ໃນກອງປະຊຸມຖະແຫຼງຂ່າວທີ່ຈັດຂຶ້ນເມື່ອວັນທີ5ມິຖຸນານີ້, ທ່ານນາງເໝົາໜິງໂຄສົກກະຊວງການຕ່າງປະເທດຈີນໄດ້ຕອບຄຳຖາມນັກຂ່າວແນໃສ່ກໍລະນີທີ່ອາເມຣິກາກ່າວຖ້ອຍຄຳກ່ຽວກັບສະຖານະການຢູ່ຊ່ອງແຄບໄຕ້ຫວັນ.

ທ່ານນາງເໝົາໜິງກ່າວວ່າ: ໄຕ້ຫວັນເປັນພາກສ່ວນໜຶ່ງທີ່ບໍ່ສາມາດຕັດແຍກອອກຈາກຜືນແຜ່ນດິນຂອງຈີນໄດ້, ບັນຫາໄຕ້ຫວັນເປັນວຽກງານພາຍໃນຂອງຈີນທັງໝົດ, ບໍ່ອະນຸຍາດໃຫ້ອິດທິກຳລັງພາຍນອກໃດໆແຊກແຊງ.ສະພາບທີ່ແທ້ຈິງໃນປັດຈຸບັນຂອງຊ່ອງແຄບໄຕ້ຫວັນແມ່ນສອງຝັ່ງຊ່ອງແຄບໄຕ້ຫວັນເປັນຂອງຈີນດຽວ,  ໄຕ້ຫວັນເປັນພາກສ່ວນໜຶ່ງທີ່ບໍ່ສາມາດຕັດແຍກອອກຈາກຜືນແຜ່ນດິນຂອງຈີນໄດ້, ການທີ່ຈະແກ້ໄຂບັນຫາໄຕ້ຫວັນແນວໃດ ເປັນເລື່ອງຂອງຄົນຈີນເອງ. ຈີນເລັ່ງທວງໃຫ້ອາເມຣິກາຮັບຮູ້ຢ່າງຈະແຈ້ງຕໍ່ທາດແທ້ແລະຄວາມໂລບມາກໂລພາຂອງອິດທິກຳລັງແບ່ງແຍກໄຕ້ຫວັນເປັນເອກະລາດ, ປະຕິບັດຫຼັກການປະເທດຈີນດຽວແລະຖະແຫຼງການຮ່ວມຈີນ-ອາເມຣິກາ3ສະບັບຢ່າງເຂັ້ມງວດແລະຈິງຈັງ, ປະຕິບັດຕາມຄຳໝັ້ນສັນຍາທີ່ບໍ່ສະໜັບສະໜູນໄຕ້ຫວັນເປັນເອກະລາດຢ່າງເຂັ້ມງວດ, ຍຸດຕິການຂາຍອາວຸດໃຫ້ໄຕ້ຫວັນ, ຍຸດຕິການສົ່ງສັນຍານຜິດພາດໃດໆຕໍ່ອິດທິກຳລັງແບ່ງແຍກໄຕ້ຫວັນເປັນເອກະລາດໃນທຸກຮູບແບບ.