ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ມີນານີ້, ທ່ານເຊີເກ ລາຟຣົຟ, ລັດຖະມົນຕີກະຊວງການຕ່າງປະເທດຣັດເຊຍກ່າວວ່າ: ຫວັງວ່າການເຄື່ອນໄຫວທາງການທະຫານພິເສດໃນຄັ້ງນີ້ ຈະສາມາດສິ້ນສຸດລົງ ດ້ວຍການເຊັນສັນຍາວ່າດ້ວຍຖານະເປັນກາງຂອງອູແກຣນ ພາຍໃຕ້ການຮັບປະກັນຄວາມໝັ້ນຄົງຂອງອູແກຣນ.
ທ່ານລາຟຣົຟ ຍັງກ່າວຕື່ມອີກວ່າ: ພວກຂ້າພະເຈົ້າຈະບໍ່ຊຸກຍູ້ຂໍ້ລິເລີ່ມກ່ຽວກັບການຜ່ອນຄາຍສາຍພົວພັນກັບປະເທດຝ່າຍຕາເວັນຕົກ, ພວກຂ້າພະເຈົ້າຈະລໍຖ້າເບິ່ງເຂົາເຈົ້າຈະຫຼຸດພົ້ນອອກຈາກສະພາບຄວາມເຄັ່ງຕຶງທີ່ສ້າງຂຶ້ນດ້ວຍຕົນເອງແນວໃດ.
ມື້ດຽວກັນ, ກະຊວງການຕ່າງປະເທດຣັດເຊຍກໍກ່າວວ່າ: ສະຫະພາບເອີຣົບປະກາດການເຮັດ “ສົງຄາມດ້ານການເງິນ ແລະເສດຖະກິດຮອບດ້ານ” ກັບຣັດເຊຍ ຈະພາໃຫ້ເກີດມີຜົນກະທົບຕ່າງໆທີ່ຕ່າວປີ້ນບໍ່ໄດ້.
ນອກນີ້, ການເຈລະຈາຜ່ານທາງວິດີໂອລະຫວ່າງຣັດເຊຍ ກັບອູແກຣນຍັງສືບຕໍ່ດຳເນີນຢູ່. ປັດຈຸບັນ, ສອງຝ່າຍໄດ້ບັນລຸຄວາມເປັນເອກະພາບກັນກ່ຽວກັບການເປີດ 10 ຊ່ອງທາງເພື່ອມະນຸດສະທຳ.
ຄຳເຫັນ
0