ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ12ມີນານີ້, ຄະນະກຳະການໂອລິມປິກຄົນພິການສາກົນໄດ້ຈັດກອງປະຊຸມຂ່າວຢູ່ສູນສື່ມວນຊົນຫຼັກຂອງງານກິລາໂອລິມປິກຄົນພິການລະດູໜາວປັກກິ່ງ, ທ່ານອັນດຣູ ປາຊອນສ ປະທານຄະນະກຳມະການໂອລິມປິກຄົນພິການສາກົນໄດ້ກ່າວວ່າ: ການຈັດງານກິລາໂອລິມປິກຄົນພິການລະດູໜາວປັກກິ່ງໄດ້ເກີດຜົນກະທົບອັນໃຫຍ່ຫຼວງຕໍ່ໂລກ.
ທ່ານປາຊອນສຊີ້ໃຫ້ເຫັນວ່າ: ຫຼັງຈາກໄດ້ຈັດງານກິລາໂອລິມປິກຄົນພິການປັກກິ່ງປີ2008ຢ່າງສຳເລັດຜົນແລ້ວ, ງານກິລາໂອລິມປິກຄົນພິການລະດູໜາວປັກກິ່ງປີ2022 ຈະເກີດຜົນກະທົບອັນຕັ້ງໜ້າຕໍ່ສິ່ງແວດລ້ອມທີ່ອຳນວຍຄວາມສະດວກໃຫ້ກັບຄົນພິການຈີນໃນການອອກເດີນທາງ,ເຮັດໃຫ້ຄົນພິການໄດ້ຮັບຄວາມເອົາໃຈໃສ່ຫຼາຍກວ່າເກົ່າ,ພ້ອມກັນນັ້ນກໍ່ຊຸກຍູ້ໃຫ້ຄົນພິການຫຼາຍກວ່າເກົ່າເຂົ້າຮ່ວມກິລາຫິມະແລະນ້ຳກ້ອນ.
ທ່ານປາຊອນສກ່າວເນັ້ນໜັກວ່າ: ມໍລະດົກດ້ານກິລາໂອລິມປິກຈາກງານກິລາໂອລິມປິກຄົນພິການລະດູໜາວປັກກິ່ງເຮັດໃຫ້ຄົນທັງຫຼາຍຮູ້ສຶກງຶດງໍ້ອັດສະຈັນ,ຊຶ່ງໄດ້ສ້າງແບບຢ່າງທີ່ດີໃຫ້ແກ່ຕົວເມືອງອື່ນໆທີ່ເປັນເຈົ້າພາບຈັດງານກິລາໂອລິມປິກໃນຕໍ່ໜ້າ.
ຄຳເຫັນ
0