ຫວ່າງກ່ອນນີ້ບໍ່ດົນ, ສູນການຄົ້ນຄວ້າອາຊຽນຂອງສະຖາບັນຄົ້ນຄວ້າອາຊີຕາເວັນອອກສຽງໃຕ້ຢູຊົຟ ຢີຊັກແຫ່ງສິງກະໂປໄດ້ເຜີຍແຜ່ບົດລາຍງານສະແດງໃຫ້ເຫັນວ່າ: ຈີນສືບຕໍ່ຖືກຖືເປັນປະເທດທີ່ມີບົດບາດໃຫຍ່ທີ່ສຸດຕໍ່ອາຊີຕາເວັນອອກສຽງໃຕ້ທາງດ້ານເສດຖະກິດແລະການເມືອງ.

ວັນທີ 2 ເມສານີ້, ສູນການຄົ້ນຄວ້າດັ່ງກ່າວໄດ້ເຜີຍແຜ່ບົດງາຍງານທີ່ມີຫົວຂໍ້ວ່າ “ການລາຍງາຍກ່ຽວກັບສະຖານະການອາຊີຕາເວັນອອກສຽງໃຕ້:2024”. ບົດລາຍງານໄດ້ສະແດງໃຫ້ເຫັນວ່າ: ມີຜູ້ໃຫ້ສຳພາດ 59,5% ເຫັນວ່າຈີນແມ່ນ “ປະເທດໃຫຍ່ດ້ານເສດຖະກິດທີ່ມີບົດບາດໃຫຍ່ທີ່ສຸດຕໍ່ອາຊີຕາເວັນອອກສຽງໃຕ້”, ນຳໜ້າປະເທດອື່ນໆຢ່າງຫຼວງຫຼາຍ, ຜູ້ໃຫ້ສຳພາດທີ່ເຫັນວ່າອາເມຣິກາມີບົດບາດດ້ານເສດຖະກິດໃຫຍ່ທີ່ສຸດຕໍ່ອາຊີຕາເວັນອອກສຽງໃຕ້ກວມ 14,3%. ໃນດ້ານບົດບາດທາງຍຸດທະສາດແລະການເມືອງຕໍ່ອາຊີຕາເວັນອອກສຽງໃຕ້, ຈີນກໍຢູ່ໃນຖານະທີ່ນຳໜ້າຄືກັນ.