ໃນເວລາຕອບຄຳຖາມໃນກອງປະຊຸມຖະແຫຼງຂ່າວທີ່ຈັດຂຶ້ນເມື່ອວັນທີ 23 ພຶດສະພານີ້, ທ່ານນາງເໝົາໜິງ ໂຄສົກກະຊວງການຕ່າງປະເທດຈີນກ່າວວ່າ: ຫວັງວ່າ ຝ່າຍອາເມຣິກາຈະນຳໃຊ້ນະໂຍບາຍການເງິນແລະເງິນຕາທີ່ມີຄວາມຮັບຜິດຊອບ, ຢ່າຫັນຍ້າຍຄວາມສ່ຽງຂອງອາເມຣິກາໄປສູ່ໂລກ, ຢ່າປົກປັກຮັກສາຜົນປະໂຫຍດສ່ວນຕົວດ້ວຍການທຳລາຍຜົນປະໂຫຍດຂອງໂລກ.

ອີງຕາມລາຍງານຂ່າວໃຫ້ຮູ້ວ່າ: ເນື້ອໃນຈົດໝາຍທີ່ທ່ານນາງເຈເນັດ ເຢເລນ ລັດຖະມົນຕີກະຊວງການເງິນອາເມຣິກາສົ່ງໄປຍັງການນຳລັດຖະສະພາອາເມຣິກາໃນຫວ່າງມໍ່ໆນີ້ໄດ້ລະບຸວ່າ: ຖ້າລັດຖະສະພາອາເມຣິກາບໍ່ສາມາດຍົກສູງຫຼືຍຸດຕິເພດານໜີ້ສິນຊົ່ວຄາວກ່ອນວັນທີ 1 ມິຖຸນາໜ້ານີ້, ກະຊວງການເງິນອາເມຣິກາຈະບໍ່ສາມາດສະໜັບສະໜູນບັນຊີຂອງລັດຖະບານ.

ຕໍ່ກັບເລື່ອງນີ້, ທ່ານນາງເໝົາໜິງໄດ້ຊີ້ໃຫ້ເຫັນວ່າ, ບັນຫາເພດານໜີ້ສິນຂອງລັດອາເມຣິກາແມ່ນວຽກງານພາຍໃນຂອງອາເມຣິກາ, ແຕ່ອາເມຣິກາໃນຖານະເປັນອົງກອນເສດຖະກິດໃຫຍ່ອັນດັບໜຶ່ງຂອງໂລກ, ສະພາບການແລະການເລືອກເອົາດ້ານນະໂຍບາຍຂອງອາເມຣິກາຈະສົ່ງຜົນສະທ້ອນທີ່ສຳຄັນຕໍ່ເສດຖະກິດໂລກ.