ວັນທີ 7 ສິງຫານີ້, ກະຊວງສາທາລະນະສຸກຟິລິບປິນແຈ້ງຂ່າວວ່າ, ປີນີ້, ຟິລິບປິນມີຜູ້ຖືກບົ່ງມະຕິຕິດເຊື້ອພະຍາດໄຂ້ເລືອດອອກ 128.000 ກວ່າຄົນແລະເສຍຊີວິດ 337 ຄົນ.

ອີງຕາມຂໍ້ມູນຕົວເລກທີ່ກະຊວງສາທາລະນະສຸກຟິລິບປິນປະກາດໃນມື້ດຽວກັນໃຫ້ຮູ້ວ່າ: ນັບມາຮອດວັນທີ 27 ກໍລະກົດແລ້ວນີ້, ຟິລິບປິນມີລາຍງານຜູ້ຖືກບົ່ງມະຕິຕິດເຊື້ອພະຍາດໄຂ້ເລືອດອອກທັງໝົດ 128.834 ຄົນ, ເພີ່ມຂຶ້ນເກືອບ 33% ເມື່ອທຽບໃສ່ໄລຍະດຽວກັນຂອງປີກາຍທີ່ມີຈຳນວນ  97.211 ຄົນໃນ. ເຖິງວ່າ, ຜູ້ຖືກບົ່ງມະຕິຕິດເຊື້ອພະຍາດເພີ່ມຂຶ້ນ, ແຕ່ຈຳນວນຜູ້ເສຍຊີວິດຊ້ຳພັດຫຼຸດລົງເມື່ອທຽບໃສ່ໄລຍະດຽວກັນຂອງປີກາຍທີ່ມີຈຳນວນ 378 ຄົນ.