ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນງານກິລາໂອລິມປິກຄົນພິການລະດູໜາວປັກກິ່ງປີ 2022 , ຈິດໃຈທີ່ສ້າງຄວາມເຂັ້ມແຂງດ້ວຍຕົນເອງຢ່າງບໍ່ລົດລະຂອງນັກກິລາຄົນພິການໄດ້ສ້າງຄວາມປະທັບໃຈໃຫ້ແກ່ຄົນທັງຫຼາຍ. ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 10 ມີນານີ້, ທ່ານນາງ ຢ່ຽນເຈ່ຍຢົງ ໂຄສົກຄະນະກຳມະການຈັດງານກິລາໂອລິມປິກຄົນພິການລະດູໜາວປັກກິ່ງກ່າວວ່າ:ຜ່ານຈາກການຈັດງານຄັ້ງນີ້ກໍ່ຫວັງຢາກໃຫ້ຄົນທັງຫຼາຍເອົາໃຈໃສ່ “ແນວຄິດບໍ່ອະຄະຕິຕໍ່ຄົນພິການ” ໃຫ້ຫຼາຍກວ່າເກົ່າ.
“ແນວຄິດບໍ່ອະຄະຕິຕໍ່ຄົນພິການ” ແມ່ນພື້ນຖານທີ່ຂາດບໍ່ໄດ້ໃນການຊຸກຍູ້ການພັດທະນາວຽກງານຄົນພິການແລະການສ້າງສັງຄົມທີ່ມີລັກສະນະກວມລວມຢ່າງຕໍ່ເນື່ອງ. ສະນັ້ນຈຶ່ງຮຽກຮ້ອງໃຫ້ພວກເຮົາທຸກຄົນຈົ່ງມີຄວາມເຂົ້າໃຈ,ມີຄວາມເມຕາ,ເຄົາລົບ,ເອົາໃຈໃສ່ແລະຊ່ວຍເຫຼືອເພື່ອນມິດຄົນພິການຢ່າງແທ້ຈິງ,ເຮັດໃຫ້ເຂົາເຈົ້າສາມາດເຊື່ອມໂຍງເຂົ້າກັບສັງຄົມໄດ້ດີກວ່າເກົ່າ.
ຄຳເຫັນ
0