ກອງປະຊຸມເຈົ້າໜ້າທີ່ຂັ້ນສູງຕ່າງໆກ່ຽວກັບການຮ່ວມມືອາຊີຕາເວັນອອກຈະຈັດຂຶ້ນຢູ່ນະຄອນຫຼວງວຽງຈັນ

2024-06-06 16:27:18 cri

ໃນກອງປະຊຸມຖະແຫຼງຂ່າວທີ່ກະຊວງການຕ່າງປະເທດຈີນຈັດຂຶ້ນເມື່ອວັນທີ 5 ມິຖຸນານີ້, ທ່ານນາງເໝົາໜິງ ໂຄສົກກະຊວງການຕ່າງປະເທດຈີນໄດ້ແຈ້ງສະພາບການກ່ຽວກັບຈີນທີ່ຈະເຂົ້າຮ່ວມກອງປະຊຸມເຈົ້າໜ້າທີ່ຂັ້ນສູງຕ່າງໆກ່ຽວກັບການຮ່ວມມືອາຊີຕາເວັນອອກ.

ທ່ານນາງເໝົາໜິງກ່າວວ່າ: ສປປ ລາວທີ່ເປັນປະເທດປະທານໝູນວຽນອາຊຽນຈະຈັດກອງປະຊຸມເຈົ້າໜ້າທີ່ຂັ້ນສູງອາຊຽນກັບຈີນ-ຍີ່ປຸ່ນ-ສ.ເກົາຫຼີ, ກອງປະຊຸມເຈົ້າໜ້າທີ່ຂັ້ນສູງຂອງກອງປະຊຸມສຸດຍອດອາຊີຕາເວັນອອກ ແລະ ກອງປະຊຸມເຈົ້າໜ້າທີ່ຂັ້ນສູງຂອງເວທີເປິກສາຫາລືພາກພື້ນອາຊຽນ ໃນລະຫວ່າງວັນທີ 7-8 ມິຖຸນານີ້ຢູ່ນະຄອນຫຼວງວຽງຈັນ. ທ່ານຊຸ່ນເວີ້ຍຕົ່ງ ຮອງລັດຖະມົນຕີກະຊວງການຕ່າງປະເທດຈີນຈະນຳພາຄະນະຜູ້ແທນເຂົ້າຮ່ວມ.

ໃນໄລຍະກອງປະຊຸມ, ຝ່າຍຕ່າງໆຈະປິ່ນອອ້ອມຫົວຂໍ້ຫຼັກ “ອາຊຽນ: ເພີ່ມທະວີການເຊື່ອມໂຍງເຊື່ອມຈອດກັນແລະຄວາມເຂັ້ມແຂງ”, ທົບທວນຄືນຜົນງານດ້ານການຮ່ວມມືອາຊີຕາເວັນອອກ, ລົງເລິກເປິກສາຫາລືບັນຫາທີ່ຈະກຳແໜ້ນທິດທາງການຮ່ວມມືເພື່ອການພັດທະນາໃນພາກພື້ນ ແລະ ຊຸກຍູ້ການຮ່ວມມືລະຫວ່າງກົນໄກຕ່າງໆພາຍໃຕ້ສະພາບການປັດຈຸບັນຄືແນວໃດ ແລະຈະແລກປ່ຽນຄວາມເຫັນກ່ຽວກັບບັນຫາໃນພາກພື້ນແລະສາກົນທີ່ສົນໃຈຮ່ວມກັນ ເພື່ອເປັນການກະກຽມໃຫ້ແກ່ກອງປະຊຸມຕ່າງໆຂອງຜູ້ນຳ ແລະ ກອງປະຊຸມລັດຖະມົນຕີການຕ່າງປະເທດກ່ຽວກັບການຮ່ວມມືອາຊີຕາເວັນອອກ.