ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ15ມີນານີ້ຕາມເວລາທ້ອງຖິ່ນ, ທ່ານ ໂພຍ ໂທສຕອຍ ຮອງປະທານສະພາດູມາແຫ່ງຊາດຣັດເຊຍໄດ້ກ່າວຜ່ານທາງສື່ສັງຄົມອອນລາຍວ່າ: ຣັດເຊຍຕົກລົງຖອນອອກຈາກຄະນະກຳມະການເອີລົບ, ຈົດໝາຍທີ່ກ່ຽວຂ້ອງຂອງທ່ານ ເຊິເກ ລາຟລົຟ ລັດຖະມົນຕີກະຊວງການຕ່າງປະເທດຣັດເຊຍໄດ້ສົ່ງໄປໃຫ້ເລຂາທິການໃຫຍ່ຂອງຄະນະກຳມະການເອີລົບແລ້ວ.
ທ່ານໂທສຕອຍກ່າວຕື່ມວ່າ: ຄວາມຮັບຜິດຊອບທັງໝົດທີ່ທຳລາຍການສົນທະນາກັບຄະນະກຳມະການເອີລົບນັ້ນແມ່ນຢູ່ນຳຝ່າຍປະເທດສະມາຊິກນາໂຕ,ພວກເຂົາໄດ້ຖືສິດທິມະນຸດເປັນຫົວຂໍ້ຫຼັກມາໂດຍຕະຫຼອດເພື່ອບັນລຸຜົນປະໂຫຍດທາງການເມືອງໃນພາກພື້ນຂອງຕົນແລະໂຈມຕີຣັດເຊຍ. ຍ້ອນວ່າຣັດເຊຍໄດ້ຜະເຊີນໜ້າກັບຄວາມກົດດັນທາງການເມືອງແລະການລົງໂທດທີ່ບໍ່ເຄີຍມີມາກ່ອນ, ສະນັ້ນ ຈຶ່ງບໍ່ຢາກສືບຕໍ່ຈ່າຍຄ່າສະມາຊິກໃຫ້ຄະນະກຳມະການເອີລົບອີກ.
ທ່ານກ່າວເນັ້ນໜັກວ່າ: ຣັດເຊຍແມ່ນສະໝັກໃຈຖອນອອກຈາກຄະນະກຳມະການເອີລົບ,ນີ້ເປັນການຕົກລົງທີ່ມີຄວາມກ້ຳເກິ່ງກັນແລະຜ່ານການພິຈາລະຈາຢ່າງເລິກເຊິ່ງແລ້ວ.
ຄຳເຫັນ
0