ຕາລາງລາຍການ FM93Mhz

ປະທານສະພາດູມາແຫ່ງຊາດຣັດເຊຍກ່າວວ່າ: ການຊ່ວຍເຫຼືອດ້ານການທະຫານຂອງກຸ່ມນາໂຕ ແລະ ອາເມຣິກາບັງຄັບໃຫ້ຣັດເຊຍຕ້ອງຮັບມືດ້ວຍການນຳໃຊ້ອາວຸດແຂງແຮງກວ່າເກົ່າ

2023-01-23 15:48:17 CRI


    ວັນທີ 22 ມັງກອນນີ້, ທ່ານວະຢາເຊັສລັຟ ໂວໂລດິນ ປະທານສະພາດູມາແຫ່ງຊາດຣັດເຊຍກ່າວວ່າ, ກຸ່ມນາໂຕ ແລະ ອາເມຣິກາສະໜອງອາວຸດໃຫ້ອູແກຣນໃຊ້ເຂົ້າໃນການໂຈມຕີຕົວເມືອງຂອງຣັດເຊຍ ແລະ ຢຶດເອົາຜືນແຜ່ນດິນຂອງຣັດເຊຍນັ້ນ ຈະເຮັດໃຫ້ຣັດເຊຍຕ້ອງຮັບມືດ້ວຍການນຳໃຊ້ອາວຸດທີ່ແຂງແຮງກວ່າເກົ່າ. ທ່ານໂວໂລດິນຍັງກ່າວວ່າ, ການສະໜອງອາວຸດແບບໂຈມຕີໃຫ້ແກ່ອູແກຣນຈະສ້າງໄພພິບັດໃຫ້ທົ່ວໂລກ.

 

    ທ່ານໂວໂລດິນຍັງກ່າວຕື່ມວ່າ, ປະເທດໃຫຍ່ທີ່ມີອາວຸດນິວເຄຼຍຈຳນວນໜຶ່ງກ່າວວ່າຈະບໍ່ໃຊ້ອາວຸດລ້າງຜານຂະໜາດໃຫຍ່ໃນການປະທະກັນພາຍໃນພາກພື້ນແມ່ນຍ້ອນວ່າປະເທດເຫຼົ່ານີ້ຍັງບໍ່ທັນພົບສະພາບທີ່ຄວາມປອດໄພຂອງປະຊາຊົນ ແລະ ຜືນແຜ່ນດິນອັນຄົບຖ້ວນໄດ້ຖືກຂົ່ມຂູ່ເທື່ອ.、