູແກຼນ.
ຕາມການລາຍງານຂ່າວໃຫ້ຮູ້ວ່າ: ໃນວັນທີ 10 ມີນານີ້ຕາມເວລາທ້ອງຖິ່ນ, ທ່ານເຊີເກ ລັຟຣົຟ, ລັດຖະມົນຕີກະຊວງການຕ່າງປະເທດຣັດເຊຍ, ທ່ານດີມິໂຕຣ ຄູເລບາ,ລັດຖະມົນຕີກະຊວງການຕ່າງປະເທດອູແກຼນພ້ອມດ້ວຍທ່ານເມລູ ຄາວູສໂອລູ, ລັດຖະມົນຕີກະຊວງການຕ່າງປະເທດຕວກກີໄດ້ຈັດການພົບປະເຈລະຈາ 3 ຝ່າຍລະດັບລັດຖະມົນຕີກະຊວງການຕ່າງປະເທດ.
ທ່ານຈ້າວລີ້ຈ່ຽນກ່າວໃນເວລາຕອບຄຳຖາມຂອງນັກຂ່າວວ່າ: “ພວກເຮົາໄສັງເກດເຫັນວ່ານີ້ແມ່ນການພົບປະກັນໃນທີ່ມີລະດັບສູງສຸດນັບແຕ່ຣັດເຊຍແລະອູແກຼນເກີດມີການປະທະກັນເປັນຕົ້ນມາ. ຫວັງວ່າຝ່າຍຕ່າງໆທີ່ກ່ຽວຂ້ອງຈະປະຕິບັດຕາມຫຼັກການທີ່ເຄົາລົບກັນ, ເດີນໄປໃນທິດທາງດຽວກັນ, ເຈລະຈາກັນຢ່າງຈິງຈັງ, ສຸມຄວາມພະຍາຍາມຢ່າງຕັ້ງໜ້າເພື່ອແກ້ໄຂວິກິດການໂດຍສັນຕິ.”
ຄຳເຫັນ
0