ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນສ.ເກົາຫຼີລາຍງານວ່າ, ວັນທີ 13 ມີນານີ້, ອົງການປ້ອງກັນພະຍາດສູນກາງສ.ເກົາຫຼີແຈ້ງໃຫ້ຮູ້ວ່າ: ນັບມາຮອດເວລາ 0 ໂມງມື້ວານນີ້, ຢູ່ສ.ເກົາຫຼີ ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ເມື່ອທຽບໃສ່ 0 ໂມງຂອງມື້ກ່ອນມີຫຼາຍເຖິງ 350.190 ກໍລະນີ, ນັບລວມແລ້ວ ຈຳນວນຜູ້ຕິດເຊື້ອພະຍາດໂຄວິດ-19 ຢູ່ສ.ເກົາຫຼີມີຫຼາຍກວ່າ 6 ລ້ານ 5 ແສນ 5 ໝື່ນກໍລະນີແລ້ວ.
ນີ້ແມ່ນຜູ້ຖືກບົ່ງມະຕິຕິດເຊື້ອພະຍາດໂຄວິດ-19ຂອງສ.ເກົາຫຼີມີຈຳນວນຫຼາຍກວ່າ 3 ແສນ 5 ໝື່ນກໍລະນີເປັນເວລາ 2 ມື້ຕິດຕໍ່ກັນ, ສ່ວນວັນທີ 12 ມີນານີ້, ຜູ້ຖືກບົ່ງມະຕິຕິດເຊື້ອພະຍາດໂຄວິດ-19 ຂອງສ.ເກົາຫຼີມີຫຼາຍກວ່າ 3 ແສນ 8 ໝື່ນກໍລະນີ, ໄດ້ສ້າງຕົວເລກສູງສຸດນັບແຕ່ພະຍາດໂຄວິດ-19 ແຜ່ລະບາດເປັນຕົ້ນມາ.
ໄວຣັດໂອມິຄຼອນພວມແຜ່ລະບາດຢ່າງຮຸນແຮງຢູ່ສ.ເກົາຫຼີ, ລັດຖະບານສ.ເກົາຫຼີຄາດການກ່ອນໜ້ານີ້ວ່າ, ການແຜ່ລະບາດຂອງໄວຣັດໂອມິຄຼອນຈະຮ້າຍແຮງທີ່ສຸດກ່ອນວັນທີ 22 ມີນານີ້. ເມື່ອຮອດເວລານັ້ນ ຈຳນວນຜູ້ຕິດເຊື້ອເພີ່ມໃໝ່ຕໍ່ມື້ຈະສູງເຖິງ 295.000 ຫາ 372.000 ກໍລະນີ.
ຄຳເຫັນ
0