ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ມີນານີ້ຕາມເວລາທ້ອງຖິ່ນ, ລັດຖະບານອັງກິດໄດ້ປະກາດວ່າ ຈະລົງໂທດ 370 ກວ່າຄົນ, ອົງກອນຂອງຣັດເຊຍ ແລະ ເບລາຣຸດຊີ ເຊິ່ງລວມທັງທ່ານ ມິກຮາອິນ ມີຊຸສຕິນ ນາຍົກລັດຖະມົນຕີຣັດເຊຍ, ທ່ານ ເຊີເກ ຊອຍກູ ລັດຖະມົນຕີກະຊວງປ້ອງກັນປະເທດຣັດເຊຍ, ທ່ານ ດີມີຕຣີ ເມັດເວເດັບ ອະດີດປະທານາທິບໍດີຣັດເຊຍ ແລະທ່ານອື່ນໆ. ຊັບສິນຂອງຜູ້ຖືກລົງໂທດຢູ່ອັງກິດຈະຖືກອາຍັດ, ບັນດາທ່ານເຫຼົ່ານີ້ຈະຖືກຫ້າມເດີນທາງເຂົ້າໄປອັງກິດ.
ຂໍ້ຕົກລົງການລົງໂທດດັ່ງກ່າວ ແມ່ນຮ່າງອອກຫຼັງຈາກອັງກິດຮັບຮອງເອົາ “ກົດໝາຍວ່າດ້ວຍອາດຊະຍາກຳທາງເສດຖະກິດ” ຢ່າງວ່ອງໄວ. ກົດໝາຍສະບັບນີ້ ໄດ້ອະນຸຍາດໃຫ້ອັງກິດລົງໂທດຜູ້ຄົນທີ່ມີຊັບສິນຖືກສະຫະພາບເອີຣົບ, ອາເມຣິກາ ຫຼື ການາດາອາຍັດ ພ້ອມທັງໃຊ້ການເຄື່ອນໄຫວສະກັດກັ້ນບໍ່ໃຫ້ຊາວຣັດເຊຍຜູ້ຮັ່ງມີດຳເນີນການຟອກເງິນຢູ່ລອນດອນ.
ນັບແຕ່ເກີດການປະທະກັນລະຫວ່າງຣັດເຊຍກັບອູແກຣນເປັນຕົ້ນມາ, ປະເທດອັງກິດໄດ້ລົງໂທດ 1.000 ກວ່າຄົນ, ອົງກອນ ແລະ ສາຂາບໍລິສັດຂອງຣັດເຊຍ ແລະ ເບລາຣຸດຊີ.
ຄຳເຫັນ
0