ບົດລາຍງານລັດຖະບານ
ບັນດາຜູ້ແທນທີ່ເຄົາລົບນັບຖື:
ດຽວນີ້,ຂ້າພະເຈົ້າຂໍຕາງໜ້າຄະນະລັດຖະບານລາຍງານວຽກງານຂອງລັດຖະບານຕໍ່ກອງປະຊຸມເພື່ອໃຫ້ບັນດາຜູ່ແທນສະພາປະຊາຊົນແຫ່ງຊາດຄົ້ນຄວ້າພິຈາລະນາ,ແລະຂໍໃຫ້ບັນດາກຳມະການສະພາປຶກສາການເມືອງປະຊາຊົນແຫ່ງຊາດຈີນປະກອບຄຳຄິດຄຳເຫັນ.
ພາກທີໜຶ່ງ: ສະຫຼຸບວຽກງານໃນປີ2011ຜ່ານມາ
ໃນໜຶ່ງປີທີ່ຜ່ານມາ,ໂດຍປະເຊີນໜ້າກັບສະພາບແວດລ້ອມທາງດ້ານເສດຖະກິດແລະການເມືອງທີ່ສັບສົນແລະປ່ຽນແປງເລື້ອຍໆ,ແລະພາລະໜ້າທີ່ອັນໜັກໜາໃນການປະຕິຮູບແລະການພັດທະນາພາຍໃນປະເທດ,ປະຊາຊົນຈີນບັນດາເຜົ່າໃນທົ່ວປະເທດຢູ່ພາຍໃຕ້ການນຳພາຂອງພັກກອມມູນນິດຈີນໄດ້ຮ່ວມຈິດຮ່ວມໃຈສາມັກຄີກັນບາກບັ່ນສູ້ຊົນ,ເຮັດໃຫ້ການປະຕິຮູບແລະເປີດປະຕູສູ່ພາຍນອກແລະການກໍ່ສ້າງສັງຄົມນິຍົມທີ່ທັນສະໄໝຂອງຈີນໄດ້ຮັບຜົນສຳເລັດໃໝ່ຢ່າງໃຫຍ່ຫຼວງ. ລວມຍອດຜະລິດຕະພັນພາຍໃນຫຼື GDP ບັນລຸເຖິງ 4 ໝື່ນ7200 ຕື້ຢວນ,ເພີ່ມຂຶ້ນ 9,2% ເມື່ອທຽບໃສ່ໄລຍະດຽວກັນຂອງປີ 2010 ຜ່ານມາ. ລາຍຮັບການເງິນສາທາລະນະມີເຖິງ 1 ຕື້ 37 ລ້ານຢວນ,ຊຶ່ງເພີ່ມຂຶ້ນ 24,8%, ຜົນຜະລິດທັນຍາຫານມີ 570 ລ້ານໂຕນຊຶ່ງໄດ້ສ້າງສະຖິຕິສູງສຸດເທື່ອໃໝ່. ຜູ່ປະກອບອາຊີບໃໝ່ໃນຕົວເມືອງໄດ້ເພີ່ມຂຶ້ນ 12 ລ້ານ 2 ແສນ 1 ໝື່ນຄົນ, ລາຍໄດ້ທີ່ຈັບຈ່າຍໄດ້ທີ່ສະເລ່ຍຕໍ່ຫົວຄົນໃນຕົວເມືອງໄດ້ເພີ່ມຂຶ້ນ 8,4%, ລາຍໄດ້ສຸດທິທີ່ສະເລ່ຍຕໍ່ຫົວຄົນຂອງປະຊາຊົນຊົນນະບົດໄດ້ເພີ່ມຂຶ້ນ 11,4%. ພວກມຂ້າພະເຈົ້າໄດ້ປັບປຸງແລະເປີດກວ້າງໝາກຜົນໃນການຮັບມືກັບຜົນກະທົບຈາກວິກິດການການເງິນສາກົນ, ໄດ້ສ້າງສະພາບການທີ່ດີໃນໄລຍະຕົ້ນແຫ່ງການປະຕິບັດແຜນການພັດທະນາເສດຖະກິດສັງຄົມແຫ່ງຊາດ 5 ປີຄັ້ງທີ12.
ໃນໜຶ່ງປີທີ່ຜ່ານມາ,ພວກຂ້າພະເຈົ້າໄດ້ເຮັດວຽກຫຼາຍດ້ານດັ່ງລຸ່ມນີ້:
ໜຶ່ງ: ເພີ່ມທະວີແລະປັບປຸງການດັບສົມຄວບຄຸມມະຫາພາກ, ສະກັດກັ້ນບໍ່ໃຫ້ລາຄາສິນຄ້າຖີບຕົວສູງຂຶ້ນໄວເກີນໄປແລະປົກປັກຮັກສາໃຫ້ເສດຖະກິດ ພັດທະນາຢ່າງໝັ້ນທ່ຽງແລະໄວສົມຄວນ.
ລັດຖະບານໄດ້ປະຕິບັດນະໂຍບາຍການເງິນທີ່ຕັ້ງໜ້າແລະນະໂຍບາຍເງິນຕາທີ່ໝັ້ນທ່ຽງ, ຍຶດໝັ້ນການປະຕິບັດຢ່າງຖືກຕ້ອງຕໍ່ການພົວພັນລະຫວ່າງການຮັກສາໃຫ້ເສດຖະກິດພັດທະນາຢ່າງໝັ້ນທ່ຽງແລະໄວສົມຄວນ, ປັບປຸງອົງປະກອບເສດຖະກິດແລະຄຸ້ມຄອງການຄາດຄະເນຕໍ່ໄພເງິນເຟີ້. ພາຍໃຕ້ສະພາບອັນຂ້ຽວຂາດຄືໄພເງິນເຟີ້ໃນທົ່ວໂລກຄາດວ່າຈະຮຸນແຮງຂຶ້ນເລື້ອຍໆ, ລາຄາຂອງສິນຄ້າລາຍໃຫຍ່ໃນຕະຫຼາດສາກົນເໜັງຕີງຢູ່ໃນລະດັບສູງ, ຕົ້ນທຶນພາຍໃນປະເທດເພີ່ມຂຶ້ນຢ່າງເດັ່ນຊັດ, ແລະການສະໜອງຜະລິດຕະພັນກະສິກຳບໍ່ພຽງພໍໜ້ອຍໜຶ່ງ, ລັດຖະບານໄດ້ຖືການຮັກສາລະດັບລວມຂອງລາຄາສິນຄ້າໃຫ້ມີຄວາມໝັ້ນທ່ຽງນັ້ນ ເປັນໜ້າທີ່ສຳຄັນອັນດັບໜຶ່ງໃນການດັດສົມຄວບຄຸມມະຫາພາກ, ຍຶດໝັ້ນປະຕິບັດນະໂຍບາຍໂດຍລວມ, ໃຊ້ນະໂຍບາຍເງິນຕາຢ່າງສົມເຫດສົມຜົນ, ປັບປຸງຈັງຫວະເຕີບໂຕຂອງເງິນກູ້ສິນເຊື່ອ, ອອກແຮງພັດທະນາການຜະລິດ, ຮັບປະກັນການສະໜອງສິນຄ້າ, ເຮັດໃຫ້ການຈໍລະຈອນສິນຄ້າດຳເນີນໄປດ້ວຍດີ, ເພີ່ມທະວີການຕິດຕາມຄຸ້ມຄອງ, ນັບແຕ່ເດືອນສິງຫາປີ 2011 ເປັນຕົ້ນໄປ, ດັດຊະນີລາຄາຜູ່ຊົມໃຊ້ຫຼື CPI, ດັດຊະນີລາຄາຜູ່ຜະລິດອຸດສາຫະກຳ ໄດ້ຄ່ອຍໆຫຼຸດລົງນຳຄູ່ເດືອນ, ຊຶ່ງໄດ້ສະກັດກັ້ນທ່າອ່ຽງທີ່ຖີບຕົວສູງຂຶ້ນໄວເກີນໄປໃນຊົ່ວໄລຍະໜຶ່ງ. ໃນຫົກເດືອນທ້າຍປີ 2011, ເສດຖະກິດໂລກມີຄວາມບໍ່ແນ່ນອນແລະຄວາມບໍ່ໝັ້ນທ່ຽງເພີ່ມຂຶ້ນ, ເສດຖະກິດພາຍໃນປະເທດໄດ້ປະກົດມີບາງບັນຫາໃໝ່, ລັດຖະບານດ້ານໜຶ່ງໄດ້ຍຶດໝັ້ນທິດທາງພື້ນຖານໃນການດັດສົມຄວບຄຸມມະຫາພາກບໍ່ປ່ຽນແປງ, ຮັກສາຄວາມໝັ້ນທ່ຽງໂດຍພື້ນຖານຂອງນະໂຍບາຍເສດຖະກິດມະຫາພາກ, ສືບຕໍ່ຄວບຄຸມໄພເງິນເພີ້; ອີກດ້ານໜຶ່ງ, ປັບປຸງນະໂຍບາຍເລັກໜ້ອຍໃນເວລາແລະລະດັບອັນເໝາະສົມ, ເພີ່ມທະວີການປະສານສົມທົບກັນລະຫວ່າງນະໂຍບາຍເງິນກູ້ສິນເຊື່ອແລະນະໂຍບາຍອຸດສາຫະກຳ, ຫຼຸດພາສີອາກອນລັກສະນະອົງປະກອບໃຫ້ໜ້ອຍລົງຕື່ມອີກ, ສຸມໃສ່ການສະໜັບສະໜູນເສດຖະກິດຕົວຈິງໂດຍສະເພາະແມ່ນວິສາຫະກິດຂະໜາດນ້ອຍ, ສະໜັບສະໜູນໂຄງການທີ່ກ່ຽວພັນເຖິງຊີວິດການເປັນຢູ່ຂອງປະຊາຊົນ ໂດຍສະເພາະແມ່ນໂຄງການກໍ່ສ້າງເຮືອນນະໂຍບາຍ, ຮັບປະກັນເງິນທຶນທີ່ໃຊ້ໃນໂຄງການສຳຄັນລະດັບຊາດທີ່ກຳລັງກໍ່ສ້າງຢູ່ຫຼືຕ້ອງການກໍ່ສ້າງຕໍ່ໄປເປັນພິເສດ,ແນໃສ່ແກ້ໄຂຄວາມຂັດແຍ່ງກັນອັນພົ້ນດັ່ນທີ່ປະກົດຂຶ້ນໃນການພັດທະນາເສດຖະກິດ. ລັດຖະບານເພີ່ມທະວີການດັດສົມຄວບຄຸມຕະຫຼາດເຮືອນຢູ່ແລະທີ່ດິນຢ່າງໝັ້ນໜຽວບໍ່ປ່ຽນແປງ, ຮັບປະກັນໃຫ້ນະໂຍບາຍດັດສົມຄວບຄຸມໄດ້ຮັບການປະຕິບັດຢ່າງແທ້ຈິງແລະໄດ້ຮັບປະສິດທິຜົນຕົວຈິງ. ລັດຖະບານເອົາໃຈໃສ່ໃນລະດັບສູງໃນການປ້ອງກັນແລະແກ້ໄຂຄວາມສ່ຽງທີ່ແຝງຊ້ອນຢູ່ໃນຂົງເຂດການເງິນແລະການທະນາຄານ, ດຳເນີນການກວດກາບັນຊີຢ່າງຮອບດ້ານຕໍ່ໜີ້ສິນຂອງອົງການປົກຄອງທ້ອງຖິ່ນຢ່າງທັນການ, ຊອກຮູ້ຢ່າງຈະແຈ້ງເຖິງຍອດປະລິມານ, ສາເຫດຕິດໜີ້ແລະເວລາກຳນົດໃນການໄຊ້ແທນແລະສະພາບການແຈກຢາຍຂອງໜີ້ສິນຂອງອົງການປົກຄອງທ້ອງຖິ່ນທີ່ຕິດມາໄດ້ຫຼາຍປີ. ປະຈຸບັນ, ລະດັບໜີ້ສິນຂອງອົງການປົກຄອງທ້ອງຖິ່ນທັງໝົດແມ່ນຢູ່ໃນລະດັບທີ່ປອດໄພແລະສາມາດຄວບຄຸມໄດ້. ເບິ່ງລວມແລ້ວເຫັນວ່າ, ເສດຖະກິດແຫ່ງຊາດຂອງປະເທດຈີນແມ່ນສືບຕໍ່ຂະຫຍາຍຕົວໄປຕາມທິດຄາດໝາຍທາງດ້ານການດັດສົມຄວບຄຸມມະຫາພາກ, ຄວາມສາມາດຕ້ານຄວາມສ່ຽງໄດ້ເພີ່ມຂຶ້ນຢ່າງບໍ່ຢຸດຢັ້ງ, ຊຶ່ງໄດ້ປະກົດມີທ່າອ່ຽງທີ່ດີຄືເຕີບໂຕຢ່າງວ່ອງໄວສົມຄວນ, ລາຄາສິນຄ້າຄ່ອຍໆໝັ້ນທ່ຽງຂຶ້ນ, ມີປະສິດທິຜົນທີ່ດີສົມຄວນແລະຊີວິດການເປັນຢູ່ຂອງປະຊາຊົນໄດ້ຮັບການປັບປຸງໃດ້ດີຂຶ້ນ.
ສອງ: ເລັ່ງລັດຫັນປ່ຽນຮູບການພັດທະນາເສດຖະກິດ, ເຮັດໃຫ້ການພັດທະນາມີຄວາມກົມກຽວກັນຫຼາຍຂຶ້ນ ແລະຂະແໜງການອຸດສາຫະກຳມີກຳລັງແຂ່ງຂັນສູງຂຶ້ນ.
ລັດຖະບານຍຶດໝັ້ນຫຼັກການທີ່ມີທັງສະໜັບສະໜູນທັງຄວບຄຸມ, ຊຸກຍູ້ການ ປັບປຸງໂຄງປະກອບໃຫ້ດີຂຶ້ນ, ກະຕຸ້ນທ່າແຮງບົ່ມຊ້ອນໃນການພັດທະນາ.
ປັບປຸງແລະເສີມສ້າງພື້ນຖານກະສິກຳ: ການເງິນສູນກາງໄດ້ຈັດສັນງົບປະມານເຂົ້າໃນດ້ານກະສິກຳ,ຊົນນະບົດແລະຊາວກະສິກອນຫຼາຍກວ່າ 1000 ຕື້ຢວນ, ເພີ່ມຂຶ້ນ 183 ຕື້ 900 ລ້ານຢວນເມື່ອທຽບໃສ່ປີ 2010. ກະສິກຳໄດ້ຮັບຜົນເກັບກ່ຽວອັນອຸດົມສົມບູນໂດຍທົ່ວໄປ, ຍອດຜົນຜະລິດທັນຍາຫານໄດ້ເພີ່ມຂຶ້ນໃນ 8 ປີລຽນຕິດ ຊຶ່ງເປັນປະກົດການທີ່ເຫັນໜ້ອຍທີ່ສຸດໃນປະຫວັດສາດ, ຜົນຜະລິດທັນຍາຫານຕໍ່ປີໄດ້ຫຼາຍກວ່າ 500 ລ້ານໂຕນໃນ 5 ປີລຽນຕິດ, ຊຶ່ງເປັນຂີດໝາຍສະແດງໃຫ້ເຫັນວ່າ ຄວາມສາມາດລວມໃນການຜະລິດທັນຍາຫານຂອງປະເທດພວກເຮົາໄດ້ກ້າວຂຶ້ນສູ່ລະດັບໃໝ່ຢ່າງໜັກແໜ້ນ.
ເລັ່ງລັດປັບປຸງໂຄງປະກອບອຸດສາຫະກຳໃຫ້ດີຂຶ້ນຕື່ມອີກ. ລັດຖະບານອອກແຮງກໍ່ສ້າງອຸດສາຫະກຳໃໝ່ທີ່ມີລັກສະນະຍຸດທະສາດ, ພະລັງງານໃໝ່, ຂະແໜງການຕ່າງໆຄືອຸປະກອນໃໝ່, ຢາຊີວະຊາດ, ການຜະລິດເຄື່ອງປະກອບເຕັກນິກສູງ, ລົດຍົນທີ່ໃຊ້ພະລັງງານໃໝ່ໄດ້ພັດທະນາຢ່າງວ່ອງໄວ. ໄດ້ເລັ່ງລັດບາດກ້າວໃນການດຳເນີນວຽກງານສາທິດທົດລອງໃນດ້ານໂທລະຄົມມະນາຄົມ,ອິນເຕີເນັດແລະເຄືອຂ່າຍໂທລະພາບເຊື່ອມໂຍງເຂົ້າກັນ, ການຄິດໄລ່ຄຼາວດ໌, ເຄືອຂ່າຍວັດຖຸສິ່ງຂອງ. ການໂຮມວິສາຫະກິດແລະປະກອບຄືນໃໝ່ໄດ້ຮັບຄວາມຄືບໜ້າໃໝ່. ການເງິນສູນກາງຈີນໄດ້ຈັດສັນງົບປະມານ 15 ຕື້ຢວນເຂົ້າໃນການສະໜັບສະໜູນການສ້າງອຸດສາຫະກຳສຳຄັນໃຫ້ຈະເລີນຄືນໃໝ່ແລະການດັດສ້າງເຕັກນິກ, ຊຶ່ງໄດ້ສະໜັບສະໜູນ 4000 ກວ່າໂຄງການແລະພາໃຫ້ພາກສ່ວນອື່ນໆລົງທຶນໃນດ້ານນີ້ລວມທັງໝົດ 300 ຕື້ຢວນ.
ຊຸກຍູ້ການປະຢັດພະລັງງານ,ຫຼຸດການລະບາຍມົນລະພິດແລະການອະນຸລັກສິ່ງແວດລ້ອມທຳມະຊາດ.
ລັດຖະບານໄດ້ເຜີຍແຜ່ແລະປະຕິບັດແຜນການວຽກງານປະຢັດພະລັງງານແລະຫຼຸດການລະບາຍມົນລະພິດໃນໄລຍະປະຕິບັດແຜນການ 5 ປີຄັ້ງທີ 12,ແຜນການວຽກງານຄວບຄຸມການລະບາຍອາຍພິດເຮືອນແກ້ວ ແລະ ຄວາມເຫັນກ່ຽວກັບເພີ່ມທະວີວຽກງານຈຸດສຸມໃນການອະນຸລັກສິ່ງແວດລ້ອມ. ເພີ່ມຄວາມແຮງໃນການດັດສົມຄວບຄຸມຂະແໜງການທີ່ສິ້ນເປືອງພະລັງງານຫຼາຍ, ລະບາຍມົນລະພິດຫຼາຍແລະຄວາມສາມາດການຜະລິດເກີນຄວາມຕ້ອງການຕົວຈິງ. ປິດໂຮງງານຜະລິດຊີມັງທີ່ໃຊ້ເຕັກນິກຫຼ້າຫຼັງທີ່ມີຄວາມສາມາດຜະລິດ 150 ລ້ານໂຕນ, ໂຮງງານຫຼໍ່ຫຼອມເຫຼັກກ້າ 31 ລ້ານ 2 ແສນ 2 ໝື່ນໂຕນ, ໂຮງງານຖ່ານຫີນ 19 ລ້ານ 2 ແສນ 5 ໝື່ນໂຕນ. ປະຕິບັດໂຄງການໄລຍະທີສອງຂອງການສະຫງວນປ່າທຳມະຊາດແລະຍົກສູງມາດຕະການເງິນອຸດໜູນ, ປະຕິບັດນະໂຍບາຍໃຫ້ເງິນລາງວັນໃນການອະນຸລັກທົ່ງຫຍ້າທຳມະຊາດ, ດຳເນີນການທົດລອງອະນຸລັກສິ່ງແວດລ້ອມທຳມະຊາດຂອງບຶງໜອງ. ປູກໄມ້ສ້າງປ່າ 6 ລ້ານ 1 ແສນ 1 ໝື່ນກວ່າເຮັກຕາ.
ຊຸກຍູ້ໃຫ້ເສດຖະກິດຂອງເຂດຕ່າງໆພັດທະນາຢ່າງກົມກຽວກັນ.
ລົງເລິກປະຕິບັດຍຸດທະສາດລວມໃນການພັດທະນາເຂດແລະແຜນການພັດທະນາເຂດທີ່ມີບົດບາດສຳຄັນໃນທົ່ວປະເທດ. ສ້າງນະໂຍບາຍໃຫ້ສິດທິພິເສດຕ່າງໆເພື່ອຊຸກຍູ້ເຂດຕິເບດ, ເຂດຊິນຈ່ຽງແລະເຂດອື່ນໆພັດທະນາແບບກ້າວກະໂດດ. ສ້າງໂຄງຮ່າງພັດທະນາແລະຫຼຸດຜ່ອນຄວາມທຸກຍາກຂອງຊົນນະບົດ 10 ປີຄັ້ງໃໝ່ແລະແຜນການດຳເນີນງານສ້າງເຂດຊາຍແດນໃຫ້ຈະເລີນຮຸ່ງເຮືອງແລະສ້າງຄວາມຮັ່ງມີໃຫ້ປະຊາຊົນເຂດຊາຍແດນ10 ປີຄັ້ງໃໝ່. ການພັດທະນາຂອງເຂດຕ່າງໆມີຄວາມກົມກຽວກັນຫຼາຍຂຶ້ນຕື່ມອີກ, ຄາດໝາຍເສດຖະກິດຕົ້ນຕໍຂອງເຂດພາກກາງແລະພາກຕາເວັນຕົກແລະເຂດພາກຕາເວັນອອກສຽງເໜືອມີຈັງຫວະເຕີບໂຕສູງກວ່າລະດັບສະເລ່ຍຂອງທົ່ວປະເທດ. ການຫັນປ່ຽນຮູບແບບພັດທະນາແລະປັບປຸງໂຄງປະກອບອຸດສາຫະກຳຢູ່ເຂດພາກຕາເວັນອອກ ໄດ້ເລັ່ງລັດໄວຂຶ້ນ. ການຫັນເປັນຕົວເມືອງໄດ້ຫຼາຍກວ່າ 50%, ນີ້ແມ່ນການປ່ຽນແປງຄັ້ງປະຫວັດການຂອງອົງປະກອບສັງຄົມຈີນ. ຈີນໄດ້ສຳເລັດໜ້າທີ່ສ້າງສາຄືນໃໝ່ຫຼັງໄພແຜ່ນດິນໄຫວຮຸນແຮງຢູ່ເມືອງເວິ້ນຊ່ວນແຂວງເສສວນຢ່າງໄດ້ຮົບຜົນສຳເລັດອັນດີງາມ. ຕັ້ງໜ້າຊຸກຍູ້ວຽກງານຕ້ານໄພແລະກູ້ໄພພ້ອມດ້ວຍການສ້າງສາຄືນໃໝ່ຫຼັງປະສົບໄພຢູ່ເມືອງອີ້ຊູ້ແຂວງຊິງໄຫແລະເມືອງໂຈ່ວສູແຂວງກ້ານຊູ້,ເມືອງອີງຈ່ຽງແຂວງຢູນນານ.
ສາມ: ອອກແຮງພັດທະນາວຽກງານສັງຄົມ, ຊຸກຍູ້ໃຫ້ເສດຖະກິດສັງຄົມພັດທະນາຢ່າງກົມກຽວກັນ
ອົງການປົກຄອງທ້ອງຖິ່ນທຸກຂັ້ນເພີ່ມງົບປະມານເຂົ້າໃນວຽກງານດ້ານ ວິທະຍາສາດເຕັກໂນໂລຊີ,ການສຶກສາ,ວັດທະນະທຳ,ສາທາລະນະສຸກແລະກິລາ.ລາຍຈ່າຍການເງິນທົ່ວປະເທດ 282 ຕື້ຢວນ.
ສືບຕໍ່ຍົກສູງຄວາມສາມາດປະດິດສ້າງໃນດ້ານວິທະຍາສາດເຕັກໂນໂລຊີເພີ່ມທະວີການຄົ້ນຄວ້າພື້ນຖານແລະການຄົ້ນຄວ້າເຕັກນິກກ້າວໜ້າ. ປະຕິບັດໂຄງການວິທະຍາສາດເຕັກໂນໂລຊີລະດັບຊາດລາຍສະເພາະ, ມີຄວາມຄືບໜ້າໃນດ້ານເຕັກນິກສຳຄັນບາງຢ່າງ, ຜະລິດຕະພັນແລະອຸປະກອນສຳຄັນຫຼາຍຢ່າງໄດ້ມີຂຶ້ນ. ໄດ້ສົ່ງຍານອະວະກາດທ່ຽນກົ່ງເລກໜຶ່ງແລະຍານອະວະກາດເຊີນໂຈ່ວເລກ 8 ຂຶ້ນຢູ່ອະວະກາດຢ່າງສຳເລັດຜົນແລະຍານອະວະກາດສອງເຄື່ອງດັ່ງກ່າວໄດ້ເຊື່ອມຕໍ່ເຂົ້າກັນເປັນຢ່າງດີ, ຊຶ່ງກາຍເປັນຂີດໝາຍອັນໃໝ່ໃນປະຫວັດການພັດທະນາການບິນອະວະກາດບັນທຸກມະນຸດຂອງຈີນ.
ຊຸກຍູ້ການສຶກສາໃຫ້ມີຄວາມຍຸດຕິທຳຢ່າງໜັກແໜ້ນ
ລົງເລິກຜັນຂະຫຍາຍແຜນການປະຕິຮູບແລະການພັດທະນາການສຶກສາ.ເມື່ອໄດ້ທຳຄວາມະຍາຍາມຢ່າງບໍ່ລົດລະມາໄດ້ 25 ປີ, ໄດ້ບັນລຸເປົ້າໝາຍເຜີຍແຜ່ການສຶກສາພາກບັງຄັບ 9 ປີແລະລົບລ້າງຄວາມບໍ່ຮູ້ໜັງສືຂອງໄວໜຸ່ມແລະໄວສະກັນ. ແກ້ໄຂບັນຫາກ່ຽວກັບລູກເຕົ້າຂອງຊາວກະສິກອນທີ່ຕິດຕາມພໍ່ແມ່ໄປເຮັດວຽກໃນຕົວເມືອງນັ້ນໄດ້ຮັບການສຶກສາພາກບັງຄັບຢູ່ໃນຕົວເມືອງ, ຊຸກຍູ້ການປະຕິບັດແຜນການດຳເນີນງານ 3 ປີສຳລັບການສຶກສາກ່ອນໄວຮຽນ, ຍົກສູງອັດຕາຈຳນວນເດັກນ້ອຍເຂົ້າໂຮງອະນຸບານ,ອອກແຮງພັດທະນາອາຊີວະສຶກສາ.
ອອກແຮງພັດທະນາການກໍ່ສ້າງວັດທະນະທຳ
ການເງິນສູນກາງໄດ້ເພີ່ມງົບປະມານເຂົ້າໃນການສະໜັບສະໜູນໂຄງການວັດທະນະທຳທີ່ສ້າງຜົນປະໂຫຍດໃຫ້ແກ່ປະຊາຊົນ. ແຫ່ງຕ່າງໆໄດ້ເພີ່ມງົບ ປະມານເຂົ້າໃນວຽກງານວັດທະນະທຳເພື່ອສາທາລະນະປະໂຫຍດໃຫ້ຫຼາຍຂຶ້ນ ຢ່າງເດັ່ນຊັດ. ເປີດກວ້າງຂອບເຂດສິ່ງກໍ່ສ້າງວັດທະນະທຳສາທາລະນະທີ່ເປີດໃຫ້ເຂົ້າຊົມໂດຍບໍ່ຕ້ອງເສຍເງິນ,ແລະໃຫ້ການບໍລິການຫຼາຍຂຶ້ນເປັນກ້າວໆ. ສືບຕໍ່ຊຸກຍູ້ການປະຕິຮູບໂຄງປະກອບວັດທະນະທຳ, ອຸດສາຫະກຳວັດທະນະທຳ ພັດທະນາຢ່າງວ່ອງໄວ, ການອະນຸລັກວັດຖຸບູຮານ, ການອະນຸລັກແລະສືບທອດມໍລະດົກວັດທະນະທຳທີ່ບໍ່ແມ່ນວັດຖຸໄດ້ຮັບຄວາມຄືບໜ້າອັນສຳຄັນ.
ຊຸກຍູ້ການປະຕິຮູບແລະພັດທະນາວຽກງານສາທາລະນະສຸກຢ່າງຕັ້ງໜ້າແລະໜັກແໜ້ນ.
ການປະກັນໄພການປິ່ນປົວຂັ້ນພື້ນຖານໄດ້ປົກຄຸມຂອບເຂດກວ້າງອອກຕໍ່ໄປ, ປະຊາຊົນໃນຕົວເມືອງແລະຊົນນະບົດ 1 ຕື້ 300 ລ້ານຄົນໄດ້ເຂົ້າຮ່ວມການປະກັນໄພ, ລະບົບປະກັນໄພການປິ່ນປົວທົ່ວປວງຊົນ ໄດ້ເປັນຮູບເປັນຮ່າງຂຶ້ນໃນເບື້ອງຕົ້ນ. ນະໂຍບາຍແຫ່ງຊາດດ້ານຢາປົວພະຍາດໄດ້ປົກຄຸມໂຮງໝໍພາກລັດຂັ້ນຮາກຖານໃນທົ່ວປະເທດ, ຢຸກຢາພື້ນຖານມີຄວາມປອດໄພຫຼາຍຂຶ້ນ, ລາຄາໄດ້ຫຼຸດຕ່ຳລົງ. ໂຮງໝໍພາກລັດໄດ້ດຳເນີນການທົດລອງປະຕິຮູບຢ່າງເປັນລະບຽບຮຽບຮ້ອຍ. ລະບົບບໍລິການສາທາລະນະສຸກຂັ້ນຮາກຖານໄດ້ສ້າງຕັ້ງຂຶ້ນໂດຍພື້ນຖານ. ການບໍລິການສາທາລະນະຂັ້ນພື້ນຖານສະໝ່ຳສະເໝີແລະວຽກງານອື່ນໆໄດ້ຮັບຄວາມຄືບໜ້າໃໝ່.
ສີ່: ຮັບປະກັນແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ,ແກ້ໄຂບັນຫາທີ່ພົວພັນໂດຍກົງກັບຜົນປະໂຫຍດຂອງປະຊາຊົນ.
ລັດຖະບານຍຶດໝັ້ນຖືວຽກງານຊີວິດການເປັນຢູ່ຂອງປະຊາຊົນເປັນວຽກງານກ່ອນໝູ່,ພະຍາຍາມເຮັດໃຫ້ຜົນສຳເລັດດ້ານການພັດທະນາສ້າງຜົນປະໂຫຍດໃຫ້ແກ່ປະຊາຊົນທຸກຖ້ວນໜ້າ, ຊຸກຍູ້ຄວາມທ່ຽງທຳແລະຍຸດຕິທຳໃນສັງຄົມ.
ປະຕິບັດນະໂຍບາຍການປະຕິຮູບທີ່ຕັ້ງໜ້າກວ່າເກົ່າ
ໃຊ້ຫຼາຍຊ່ອງທາງໃນການພັດທະນາຕຳແໜ່ງວຽກງານ,ອອກແຮງຊຸກຍູ້ການສ້າງບໍລິສັດເພື່ອສ້າງໂອກາດປະກອບອາຊີບ,ເພີ່ມທະວີການຝຶກອົບຮົມເຕັກນິກວິຊາຊີບແລະສ້າງລະບົບບໍລິການການປະກອບອາຊີບ. ເພີ່ມທະວີການສະໜັບສະໜູນຈາກດ້ານການເງິນ, ສ່ວຍສາອາກອນແລະການທະນາຄານເຫຼົ່ານີ້ເປັນຕົ້ນ, ສຸມກຳລັງເຂົ້າໃນການຊຸກຍູ້ກຸ່ມຄົນສຳຄັນປະກອບອາຊີບເຊັ່ນນັກສຶກສາທີ່ຮຽນຈົບຈາກໂຮງຮຽນຊັ້ນສູງແລະຊາວກະສິກກອນທີ່ໄປເຮັດວຽກໃນຕົວເມືອງ. ນັກສຶກສາທີ່ປະກອບອາຊີບເທື່ອທຳອິດ ໄດ້ບັນລຸເຖິງ 77,8%, ເມື່ອທຽບໃສ່ປີ 2010 ແລ້ວໄດ້ເພີ່ມຂຶ້ນ 1,2%. ຈຳນວນຊາວກະສິກອນທີ່ໄປເຮັດວຽກໃນຕົວເມືອງມີທັງໝົດ 253 ລ້ານຄົນ, ເພີ່ມຂຶ້ນ 4,4% ເມື່ອທຽບໃສ່ປີ 2010. ໃນນັ້ນ, ຊາວກະສິກອນທີ່ໄປເຮັດວຽກຢູ່ຕ່າງຖິ່ນມີ 159 ລ້ານຄົນ,ເພີ່ມຂຶ້ນ 4,3%.
ຕັ້ງໜ້າສັບຊ້ອນການພົວພັນແບ່ງປັນລາຍໄດ້
ສຸມໃສ່ການຍົກສູງລາຍໄດ້ຂອງປະຊາຊົນຜູ່ມີລາຍໄດ້ຕ່ຳ. ຈັງຫວະການເຕີບໂຕຂອງລາຍໄດ້ສຸດທິທີ່ສະເລ່ຍຕໍ່ຫົວຄົນໃນຊົນນະບົດແມ່ນສູງສຸດນັບແຕ່ປີ 1985 ມານີ້, ຊຶ່ງໄດ້ສູງກວ່າລາຍໄດ້ສຸດທິທີ່ສະເລ່ຍຕໍ່ຫົວຄົນໃນຕົວເມືອງເປັນສອງປີລຽນຕິດ. ແຫ່ງຕ່າງໆໄດ້ຍົກສູງມາດຕະຖານເງິນເດືອນຕ່ຳສຸດຢ່າງຫຼວງຫຼາຍໂດຍທົ່ວໄປ. ສ້າງກົນໄກທີ່ມາດຕະຖານຊ່ວຍເຫຼືອແລະຮັບປະກັນທາງສັງຄົມຕິດພັນກັບການຖີບຕົວຂອງລາຄາສິນຄ້າ. ຍົກສູງອັດຕາສ່ວນຂອງຜູ່ມີລາຍໄດ້ລະດັບກາງ. ມາດຕະຖານເກັບອາກອນລາຍໄດ້ສ່ວນບຸກຄົນ ໄດ້ຈາກ 2000 ຢວນເພີ່ມຂຶ້ນຮອດ 3500 ຢວນ. ຫຼຸດພາລະດ້ານສ່ວຍສາກອນຂອງນັກທຸລະກິດເອກກະຊົນຈຳນວນ 9 ລ້ານກວ່າຄົນ. ລັດຖະບານໄດ້ກຳນົດມາດຕະຖານລະດັບຊາດອັນໃໝ່ໃນການຫຼຸດຜ່ອນຄວາມທຸກຍາກຄືໃຫ້ລາຍໄດ້ສຸດທິທີ່ສະເລ່ຍຕໍ່ຫົວຄົນຂອງຊາວກະສິກອນມີ 2300 ຢວນ, ໄດ້ເພີ່ມຂຶ້ນ 92% ເມື່ອທຽບໃສ່ປີ 2009. ຈັດເອົາປະຊາກອນຊົນນະບົດທີ່ມີລາຍໄດ້ຕ່ຳຫຼາຍກວ່າເກົ່າເຂົ້າເປັນເປົ້າໝາຍຫຼຸດຜ່ອນຄວາມທຸກຍາກ, ນີ້ແມ່ນຄວາມກ້າວໜ້າອັນໃຫຍ່ຫຼວງຂອງສັງຄົມ.
ເພີ່ມທະວີການກໍ່ສ້າງລະບົບປະກັນສັງຄົມ.
ລະບົບປະກັນສັງຄົມໄດ້ປົກຄຸມຂອບເຂດທີ່ກວ້າງອອກເລື້ອຍໆ, ຈຳນວນຄົນທີ່ເຂົ້າຮ່ວມການປະກັນໄພຕ່າງໆເຊັ່ນການປະກັນໄພລ້ຽງດູຜູ່ເຖົ້າ, ການປະກັນໄພການຫວ່າງງານ, ການປະກັນໄພບາດເຈັບໃນການເຮັດວຽກແລະການປະກັນໄພເກີດລູກໄດ້ເພີ່ມຂຶ້ນຢ່າງຫຼວງຫຼາຍ. ລະບົບປະກັນສັງຄົມໄດ້ຮັບການປັບປຸງໃຫ້ສົມບູນຂຶ້ນຕື່ມອີກຢ່າງບໍ່ຢຸດຢັ້ງ, ຊຶ່ງເປັນບາດກ້າວໃຫຍ່ທີ່ກ້າວໄປສູ່ເປົ້າໝາຍທີ່ໃຫ້ລະບົບປະກັນສັງຄົມປົກຄຸມທົ່ວປະເທດ. ນີ້ແມ່ນຜົນສຳເລັດອັນສຳຄັນໃນການຊຸກຍູ້ການບໍລິການສາທາລະນະຂັ້ນພື້ນຖານໃຫ້ມີຄວາມສະໝ່ຳສະເໝີ.
ອອກແຮງຊຸກຍູ້ການກໍ່ສ້າງໂຄງການເຮືອນຢູ່ນະໂຍບາຍ.
ລັດຖະບານໄດ້ວາງຄຳເຫັນຊີ້ນຳການກໍ່ສ້າງແລະຄຸ້ມຄອງໂຄງການເຮືອນຢູ່ນະໂຍບາຍ, ປັບປຸງນະໂຍບາຍຕ່າງໆໃຫ້ສົມບູນຂຶ້ນເຊັ່ນການຈັດສັນງົບປະມານ, ການສະໜອງທີ່ດິນ, ການສະໜັບສະໜູນຈາກດ້ານເງິນກູ້ສິນເຊື່ອ, ການຫຼຸດຫຼືຍົກເວັ້ນຄ່າທຳນຽມແລະສ່ວຍສາອາກອນແລະອື່ນໆ, ສຸມກຳລົງເຂົ້າໃນການຍົກສູງຄຸນນະພາບໃນການວາງແຜນແລະການກໍ່ສ້າງ, ສ້າງລະບຽບການກ່ຽວກັບການແຈກຢາຍ, ຄຸ້ມຄອງແລະສົ່ງຄືນເຮືອນຢູ່ນະໂຍບາຍ. ການເງິນສູນກາງໄດ້ຈັດສັນງົບປະມານ 171 ຕື້ 300 ລ້ານຢວນເຂົ້າໃນວຽກງານດ້ານນີ້, ເປັນ 2,2 ເທົ່າຂອງປີ 2010. ໃນໝົດປີ 2011 ຜ່ານມາ,ໄດ້ສ້າງເຮືອນຢູ່ນະໂຍບາຍໃຫ້ສຳເລັດແລ້ວ 4 ລ້ານ 3 ແສນ 2 ໝື່ນຊຸດ,ໄດ້ເລີ່ມລົງມືກໍ່ສ້າງອີກ 10 ລ້ານ 4 ແສນ 3 ໝື່ນຊຸດ.
ພະຍາຍາມປົກປັກຮັກສາຄວາມປອດໄພສາທາລະນະທາງສັງຄົມ.
ເພີ່ມທະວີການຕິດຕາມຄຸ້ມຄອງການຜະລິດຢ່າງປອດໄພ, ເຮັດວຽກງານການຊຳລະແກ້ໄຂ, ສືບສວນ, ທ້ວງໜ້າທີ່ຮັບຜິດຊອບຂອງຜູ່ກ່ຽວໃນອຸບັດຕິເຫດການຜະລິດອັນຮ້າຍແຮງ. ປັບປຸງກົນໄກລະບຽບຕິດຕາມຄຸ້ມຄອງຄວາມປອດໄພຂອງອາຫານໃຫ້ສົມບູນຂຶ້ນ, ໂຮມສູນຕໍ່ຕ້ານແລະລົງໂທດຕໍ່ການໃຊ້ສານປະສົມອາຫານຢ່າງຜິດກົດໝາຍແລະການຜະລິດແລະປັບປຸງອາຫານຢ່າງຜິດກົດໝາຍ. ຍຶດໝັ້ນຖືຄົນເປັນສຳຄັນ, ຖືການບໍລິການເປັນບູລິມະສິດ, ເພີ່ມທະວີແລະປະດິດສ້າງວິທີຄຸ້ມຄອງສັງຄົມ, ສຸມໃສ່ການກວດກາແລະແກ້ໄຂຄວາມຂັດແຍ່ງປະເພດຕ່າງໆໃນສັງຄົມ, ຕໍ່ຕ້ານການກະທຳຜິດກົດໝາຍແລະອາຊະຍາກຳ, ປົກປັກຮັກສາຄວາມສະຫງົບແລະຄວາມປອງດອງແລະຄວາມກົມກຽວກັນຂອງສັງຄົມ.
ຫ້າ: ລົງເລິກຊຸກຍູ້ການປະຕິຮູບແລະເປີດປະຕູສູ່ພາຍນອກ, ເພີ່ມກຳລັງແຮງຊຸກຍູ້ການພັດທະນາເສດຖະກິດສັງຄົມໃຫ້ມີຊີວິດຊີວາ.
ລັດຖະບານໄດ້ອີງຕາມໜ້າທີ່ປະຕິຮູບທີ່ກຳນົດໄວ້ໃນແຜນການພັດທະນາເສດຖະກິດສັງຄົມແຫ່ງຊາດ 5 ປີເທື່ອທີ 12, ເພີ່ມຄວາມແຮງໃນການຊຸກຍູ້ການປະຕິຮູບໃນຂົງເຂດຈຸດສຸມແລະຂອດສຳຄັນ.
ປັບປຸງລະບົບການເງິນສາທາລະນະໂດຍສະເພາະແມ່ນລະບຽບຄຸ້ມຄອງງົບປະມານໃຫ້ສົມບູນຂຶ້ນ, ຈັດເອົາເງິນທຶນນອກແຜນງົບປະມານທັງໝົດ ເຂົ້າໃນຂອບເຂດຄຸ້ມຄອງງົບປະມານ, ເປີດກວ້າງຂອບເຂດປະຕິບັດງົບປະມານໃນການດຳເນີນທຸລະກິດຂອງທຶນລັດ, ລົງເລິກການປະຕິຮູບດ້ານງົບປະມານຂອງພາກສ່ວນຕ່າງໆ, ຊຸກຍູ້ການເປີດເຜີຍງົບປະມານແລະງົບດຸນຂອງລັດຖະບານ,ພາກສ່ວນຂອງສູນກາງ 98 ແຫ່ງພ້ອມດ້ວຍເຂດແຂວງຕ່າງໆເຊັ່ນນະຄອນຫຼວງປັກກິ່ງ,ຊຽງໄຮ,ແຂວງກວາງຕຸ້ງແລະແຂວງສ້ານຊີ່ໄດ້ເປີດເປີຍບັນຊີຄ່າລວມສາມດ້ານຄືລົດສ່ວນລວມ, ຄ່າຕ້ອນຮັບດ້ວຍເງິນສ່ວນລວມແລະໄປເຮັດວຽກຫຼືທ່ອງທ່ຽວຢູ່ຕ່າງປະເທດດ້ວຍເງິນສ່ວນລວມ. ປະຕິຮູບການເກັບສ່ວຍສາອາກອນຕາມລາຄາຂອງນ້ຳມັນດິບ, ຊັບພະຍາກອນອາຍແກັສທຳມະຊາດພາຍໃນທົ່ວປະເທດ, ວາງແຜນການທົດລອງປະຕິຮູບໃນການຍົກເລີກອາກອນທຸລະກິດປ່ຽນເປັນການເກັບອາກອນມູນຄ່າເພີ່ມ. ເປີດກວ້າງຂອບເຂດຊຳລະບັນຊີດ້ວຍເງິນຢວນໃນການຄ້າກັບຕ່າງປະເທດຂະຫຍາຍໄປເຖິງທົ່ວປະເທດ, ເລີ່ມຕົ້ນການທົດລອງຊຳລະບັນຊີດ້ວຍເງິນຢວນສຳລັບນັກທຸລະກິດນອກແຜ່ນດິນໃຫຍ່ທີ່ມາລົງທຶນຢູ່ຈີນ, ດຳເນີນທຸລະກິດຊຳລະບັນຊີດ້ວຍເງິນຢວນສຳລັບນັກທຸລະກິດຕ່າງປະເທດທີ່ລົງທຶນໂດຍກົງຢູ່ຈີນ. ລົງເລິກການປະຕິຮູບລະບົບກຳມະສິດປ່າລວມໝູ່ ,ເລີ່ມຕົ້ນການທົດລອງປະຕິຮູບລັດວິສາຫະກິດປ່າໄມ້, ດຳເນີນການຈົດທະບຽນຮັບເໝົາທຸລະກິດທົ່ງຫຍ້າຕາມກົດໝາຍ.
ລັດຖະບານຍຶດໝັ້ນຖືສຳຄັນທັງການສົ່ງອອກແລະການນຳເຂົ້າໄປພ້ອມ, ນຳໃຊ້ທຶນຕ່າງປະເທດແລະການລົງທຶນຢູ່ຕ່າງປະເທດໄປພ້ອມກັນ, ຍົກສູງລະດັບເສດຖະກິດແບບເປີດປະຕູສູ່ພາຍນອກຢ່າງຮອບດ້ານ. ຕັ້ງໜ້າຊຸກຍູ້ການປະຕິບັດຍຸດທະສາດຫັນຕະຫຼາດໃຫ້ເປັນຫຼາຍຮູບແບບ, ພະຍາຍາມປັບປຸງອົງປະກອບການຄ້າໃຫ້ດີຂຶ້ນ. ຍອດມູນຄ່າການນຳເຂົ້າແລະສົ່ງອອກສິນຄ້າໃນໝົດປີ 2011 ຜ່ານມາ ບັນລຸເຖິງ 364 ຕື້ໂດລາ, ເພີ່ມຂຶ້ນ 22,5%. ໃນນັ້ນ, ການສົ່ງອອກສິນຄ້າໄດ້ເພີ່ມຂຶ້ນ 20,3%, ການນຳເຂົ້າສິນຄ້າໄດ້ເພີ່ມຂຶ້ນ 24,9%. ດຸນໄດ້ປຽບການຄ້າໄດ້ຫຼຸດໜ້ອຍລົງຕື່ມອີກ. ໄດ້ນຳໃຊ້ທຶນຈາກຕ່າງປະເທດໃນຕົວຈິງ 116 ຕື້ໂດລາ, ໃນນັ້ນ, ຂະແໜງການບໍລິການແລະເຂດພາກກາງແລະພາກຕາເວັນຕົກໄດ້ນຳໃຊ້ທຶນຕ່າງປະເທດໄດ້ກວມອັດຕາສ່ວນຫຼາຍຂຶ້ນ. ຕັ້ງໜ້າເຂົ້າຮ່ວມການຮ່ວມມືດ້ານເສດຖະກິດໃນສາກົນແລະພາກພື້ນ, ການພົວພັນເສດຖະກິດການຄ້າຫຼາຍຝ່າຍແລະສອງຝ່າຍໄດ້ກ້າວສູ່ລວງເລິກຕື່ມອີກ.
ລັດຖະບານໄດ້ຮັບຄວາມຄືບໜ້າທີ່ມີປະສິດທິຜົນໃນການກໍ່ສ້າງລະບົບປະຊາທິປະໄຕແລະກົດໝາຍ, ການປ້ອງກັນປະເທດແລະການກໍ່ສ້າງກອງທັບ, ວຽກງານກ່ຽວກັບຮົງກົງ,ມາເກົ໋າແລະໄຕ້ຫວັນແລະວຽກງານການຕ່າງປະເທດແລະອື່ນໆ.
ຜົນສຳເລັດໃນໜຶ່ງປີທີ່ຜ່ານມາແມ່ນໄດ້ມາດ້ວຍຄວາມລຳບາກ, ຊຶ່ງໄດ້ສະແດງໃຫ້ເຫັນເຖິງທ່າແຮງແລະຄວາມມີຊີວິດຊີວາຂອງສັງຄົມນິຍົມທີ່ມີສີສັນພິເສດຂອງຈີນ, ໄດ້ເພີ່ມຄວາມພາກພູມໃຈແລະຄວາມສາມັກຄີຂອງປະຊາຊາດຈີນ. ນີ້ແມ່ນຍ້ອນໄດ້ມີການສ້າງນະໂຍບາຍຢ່າງມີວິທະຍາສາດແລະການນຳພາອັນຖືກຕ້ອງຂອງສູນກາງພັກກອມມູນິດຈີນ ໂດຍມີທ່ານຫູຈິນທາວເປັນເລຂາທິການໃຫຍ່, ນີ້ເປັນໝາກຜົນທີ່ທົ່ວພັກທົ່ວກອງທັບແລະປະຊາຊົນບັນດາເຜົ່າໃນທົ່ວປະເທດຮ່ວມຈິດຮ່ວມໃຈປະສານງານບາກບັ່ນສູ້ຊົນຮ່ວມກັນ. ຂ້າພະເຈົ້າຂໍຕາງໜ້າຄະນະລັດຖະບານ ສະແດງຄວາມຂອບອົກຂອບໃຈຢ່າງຈິງໃຈນຳປະຊາຊົນບັນດາເຜົ່າໃນທົ່ວປະເທດ, ບັນດາພັກຝ່າຍປະຊາທິປະໄຕ, ບັນດາຄະນະຈັດຕັ້ງປະຊາຊົນແລະບຸກຄົນວົງການຕ່າງໆ, ພີ່ນ້ອງຮ່ວມຊາດຂອງເຂດບໍລິຫານພິເສດຮົງກົງ, ເຂດບໍລິຫານພິເສດມາເກົ໋າ ແລະພີ່ນ້ອງຮ່ວມຊາດໄຂ້ຫວັນ, ຂໍສະແດງຄວາມຂອບອົກຂອບໃຈຢ່າງຈິງໃຈຕໍ່ລັດຖະບານປະເທດຕ່າງໆ, ອົງການຈັດຕັ້ງສາກົນແລະເພື່ອນມິດປະເທດຕ່າງໆທີ່ໃຫ້ຄວາມເອົາໃຈໃສ່ແລະສະໜັບສະໜູນຕໍ່ວຽກງານສ້າງສາທັນສະໄໝຂອງຈີນ.
ແຕ່ພວກຂ້າພະເຈົ້າກໍ່ໄດ້ເຫັນຢ່າງຈະແຈ້ງວ່າ, ການພັດທະນາເສດຖະກິດສັງຄົມຈີນຍັງປະເຊີນກັບຄວາມຫຍຸ້ງຍາກແລະສິ່ງທ້າທາຍຫຼາຍຢ່າງ. ເວົ້າໃນດ້ານສາກົນແລ້ວ, ຂະບວນການຟື້ນຕົວຂອງເສດຖະກິດໂລກຫຍຸ້ງຍາກລຳບາກຫຼາຍ, ວິກິດການການເງິນສາກົນຍັງພວມແຜ່ຂະຫຍາຍຢູ່, ໜີ້ສິນພາກລັດຂອງບາງປະເທດຍາກທີ່ຈະໄດ້ຜ່ອນຄາຍລົງໃນໄລຍະສັ້ນ. ອັດຕາຫວ່າງງານຂອງອົງກອນເສດຖະກິດສຳຄັນທີ່ພັດທະນາແລ້ວຢູ່ໃນລະດັບສູງ, ຂາດກຳລັງແຮງໃນການຊຸກຍູ້ການເຕີບໂຕທາງດ້ານເສດຖະກິດ, ອົງກອນເສດຖະກິດຈະເລີນໃໝ່ປະສົບຄວາມກົດດັນທາງສອງດ້ານ ຄືໄພເງິນເຟີ້ແລະຈັງຫວະການເຕີບໂຕທາງດ້ານເສດຖະກິດຕົກຕ່ຳລົງ. ອັດຕາແລກປ່ຽນເງິນຕາສຳຄັນເໜັງຕີງຢ່າງຮຸນແຮງ, ລາຄາຂອງສິນຄ້າລາຍໃຫຍ່ຂຶ້ນໆລົງໆຢ່າງຮຸນແຮງ. ລັດທິປົກປ້ອງການຄ້າໃນສາກົນເພີ່ມທະວີຂຶ້ນ. ເວົ້າໃນດ້ານພາຍໃນປະເທດຈີນແລ້ວ, ການແກ້ໄຂຄວາມຂັດ ແຍ່ງທາງດ້ານໂຄງປະກອບແລະອົງປະກອບ, ຜ່ອນຄາຍສະພາບການພັດທະນາ ບໍ່ສະໝ່ຳສະເໝີ, ບໍ່ກົມກຽວກັນແລະບໍ່ຍືນຍົງນັ້ນ ເປັນບັນຫາທີ່ຮີບດ່ວນກວ່າເກົ່າແລະແກ້ໄຂຍາກກວ່າເກົ່າ. ໃນການພັດທະນາເສດຖະກິດໄດ້ປະກົດມີບັນຫາໃໝ່ ຈຳນວນບໍ່ໜ້ອຍ, ຕົ້ນຕໍແມ່ນການພັດທະນາເສດຖະກິດປະສົບຄວາມກົດດັນທີ່ ຈະເຕີບໂຕຊ້າລົງ, ລາຄາສິນຄ້າຍັງຢູ່ໃນລະດັບສູງ, ການດັດສົມຄວບຄຸມຕະຫຼາດເຮືອນຢູ່ແລະທີ່ດິນຢູ່ໃນໄລຍະທີ່ສຳຄັນທີ່ສຸດ, ການເຮັດໃຫ້ກະສິກຳພັດທະນາຢ່າງໝັ້ນທ່ຽງ, ແລະຊາວກະສິກອນມີລາຍໄດ້ເພີ່ມຂຶ້ນຢ່າງຕໍ່ເນື່ອງນັ້ນ ປະສົບຄວາມຫຍຸ້ງຍາກຫຼາຍຂຶ້ນ. ຈຳນວນຄົນປະກອບອາຊີບກັບຄວາມຂັດແຍ່ງດ້ານອົງປະກອບເປັນບັນຫາທີ່ມີຢູ່ພ້ອມກັນ, ບາງວິສາຫະກິດໂດຍສະເພາະແມ່ນວິສາຫະກິດຂະໜາດນ້ອຍ ປະສົບຄວາມຫຍຸ້ງຍາກເພີ່ມຂຶ້ນໃນການດຳເນີນທຸລະກິດ, ຄວາມສາມາດການຜະລິດຂອງບາງຂະແໜງການຫຼາຍກວ່າຄວາມຕ້ອງການຕົວຈິງຢ່າງພົ້ນເດັ່ນ,ຍອດປະລິມານການນຳໃຊ້ພະລັງງານໄດ້ເພີ່ມຂຶ້ນໄວເກີນໄປ.ຄວາມຂັດແຍ່ງໄລຍະຍາວແລະບັນຫາໃນໄລຍະສັ້ນຈຳນວນໜຶ່ງສະຫຼັບສັບຊ້ອນກັນ,ປັດໄຈລັກສະນະອົງປະກອບແລະປັດໄຈລັກສະນະເປັນໄລຍະໝູນວຽນໄດ້ສົ່ງຜົນສະທ້ອນເຊິ່ງກັນແລະກັນ,ບັນຫາພາຍໃນປະເທດແລະບັນຫາສາກົນກ່ຽວພັນກັນ,ການດັດສົມຄວບຄຸມມະຫາພາກປະສົບສະພາບການທີ່ສັບສົນກວ່າເກົ່າ.ວຽກງານຂອງລັດຖະບານຍັງມີຂໍ້ບົກຜ່ອງແລະຈຸດອ່ອນຈຳນວນໜຶ່ງ,ຍັງບໍ່ທັນບັນລຸເປົ້າໝາຍໃນການປະຢັດພະລັງງານແລະຫຼຸດການລະບາຍມົນລະພິດ,ການດັດສົມຄວບຄຸມລາຄາສິນຄ້າ.ຍັງມີຫຼາຍບັນຫາທີ່ປະຊາຊົນສ່ອງແສງຫຼາຍເຊັ່ນການເກນທີ່ດິນ,ມ້າງເຮືອນແລະຍ້າຍເຮືອນ.ການຜະລິດຢ່າງມີຄວາມປອດໄພ,ຄວາມປອດໄພຂອງອາຫານແລະຢຸກຢາ,ການແບ່ງບັນລາຍໄດ້ເຫຼົ່ານີ້ເປັນຕົ້ນ.ລະດັບການບໍລິຫານແລະການບໍລິການຂອງລັດຖະບານຍັງ ຕ້ອງຍົກສູງຂຶ້ນຕື່ມ,ການກໍ່ສ້າງການປົກຄອງຢ່າງບໍລິສຸດຜຸດຜ່ອງ ຍັງຕ້ອງເພີ່ມທະວີຂຶ້ນ.
ພວກຂ້າພະເຈົ້າຕ້ອງມີຄວາມຮັບຜິດຊອບສູງຕໍ່ລັດແລະປະຊາຊົນ, ໃຊ້ມາດຕະການທີ່ມີປະສິດທິຜົນກວ່າເກົ່າ, ແກ້ໄຂບັນຫາທີ່ມີຢູ່ໃນປະຈຸບັນຢ່າງແທ້ຈິງ, ພະຍາຍາມເຮັດວຽກທຸກດ້ານໃຫ້ດີ,ເພື່ອບໍ່ໃຫ້ປະຊາຊົນຜິດຫວັງ.
ພາກທີສອງ: ການຈັດວາງໂດຍລວມກ່ຽວກັບວຽກງານໃນປີ2012
ປີນີ້ແມ່ນປີໜຶ່ງທີ່ສຳຄັນໃນການສືບທອດວຽກງານເກົ່າແລະເລີ່ມຕົ້ນວຽກງານໃໝ່ໃນໄລຍະປະຕິບັດແຜນການພັດທະນາເສດຖະກິດສັງຄົມແຫ່ງຊາດ 5 ປີຄັ້ງທີ 12, ແລະກໍ່ແມ່ນປີສຸດທ້າຍຂອງອາຍຸຕຳແໜ່ງລັດຖະບານຊຸດນີ້.
ການພັດທະນາຂອງປະເທດພວກເຮົາຍັງຢູ່ໃນໄລຍະທີ່ມີໂອກາດທາງຍຸດທະສາດທີ່ສຳຄັນ, ມີເງື່ອນໄຂທີ່ດີຫຼາຍຢ່າງໃນການຮັກສາເສດຖະກິດໃຫ້ພັດທະນາຢ່າງໝັ້ນທ່ຽງແລະໄວສົມຄວນພາຍໃນໄລຍະຍາວສົມຄວນ. ການຫັນເປັນອຸດສາຫະກຳ, ການຫັນເປັນຕົວເມືອງແລະການຫັນເປັນທັນສະໄໝທາງດ້ານກະສິກຳໄດ້ຮັບການຊຸກຍູ້ຢ່າງວ່ອງໄວ, ມີທ່າແຮງບົ່ມຊ້ອນອັນມະຫາສານທາງດ້ານຄວາມຕ້ອງການໃນການປັບປຸງອົງປະກອບບໍລິໂພກແລະອົງປະກອບອຸດສາຫະກຳໃຫ້ດີຂຶ້ນ. ເມື່ອໄດ້ດຳເນີນການປະຕິຮູບແລະໄຂປະຕູສູ່ພາຍນອກມາເປັນເວລາ 30 ກວ່າປີ, ຈີນໄດ້ສ້າງພື້ນຖານວັດຖຸແລະເງື່ອນໄຂດ້ານໂຄງປະກອບທີ່ດີ, ໄດ້ສະສົມບົດຮຽນຢ່າງບໍ່ຢຸດຢັ້ງໃນການດັດສົມຄວບຄຸມມະຫາພາກ, ກຳລັງແຂ່ງຂັນແລະຄວາມສາມາດຕ້ານຄວາມສ່ຽງຂອງວິສາຫະກິດໄດ້ຍົກສູງຂຶ້ນຢ່າງເດັ່ນຊັດ. ລາຍຮັບລາຍຈ່າຍດ້ານການເງິນຢູ່ໃນສະພາບທີ່ດີ, ລະບົບການເງິນໝູນເດີນຢ່າງໝັ້ນທ່ຽງ, ມີເງິນທຶນໃນສັງຄົມຢ່າງພຽງພໍສົມຄວນ, ສະພາບເສດຖະກິດການເມືອງຂອງໂລກພວມເກີດມີການປ່ຽນແປງຢ່າງເລິກເຊິ່ງ, ສັນຕິພາບ,ການພັດທະນາແລະການຮ່ວມມືຍັງແມ່ນແປວກະແສຕົ້ນຕໍຂອງຍຸກສະໄໝປະຈຸບັນ.ເວົ້າໂດຍລວມແລ້ວ ມີຜົນດີຕໍ່ການພັດທະນາໂດຍສັນຕິຂອງປະເທດຈີນ.
ພວກຂ້າພະເຈົ້າຕ້ອງຊູຄັນທຸງອັນຍິ່ງໃຫຍ່ແຫ່ງສັງຄົມນິຍົມທີ່ມີສີສັນພິເສດຂອງຈີນ,ຖືທິດສະດີເຕິ້ງສ້ຽວພິງແລະແນວຄິດສຳຄັນ"ສາມຕົວແທນ"ເປັນແນວຄິດຊີ້ນຳ, ລົງເລິກຜັນຂະຫຍາຍພັດທະນະທັດວິທະຍາສາດ, ຍຶດໝັ້ນສະແຫວງຄວາມກ້າວໜ້າຢ່າງໜັກແໜ້ນ, ເພີ່ມທະວີແລະປັບປຸງການດັດສົມຄວບຄຸມມະຫາພາກ, ສືບຕໍ່ມີການປະຕິບັດເປັນຢ່າງດີຕໍ່ການພົວພັນລະຫວ່າງການຮັກສາໃຫ້ເສດຖະກິດພັດທະນາຢ່າງໝັ້ນທ່ຽງແລະໄວສົມຄວນ,ປັບປຸງອົງປະກອບເສດຖະກິດແລະການຄຸ້ມຄອງການຄາດຄະເນຕໍ່ໄພເງິນເຟີ້, ເລັ່ງລັດຫັນປ່ຽນຮູບການພັດທະນາເສດຖະກິດແລະການປັບປຸງອົງປະກອບເສດຖະກິດ, ຮັກສາໃຫ້ສັງຄົມມີຄວາມສະຫງົບແລະປອງດອງກົມກຽວກັນ, ສ້າງຜົນສຳເລັດທີ່ດີໃນການພັດທະນາເສດຖະກິດສັງຄົມເພື່ອຕ້ອນຮັບກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນທີ່ຈະໄຂຂຶ້ນໃນຕໍ່ໜ້າ.
ເປົ້າໝາຍຕົ້ນຕໍໃນການພັດທະນາເສດຖະກິດສັງຄົມປີນີ້ແມ່ນ: ລວມຍອດຜະລິດຕະພັນພາຍໃນຫຼືGDPເພີ່ມຂຶ້ນ7,5%, ຜູ່ປະກອບອາຊີບທີ່ເພີ່ມໃຫມ່ໃນຕົວເມືອງໃຫ້ຫຼາຍກວ່າ 9 ລ້ານຄົນ, ຄວບຄຸມອັດຕາຫວ່າງງານທີ່ຈົດທະບຽນຢູ່ຕົວເມືອງບໍ່ໃຫ້ກາຍ 4,6%, ຄວບຄຸມຈັງຫວະການເຕີບໂຕຂອງ CPI ໃຫ້ຢູ່ລະຫວ່າງ 4%, ຍອດມູນຄ່າການຄ້າຂາເຂົ້າຂາອອກເຕີບໂຕປະມານ 10%, ສະພາບລາຍຮັບລາຍຈ່າຍສາກົນສືບຕໍ່ໄດ້ຮັບການປັບປຸງໃຫ້ດີຂຶ້ນ. ນະທີ່ນີ້, ສິ່ງທີ່ຕ້ອງອະທິບາຍເປັນພິເສດແມ່ນ ການປັບເປົ້າໝາຍເຕີບໂຕຂອງGDPໃຫ້ຫຼຸດລົງໜ້ອຍໜຶ່ງ ຕົ້ນຕໍແມ່ນເພື່ອໃຫ້ເຊື່ອມຕໍ່ກັບເປົ້າໝາຍໃນແຜນການ 5 ປີເທື່ອທີ 12, ຊັກນຳໃຫ້ຝ່າຍຕ່າງໆສຸມກຳລັງເຂົ້າໃນການເລັ່ງລັດຫັນປ່ຽນຮູບການພັດທະນາເສດຖະກິດແລະຍົກສູງຄຸນນະພາບແລະປະສິດທິຜົນໃນດ້ານການພັດທະນາເສດຖະກິດຢ່າງແທ້ຈິງ, ເພື່ອມີຜົນດີຕໍ່ການບັນລຸການພັດທະນາໃນລະດັບສູງກວ່າ, ມີຄຸນນະພາບ ດີກວ່າແລະພັດທະນາເປັນເວລາຍາວກວ່າ. ການສະເໜີເປົ້າໝາຍທີ່ຄວບຄຸມໃຫ້ CPI ຢູ່ລະຫວ່າງ 4% ແມ່ນຍ້ອນໄດ້ພິຈາລະນາໂດຍລວມເຖິງປັດໄຈເງິນເຟີ້ທີ່ເກີດຂຶ້ນຍ້ອນທຶນຕ່າງປະເທດໄຫຼເຂົ້າຈີນ, ຕົ້ນທຶນເພີ່ມຂຶ້ນແລະຄວາມສາມາດຫາບແບກຂອງປະຊາຊົນ, ຊຶ່ງກໍ່ໄດ້ຈົ່ງຊ່ອງຫວ່າງອັນແນ່ນອນໃຫ້ແກ່ການປະຕິຮູບລາຄາສິນຄ້າ.
ໂດຍພິຈາລະນາສະພາບດ້ານຕ່າງໆໂດຍລວມແລ້ວ, ຕ້ອງສືບຕໍ່ປະຕິບັດນະໂຍບາຍການເງິນທີ່ຕັ້ງໜ້າແລະນະໂຍບາຍເງິນຕາທີ່ໝັ້ນທ່ຽງ,ແລະດຳເນີນການປັບປຸງເລັກໜ້ອຍໃນເວລາອັນເໝາະສົມແລະໃນລະດັບອັນເໝາະສົມຕາມການປ່ຽນແປງຂອງສະພາບການ, ສ້າງນະໂຍບາຍທີ່ມີລັກສະນະແນໃສ່,ຄ່ອງແຄ້ວແລະເບິ່ງກວ້າງມອງໄກຫຼາຍກວ່າເກົ່າ.
ສືບຕໍ່ປະຕິບັດນະໂຍບາຍການເງິນທີ່ຕັ້ງໜ້າ.
ເຮັດໃຫ້ປະລິມານຂຸມການເງິນແລະໜີ້ສິນຂອງລັດຮັກສາຢູ່ໃນລະດັບອັນເໝາະສົມ. ຕາມແຜນການແລ້ວ, ລັດຖະບານຈະຈັດວາງຂຸມການເງິນ 800 ຕື້ຢວນ, ອັດຕາຂຸມການເງິນຫຼຸດລົງເຖິງປະມານ 1,5%, ໃນນັ້ນຂຸມການເງິນສູນກາງແມ່ນ 550 ຕື້ຢວນ, ຈຳໜ່າຍພັນທະບັດທ້ອງຖິ່ນ 250 ຕື້ຢວນ. ປັບປຸງອົງປະກອບຂອງລາຍຈ່າຍການເງິນໂດຍເນັ້ນໜັກຈຸດສຸມ, ຈັດສັນງົບປະມານເຂົ້າໃນຂົງເຂດຊີວິດການເປັນຢູ່ຂອງປະຊາຊົນໃຫ້ຫຼາຍກວ່າເກົ່າ, ເພີ່ມງົບປະມານເຂົ້າໃນດ້ານຕ່າງໆເຊັ່ນການສຶກສາ,ວັດທະນະທຳ,ສາທາລະນະສຸກ,ການປະກອບອາຊີບ, ການປະກັນສັງຄົມ,ໂຄງການກໍ່ສ້າງເຮືອນຢູ່ນະໂຍບາຍແລະອື່ນໆ. ເອົາໃຈໃສ່ຫຼາຍກວ່າເກົ່າໃນການເພີ່ມທະວີແກ້ໄຂຂອດທີ່ຍັງອ່ອນແອ, ເພີ່ມການສະໜັບສະໜູນຕໍ່ກະສິກຳ,ຊົນນະບົດແລະຊາວກະສິກອນ,ເຂດດ້ອຍພັດທະນາ, ການປະດິດສ້າງດ້ານວິທະຍາສາດເຕັກນິກ, ການປະຢັດພະລັງງານແລະອະນຸລັກສິ່ງແວດລ້ອມ, ຊົນລະປະທານ, ການຂຸດຄົ້ນບໍ່ແຮ່ແລະອື່ນໆ; ເອົາໃຈໃສ່ນຳການປະຢັດໃຫ້ຫຼາຍກວ່າເກົ່າ,ຄວບຄຸມການໃຊ້ຈ່າຍເງິນສ່ວນລວມຢ່າງເຂັ້ມງວດ. ປະຕິບັດການຫຼຸດອາກອນໃນດ້ານໂຄງປະກອບ. ເອົາໃຈໃສ່ຈັດຕັ້ງປະຕິບັດແລະປັບປຸງນະໂຍບາຍອາກອນພິເສດປະເພດຕ່າງໆເພື່ອສະໜັບສະໜູນວິສາຫະກິດຂະໜາດນ້ອຍ, ນັກທຸລະກິດເອກະຊົນ,ດຳເນີນການທົດລອງໃນການເກັບອາກອນມູນຄ່າເພີ່ມເຂົ້າແທນອາກອນທຸລະກິດ. ເພີ່ມທະວີການຄຸ້ມຄອງໜີ້ສິນຂອງອົງການປົກຄອງທ້ອງຖິ່ນແລະປ້ອງກັນຄວາມສ່ຽງ. ປະຕິບັດຕາມຫຼັກການທີ່ຄຸ້ມຄອງຕາມປະເພດຕ່າງກັນ, ປະຕິບັດຢ່າງມີການຈຳແນກ, ແລະແກ້ໄຂເທື່ອລະກ້າວ, ສືບຕໍ່ຊຳລະໜີ້ສິນຢ່າງເໝາະສົມ.
ສືບຕໍ່ປະຕິບັດນະໂຍບາຍເງິນຕາທີ່ໝັ້ນທ່ຽງ. ອີງຕາມຄວາມຮຽກຮ້ອງທີ່ມີຍອດມູນຄ່າອັນເໝາະສົມ, ມີຄວາມສຸຂຸມຮອບຄອບແລະຄ່ອງແຄ້ວ, ພ້ອມທັງຄຳນຶງເຖິງການຊຸກຍູ້ໃຫ້ເສດຖະກິດພັດທະນາຢ່າງໝັ້ນທ່ຽງແລະໄວສົມຄວນ, ຮັກສາຄວາມໝັ້ນທ່ຽງຂອງລາຄາສິນຄ້າ, ປ້ອງກັນຄວາມສ່ຽງດ້ານການເງິນ. ປັບປຸງອົງປະກອບເງິນກູ້ສິນເຊື່ອໃຫ້ດີກວ່າເກົ່າ, ສະໜັບສະໜູນໂຄງການຈຸດ ສຸມຂອງລັດທີ່ພວມກໍ່ສ້າງຢູ່,ຫຼືຈະສ້າງຕໍ່ໄປ, ພ້ອມດ້ວຍໂຄງການເຮືອນຢູ່ນະໂຍບາຍ, ເພີ່ມທະວີການສະໜັບສະໜູນດ້ານເງິນກູ້ສິນເຊື່ອໃຫ້ແກ່ວິສາຫະກິດທີ່ສອດຄ່ອງກັບນະໂຍບາຍຂະແໜງການແລະມີຄວາມຕ້ອງການໃນຕະຫຼາດ, ໂດຍສະເພາະແມ່ນວິສາຫະກິດຂະໜາດນ້ອຍ, ຫຼຸດຕົ້ນທຶນໃນການລະດົມທຶນຂອງເສດຖະກິດຮູບປະທຳໃຫ້ຕ່ຳລົງ. ສືບຕໍ່ຈຳກັດການປ່ອຍເງິນກູ້ໃຫ້ແກ່ຂະແໜງການທີ່ສິ້ນເປືອງພະລັງງານຫຼາຍ, ສ້າງມົນລະພິດຫຼາຍແລະມີກຳລັງການຜະລິດຫຼາຍເກີນຄວາມຕ້ອງການ. ປັບປຸງກົນໄກກຳເນີດອັດຕາແລກປ່ຽນເງິນຢວນຈີນ, ເພີ່ມທະວີຄວາມຄ່ອງແຄ້ວໃນການລອຍຕົວຂອງອັດຕາແລກປ່ຽນເງິນຢວນ, ຮັກສາຄວາມໝັ້ນທ່ຽງຂອງອັດຕາແລກປ່ຽນເງິນຢວນໃນລະດັບທີ່ສົມເຫດສົມຜົນແລະສະໝ່ຳສະເໝີກັນ. ອອກແຮງພັດທະນາຕະຫຼາດເງິນຕາຕ່າງປະເທດ. ເພີ່ມທະວີການບໍລິການດ້ານເງິນຕາຕ່າງປະເທດ, ສະໜອງການບໍລິການຫຼີກລ້ຽງຄວາມສ່ຽງດ້ານອັດຕາແລກປ່ຽນເງິນຕາຫຼາຍກວ່າເກົ່າໃຫ້ແກ່ຕະຫຼາດ, ຄຸ້ມຄອງແລະນຳໃຊ້ຄັງສຳຮອງເງິນຕາຕ່າງປະເທດເປັນຢ່າງດີ. ສ້າງແລະບູລະນະກົນໄກປ້ອງກັນຄວາມສ່ຽງ, ຕິດຕາມຄຸ້ມຄອງແລະປະສານງານດ້ານການເງິນຢ່າງເປັນລະບົບ, ເພີ່ມທະວີຄວາມສາມາດໃນການປ້ອງກັນຄວາມສ່ຽງ. ເພີ່ມທະວີການຕິດຕາມຄວບຄຸມການໄຫຼວຽນຂອງເງິນທຶນຂ້າມຊາດ. ປັບປຸງການກູ້ເງິນປະເພດຕ່າງໆຢ່າງມີລະບຽບຮຽບຮ້ອຍ, ຊີ້ນຳການລະດົມທຶນໃນສັງຄົມໃຫ້ພັດທະນາຢ່າງປອດໃສ.
ເຮັດວຽກໃນປີນີ້ໃຫ້ດີຢ່າງຮອບດ້ານ, ຕ້ອງຍຶດໝັ້ນຫົວຂໍ້ຕົ້ນຕໍຢ່າງພົ້ນເດັ່ນ, ຈັດຕັ້ງປະຕິບັດຢ່າງສະເໝີຕົ້ນສະເໝີປາຍ,ກຳນົດແຜນການພັດທະນາພາກສ່ວນຕ່າງໆຢ່າງເປັນເອກະພາບກັນ, ກ້າວໄປໜ້າຢ່າງກົມກຽວກັນ, ຈັດເອົາການເຕີບໂຕຢ່າງໝັ້ນທ່ຽງ, ຄວບຄຸມລາຄາສິນຄ້າ, ປັບປຸງໂຄງປະກອບ, ສ້າງຜົນປະໂຫຍດໃຫ້ແກ່ປະຊາຊົນ, ຊຸກຍູ້ການປະຕິຮູບແລະສົ່ງເສີມຄວາມກົມກຽວກັນໃຫ້ເຊື່ອມໂຍງເຂົ້າກັນເປັນຢ່າງດີ. ການເຕີບໂຕຢ່າງໝັ້ນທ່ຽງ, ກໍ່ແມ່ນຍຶດໝັ້ນການເພີ່ມທະວີຄວາມຕ້ອງການພາຍໃນປະເທດ, ຮັກສາຄວາມຕ້ອງການຈາກພາຍນອກໃຫ້ໝັ້ນທ່ຽງ, ອອກແຮງພັດທະນາເສດຖະກິດຮູບປະທຳ, ພະຍາຍາມຜ່ານຜ່າຜົນກະທົບຈາກປັດໄຈບໍ່ໝັ້ນທ່ຽງບໍ່ແນ່ນອນຊະນິດຕ່າງໆທັງພາຍໃນແລະຕ່າງປະເທດ, ແກ້ໄຂບັນຫາໃໝ່ຢ່າງທັນການ, ຮັກສາຄວາມໝັ້ນທ່ຽງໃນການພັດທະນາເສດຖະກິດ. ແກ້ໄຂຄວາມຂັດແຍ່ງແລະຄວາມສ່ຽງບົ່ມຊ້ອນຊະນິດຕ່າງໆຢ່າງມີປະສິດທິຜົນ, ປ້ອງກັນບໍ່ໃຫ້ບັນຫາຢູ່ບາງພາກສ່ວນກາຍເປັນບັນຫາພາກສ່ວນລວມ, ຊຸກຍູ້ຄວາມກົມກຽວແລະຄວາມສະຫງົບໃນສັງຄົມ.
ສາມ. ໜ້າທີ່ຕົ້ນຕໍໃນປີ2012.
ກ. ຊຸກຍູ້ໃຫ້ເສດຖະກິດພັດທະນາຢ່າງໝັ້ນທ່ຽງແລະໄວສົມຄວນ.
ການເພີ່ມທະວີຄວາມຕ້ອງການພາຍໃນໂດຍສະເພາະແມ່ນຄວາມຕ້ອງການດ້ານການບໍລິໂພກ, ແມ່ນຈຸດຢືນພື້ນຖານທີ່ເສດຖະກິດຂອງປະເທດຈີນພັດທະນາຢ່າງໝັ້ນທ່ຽງຍາວນານແລະໄວສົມຄວນ, ແມ່ນຈຸດສຸມຂອງວຽກງານໃນປີນີ້.
ອອກແຮງເພີ່ມທະວີຄວາມຕ້ອງການດ້ານການບໍລິໂພກ. ເລັ່ງລັດສ້າງກົນໄກແບບຖາວອນໃນການເປີດກວ້າງການບໍລິໂພກ. ອອກແຮງປັບປຸງອົງປະກອບແບ່ງປັນລາຍໄດ້, ເພີ່ມລາຍໄດ້ຂອງປະຊາຊົນຜູ້ມີລາຍໄດ້ປານກາງແລະຕ່ຳ, ຍົກສູງຄວາມສາມາດການບໍລິໂພກຂອງປະຊາຊົນ. ປັບປຸງນະໂຍບາຍທີ່ສົ່ງເສີມການບໍລິໂພກ ຂອງປະຊາຊົນ. ປັບປຸງສະພາບແວດລ້ອມແຫ່ງການບໍລິໂພກໃຫ້ດີຂຶ້ນ, ຮັກສາສິດແລະຜົນປະໂຫຍດທີ່ຊອບດ້ວຍກົດໝາຍຂອງຜູ້ບໍລິໂພກ.
ປັບປຸງອົງປະກອບໃນການລົງທຶນໃຫ້ດີຂຶ້ນ. ຮັກສາການເຕີບໂຕຂອງການລົງທຶນຢ່າງໝັ້ນທ່ຽງ, ຊຸກຍູ້ໃຫ້ການລົງທຶນແລະການບໍລິໂພກດຳເນີນໄປເປັນຢ່າງດີ. ເຮັດວຽກງານພິຈາລະນາອະນຸມັດແລະກວດກາການນຳໃຊ້ທີ່ດິນ, ສິນເຊື່ອ, ປະຢັດພະລັງງານ, ອະນຸລັກສິ່ງແວດລ້ອມ, ຄວາມປອດໄພ, ແລະຄຸນນະພາບ, ເພີ່ມທະວີການຕິດຕາມຄຸ້ມຄອງຕໍ່ໂຄງການສຳຄັນໂດຍສະເພາະແມ່ນໂຄງການຂອງລັດຖະບານ, ຍົກສູງຄຸນນະພາບແລະປະສິດທີຜົນຂອງການລົງທຶນ.
ຂ. ຮັກສາລະດັບລວມຂອງລາຄາສິນຄ້າໃຫ້ໝັ້ນທ່ຽງໂດຍພື້ນຖານ
ນີ້ແມ່ນວຽກງານສຳຄັນທີ່ພົວພັນເຖິງຜົນປະໂຫຍດຂອງປະຊາຊົນແລະຂອງພາກສ່ວນລວມແຫ່ງການພັດທະນາເສດຖະກິດສັງຄົມ.
ເພີ່ມທະວີການຜະລິດ, ຮັບປະກັນການສະໜອງ. ສືບຕໍ່ຖືການຄວບຄຸມບໍ່ໃຫ້ລາຄາອາຫານຖີບຕົວສູງຂຶ້ນໄວເກີນໄປຊຶ່ງເປັນຈຸດໜັກໃນການຮັກສາຄວາມໝັ້ນທ່ຽງຂອງລາຄາສິນຄ້າ. ຕົວເມືອງຂະໜາດກາງແລະໃຫຍ່ຄວນຮັກສາດິນປູກຜັກຢ່າງເໝາະສົມ, ຮັກສາແລະຍົກສູງລະດັບກຸ້ມຕົນເອງໃນການສະໜອງຜັກຕາມລະດູການ, ປະສານສົມທົບກັບເຂດອ້ອມຂ້າງແລະເຂດທີ່ມີທ່າແຮງເພື່ອສ້າງແຫຼ່ງຜະລິດຜັກ, ເພີ່ມທະວີຄວາມສາມາດດັດສົມຕະຫຼາດ.
ປະຕິບັດການຈໍລະຈອນສິນຄ້າຢ່າງສະດວກສະບາຍ, ຫຼຸດຕົ້ນທຶນໃຫ້ຕ່ຳລົງ. ປະຕິບັດນະໂຍບາຍເສັ້ນທາງສີຂຽວໃນການຂົນສົ່ງຜະລິດຕະພັນກະສິກຳ, ເປັນຕົ້ນແມ່ນຜັກ, ຫຼຸດຂັ້ນຕອນໃນການຈໍລະຈອນໃຫ້ໜ້ອຍລົງ, ເພີ່ມຮ້ານຂາຍຍ່ອຍ, ເສີມຂະຫຍາຍບົດບາດຂອງຮ້ານຄ້າຕົ້ນຕໍຢ່າງເຕັມສ່ວນ. ໃຊ້ມາດຕະການຫຼາຍດ້ານພ້ອມກັນ, ຍົກສູງປະສິດທິຜົນຂອງການຈໍລະຈອນ, ແລະຫຼຸດຕົ້ນທຶນຢູ່ລະຫວ່າງກາງທາງ, ເຮັດໃຫ້ຜູ້ຜະລິດແລະຜູ້ບໍລິໂພກໄດ້ຮັບຜົນປະໂຫຍດ ຢ່າງແທ້ຈິງ.
ເພີ່ມທະວີການຕິດຕາມຄຸ້ມຄອງ, ປັບປຸງໃຫ້ມີຄວາມລະບຽບຮຽບຮ້ອຍ. ເພີ່ມທະວີການຕິດຕາມກວດກາດຕໍ່ລາຄາອາຫານ, ຢາປົວພະຍດ, ຄ່າປິ່ນປົວພະຍາດ, ການສື່ສານ, ແລະການສຶກສາດັ່ງນີ້ເປັນຕົ້ນ, ປັບປຸງປະກົດການທີ່ເກັບຄ່າແລະປັບໃໝຢ່າງຊະຊາຍໃນຂົງເຂດຂົນສົ່ງແລະຄົມມະນາຄົມ, ດັດແກ້ການກະທຳເກັບຄ່າທີ່ລະເມີດລະບຽບການຂອງວິສາຫະກິດຂາຍຍ່ອຍຂະໜາດໃຫຍ່.
ຄ. ຊຸກຍູ້ໃຫ້ກະສິກຳພັດທະນາຢ່າງໝັ້ນທ່ຽງແລະເຮັດໃຫ້ຊາວກະສິກອນມີລາຍໄດ້ເພີ່ມຂຶ້ນຢ່າງຕໍ່ເນື່ອງ
ໃນຂະບວນການຫັນເປັນອຸດສາຫະກຳແລະຫັນເປັນຕົວເມືອງ, ຕ້ອງໃຫ້ຄວາມສຳຄັນໃຫ້ແກ່ການພັດທະນາກະສິກຳໃຫ້ທັນສະໄໝ. ຕ້ອງຍຶດໝັ້ນຖືເອົາການແກ້ໄຂບັນຫາ"ກະສິກຳ, ຊົນນະບົດແລະຊາວກະສິກອນ"ໃຫ້ດີນັ້ນເປັນວຽກງານສຳຄັນທີ່ສຸດ, ເພີ່ມທະວີນະໂຍບາຍສ້າງຄວາມເຂັ້ມແຂງແລະຄວາມຮັ່ງມີໃຫ້ຊາວກະສິກອນຕື່ມອີກ, ປັບປຸງແລະຂະຫຍາຍທ່າອ່ຽງທີ່ດີໃນການພັດທະນາກະສິກຳແລະຊົນນະບົດ.
ຮັກສາຄວາມໝັ້ນທ່ຽງແລະການພັດທະນາການຜະລິດກະສິກຳ, ໃຫ້ຊາວກະສິກອນມີລາຍໄດ້ເພີ່ມຂຶ້ນຈາກຫຼາຍດ້ານ. ສືບຕໍ່ດຳເນີນການເພີ່ມຜົນຜະລິດທັນຍາຫານ, ຮັກສາເນື້ອທີ່ປູກຝັງທັນຍາຫານ, ອອກແຮງເພີ່ມຜົນຜະລິດຕາມເນື້ອທີ່ແຕ່ລະຫົວໜ່ວຍ. ຊີ້ນຳໃຫ້ຊາວກະສິກອນປັບປຸງອົງປະກອບ, ເພີ່ມການຜະລິດຜະລິດຕະພັນກະສິກຳທີ່ຂາດເຂີນໃນຕະຫຼາດແລະມີຄຸນນະພາບສູງ, ສະໜັບສະໜູນການຜະລິດຜັກ, ຊີ້ນ, ໄຂ່, ນົມ ແລະຜະລິດຕະພັນທາງນ້ຳດັ່ງນີ້ເປັນຕົ້ນ. ສືບຕໍ່ຍົກສູງລາຄາຕ່ຳສຸດໃນການຈັດຊື້ສະບຽງອາຫານ, ປີນີ້ລາຄາຕ່ຳສຸດໃນການຈັດຊື້ເຂົ້າເບຼໄດ້ສູງຂຶ້ນ 7,4 ຢວນຕໍ່ 50 ກິໂລ, ແລະລາຄາຈັດຊື້ເຂົ້ານານ້ຳໄດ້ສູງຂຶ້ນ 16 ຢວນຕໍ່ 50 ກິໂລ. ຈັດຕັ້ງປະຕິບັດແຜນການພັດທະນາແລະຫຼຸດຜ່ອນຄວາມທຸກຍາກຢູ່ຊົນນະບົດໃນຮອບ 10 ປີສະບັບໃໝ່, ປະຕິບັດຕາມມາດຕະຖານຫຼຸດຜ່ອນຄວາມທຸກຍາກສະບັບໃໝ່ຂອງລັດຖະບານ, ເຮັດວຽກໃນດ້ານນີ້ໃຫ້ດີ.
ເລັ່ງລັດຄວາມກ້າວໜ້າຂອງວິທະຍາສາດເຕັກໂນໂລຊີດ້ານກະສິກຳ. ທາງອອກພື້ນຖານຂອງກະສິກຳຢູ່ນຳການພັດທະນາຂອງວິທະຍາສາດເຕັກໂນໂລຊີ. ຄວນອອກແຮງຊຸກຍູ້ການປະດິດສ້າງໃໝ່ຂອງວິທະຍາສາດເຕັກນິກດ້ານກະສິກຳ, ເພີ່ມທະວີການສະໜັບສະໜູນໃນການຄົ້ນຄວ້າແລະນຳໃຊ້ເຕັກນິກທີ່ສຳຄັນ, ເຊັ່ນ, ພັດທະນາແນວພັນຄຸນນະພາບດີ, ການປ້ອງກັນແລະຄວບຄຸມພະຍາດ, ຄຸນນະພາບ ແລະຄວາມປອດໄພຂອງຜະລິດຕະພັນກະສິກຳ, ດັ່ງນີ້ເປັນຕົ້ນ.
ເພີ່ມທະວີການກໍ່ສ້າງພື້ນຖານໂຄງລ່າງດ້ານກະສິກຳແລະຊົນນະບົດ. ປີນີ້ງົບປະມານການເງິນສູນກາງຈະຈັດວາງໄວ້ 1228 ຕື້ 700 ລ້ານຢວນເພື່ອນຳໃຊ້ເຂົ້າໃນວຽກງານກະສິກຳ, ຊົນນະບົດແລະຊາວກະສິກອນ, ເຊິ່ງເພີ່ມຂຶ້ນ 186 ຕື້ 800 ລ້ວນຢວນເມື່ອທຽບກັບປີ 2011 ທີ່ຜ່ານມາ. ຊຸກຍູ້ການປັບປຸງສະພາບແວດລ້ອມຂອງຊົນນະບົດໃຫ້ດີຂຶ້ນ, ເລັ່ງລັດການແກ້ໄຂເຮືອນຊຸດໂຊມຢູ່ຊົນນະບົດ, ສືບຕໍ່ປັບປຸງເງື່ອນໄຂການຜະລິດແລະດຳລົງຊີວິດຢູ່ຊົນນະບົດໃຫ້ດີຂຶ້ນ.
ລົງເລິກການປະຕິຮູບຢູ່ຊົນນະບົດ. ຍຶດໝັ້ນລະບຽບການທຸລະກິດພື້ນຖານຂອງຊົນນະບົດ. ສິດຮັບເໝົາທີ່ດິນເພື່ອດຳເນີນທຸລະກິດ, ສິດນຳໃຊ້ທີ່ດິນໃນການສ້າງເຮືອນຢູ່, ສິດແບ່ງປັນຜົນກຳໄລລວມໝູ່ເປັນສິດຊັບສິນທີ່ກົດໝາຍມອບໃຫ້ຊາວກະສິກອນ, ບໍ່ວ່າຜູ້ໃດກໍຕາມລ້ວນແຕ່ບໍ່ມີສິດທີ່ຈະລ່ວງລ້ຳໄດ້. ເພີ່ມທະວີການຄຸ້ມຄອງແລະການບໍລິການໃນການໂອນສິດມອບເໝົາທີ່ດິນເພື່ອດຳເນີນທຸລະກິດ, ພັດທະນາການທຸລະກິດທີ່ມີຂະໜາດອັນເໝາະສົມ. ປົກປ້ອງດິນປູກຝັງຢ່າງເຂັ້ມງວດ.
ສີ່:ເລັ່ງລັດຫັນປ່ຽນຮູບການພັດທະນາຂອງເສດຖະກິດ
ແກ້ໄຂບັນຫາທີ່ພັດທະນາບໍ່ສະຫມ່ຳສະເຫມີກັນ, ບໍ່ກົມກຽວກັນແລະບໍ່ຕໍ່ເນື່ອງກັນ, ຂໍກະແຈແມ່ນຢູ່ນຳການຫັນປ່ຽນຮູບການພັດທະນາຂອງເສດຖະກິດ, ຊຸກຍູ້ການປັບປຸງໂຄງປະກອບເສດຖະກິດຈາກດ້ານຍຸດທະສາດ, ນີ້ແມ່ນຂະບວນການທີ່ຍາວນານແລະກໍ່ແມ່ນຫນ້າທີ່ຮີບດ່ວນທີ່ສຸດໃນປັດຈຸບັນ.
ການຊຸກຍູ້ການເລື່ອນຊັ້ນຂອງອົງປະກອບອຸດສາຫະກຳໃຫ້ດີຂຶ້ນເລື້ອຍໆ.ຊຸກຍູ້ໃຫ້ຂະແຫນງການຈະເລີນໃຫມ່ທີ່ມີລັກສະນະຍຸດທະສາດນັ້ນພັດທະນາຢ່າງປອດໃສ.ສ້າງກົນໄກຊຸກຍູ້ການນຳໃຊ້ພະລັງງານໃຫມ່, ເພີ່ມທະວີການວາງແຜນຈັດສັນຢ່າງເປັນເອກະພາບກັນ,ສ້າງໂຄງການທີ່ສົມຄູ່ກັນ,ແລະຊີ້ນຳໂດຍນະໂຍບາຍ, ເປີດກວ້າງຄວາມຕ້ອງການພາຍໃນປະເທດ, ສະກັດກັ້ນບໍ່ໃຫ້ຂະແຫນງການພະລັງງານແສງຕາເວັນ,ການຜະລິດໄຟຟ້າດ້ວຍພະລັງງານລົມແລະຂະແຫນງການອື່ນໆພັດທະນາເປີດກວ້າງອອກຢ່າງຫລັບຫູຫລັບຕາ. ພັດທະນາເຕັກນິກຂໍ້ມູນຂ່າວສານຮຸ່ນໃຫມ່, ເພີ່ມທະວີການກໍ່ສ້າງພື້ນຖານໂຄງລ່າງດ້ານແວັບໄຊ,ຊຸກຍູ້ໃຫ້ຕາງຫນ່າງໂທລະຄົມມະນາຄົມ, ຕາຫນ່າງວິທະຍຸໂທລະພາບແລະອິນເຕີແນັດເຊື່ອມໂຍງເຂົ້າກັນເພື່ອໄດ້ຮັບຜົນງານທີ່ແທ້ຈິງ.ອອກແຮງພັດທະນາະແຫນງການຕ່າງໆເຊັ່ນ:ການຜະລິດອຸປະກອນລະດັບສູງ, ການປະຢັດພະລັງງານແລະອະນຸລັກສິ່ງແວດລ້ອມ, ການຜະລິດຢາດ້ວຍເຕັກນິກຊີວະຊາດ,ການຜະລິດລົດຍົນທີ່ໃຊ້ພະລັງງານໃຫມ່, ວັດຖຸໃຫມ່ແລະອື່ນໆ.ເພີ່ມງົບປະມານໃຫ້ແກ່ໂຄງການສຳຄັນໃນດ້ານການປະຕິຮູບເຕັກນິກ, ຊຸກຍູ້ການປັບປຸງແລະຍົກລະດັບຂອງຂະແຫນງການດັ້ງເດີມ. ປະຕິບັດແລະປັບປຸງນະໂນຍບາຍພັດທະນາວິສາຫະກິດຂະຫນາດນ້ອຍໃຫ້ດີຂຶ້ນ, ຫລຸດຄວາມແບກຫາບຂອງວິສາຫະກິດໃຫ້ຫນ້ອຍລົງ, ກະຕຸກຊຸກຍູ້ໃຫ້ວິສາຫະກິດທີ່ມີເຕັກນິກຂະຫນາດນ້ອຍດຳເນີນໄປຢ່າງມີຊີວິດຊີວາໃນດ້ານການພັດທະນາ.
ຊຸກຍູ້ການປະຢັດພະລັງງານ,ຫລຸດການລະບາຍມົນລະພິດແລະການປົກປັກຮັກສາສິ່ງແວດລ້ອມຊີວະພາບ.ຂໍກະແຈຂອງການປະຢັດພະລັງງານແລະຫລຸດການລະບາຍມົນລະພິດແມ່ນປະຢັດພະລັງງານ, ຍົກສະມັດຕະພາບໃຫ້ສູງຂຶ້ນ, ຫລຸດການລະບາຍມົນລະພິດໃຫ້ຫນ້ອຍລົງ. ຕ້ອງເລັ່ງລັດວາງແຜນການວຽກງານໃນການຄວບຄຸມປະລິມານນຳໃຊ້ພະລັງງານຢ່າງສົມເຫດສົມຜົນ, ເລັ່ງລັດສ້າງລະບົບລາຄາຂອງພະລັງງານໃຫ້ສົມເຫດສົມຜົນ.ເພີ່ມທະວີການຄຸ້ມຄອງການນຳໃຊ້ພະລັງງານ,ສ້າງຕາຫນ່າງໄຟຟ້າແບບອັດຕະໂນມັດແລະພະລັງງານແບບແຈກຢາຍ, ປະຕິບັດນະໂຍບາຍທີ່ບັງເກີດຜົນຕ່າງໆເຊັ່ນ: ປະຕິບັດການຜະລິດໄຟຟ້າແບບປະຢັດພະລັງງານ, ຄຸ້ມຄອງພະລັງງານດ້ວຍການເຊັນສັນຍາກັບຝ່າຍທີ່ກ່ຽວຂ້ອງ, ໃຫ້ລັດຖະບານສັ່ງຊື້ແບບປະຢັດພະລັງງານແລະອື່ນໆ. ການສ້າງອົງປະກອບພະລັງງານໃຫ້ດີຂຶ້ນ,ຊຸກຍູ້ການໃຊ້ພະລັງງານດັ້ງເດີມທີ່ສະອາດແລະມີສະມັດຕະພາບສູງ, ພັດທະນາການຜະລິດໄຟຟ້າດ້ວຍພະລັງງານນິວເຄຼຍຢ່າງປອດໄພ, ຕັ້ງຫນ້າພັດທະນາການຜະລິດໄຟຟ້າດ້ວຍພະລັງງານນ້ຳ, ເລັ່ງລັດການສຳຫລວດອາຍແກສ, ຍົກມາດຕາສ່ວນຂອງພະລັງງານໃຫມ່ແລະພະລັງງານທີ່ໃຊ້ຄືນໄດ້ນັ້ນໃຫ້ສູງຂຶ້ນ. ເພີ່ມທະວີການກໍ່ສ້າງຊ່ອງທາງຈໍລະຈອນຂອງພະລັງງານ. ລົງເລິກປະຕິບັດນະໂບບາຍແຫ່ງຊາດອັນພື້ນຖານທີ່ປະຢັດຊັບພະຍາກອນແລະອະນຸລັກສິ່ງແວດລ້ອມ. ດຳເນີນການຕິດຕາມກວດກາຕໍ່ການໃຫ້ໃບຢັ້ງຢືນດ້ານການປະຢັດພະລັງງານແລະໃບຢັ້ງຢືນກ່ຽວກັບສະມັດຕະພາບໃນການໃຊ້ພະລັງງານ, ສົ່ງເສີມການປະຢັດພະລັງງານ, ປະຢັດນ້ຳ, ປະຢັດທີ່ດິນ, ປະຢັດວັດຖຸຕ່າງໆແລະນຳໃຊ້ຊັບພະຍາກອນແບບສັງລວມ, ອອກແຮງພັດທະນາເສດຖະກິດຫມູນຫວຽນ.ເພີ່ມທະວີການປົກປັກຮັກສາສິ່ງແວດລ້ອມ, ສຳຄັນແມ່ນແກ້ໄຂບັນຫາສິ່ງແວດລ້ອມທີ່ກ່ຽວພັນເຖິງຊີວິດການເປັນຢູ່ໃນດ້ານຕ່າງເຊັ່ນ: ການເຊື່ອມພິດຈາກໂລຫະໜັກ, ການເຊື່ອມພິດແຫລ່ງນ້ຳດຶ່ມ, ອາກາດ, ທີ່ດິນແລະທະເລ. ພະຍາຍາມຫລຸດການເຊື່ອມພິດຕໍ່ແຫລ່ງກະສິກຳ. ຕິດມຕາມກວດກາຕໍ່ສານເຄມີທີ່ຈະສົ່ງຜົນອັນຕະລາຍນັ້ນຢ່າງເຄັ່ງຂັດ. ປີນີ້, ຈະດຳເນີນການຕິດຕາມກວດກາສິ່ງເຊື່ອມພິດທີ່ເປັນເມັດນ້ອຍ(ຫລື:PM2,5)ຢູ່ນະຄອນຫລວງປັກກິ່ງ, ນະຄອນທຽນສິນ,ແຂວງເຫີເປີຍ,ເຂດສາມຫລ່ຽມແມ່ນ້ຳຢາງຊີກຽງ, ເຂດສາມຫລ່ຽມແມ່ນ້ຳໄຂ່ມຸກ, ພ້ອມທັງກຳແພງນະຄອນແລະເທດສະບານແຂວງຕ່າງໆທີ່ເປັນຈຸດຫນັກ, ແລ້ວຈະເຜີຍແຜ່ການຕິດຕາມກວດການີ້ໄປເຖິງໝົດທຸກຕົວເມືອງທົ່ວປະເທດໃນປີ 2015. ເພີ່ມທະວີການສ້າງຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດໂດຍສະເພາະແມ່ນເກີດເຫດການຮຸນແຮງຍ້ອນການປ່ຽນແປງຂອງອາກາດ, ຍົກລະດັບຄວາມສາມາດໃນການປ້ອງກັນແລະຫລຸດໄພໃຫ້ສູງຂຶ້ນ. ຍຶດຫມັ້ນຫລັກການຮັບຜິດຊອບຮ່ວມແຕ່ມີຄວາມແຕກຕ່າງກັນ, ຊຸກຍູ້ຂະບວນການເຈລະຈາກ່ຽວກັບການປ່ຽນແປງຂອງດິນຟ້າອາກາດໃນສາກົນຢ່າງມີລັກສະນະສ້າງສັນ. ພວກເຮົາຈະບອກໃຫ້ໂລກຮູ້ດ້ວຍການກະທຳຕົວຈິງວ່າ, ຈີນເດັດຂາດຈະບໍ່ໃຫ້ເສດຖະກິດເຕີບໂຕໂດຍຖືການເສຍສະຫລະສິ່ງແວດລ້ອມຊີວະພາບແລະສຸກຂະພາບຂອງປະຊາຊົນເປັນຄ່າທົດແທນ, ພວກເຮົາຈະເດີນຕາມເສັ້ນທາງພັດທະນາທີ່ມີຄວາມສີວິໄລທີ່ໃຫ້ການຜະລິດມີການພັດທະນາ, ຊີວິດການເປັນຢູ່ມີຄວາມມັ່ງເຄັ່ງເຂັ້ມແຂງ, ແລະສະພາບສິ່ງແວດລ້ອມດີງາມ.
ຊຸກຍູ້ໃຫ້ເສດຖະກິດພາກພື້ນພັດທະນາຢ່າງກົມກຽວກັນ. ປະຕິບັດຍຸດທະສາດລວມໃນການພັດທະນາພາກື້ນແລະວາງແຜນສ້າງເຂດທີ່ມີບົດບາດຕ່າງກັນ,ເສີມຂະຫຍາຍຈຸດພິເສດແລະທ່າແຮງຂອງແຫ່ງຕ່າງໆ,ເພື່ອຍົກລະດັບກົມກຽວກັນຂອງການພັດທະນາໃນພາກພື້ນແລະຄວາມສະເຫມີພາບໃນດ້ານການບໍລິການສາທາລະນະພື້ນຖານ.ເພີ່ມທະວີແລະສ້າງກົນໄກຮ່ວມມືຂ້າມພາກພື້ນນັ້ນໃຫ້ສົມບຸນ, ກຳຈັດກຳແພງດ້ານຕະຫລາດ, ຊຸກຍູ້ໃຫ້ປັດໄຈຕ່າງໆຈໍລະຈອນ,ຊັກນຳໃຫ້ຂະແຫນງການຕ່າງໆມີການຫັນປ່ຽນຢ່າງມີລະບຽບຮຽບຮ້ອຍ, ຊຸກຍູ້ໃຫ້ເສດຖະກິດພາກພື້ນປະສານສົມທົບແລະພັດທະນາເປັນຢ່າງດີ.
ຕັ້ງຫນ້າຊຸກຍູ້ການຫັນເປັນຕົວເມືອງຢ່າງຫນັກແຫນ້ນ.ຕ້ອງເຄົາລົບກົດເກນພັດທະນາຂອງຕົວເມືອງ, ເລີ່ມຈາກສະພາບຕົວຈິງຂອງແຫ່ງຕ່າງໆ, ຊຸກຍູ້ຕົວເມືອງໃຫຍ່,ຕົວເມືອງກາງແລະນ້ອຍພ້ອມກັບເມືອງນ້ອຍພັດທະນາຢ່າງກົມກຽວກັນ. ອີງຕາມຄວາມສາມາດແບກຫາບດ້ານຊັບພະຍາກອນສິ່ງແວດລ້ອມແລະຈຳນວນພົນລະເມືອງ, ໃຫ້ກຳລັງການຜະລິດຂອງທົ່ວປະເທດແຈກຢາຍເປັນຢ່າງດີ, ເພື່ອຈໍ່ຕົວເປັນສະຖານະພາບປະຊາກອນທີ່ມີລະບົບຕົວເມືອງຊົນນະບົດກັບຈຳນວນທີ່ດິນຂອງປະເທດ, ການແຈກຢາຍຂອງຊັບພະຍາກອນແລະທ່າແຮງບົ່ມຊ້ອນດ້ານການພັດທະນາໃຫ້ສອດຄ່ອງກັນ. ເພີ່ມທະວີການໃຫ້ຄວາມສົນໃຈແລະໃຫ້ການບໍລິການແກ່ຊາວກະສິກອນຜູ່ທີ່ຊອກວຽກເຮັດງານທຳໃນຕົວເມືອງ,ອອກແຮງແກ້ໄຂ້ບັນຫາຕົວຈິງຕ່າງໆເຊັ່ນ:ໃຫ້ການບໍລິການດ້ານປະກອບອາຊີບ, ການຄ້ຳປະກັນທາງສັງຄົມ, ລູກຫລານເຂົ້າສຶກສາຮ່ຳຮຽນ, ການເຊົ່າຫລືຊື້ເຮືອນຢູ່ຂອງຊາວກະສິກອນຜູ່ທີ່ເຮັດວຽກຢູ່ໃນຕົວເມືອງ, ຄ່ອຍໆເຮັດໃຫ້ການບໍລິການສາທາລະນະພື້ນຖານໃນຕົວເມືອງແລະຊົນນະບົດນັ້ນປົກຄຸມຂະຫຍາຍໄປສູ່ຊາວກະສິກອນຜູ່ທີ່ເຮັດວຽກຢູ່ໃນຕົວເມືອງ. ໃຫ້ຄວາມສົນໃຈຕໍ່ລູກຫລານ,ແມ່ຍິງແລະຜູ່ເຖົ້າແກ່ຊະລາຊາວກະສິກອນ ຊາວຊົນນະບົດທີ່ເຮັດວຽກຢູ່ໃນຕົວເມືອງ. ເຮັດໃຫ້ຊາວສິກະກອນຊົນນະບົດນັ້ນບໍ່ວ່າຈະເຮັດວຽກຢູ່ໃນຕົວເມືອງຫລືຢູ່ຊົນນະບົດຕໍ່ລ້ວນແຕ່ສາມາດມີຊີວິດທີ່ສະຫງົບສຸກແລະມີວຽກເຮັດງານທຳ.
ຫ້າ: ລົງເລິກປະຕິບັດຍຸດທະສາດສ້າງປະເທດໃຫ້ຈະເລີນດ້ວຍວິທະຍາສາດເຕັກນິກແລະການສຶກສາ,ແລະຍຸດທະສາດສ້າງປະເທດໃຫ້ເຂັ້ມແຂງດ້ວຍຊັບພະຍາກອນມະນຸດ
ອອກແຮງພັດທະນາວຽກງານວິທະຍາສາດເຕັກນິກແລະການສຶກສາ, ສ້າງຖັນແຖວຜູ່ມີຄວາມຮູ້ຄວາມສາມາດທີ່ມີຄຸນທາດສູງ, ແມ່ນເສັ້ນທາງທີ່ຕ້ອງເດີນຕາມໃນການສ້າງປະເທດໃຫ້ມັ່ງຄັ່ງເຂັ້ມແຂງແລະໃຫ້ປະຊາຊາດຟື້ນຕົວຄືນ.
ຍຶດຫມັ້ນການໃຫ້ບູລິມະສິດໃນການພັດທະນາການສຶກສາ.ສູນກາງການເງິນໄດ້ວາງງົບປະມານໃຫ້ຄ່າໃຊ້ຈ່າຍດ້ານການສຶກສາທົ່ວປະເທດກວມ 4%ຂອງ ຍອດມູນຄ່າຜະລິດຕະພັນພາຍໃນປະເທດຫລື GDP, ການເງິນທ້ອງຖີ່ນກໍ່ຕ້ອງມີການຈັດວາງທີ່ສົມຄູ່ກັນ, ເພື່ອຮັບປະກັນໃຫ້ເປົ້າຫມາຍນີ້ສຳເລັດຜົນ.ຊຸກຍູ້ການສຶກສາພາກບັງຄັບໃຫ້ສະຫມ່ຳສະເຫມີກັນ, ການຈັດວາງບຸກຄະລາກອນແລະອຸປະກອນການສຶກສາຂັ້ນຕ່າງໆຄວນໃຫ້ບູລິມະສິດແກ່ພາກກາງ,ພາກຕາເວັນຕົກ, ຊົນນະບົດ, ເຂດຫ່າງໄກສອກຫລີກ, ເຂດຊົນເຜົ່າສ່ວນຫນ້ອຍແລະໂຮງຮຽນທີ່ບອບບາງໃນຕົວເມືອງ. ສືບຕໍ່ອອກແຮງແກ້ໄຂບັນຫາຍາກທີ່ປະຊາຊົນໃຫ້ຄວາມສົນໃຈຫລາຍເຊັ່ນ: ການເລືອກເຂົ້າຮຽນໃນໂຮງຮຽນ, ອະນຸບານທີ່ດີ, ເຊິ່ງເປັນບັນຫາສຸດສຸມໃນສັງຄົມ. ການສ້າງໂຮງຮຽນປະຖົມແລະມັດທະຍົມຢູ່ຊົນນະບົດຕ້ອງອີງຕາມສະພາບຕົວຈິງ. ແກ້ໄຂການພົວພັນລະຫວ່າງຍົກຄຸນນະພາບການສຶກສາໃຫ້ສູງຂຶ້ນກັບການໃຫ້ເດັກສາມາດເຂົ້າໂຮງຮຽນທີ່ຢູ່ໃກ້. ສ້າງໂຮງຮຽນທີ່ສາມາດກິນນອນໄດ້ໃນຊົນນະບົດໃຫ້ດີ, ວາງແຜນປັບປຸງບຳລຸງຄຸນທາດຂອງນັກຮຽນທີ່ໄດ້ຮັບການສຶກສາພາກບັງຄັບຢູ່ໃນຊົນນະບົດໃຫ້ດີ.ເພີ່ມທະວີການຄຸ້ມຄອງຄວາມປອດໄພຂອງລົດທີ່ສົ່ງນັກຮຽນເຂົ້າຮຽນ, ຮັບປະກັນຄວາມປອດໄພດ້ານຊີວິດຂອງນັກຮຽນ.
ອອກແຮງຊຸກຍູ້ການປະດິດສ້າງວິທະຍາສາດເຕັກນິກ.ເພີ່ມທະວີການສ້າງສາລະບົບປະດິດສ້າງຂອງຊາດ. ລົງເລິກການປະຕິຮູບລະບອບວິທະຍາສາດເຕັກນິກ, ຊຸກຍູ້ໃຫ້ວິສາຫະກິດກາຍເປັນອັດຕະພາບໃນການປະດິດສ້າງເຕັກນິກໃຫມ່, ຊຸກຍູ້ໃຫ້ວິທະຍາສາດເຕັກນິກຕິດພັນຢ່າງແຫນ້ນແຟ້ນກັບເສດຖະກິດ. ສົ່ງເສີມຄວາມຈິງໃຈແລະສັດຊື່ຕໍ່ວິຊາການ,ສົ່ງເສີມແນວຄວາມຄິດແບບອິດສະຫລະພາບ, ປ້ອງກັນຄວາມເສລີພາບໃນດ້ານວິຊາການ, ເສີມຂະຫຍາຍນ້ຳໃຈວິທະຍາສາດ.ປະຕິບັດຍຸດທະສາດສິດຊັບສິນທາງປັນຍາແຫ່ງຊາດຢ່າງຫມັ້ນຫນຽວບໍ່ປ່ຽນແປງ.
ເພີ່ມທະວີວຽກງານສ້າງຜູ່ມີຄວາມຮູ້ຄວາມສາມາດຢ່າງຮອບດ້ານ. ພະຍາຍາມສ້າງສະພາບແວດລ້ອມທາງສັງຄົມທີ່ດີງາມທີ່ມີຜູ່ມີຄວາມຮູ້ຄວາມສາມາດ,ທຸກຄົນສາມາດເສີມຂະຫຍາຍທ່າແຮງຂອງຕົນແລະນຳໃຊ້ໃນຕົວຈິງໄດ້.
ຫົກ:ຮັບປະກັນແລະປັບປຸງຊີວິດການເປັນຢູ່ໃຫ້ດີຂຶ້ນຢ່າງແທ້ຈິງ
ການທີ່ໃຫ້ຜົນປະໂຫຍດກົກຮາກຂອງປະຊາຊົນອັນກວ້າງໃຫຍ່ໄພສານທີ່ສຸດໄດ້ບັນລຸເປັນຈິງ, ໄດ້ຮັບການປົກປັກຮັກສາແລະຂະຫຍາຍອອກເປັນຢ່າງດີແມ່ນທາດແທ້ຂອງທັດນະສະທີ່ຖືຄົນເປັນກົກ. ຕ້ອງເອົາການຮັບປະກັນແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນເປັນຫນ້າທີ່ສຳຄັນໃນບັນດາວຽກງານຂອງລັດຖະບານ.
ຊອກຫາທຸກວິທີເພື່ອເພີ່ມໂອກາດປະກອບອາຊີບ.ການປະກອບອາຊີບແມ່ນວຽກສຳຄັນທີ່ພົວພັນເຖິງການພັດທະນາຂອງປະເທດແລະຄວາມສຸກຂອງປະຊາຊົນ. ປີນີ້, ການປະກອບອາຊີບຍັງມີແຮງກົດດັນຢ່າງສູງ, ອົງການປົກຄອງທຸກຂັ້ນຕ້ອງຍຶດຫມັ້ນຍຸດທະສາດໃຫ້ບູລິມະສິດໃນດ້ານການປະກອບອາຊີບ. ສືບຕໍ່ປະຕິບັດນະໂຍບາຍປະກອບອາຊີບທີ່ຕັ້ງຫນ້າກວ່າເກົ່າ. ໃຫ້ການສະຫນັບສະຫນູນເປັນຈຸດຫນັກແກ່ຂະແຫນງການບໍລິການ, ວິສາຫະກິດເຕັກນິກໃຫມ່ແລະວິສາຫະກິດຂະຫນາດນ້ອຍທີ່ສາມາດຮັບເອົາແຮງງານໄດ້ຢ່າງຫລວງຫລາຍ, ເພື່ອສ້າງຕຳແຫນ່ງປະກອບອາຊີບຫລາຍກວ່າເກົ່າ. ສົ່ງເສີມການສ້າງພາລະກິດເພື່ອເປັນການຊຸກຍູ້ການປະກອບອາຊີບ. ສ້າງການພົວພັນອອກແຮງງານຢ່າງກົມກຽວກັນ, ເພີ່ມທະວີການຄຸ້ມຄອງການສົ່ງແຮງງານ, ກວດກາແລະແກ້ໄຂຄວາມຂັດແຍ່ງກັນທີ່ເກີດຂຶ້ນໃນການພົວພັນອອກແຮງງານ, ເພີ່ມທະວີການຕິດຕາມສຳຫລວດແລະໄກ່ເກ່ຍດ້ານການອອກແຮງງານ, ປົກປັກຮັກສາສິດຜົນປະໂຫຍດທີ່ຊອບດ້ວຍກົດມາຍຂອງຜູ່ອອກແຮງງານ.
ເລັ່ງລັດສ້າງລະບົບຄ້ຳປະກັນສັງຄົມໃຫ້ສົມບູນຂຶ້ນ. ຮອດທ້າຍປີນີ້ຈະສຳເລັດການໃຫ້ການປະກັນໄພສັງຄົມຂອງຜູ່ເຖົ້າຢູ່ຊົນນະບົດແບບໃຫມ່ແລະການປະກັນໄພສັງຄົມຂອງຜູ່ເຖົ້າໃນຕົວເມືອງຂະຫຍາຍໄປສູ່ທົ່ວທຸກບ່ອນຂອງຈີນ. ເພີ່ມຄ່າປະກັນໄພສັງຄົມດ້ວຍຫລາຍຊ່ອງທາງ, ເພີ່ມທະວີການຕິດຕາມກວດກາກອງທຶນຄ້ຳປະກັນສັງຄົມແລະການລົງທຶນຂອງກອງທຶນຄ້ຳປະກັນສັງຄົມ,ເພື່ອໃຫ້ກອງທຶນນີ້ມີມູນຄ່າເພີ່ມຂຶ້ນ.
ອອກແຮງຊຸກຍູ້ການປະຕິຮູບວຽກງານການປິ່ນປົວພະຍາດ, ການຜະລິດຢາແລະວຽກງານສາທາລະນະສຸກ. ເລັ່ງລັດສ້າງລະບົບປະກັນໄພດ້ານການປິ່ນປົວພະຍາດໃຫ້ທົ່ວປວງຊົນໃຫ້ສົມບູນຂຶ້ນ, ເປີດກວ້າງຂອບເຂດທີ່ໄດ້ຮັບການປະກັນໄພດ້ານການປິ່ນປົວພະຍາດ, ຍົກລະດັບປະກັນໄພດ້ານການປິ່ນປົວພະຍາດແລະລະດັບຄຸ້ມຄອງບໍລິການໃຫ້ສູງຂຶ້ນ. ມາດຕະຖານຄ່າປະກັນໄພດ້ານການປິ່ນປົວພະຍາດໃນຕົວເມືອງແລະຄ່າອຸດຫນູນຂອງລະບົບການຮ່ວມມືປິ່ນປົວພະຍາດແບບໃຫມ່ຢູ່ຊົນນະບົດຈະຍົກສູງເຖິງ 240 ຢວນຕໍ່ຄົນຕໍ່ປີ. ລະດົມຜູ່ເຮັດວຽກໃນດ້ານການແພດໃຫ້ມີຄວາມຫ້າວຫັນເຮັດວຽກຫລາຍຂຶ້ນ, ສ້າງການພົວພັນທີ່ກົມກຽວກັນລະຫວ່າງຄົນເຈັບກັບແພດ. ເພີ່ມທະວີການບໍລິການດ້ານສາທາລະນະສຸກ, ປ້ອງກັນແລະຄວບຄຸມພະຍາດຕິດແປດ, ພະຍາດຊຳເຮື້ອແລະພະຍາດອາຊີບທີ່ຮຸນແຮງທີ່ກະທົບເຖິງສຸກຂະພາບຂອງປະຊາຊົນ. ເພີ່ມທະວີວຽກງານຄວາມປອດໄພດ້ານຢຸກຢາ.ສະຫນັບສະຫນູນແລະຊຸກຍູ້ການພັດທະນາຂອງແພດພື້ນເມືອງຈີນແລະການແພດຊົນເຜົ່າ.
ເຮັດວຽກປະຊາກອນແລະການວາງແຜນຄອບຄົວໃຫ້ດີ. ສືບຕໍ່ຮັກສາລະດັບເກີດລູກຕ່ຳຢ່າງຫມັ້ນທ່ຽງ, ແກ້ໄຂບັນຫາທີ່ເພດຂອງລູກເກີດໃຫມ່ບໍ່ກ້ຳເກິ່ງກັນ,ຍົກຄຸນນະພາບຂອງລູກເກີດໃຫມ່ໃຫ້ສູງຂຶ້ນ.ເລັ່ງລັດບັນລຸການເຜີຍແຜ່ການບໍລິການທີ່ດີໃຫ້ແກ່ການວາງແຜນຄອບຄົວໃຫ້ເຖິງທົ່ວທຸກບ່ອນ,ເຜີຍແຜ່ການກວດກາສຸກຂະພາບໃຫ້ແມ່ຍິງທີ່ກຽມຈະຖືພານັ້ນໄປເຖິງຕົວເມືອງ 60% ໃນທົ່ວປະເທດ.
ສືບຕໍ່ດັດສົມຕະຫລາດເຮືອນຢູ່ແລະທີ່ດິນແລະສ້າງໂຄງການເຮືອນຢູ່ນະໂຍບາຍໃຫ້ດີ.ປະຕິບັດຢ່າງເຂັ້ມງວດແລະປັບປຸງນະໂຍບາຍສະກັດກັ້ນກໍລະນີທີ່ສວຍໂອກາດແລະແບບລົງທຶນໃຫ້ດີ,ໃຫ້ຜົນສຳເລັດໃນການດັດສົມມີຄວາມຫມັ້ນຄົງ, ຊຸກຍູ້ໃຫ້ລາຄາເຮືອນຢູ່ຢູ່ໃນລະດັບສົມເຫດສົມຜົນ. ສືບຕໍ່ຊຸກຍູ້ການສ້າງໂຄງການເຮືອນຢູ່ນະໂຍບາຍ,ບົນພື້ນຖານທີ່ຮັບປະກັນຄຸນນະພາບ,ແລ້ວສ້າງເຮືອນຢູ່ນະໂຍບາຍໃຫ້ສຳເລັດ 5 ລ້ານຊຸດແລະເລີ່ມສ້າງ 7 ລ້ານຊຸດຂຶ້ນໄປ. ວາງລະບຽບການສ້າງ,ແຈກຢາຍ,ຄຸ້ມຄອງແລະຖອນເຮືອນຢູ່ນະໂຍບາຍໃຫ້ສົມບູນຂຶ້ນ.
ເພີ່ມທະວີແລະປະກິດສ້າງການຄຸ້ມຄອງບໍລິການຫານສັງຄົມ. ເພີ່ມທະວີການແກ້ໄຂຄວາມຂັດແຍ່ງໃນສັງຄົມ, ປະຕິບັດການຄຸ້ມຄອງບໍລິຫານສັງຄົມ, ປະຕິບັດກົດຫມາຍຢ່າງປອດໃສຂາວສະອາດແລະຍຸດຕິທຳ. ເພີ່ມທະວີບົດບາດຂອງລັດຖະບານໃນການຄຸ້ມຄອງສັງຄົມແລະໃຫ້ການບໍລິການສາທາລະນະ. ສ້າງກົນໄກປະເມີນຄວາມສ່ຽງຕໍ່ຄວາມຫມັ້ນທ່ຽງຂອງສັງຄົມໃນການວາງນະໂຍບາຍສຳຄັນແລະກົນໄກຄ້ມຸຄອງການແກ້ໄຂເຫດການສຸກເສີນ. ປະຕິບັດຍຸດທະສາດພັດທະນາດ້ວຍຄວາມຫມັ້ນຄົງ, ເພີ່ມການຕິດຕາມຄຸ້ມຄອງການຜະລິດຢ່າງປອດໄພ, ປ້ອງກັນບໍ່ໃຫ້ເກີດອຸປະຕິເຫດທີ່ຮ້າຍແຮງກ ລົງເລິກດຳເນີນການເຄື່ອນໄຫວຕ້ານການລະເມີດສິດຊັບສິນທາງປັນຍາແລະຂາຍສິນຄ້າປອມແປງ. ເພີ່ມທະວີຄວາມສາມາດໃນການຕິດຕາມຄຸ້ມຄອງຄວາມປອດໄພດ້ານອາຫານ. ຍົກລະດັບຄວາມປອດໄພດ້ານອາຫານໃຫ້ສູງຂຶ້ນ.
ເຈັດ: ຊຸກຍູ້ໃຫ້ວັດທະນະທຳພັດທະນາຢ່າງແຂງແຮງແລະຮຸ່ງເຮືອງຂຶ້ນຢ່າງໃຫຍ່
ວັດທະນະທຳແມ່ນບ່ອນເກີດດ້ານຈິດໃຈຂອງມະນຸດເຮົາ, ການສືບທອດວັດທະນະທຳອັນດີເລີດແມ່ນສາຍເລືອດຂອງຊົນເຜົ່າຫນຶ່ງທີ່ສາມາດດຳລົງຄົງຕົວຢູ່ຕໍ່ໄປ. ຕ້ອງສະຫນອງຜະລິດຕະພັນດ້ານວັດທະນະທຳທີ່ມີຄຸນນະພາບທີ່ດີຢ່າງອຸດົມສົມບູນ, ຕອບສະຫນອງຄວາມຕ້ອງການດ້ານຈິດໃຈວັດທະນະທຳຂອງປະຊາຊົນເລື້ອຍໆ. ລົງເລິກຊຸກຍູ້ການສ້າງລະບົບຄຸນຄ່າໃຈກາງຂອງສັງຄົມນິຍົມ. ອອກແຮງພັດທະນາວຽກງານວັດທະນະທຳສາທາລະນະປະໂຫຍດ. ຖືຊົນນະບົດແລະເຂດພາກກາງແລະພາກຕາເວັນຕົກເປັນຈຸດຫນັກ, ເພີ່ມທະວີການສ້າງພື້ນຖານໂຄງລ່າງດ້ານວັດທະນະທຳພື້ນຖານ. ເພີ່ມທະວີການອະນຸລັກມໍລະດົກວັດທະນະທຳ, ສ້າງວຽກງານວັດທະນະທຳຊົນເຜົ່າສ່ວນຫນ້ອຍໃຫ້ຈະເລີນ. ລົງເລິກການປະຕິຮູບລະບອບວັດທະນະທຳ, ສືບຕໍ່ຊຸກຍູ້ຫົວຫນ່ວຍວັດທະນະທຳແບບທຸລະກິດນັ້ນຫັນເປັນວິສາຫະກິດ. ເປີດກວ້າງຂະຫນາດຂອງຂະແຫນງການວັດທະນະທຳໃຫ້ກາຍເປັນກຸ່ມວັດທະນະທຳ, ທີ່ມີລະດັບວິຊາຊີບໃນລະດັບສູງ, ຊຸກຍູ້ຂະແຫນງການວັດທະນະທຳໃຫ້ກາຍເປັນຂະແຫນງການເສົາຄ້ຳໃນເສດຖະກິດແຫ່ງຊາດ. ລົງເລິກດຳເນີນການແລກປ່ຽນດ້ານວັດທະນະທຳກັບພາຍນອກ. ຊຸກຍູ້ຖອດຖອນອັນດີລະຫວ່າງວັດທະນະທຳຈີນກັບວັດທະນະທຳຕ່າງປະເທດ.
ແປດ: ລົງເລິກຊຸກຍູ້ການປະຕິຮູບໃນຂົງເຂດຈຸດສຸມ
ການປະຕິຮູບແລະໄຂປະຕູສູ່ພາຍນອກແມ່ນການເລືອກເຟ້ນທີ່ຖືກຕ້ອງຂອງຈີນໃນຊາຕາກຳປັດຈຸບັນ. ຕ້ອງອີງຕາມຄວາມຮຽກຮ້ອງຕ້ອງການຂອງທັດສະນະແຫ່ງການພັດທະນາຕາມຫຼັກວິທະຍາສາດ, ເຄົາລົບນ້ຳໃຈປະຕິສ້າງຂອງປະຊົນ,ຊອກຄົ້ນຢ່າງກ້າຫານ. ສືບຕໍ່ຊຸກຍູ້ການປະຕິຮູບລະບອບເສດຖະກິດ, ລະບອບການເມືອງແລະດ້ານອື່ນໆດ້ວຍຄວາມຕັດສິນໃຈແລະຄວາມກ້າຫານຢ່າງສູງ, ເພື່ອແກ້ໄຂບັນຫາຫຍຸ້ງຍາກຕ່າງໆໃນການພັດທະນາ. ສ້າງການພົວພັນລະຫວ່າງເສດຖະກິດກັບການພັດທະນາຂອງສັງຄົມໃຫ້ກົມກຽວກັນ. ຮັບປະກັນຄວາມຍຸດຕິທຳແລະຄວາມເປັນທຳໃນສັງຄົມ;ຊຸກຍູ້ການປະດິດສ້າງໃນດ້ານການບໍລິຫານງານຕາມກົດຫມາຍແລະການຄຸ້ມຄອງສັງຄົມ, ສ້າງການພົວພັນລະຫວ່າງລັດຖະບານກັບປະຊາຊົນແລະອົງການຈັດຕັ້ງສັງຄົມໃຫ້ດີ, ສ້າງລັດຖະບານທີ່ໃຫ້ການບໍລິການ,ຮັບຜິດຊອບ,ປົກຄອງຕາມກົດຫມາຍແລະປອດໃສໄຮ້ມົນທິນ.ຫນ້າທີ່ຈຸດສຸມຂອງການປະຕິຮູບໃນປີນີ້ແມ່ນ:
ລົງເລິກການປະຕິຮູບລະບອບການເງິນ,ພາສີອາກອນແລະທະນາຄານ. ສ້າງລະບຽບການແບ່ງປັນພາສີໃຫ້ສົມບູນ,ບູລະນະລະບຽບການຈ່າຍເງິນ, ຍົກຂະຫນາດແລະມາດຕາສ່ວນຂອງການຈ່າຍເງິນທົ່ວໄປ. ສ້າງກົນໄກຮັບປະກັນການເງິນພື້ນຖານຂັ້ນເມືອງນ້ອຍໃຫ້ດີ. ຊຸກຍູ້ການປະກາດງົບປະມານການເງິນແລະງົບດຸນຂອງທ້ອງຖີ່ນຕໍ່ພາຍນອກຢ່າງຫນັກແຫນ້ນ. ຊຸກຍູ້ການປະຕິບັດມາດຖານຕິດຕາມຄຸ້ມຄອງຂະແຫນງການທະນາຄານໃຫມ່.ຊຸກຍູ້ສ້າງການສ້າງລະບຽບການປະກັນໄພເງິນຝາກ.ລົງເລິກການປະຕິຮູບອົງການການທະນາຄານແບບນະໂຍບາຍ. ສ້າງແລະບູລະນະລະບຽບການຂາຍຫຸ້ນໃຫມ່ແລະລະບຽບການຖອນອອກຈາກຕະຫລາດ, ເນັ້ນຫນັກເຖິງການປົກປ້ອງຄ່າຕອບແທນແລະສິດທິຜົນປະໂຫຍດຂອງຜູ່ລົງທຶນ. ຕັ້ງຫນ້າພັດທະນາຕະຫລາດພັນທະບັດ. ຊຸກຍູ້ການປະຕິຮູບແລະການພັດທະນາຂອງຂະແຫນງການປະກັນໄພ. ລົງເລິກການປະຕິຮູບຫັນອັດຕາດອອກເບ້ຍໃຫ້ເປັນແບບຕະຫລອດ. ຊຸກຍູ້ການແລກປ່ຽນເງິນຢວນຈີນໃນໂຄງການທຶນ, ເປີດກວ້າງການນຳໃຊ້ເງິນຢວນຈີນໃນການຄ້າການລົງທຶນຂ້າມຊາດ.
ຊຸກຍູ້ໃຫ້ເສດຖະກິດລະບອບກຳມະສິດຕ່າງໆພັດທະນາຮ່ວມກັນ. ປັບປຸງແລະພັດທະນາເສດຖະກິດລະບອບກຳມະສິດສ່ວນລວມຢ່າງບໍ່ຫວັ່ນໄຫວຄ່ອນແຄນ,ສົ່ງເສີມ,ສະຫນັບສະຫນູນແລະຊັກນຳເສຖະກິດບໍ່ແມ່ນລະບົບກຳມະສິດສ່ວນລວມໃຫ້ມີການພັດທະນາ. ລົງເລິກຊຸກຍູ້ເສດຖະກິດແຫ່ງຊາດປັບປຸງແບບຍຸດທະສາດ, ສ້າງກົນໄກທີ່ໃຫ້ທຶນຂອງລັດໝູນວຽນແລະຈໍລະຈອນຕາມທ້ອງຕະຫລາດຢ່າງສົມເຫດສົມຜົນ. ຊຸກຍູ້ການປະຕິຮູບຂະແຫນງການທາງລົດໄຟ, ຂະແຫນງການພະລັງງານໄຟຟ້າແລະອື່ນໆ,ເພື່ອສ້າງສະພາບແວດລ້ອມທີ່ໃຫ້ເສດຖະກິດລະບອບກຳມະສິດທຸກປະເພດແຂ່ງຂັນກັນຢ່າງຍຸດຕິທຳແລະຮ່ວມກັນພັດທະນາ.
ລົງເລິກການປະຕິຮູບລາຄາ.ຊຸກຍູ້ການປະຕິຮູບລາຄາພະລັງໄຟຟ້າຢ່າງຫນັກແຫນ້ນ,ປະຕິບັດແຜນການປະຕິຮູບເກັບຄ່າໄຟຟ້າຕາມຄວາມຕ້ອງການຂອງປະຊາຊົນ, ປັບປຸງກົນໄກກຳນົດລາຄາຂອງໄຟຟ້ານ້ຳຕົກ,ໄຟຟ້ານິວເຄຼຍແລະພະລັງງານທີ່ໃຊ້ຄືນໄດ້. ສ້າງການພົວພັນລະຫວ່າງລາຄາຖ່ານຫີນກັບລາຄາໄຟຟ້າໃຫ້ສົມເຫດສົມຜົນ. ປັບປຸງການປະຕິຮູບລາຄານ້ຳມັນສຳເລັດຮູບ, ຊຸກຍູ້ການປະຕິຮູບລາຄາອາຍແກ໊ສທຳມະຊາດ. ປະຕິບັດລະບຽບການຢ່າງເຄັ່ງຄັດທີ່ສຸດໃນການຄ້ມຸຄອງບໍລິຫານຊັບພະຍາກອນນ້ຳ, ສ້າງແລະປັບປຸງມາດຖານເກັບຄ່ານ້ຳຂອງແຫ່ງຕ່າງໆໃຫ້ສົມບຸນຂຶ້ນ, ຊຸກຍູ້ການປະຕິຮູບໂດຍລວມຕໍ່ລາຄານ້ຳໃຊ້ທາງກະສິກຳ. ສ້າງເຂດທົດລອງການຄ້າຂາຍດ້ານການລະບາຍບກາກບອນແລະລະບາຍສິ່ງມົນລະພິດ.
ລົງເລິກການປະຕິຮູບລະບຽບການແຈກຢາຍລາຍໄດ້.ເລັ່ງລັດສ້າງແຜນການລວມຂອງການປະຕິຮູບລະບຽບການແຈກຢາຍລາຍໄດ້. ພະຍາຍາມຍົກມາດຕາສ່ວນຂອງລາຍໄດ້ຂອງປະຊາຊົນໃນລາຍໄດ້ຂອງທົ່ວປະເທດໃຫ້ສູງຂຶ້ນ, ຍົກສູງອັດຕາຄ່າທົດແທນການອອກແຮງງານໃນການແຈກຢາຍເທື່ອທຳອິດ.ບູລະນະລະບຽບການເງິນເດືອນ,ສ້າງກົນໄກເພີ່ມເງິນເດືອນເປັນປະຈຳ,ຍົກລະດັບເງິນເດືອນຕ່ຳສຸດໃຫ້ສູງຂຶ້ນ.ສ້າງເງື່ອນໄຂເພີ່ມລາຍຮັບດ້ານຊັບສິນຂອງປະຊາຊົນ. ສ້າງກົນໄກທີ່ເຮັດໃຫ້ທົ່ວປວງຊົນສາມາດຊົມໃຊ້ຜົນປະໂຫຍດທີ່ໄດ້ຮັບໃນການມອບຊັບພະຍາກອນສາທາລະນະ. ສ້າງລະບຽບການແຈກຢາຍລາຍໄດ້ໃຫ້ເປັນແບບຢ່າງ, ປ້ອງກັນລາຍໄດ້ທີ່ຊອບດ້ວຍກົດຫມາຍຢ່າງບັງເກີດຜົນ, ເດັດຂາດຮິບເອົາລາຍໄດ້ທີ່ຜິດກົດຫມາຍ, ຫັນປ່ຽນທ່າອຽງລາຍໄດ້ທີ່ຜິດໂຕນກັນຫລາຍໂດຍໄວ.
ຕັ້ງຫນ້າຊຸກຍູ້ການປະຕິຮູບແບ່ງຫົວຫນ່ວຍທີ່ບໍ່ສາມາດສ້າງກຳໄລດ້ວຍຕົນເອງໃຫ້ເປັນປະເພດ. ແບ່ງປະເພດໃຫ້ຫົວຫນ່ວຍຕ່າງໆຕາມຫລັກວິທະຍາສາດ, ແບ່ງເປັນປະເພດເພື່ອໃຫ້ການຊີ້ນຳ, ຊຸກຍູ້ການພັດທະນາໂດຍອີງຕາມຂະແຫນງການ,ມີການຈັດຕັ້ງໂດຍແບ່ງເປັນລະດັບ,ປະຕິບັດຕາມບາດກ້າວຕ່າງໆ,ລົງເລິກການປະຕິຮູບລະບຽບການຄຸ້ມຄອງຫົວຫນ່ວຍທີ່ບໍ່ສາມາດສ້າງກຳໄລດ້ວຍຕົນເອງແລະລະບຽບການດ້ານບຸກຄະລາກອນ, ການແຈກຢາຍລາຍໄດ້,ແລະການຄ້ຳປະກັນທາງສັງຄົມ.
ເລັ່ງລັດຊຸກຍູ້ການປະຕິຮູບລັດຖະບານ. ເປີດກວ້າງປະຊາທິປະໄຕສັງຄົມນິຍົມ. ຈັດການເລືອກຕັ້ງຢ່າງປະຊາທິປະໄຕ, ຕັດສິນຢ່າງມີປະຊາທິປະໄຕ, ຄຸ້ມຄອງຢ່າງປະຊາທິປະໄຕ, ຕິດຕາມປະຊາທິປະໄຕຕາມກົດຫມາຍ, ຮັບປະກັນສິດຮູ້ຂ່າວ,ສິດເຂົ້າຮ່ວມ, ສິດປະກອບຄຳເຫັນແລະສິດຕິດຕາມຂອງປະຊາຊົນ. ເພີ່ມທະວີການກໍ່ສ້າງການປົກຄອງຢ່າງປອດໃສຂາວສະອາດ. ລົງເລິກດຳເນີນການຕ້ານກັບສະພາບເສຍທາດຂາດຄຸນ,ຊຸກຍູ້ວຽກງານຕ່າງໆໃນການສ້າງລະບຽບການລົງໂທດແລະປ້ອງກັນການເສຍທາດຂາດຄຸນ,ອອກແຮງແກ້ໄຂບັນຫາພົ້ນເດັ່ນທີ່ມີປະຊາຊົນສ່ອງແສງເລື້ອຍໆ.
ເກົ້າ:ພະຍາຍາມຍົກສູງຄຸນນະພາບແລະລະດັບຂອງການໄຂປະຕູສູ່ພາຍນອກ
ການໄຂປະຕູສູ່ພາຍນອກຂອງປະເທດພວກເຣົາໄດ້ເຂົ້າສູ່ໄລຍະໃຫມ່ແລ້ວ,ຖານະແລະບົດບາດຂອງການຄ້າຂາເຂົ້າຂາອອກແລະການລົງທຶນທັງສອງທິດໄດ້ເກີດມີການປ່ຽນແປງຢ່າງເລິກເຊິ່ງ.ຄວນສອດຄ່ອງກັບສະຖານະການໃຫມ່, ປະດິດສ້າງແນວຄິດໃນດ້ານວຽກງານເສດຖະກິດຕໍ່ຕ່າງປະເທດ, ຫັນປ່ຽນຮູບການພັດທະນາເສດຖະກິດຕໍ່ພາຍນອກ, ຍົກລະດັບເສດຖະກິດແບບໄຂປະຕູຕໍ່ພາຍນອກໃຫ້ສູງຂຶ້ນ, ຈໍ່ຕົວເປັນສະຖານະພາບໃຫມ່ຂອງເສດຖະກິດແບບໄຂປະຕູສູ່ພາຍນອກ.
ຮັກສາໃຫ້ການຄ້າກັບພາຍນອກພັດທະນາຢ່າງຫມັ້ນທ່ຽງ. ພວກເຮົາເນັ້ນເຖິງການເປີດກວ້າງຄວາມຕ້ອງການພາຍໃນ. ແຕ່ເດັດຂາດບໍ່ຄວນປະຫມາດບົດບາດສຳຄັນຂອງຄວາມຕ້ອງການພາຍນອກທີ່ມີຕໍ່ການພັດທະນາເສດຖະກິດຂອງປະເທດພວກເຮົາ. ຕ້ອງຮັກສາໃຫ້ນະໂຍບາຍການຄ້າກັບພາຍນອກຫມັ້ນທ່ຽງໂດຍພື້ນຖານ. ຕ້ອງເລັ່ງລັດຫັນປ່ຽນຮູບການພັດທະນາຂອງການຄ້າກັບພາຍນອກ. ລົງເລິກປະຕິບັດຍຸດທະສາດທີ່ໃຫ້ການຄ້າຈະເລີນດ້ວຍວິທະຍາສາດເຕັກນິກ, ສ້າງຊື່ສຽງດ້ວຍຄຸນນະພາບແລະໃຫ້ຕະຫລາດມີຫລາຍຢ່າງຫລາຍແນວ,ສະຫນັບສະຫນູນວິສາຫະກິດສ້າງຍີ່ຫໍ້,ຕາຫນ່າງຈຳໜ່າຍແລະສູນຄົ້ນຄວ້າພັດທະນາຂອງຕົນເອງ, ຊັກນຳການຄ້າປຸງແຕ່ງຂະຫຍາຍໄປສູ່ລະດັບສູງຂອງຕ່ອງໂສ້ການຜະລິດແລະຍ້າຍໄປສູ່ເຂດພາກກາງແລະພາກຕາເວັນຕົກ. ສ້າງຕະຫລາດດັ້ງເດີມຢູ່ອາເມລິກາຍີ່ປຸ່ນແລະເອີລົບໃຫ້ຫມັ້ນທ່ຽງ, ບຸກເບີກຕະຫລາດໃຫມ່.ເຮັດໃຫ້ການຄ້າຂາອອກຜະລິດຕະພັນທີ່ສຸມແຮງງານໃສ່ນັ້ນມີຄວາມຫມັ້ນທ່ຽງ, ທັງເປີດກວ້າງການຄ້າຂາອອກຜະລິດຕະພັນເຕັກນິກສູງແລະມີມູນຄ່າເພີ່ມສູງ, ຄວບຄຸມການຂາອອກຜະລິດຕະພັນທີ່ສິ້ນເປືອງພະລັງງານແລະມີການມົນລະພິດຫລາຍ.
ຍົກຄຸນນະພາບໃນການນຳໃຊ້ທຶນຕ່າງປະເທດໃຫ້ສູງຂຶ້ນ.ຍຶດຫມັ້ນທິດທາງໃນການນຳໃຊ້ທຶນຕ່າງປະເທດໃຫ້ໄດ້ດີແລະມີປະສິດທິຜົນ, ຍິ່ງໃຫ້ຄວາມສົນໃຈຕໍ່ການສ້າງອົງປະກອບໃຫ້ດີຂຶ້ນແລະຍົກຄຸນນະພາບໃຫ້ສູງ. ປະຕິບັດສາລະບານຊີ້ນຳຂະແຫນງການທີ່ໃຫ້ຕ່າງປະເທດໄປລົງທຶນສະບັບດັດແກ້, ນຳພາທຶນຕ່າງປະເທດລົງສູ່ຂະແຫນງການຜະລິດທີ່ກ້າວຫນ້າ,ຂະແຫນງການເຕັກນິກສູງໃຫມ່, ຂະແຫນງການປະຢັດພະລັງງານແລະອະນຸລັກສິ່ງແວດລ້ອມ, ຂະແຫນງການບໍລິການທັນສະໄຫມແລະເຂດພາກກາງແລະພາກຕາເວັນຕົກ.
ປະຕິບັດຍຸດທະສາດ"ອອກໄປສູ່ພາຍນອກ".ປະເທດພວກເຮົາພວມຢູ່ໃນໄລຍະສຳຄັນທີ່ການລົງທຶນຢູ່ຕ່າງປະເທດພວມພັດທະນາຢ່າງວ່ອງໄວ. ຄວນຊັກນຳໃຫ້ວິສາຫະກິດປະເພດຕ່າງໆດຳເນີນການຮ່ວມມືລົງມືແລະສັ່ງຊື້ຂ້າມຊາດໃນຂະແຫນງການພະລັງງານ,ວັດຖຸດິບ, ກະສິກຳ, ຂະແຫນງການການຜະລິດ,ການບໍລິການແລະພື້ນຖານໂຄງລ່າງ. ຜ່ອນຍານການຈຳກັດຕໍ່ພົນລະເມືອງທີ່ໄປລົງທຶນຢູ່ຕ່າງປະເທດ.
ເພີ່ມທະວີການຄຸ້ມຄອງຄວາມສ່ຽງຂອງການລົງທຶນຢູ່ຕ່າງປະເທດ,ປົກປ້ອງຄວາມປອດໄພດ້ານຊີວິດແລະຊັບສິນຂອງວິສາຫະກິດຈີນຢູ່ຕ່າງປະເທດ.
ເຂົ້າຮ່ວມການປັບປຸງເສດຖະກິດທົ່ວໂລກແລະການຮ່ວມມືໃນພາກພື້ນ.ພະຍາຍາມຮັກສາໃຫ້ການພົວພັນດ້ານເສດຖະກິດການຄ້າກັບປະເທດທີ່ພັດທະນາແລ້ວນັ້ນຂະຫຍາຍຕົວຢ່າງຫມັ້ນທ່ຽງ,ລົງເລິກການຮ່ວມມືແບບຕ່າງຝ່າຍຕ່າງມີຜົນປະໂຫຍດກັບປະເທດທີ່ພວມພັດທະນາຢ່າງຮອບດ້ານ. ສືບຕໍ່ຊຸກຍູ້ການສ້າງເຂດການຄ້າເສລີແລະຂະບວນວິວັດຫັນເສດຖະກິດພາກພື້ນເປັນອັນຫນຶ່ງອັນດຽວກັນ.ຕັ້ງຫນ້າເຂົ້າຮ່ວມການກໍ່ສ້າງກົນໄກຄຸ້ມຄອງເສດຖະກິດທົ່ວໂລກຄື: ກຸ່ມ G20 ເປັນຕົ້ນ,ເພີ່ມທະວີການປະສານງານກັບອົງກອນເສດຖະກິດສຳຄັນກ່ຽວກັບນະໂຍບາຍເສດຖະກິດມະຫາພາກ, ຄັດຄ້ານລັດທິປົກປ້ອງການຄ້າໃນທຸກຮູບແບບ. ສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນໃນການເຈລະຈາຮອບໂດຮາແລະການປະຕິຮູບລະບົບການເງິນສາກົນ.
ບັນດາຜູ່ແທນ!
ປະເທດພວກເຮົາແມ່ນປະເທດເອກະພາບທີ່ມີຫລາຍຊົນເຜົ່າ,ຊົນເຜົ່າສາມັກຄີບາກບັ່ນສູ້ຊົນ, ຮ່ວມກັນພັດທະນາໃຫ້ຈະເລີນຮຸ່ງເຮືອງ, ປະເທດຈິ່ງສາມາດພັດທະນາໄດ້. ຕ້ອງຍຶດຫມັ້ນແລະປັບປຸງລະບຽບການເຂດຊົນເຜົ່າປົກຄອງຕົນເອງ, ຜັນຂະຫຍາຍນະໂຍບາຍມາດຕະການທີ່ສູນກາງສູະຫນັບສະຫນູນການພັດທະນາຂອງຊົນເຜົ່າສ່ວນຫນ້ອຍແລະເຂດຊົນເຜົ່າສ່ວນຫນ້ອຍຢ່າງຈິງຈັງ,ອອກແຮງປະຕິບັດແຜນການໃນການສະຫນັບສະຫນູນການພັດທະນາຂອງຊົນເຜົ່າທີ່ມີປະຊາກອນຫນ້ອຍ, ຊຸກຍູ້ກິດຈະກຳທີ່ສ້າງເຂດຊາຍແດນໃຫ້ຈະເລີນແລະປະຊາຊົນຢູ່ເຂດຊາຍແດນຮັ່ງມີຂຶ້ນ, ແລະພັດທະນາວຽກງານຊົນເຜົ່າສ່ວນຫນ້ອຍ. ປັບປຸງແລະຂະຫຍາຍການພົວພັນຊົນເຜົ່າສັງຄົມນິຍົມຢ່າງກົມກຽວກັນທີ່ສະເຫມີພາບ, ສາມັກຄີ,ຕ່າງຊ່ວຍເຫລືອເຊິ່ງກັນແລະກັນ.
ຜັນຂະຫຍາຍເຂັມທິດພື້ນຖານຂອງວຽກງານສາສະຫນາຂອງພັກຢ່າງຈິງຈັງ. ປົກປັກຮັກສາສິດທິຜົນປະໂຫຍດທີ່ຊອບດ້ວຍກົດຫມາຍຂອງອົງການຈັດຕັ້ງສາສະຫນາ, ບຸກຄົນວົງການສາສະຫນາແລະສາສະນິກະຊົນ,ເສີມຂະຫຍາຍບົດບາດອັນຕັ້ງຫນ້າຂອງພວກເຂົາເຈົ້າໃນດ້ານການຊຸກຍູ້ເສດຖະກິດພັດທະນາ, ສ້າງວັດທະນະທຳໃຫ້ຈະເລີນ,ແລະໃຫ້ສັງຄົມມີຄວາມກົມກຽວກັນ.
ຜັນຂະຫຍາຍນະໂຍບາຍວຽກງານຕໍ່ຊາວຈີນຕ່າງດ້າວຂອງພັກ.ປົກປັກຮັກສາສິດທິແລະຜົນປະໂຫຍດທີ່ຊອບດ້ວຍກົດຫມາຍຂອງຊາວຈີນທີ່ຢູ່ຕ່າງປະເທດແລະຊາວຈີນທີ່ເຄີຍອາໃສຢູ່ຕ່າງປະເທດແລ້ວກັບຄືນສູ່ປະເທດ, ສະຫນັບສະຫນູນໃຫ້ເຂົາເຈົ້າເຂົ້າຮ່ວມການພັດທະນາປະເທດຊາດໃຫ້ທັນສະໄຫມແລະວຽກງານໂຮມປະເທດຊາດເປັນເອກະພາບໂດຍສັນຕິ.
ບັນດາທ່ານຜູ່ແທນ!
ການປ້ອງກັນປະເທດທີ່ຫນັກແຫນ້ນແລະກອງທັບທີ່ເຂັ້ມແຂງແມ່ນສິ່ງປົກປ້ອງຜົນປະໂຫຍດ້ານອະທິປະໄຕ, ຄວາມຫມັ້ນຄົງແລະການພັດທະນາຂອງປະເທດ.ຕ້ອງເລັ່ງສາຍຕາໃສ່ການປະຕິບັດພັນທະຫນ້າທີ່ປະຫວັດສາດຂອງກອງທັບໃນໄລຍະໃຫມ່ຂອງສັດຕະວັດໃຫມ່,ເພີ່ມທະວີການພັດທະນາກອງທັບໃຫ້ເປັນແບບປະຕິວັດ,ທັນສະໄຫມແລະເປັນແບບຕົ້ນສະບັບຢ່າງຮອບດ້ານ, ຍົກຄວາມສາມາດສຳເລັດຫນ້າທີ່ທາງການທະຫານຫລາຍຢ່າງທີ່ຖືຄວາມສາມາດເອົາຊະນະໃນສົງຄາມພາກພື້ນພາຍໃຫ້ເງື່ອນໄຂຂໍ້ມູນຂ່າວສານເປັນໃຈກາງນັ້ນໃຫ້ສູງຂຶ້ນເລື້ອຍໆ. ເພີ່ມທະວີການສ້າງສາແນວຄິດການເມືອງ, ຍຶດຫມັ້ນຫລັກການກົກຮາກທີ່ພັກນຳພາກອງທັບຢ່າງເດັດຂາດແລະປະຖົມປັດໄຈທີ່ກອງທັບແມ່ນຂອງປະຊາຊົນ. ອອກແຮງກໍ່ສ້າງຜູ່ມີຄວາມຮູ້ຄວາມສາມາດດ້ານການທະຫານແບບໃຫມ່ທີ່ມີຄຸນທາດສູງ. ຕັ້ງຫນ້າປະຕິບັດການປະຕິຮູບການປ້ອງກັນປະເທດແລະກອງທັບຢ່າງຫນັກແຫນ້ນ. ສຳເລັດຫນ້າທີ່ຕ້ານການກໍ່ການຮ້າຍ,ຮັກສາຄວາມຫມັ້ນຄົງ, ແກ້ໄຂເຫດການສຸກເສີນ, ກູ້ໄພຕ້ານໄພແລະຫນ້າທີ່ອື່ນໆຢ່າງເດັດຂາດ. ຍຶດຫມັ້ນໃຫ້ທະຫານປະສົມປະສານສາມັກຄີກັບປະຊາຊົນ, ສ້າງທະຫານໃນຖັນແຖວປະຊາຊົນ, ເດີນຕາມເສັ້ນທາງພັດທະນາທີ່ທະຫານກັບປະຊາຊົນເຊື່ອມໂຍງກັນທີ່ມີສີສັນພິເສດຂອງຈີນ. ຂະຫຍາຍຄວາມສາມັກຄີລະຫວ່າງກອງທັບກັບອົງການປົກຄອງແລະກອງທັບກັບປະຊາຊົນ.
ບັນດາທ່ານຜູ່ແທນ!
ຮົງກົງແລະມາເກົ໋າມີການພົວພັນຢ່າງແຫນ້ນແຟ້ນກັບປະເທດຊາດ, ພວກເຣົາຈະປະຕິບັດຕາມທິດນຳທີ່ປະເທດຫນຶ່ງສອງລະບອບ, ໃຫ້ຊາວຮົງກົງປົກຄອງຮົງກົງ,ໃຫ້ຊາວມາເກົ໋າປົກຄອງມາຫາວແລະປົກຄອງໃນລະດັບສູງຢ່າງຫມັ້ນຫນຽວບໍ່ປ່ຽນແປງ, ອອກແຮງສະຫນັບສະຫນູນຮົງກົງແລະມາກາວພັດທະນາເດສຖະກິດ, ປັບປຸງຊີວິດການເປັນຢູ່ຂອງປະຊາຊົນ, ແລະຊຸກຍູ້ປະຊາທິປະໄຕ. ສະຫນັບສະຫນູນອົງການປົກຄອງເຂດພິເສດຕັ້ງຫນ້າຮັບມືກັບການທ້າທາຍຂອງຄວາມສ່ຽງດ້ານເສດຖະກິດສາກົນ, ປົກປັກຣັກສາໃຫ້ເສດຖະກິດການເງິນພັດທະນາຢ່າງຫມັ້ນທ່ຽງແລະຮຸ່ງເຮືອງເປັນໄລຍະຍາວນານ.
ໃນຫນຶ່ງປີທີ່ຜ່ານມາ, ການພົວພັນລະຫວ່າງສອງຝັ່ງຊ່ອງແຄບໄຕ້ຫວັນໄດ້ສູ້ຊົນອົດທົນຕໍ່ການທົດສອບທີ່ຂ້ຽວຂາດທີ່ສຸດ,ໄດ້ຮັບຄວາມຄືບຫນ້າເປັນຢ່າງດີ. ການຄັດຄ້ານໄຕ້ຫວັນເປັນເອກະລາດ,ຍອມຮັບຄວາມຮັບຮູ້ຄືກັນໃນ 2 ກັນຍາ, ເຮັດໃຫ້ຫມາກຜົນການຮ່ວມມືແລະແລກປ່ຽນກັນຫມັ້ນຄົງກວ່າເກົ່າ, ຊຸກຍູ້ການພົວພັນລະຫວ່າງສອງຝັ່ງພັດທະນາໂດຍສັນຕິ, ນັບມື້ນັບກາຍເປັນຄວາມປາຖະຫນາຮ່ວມຂອງພີ່ນ້ອງຢູ່ສອງຝັ່ງ. ໃນປີໃຫມ່ນີ້, ພວກເຮົາຈະສືບຕໍ່ຍຶດຫມັ້ນທິດນຳລວມໃນວຽກງານຕໍ່ໄຕ້ຫວັນ,ເພີ່ມທະວີພື້ນຖານດ້ານການເມືອງ, ເສດຖະກິດ ວັດທະນະທຳແລະຄວາມປາຖະຫນາຂອງປະຊາຊົນໃນການຂະຫຍາຍການພົວພັນລະຫວ່າງສອງຝັ່ງ, ເປີດກວ້າງສະຖານະການໃຫມ່ແຫ່ງການພັດທະນາໂດຍສັນຕິໃນການພົວພັນສອງຝັ່ງ.ລູກຫລານປະຊາຊາດຈີນທຸກຖ້ວນຫນ້າຄວນສາມັກຄີເຂົ້າຢ່າງແຫນ້ນແຟ້ນກວ່າເກົ່າ, ພະຍາຍາມບາກບັ່ນສູ້ຊົນເພື່ອສຳເລັດຫນ້າທີ່ໂຮມປະເທດຊາດເປັນເອກະພາບກັນແລະບັນລຸການຟື້ນຕົວຄືນຢ່າງຍິ່ງໃຫຍ່ຂອງປະຊາຊາດຈີນ.
ບັນດາທ່ານຜູ່ແທນ!
ໃນປີໃຫມ່ນີ້,ວຽກງານການຕ່າງປະເທດຕ້ອງຮັບໃຊ້ສະພາບການລວມຂອງການປະຕິຮູບໄຂປະຕູສູ່າພາຍນອກແລະການສ້າງສາສັງຄົມນິຍົມທັນສະໄຫມໃຫ້ດີກວ່າເກົ່າ, ມີສ່ວນປະກອບຫລາຍກວ່າເກົ່າໃນການຊຸກຍູ້ເສດຖະກິດໂລກເຕີບໂຕ, ປົກປັກຣັກສາສັນຕິພາບແລະຄວາມຫມັນຄົງ. ພວກເຣົາຈະສືບຕໍ່ລົງເລິກການພົວພັນມິດຕະພາບທີ່ເປັນບ້ານໃກ້ເຮືອນຄຽງທີ່ດີຕໍ່ປະເທດອ້ອມຂ້າງ. ຕັ້ງຫນ້າເຂົ້າຮ່ວມກົນໄກຮ່ວມມືທຸກດ້ານກັບປະເທດອ້ອມຂ້າງ, ຊຸກຍູ້ການຮ່ວມມືໃນພາກພື້ນພັດທະນາລົງສູ່ລວງເລິກ, ຮ່ວມກັນສ້າງສະພາບແວດລ້ອມພາກພື້ນທີ່ມີສັນຕິພາບ, ຄວາມຫມັ້ນຄົງ, ສະເຫມີພາບ, ຕ່າງໄວ້ເນື້ອເຊື່ອໃຈກັນ, ຮ່ວມມືກັນແລະໄດ້ຮັບຜົນປະໂຫຍດ ຮ່ວມກັນ. ພວກເຮົາຈະພ້ອມກັບປະເທດທີ່ພວມພັດທະນາອັນກວ້າງໃຫຍ່ເພີ່ມທະວີຄວາມສາມັກຄີແລະການຮ່ວມມື, ລົງເລິກມິດຕະພາບອັນເປັນມູນເຊື້ອ, ເປີດວ້າງການຮ່ວມມືແບບຕ່າງຝ່າຍຕ່າງມີຜົນປະໂຫຍດ. ຊຸກຍູ້ການບັນລຸເປົ້າມາຍພັດທະນາະສະຫັດສະວັດຂອງສະຫະປະຊາຊາດ, ປົກປັກຮັກສາທິດທີ່ຊອບດ້ວຍກົດຫມາຍແລະຜົນປະໂຫຍດຮ່ວມຂອງປະເທດພວມພັດທະນາ.ພວກເຮົາຈະເພີ່ມທະວີການສົນທະນາດ້ານຍຸດທະສາດກັບປະເທດໃຫຍ່ຕ່າງໆ, ເພີ່ມຄວາມໄວ້ເນື້ອເຊື່ອໃຈດ້ານຍຸດທະສາດເຊິ່ງກັນແລະກັນ, ເປີດກວ້າງຂົງເຂດການຮ່ວມມື, ຊຸກຍູ້ໃຫ້ການພົວພັນລະຫວ່າງກັນຂະຫຍາຍຕົວຢ່າງຍາວນານ, ຫມັ້ນທ່ຽງແລະປອດໃສ.ພວກເຣົາຈະຕັ້ງຫນ້າເຂົ້າຮ່ວມວຽກງານຫລາຍຝ່າຍແລະຄຸ້ມຄອງທົ່ວໂລກ,ຊຸກຍູ້ລະບຽບສາກົນເດີນໄປສູ່ຄວາມຍຸດຕິທຳແລະສົມເຫດສົມຜົນ.ພວກເຣົາຈະເດີນຕາມເສັ້ນທາງພັດທະນາໂດຍສັນຕິຢ່າງເດັດດ່ຽວຫນຽວແຫນ້ນ,ຍຶດຫມັ້ນນະໂຍບາຍການຕ່າງປະເທດທີ່ສັນຕິພາບ,ເອກະລາດແລະເປັນເຈົ້າຕົນເອງ,ປະຕິບັດຍຸດທະສາດໄຂປະຕູສູ່ພາຍອນກທີ່ຕ່າງຝ່າຍຕ່າງໄດ້ຮັບຜົນປະໂຫນດ,ຮ່ວມກັບປະເທດຕ່າງໆໃນໂລກນີ້, ທຳຄວາມພະຍາຍາມຢ່າງບໍ່ລົດລະເພື່ອຊຸກຍູ້ຄວາມຮຸ່ງເຮືອງສີວິໄລຂອງມວນມະນຸດກ້າວໄປຫນ້າ, ສ້າງຄວາມສຸກໃຫ້ແກ່ປະຊາຊົນບັນດາປະເທດແລະສ້າງໂລກທີ່ກົມກຽວກັນທີ່ມີສັນຕິພາບຖາວອນແລະຮ່ວມກັນຈະເລີນຮຸ່ງເຮືອງ.
ບັນດາທ່ານຜູ່ແທນ!
ຫວນຄືນອະດີດ, ພວກເຮົາໄດ້ບາກບັ່ນສູ້ຊົນ, ໄດ້ຮັບຜົນງານທີ່ພົ້ນເດັ່ນ.ຈ້ອງມອງເບິ່ງອະນາຄົດ, ພວກເຮົາຍັງມີຫນ້າທີ່ອັນຫນັກຫນ່ວງແລະຕ້ອງເດີນຕາມເສັ້ນທາງທີ່ຍາວໄກ, ຍັງຕ້ອງການພວກເຮົາທຳຄວາມພະຍາຍາມຕໍ່ໄປ.ໃຫ້ພວກເຣົາຈົ່ງສາມັກຄີຢ່າງແຫນ້ນແຟ້ນຢູ່ພ້ອມຂ້າງສູນກາງພັກທີ່ມີສະຫາຍຫູຈີນທາວເປັນເລຂາທິການໃຫຍ່, ປົດປ່ອຍແນວຄິດ, ບຸກເບີກປະດິດສ້າງ, ເຮັດວຽກຢ່າງຫນັກແຫນ້ນ, ພະຍາຍາມສ້າງສະພາບການໃຫມ່ແຫ່ງການສ້າງສາສັງຄົມນິຍົມທັນສະໄຫມ!
ພວກຂ້າພະເຈົ້າຕ້ອງມີຄວາມຮັບຜິດຊອບສູງຕໍ່ລັດແລະປະຊາຊົນ,ໃຊ້ມາດຕະການທີ່ມີປະສິດທິຜົນກວ່າເກົ່າ,ແກ້ໄຂບັນຫາທີ່ມີຢູ່ໃນປະຈຸບັນຢ່າງແທ້ຈິງ,ພະຍາຍາມເຮັດວຽກທຸກດ້ານໃຫ້ດີ,ເພື່ອບໍ່ເສຍຄວາມຊັດທາຈາກປະຊາຊົນ.
ພາກທີສອງ: ການຈັດວາງໂດຍລວມກ່ຽວກັບວຽກງານໃນປີ2012ປີນີ້ແມ່ນປີໜຶ່ງທີ່ສຳຄັນໃນການສືບທອດວຽກງານເກົ່າແລະເລີ່ມຕົ້ນວຽກງານໃໝ່ສຳລັບໄລຍະປະຕິບັດແຜນການພັດທະນາເສດຖະກິດສັງຄົມແຫ່ງຊາດ5ປີຄັ້ງທີ12,ແລະກໍ່ແມ່ນປີສຸດທ້າຍຂອງອາຍຸຕຳແໜ່ງລັດຖະບານຊຸດນີ້.
ການພັດທະນາຂອງປະເທດເຮົາຍັງຢູ່ໃນໄລຍະທີ່ມີໂອກາດທາງຍຸດທະສາດທີ່ສຳຄັນ,ມີເງື່ອນໄຂທີ່ດີຫຼາຍຢ່າງສຳລັບການຮັກສາເສດຖະກິດໃຫ້ພັດທະນາຢ່າງໝັ້ນທ່ຽງແລະໄວສົມຄວນພາຍໃນໄລຍະຍາວສົມຄວນ.ການຫັນເປັນອຸດສາຫະກຳ,ການເປັນຫົວຕົວເມືອງແລະການຫັນເປັນທັນສະໄໝທາງດ້ານກະສິກຳໄດ້ຮັບການຊຸກຍູ້ຢ່າງວ່ອງໄວ,ມີທ່າແຮງບົ່ມຊ້ອນອັນມະຫາສານທາງດ້ານຄວາມຕ້ອງການໃນການປັບປຸງອົງປະກອບບໍລິໂພກແລະອົງປະກອບອຸດສາຫະກຳໃຫ້ດີຂຶ້ນ.ເມື່ອໄດ້ດຳເນີນການປະຕິຮູບແລະໄຂປະຕູສູ່ພາຍນອກມາເປັນເວລາ30ກວ່າປີ,ຈີນໄດ້ສ້າງພື້ນຖານວັດຖຸແລະເງື່ອນໄຂດ້ານໂຄງປະກອບທີ່ດີ,ໄດ້ສະສົມບົດຮຽນຫຼາຍຂຶ້ນຢ່າງບໍ່ຢຸດຢັ້ງໃນການດັດສົມຄວບຄຸມມະຫາພາກ,ກຳລັງແຂ່ງຂັນແລະຄວາມສາມາດຕ້ານຄວາມສ່ຽງຂອງວິສາຫະກິດໄດ້ຍົກສູງຂຶ້ນຢ່າງເດັ່ນຊັດ.ລາຍຮັບລາຍຈ່າຍດ້ານການເງິນຢູ່ໃນສະພາບທີ່ດີ,ລະບົບການເງິນພັດທະນາຢ່າງໝັ້ນທ່ຽງ,ມີເງິນທຶນໃນສັງຄົມຢ່າງພຽງພໍສົມຄວນ,ສະພາບເສດຖະກິດການເມືອງຂອງໂລກພວມເກີດມີການປ່ຽນແປງຢ່າງເລິກເຊິ່ງ,ສັນຕິພາບ,ການພັດທະນາແລະການຮ່ວມມືຍັງແມ່ນທ່າອ່ຽງຕົ້ນຕໍຂອງຍຸກສະໄໝປະຈຸບັນ.ເວົ້າໂດຍລວມແລ້ວມີຜົນດີຕໍ່ການພັດທະນາໂດຍສັນຕິຂອງປະເທດຈີນ.
ພວກຂ້າພະເຈົ້າຕ້ອງຊູທຸງສັງຄົມນິຍົມທີ່ມີສີສັນພິເສດຂອງຈີນອັນຍິ່ງໃຫຍ່,ຖືທິດສະດີເຕິ້ງສ້ຽວພິງແລະແນວຄິດສຳຄັນ"ສາມຕົວແທນ"ເປັນແນວຄິດຊີ້ນຳ,ລົງເລິກຜັນຂະຫຍາຍພັດທະນະທັດວິທະຍາສາດ,ຍຶດໝັ້ນສະແຫວງຄວາມກ້າວໜ້າຢ່າງໜັກແໜ້ນ,ເພີ່ມທະວີແລະປັບປຸງການດັດສົມຄວບຄຸມມະຫາພາກ,ສືບຕໍ່ມີການປະຕິບັດເປັນຢ່າງດີຕໍ່ການພົວພັນລະຫວ່າງການຮັກສາໃຫ້ເສດຖະກິດພັດທະນາຢ່າງໝັ້ນທ່ຽງແລະໄວສົມຄວນ,ປັບປຸງອົງປະກອບເສດຖະກິດແລະການຄຸ້ມຄອງການຄາດຄະເນຕໍ່ໄພເງິນເຟີ້,ເລັ່ງລັດຫັນປ່ຽນຮູບການພັດທະນາເສດຖະກິດແລະການປັບປຸງອົງປະກອບເສດຖະກິດ,ຮັກສາໃຫ້ສັງຄົມມີຄວາມສະຫງົບແລະປອງດອງກົມກຽວກັນ,ສ້າງຜົນສຳເລັດທີ່ດີໃນການພັດທະນາເສດຖະກິດສັງຄົມເພື່ອຕ້ອນຮັບການໄຂຂຶ້ນຂອງກອງປະຊຸມໃຫຍ່ຄັ້ງທີ18ຂອງພັກກອມມູນິດຈີນ.
ເປົ້າໝາຍຕົ້ນຕໍໃນການພັດທະນາເສດຖະກິດສັງຄົມປີນີ້ແມ່ນລວມຍອດຜະລິດຕະພັນພາຍໃນຫຼືGDPເພີ່ມຂຶ້ນ7,5%,ຜູ່ປະກອບອາຊີບທີ່ເພີ່ມໃຫມ່ໃນຕົວເມືອງໃຫ້ຫຼາຍກວ່າ9ລ້ານຄົນ,ຄວບຄຸມອັດຕາຫວ່າງງານທີ່ຈົດທະບຽນຂອງຕົວເມືອງບໍ່ໃຫ້ກາຍ4,6%,ຄວບຄຸມຈັງຫວະການເຕີບໂຕຂອງCPIໃຫ້ຢູ່ລະຫວ່າງ4%,ຍອດມູນຄ່າການຄ້າຂາເຂົ້າຂາອອກເຕີບໂຕປະມານ10%,ສະພາບລາຍຮັບລາຍຈ່າຍສາກົນສືບຕໍ່ໄດ້ຮັບການປັບປຸງໃຫ້ດີຂຶ້ນ.ນະທີ່ນີ້,ສິ່ງທີ່ຕ້ອງອະທິບາບເປັນພິເສດແມ່ນການປັບເປົ້າໝາຍເຕີບໂຕຂອງGDPໃຫ້ຫຼຸດລົງໜ້ອຍໜຶ່ງຕົ້ນຕໍແມ່ນເພື່ອໃຫ້ຖືກກັບເປົ້າໝາຍໃນແຜນການ5ປີເທື່ອທີ12,ຊັກນຳໃຫ້ຝ່າຍຕ່າງໆສຸມກຳລັງເຂົ້າໃນການເລັ່ງລັດຫັນປ່ຽນຮູບການພັດທະນາເສດຖະກິດແລະຍົກສູງຄຸນນະພາບແລະປະສິດທິຜົນໃນດ້ານການພັດທະນາເສດຖະກິດຢ່າງແທ້ຈິງ,ເພື່ອໃຫ້ມີຜົນດີຕໍ່ການບັນລຸການພັດທະນາໃນລະດັບສູງກວ່າ,ມີຄຸນນະພາບດີກວ່າແລະພັດທະນາເປັນເວລາຍາວກວ່າ.ການສະເໜີເປົ້າໝາຍທີ່ຄວບຄຸມໃຫ້ CPI ຢູ່ລະຫວ່າງ4%,ແມ່ນຍ້ອນໄດ້ພິຈາລະນາໂດຍລວມເຖິງເປັນໄຈເງິນເຟີ້ທີ່ເກີດຂຶ້ນຍ້ອນທຶນຕ່າງປະເທດໄຫຼເຂົ້າຈີນ,ຕົ້ນທຶນເພີ່ມຂຶ້ນແລະຄວາມສາມາດຫາບແບກພາລະດ້ານເສດຖະກິດຂອງປະຊາຊົນ,ຊຶ່ງກໍ່ໄດ້ຈົ່ງຊ່ອງທາງອັນແນ່ນອນໃຫ້ແກ່ການປະຕິຮູບລາຄາສິນຄ້າ.
ໂດຍພິຈາລະນາສະພາບດ້ານຕ່າງໆໂດຍລວມແລ້ວ,ຕ້ອງສືບຕໍ່ປະຕິບັດນະໂຍບາຍການເງິນທີ່ຕັ້ງໜ້າແລະນະໂຍບາຍເງິນຕາທີ່ໝັ້ນທ່ຽງ,ແລະມີການປັບປຸງເລັກໜ້ອຍໃນເວລາອັນເໝາະສົມແລະໃນລະດັບອັນເໝາະສົມຕາມການປ່ຽນແປງຂອງສະພາບການ,ສ້າງນະໂຍບາຍທີ່ມີລັກສະນະເລັ່ງໃສ່,ຄ່ອງແຄ້ວແລະເບິ່ງກວ້າງມອງໄກຫຼາຍກວ່າເກົ່າ.
ສືບຕໍ່ປະຕິບັດນະໂຍບາຍການເງິນທີ່ຕັ້ງໜ້າ.
ເຮັດໃຫ້ປະລິມານຂຸມການເງິນແລະໜີ້ສິນຂອງລັດຮັກສາຢູ່ໃນລະດັບອັນເໝາະສົມ,ຕາມແຜນການແລ້ວ,ລັດຖະບານຈະຈັດວາງຂຸມການເງິນ800ຕື້ຢວນ,ອັດຕາຂຸມການເງິນຫຼຸດລົງເຖິງປະມານ1,5%,ໃນນັ້ນຂຸມການເງິນສູນກາງແມ່ນ550ຕື້ຢວນ,ຈຳໜ່າຍພັນທະບັດທ້ອງຖິ່ນ250ຕື້ຢວນ.ປັບປຸງອົງປະກອບຂອງລາຍຈ່າຍການເງິນໂດຍເນັ້ນໜັກຈຸດສຸມ,ຈັດສັນງົບປະມານເຂົ້າໃນຂົງເຂດຊີວິດການເປັນຢູ່ຂອງປະຊາຊົນໃຫ້ຫຼາຍກວ່າເກົ່າ,ເພີ່ມງົບປະມານເຂົ້າໃນດ້ານຕ່າງໆເຊັ່ນການສຶກສາ,ວັດທະນະທຳ,ສາທາລະນະສຸກ,ການປະກອບອາຊີບ,ການປະກັນສັງຄົມ,ໂຄງການກໍ່ສ້າງເຮືອນຢູ່ນະໂຍບາຍແລະອື່ນໆ.ເອົາໃຈໃສ່ຫຼາຍກວ່າເກົ່າໃນການເພີ່ມທະວີຂອດອ່ອນແອ,ເພີ່ມການສະໜັບສະໜູນຕໍ່ກະສິກຳ,ຊົນນະບົດແລະຊາວກະສິກອນ,ເຂດດ້ອຍພັດທະນາ,ການປະດິດສ້າງດ້ານວິທຫະຍາສາດເຕັກນິກ,ການປະຢັດພະລັງງານແລະອະນຸລັກສິ່ງແວດລ້ອມ,ຊົນລະປະທານ,ການຊອກຄົ້ນບໍ່ແຮ່ແລະອື່ນໆ; ເອົາໃຈໃສ່ນຳການປະຢັດຫຼາຍກວ່າເກົ່າ,ຄວບຄຸມການໃຊ້ຈ່າຍເງິນຫຼວງຢ່າງເຂັ້ມງວດ. ປະຕິບັດການຫຼຸດອາກອນໃນດ້ານໂຄງປະກອບ.ຕັ້ງໃຈຈັດຕັ້ງປະຕິບັດແລະປັບປຸງນະໂຍບາຍອາກອນພິເສດປະເພດຕ່າງໆເພື່ອສະໜັບສະໜູນວິສາຫະກິດຂະໜາດນັກທຸລະກິດເອກະຊົນ, ສ້າງຈຸດທົດລອງທີ່ເກັບອາກອນມູນຄ່າເພີ່ມເຂົ້າແທນອາກອນທຸລະກິດ. ເພີ່ມທະວີການຄຸ້ມຄອງໜີ້ສິນຂອງອຳນາດການປົກຄອງທ້ອງຖິ່ນແລະປ້ອງກັນຄວາມສ່ຽງ. ປະຕິບັດຕາມຫຼັກການທີ່ຄຸ້ມຄອງຕາມປະເພດຕ່າງກັນ, ປະຕິບັດຢ່າງມີການຈຳແນກ, ແລະແກ້ໄຂເທື່ອລະກ້າວ, ສືບຕໍ່ຊຳລະໜີ້ສິນຢ່າງເໝາະສົມ.
ສືບຕໍ່ປະຕິບັດນະໂຍບາຍເງິນຕາທີ່ໝັ້ນທ່ຽງ. ອີງຕາມຄວາມຮຽກຮ້ອງທີ່ມີຍອດມູນຄ່າອັນເໝາະສົມ, ມີຄວາມລະມັດລະວັງຮອບຄອບແລະຄ່ອງແຄ້ວ, ພ້ອມທັງຄຳນຶງເຖິງການຊຸກຍູ້ໃຫ້ເສດຖະກິດພັດທະນາຢ່າງໝັ້ນທ່ຽງແລະໄວສົມຄວນ, ຮັກສາຄວາມໝັ້ນທ່ຽງຂອງລາຄາສິນຄ້າ, ປ້ອງກັນຄວາມສ່ຽງດ້ານການເງິນ. ປັບປຸງອົງປະກອບເງິນກູ້ສິນເຊື່ອໃຫ້ດີກວ່າເກົ່າ, ສະໜັບສະໜູນໂຄງການຈຸດ ໜັກທີ່ພວມກໍ່ສ້າງຢູ່, ຫຼືຈະສ້າງຕໍ່ໄປຂອງລັດ, ພ້ອມດ້ວຍໂຄງ ການເຮືອນະໂຍບາຍ, ເພີ່ມທະວີການສະໜັບສະໜູນດ້ານເງິນກູ້ສິນເຊື່ອໃຫ້ແກ່ວິສາຫະກິດທີ່ສອດຄ່ອງກັບນະໂຍບາຍຂະແໜງການແລະມີຄວາມຕ້ອງການໃນຕະຫຼາດ, ໂດຍສະເພາະແມ່ນວິສາຫະກິດຂະໜາດນ້ອຍ, ຫຼຸດຕົ້ນທຶນໃນການລະດົມທຶນຂອງເສດຖະກິດຮູບປະທຳໃຫ້ຕ່ຳລົງ. ສືບຕໍ່ຈຳກັດການປ່ອຍເງິນກູ້ໃຫ້ແກ່ຂະແໜງການທີ່ສິ້ນເປືອງພະລັງງານຫຼາຍ, ສ້າງມົນລະພິດຫຼາຍແລະມີກຳລັງການຜະລິດຫຼາຍເກີນໄປ. ປັບປຸງກົນໄກກຳເນີດອັດຕາແລກປ່ຽນເງິນຢວນຈີນ, ເພີ່ມທະວີຄວາມຄ່ອງແຄ້ວໃນການລອຍຕົວຂອງອັດຕາແລກປ່ຽນເງິນຢວນ, ຮັກສາຄວາມໝັ້ນທ່ຽງຂອງອັດຕາແລກປ່ຽນເງິນຢວນໃນລະດັບທີ່ສົມເຫດສົມຜົນແລະສະໝ່ຳສະເໝີກັນ. ອອກແຮງພັດທະນາຕະຫຼາດເງິນຕາຕ່າງປະເທດ. ເພີ່ມທະວີການບໍລິການດ້ານເງິນຕາຕ່າງປະເທດ, ສະໜອງການບໍລິການຫຼີກລ່ຽງຄວາມສ່ຽງດ້ານອັດຕາແລກປ່ຽນເງິນຕາຫຼາຍກວ່າເກົ່າໃຫ້ແກ່ຕະຫຼາດ, ຄຸ້ມຄອງແລະນຳໃຊ້ຄັງສຳຮອງເງິນຕາຕ່າງປະເທດເປັນຢ່າງດີ. ສ້າງຕັ້ງແລະບູລະນະກົນໄກປ້ອງກັນຄວາມສ່ຽງ, ຕິດຕາມຄຸ້ມຄອງແລະປະສານງານດ້ານການເງິນຢ່າງເປັນລະບົບ, ເພີ່ມທະວີຄວາມສາມາດໃນການປ້ອງກັນຄວາມສ່ຽງ. ເພີ່ມທະວີການຕິດຕາມຄວບຄຸມການເຄື່ອນໄຫຼຂອງເງິນທຶນຂ້າມຊາດ. ປັບປຸງການກູ້ເງິນປະເພດຕ່າງໆຢ່າງມີລະບຽບຮຽບຮ້ອຍ, ຊີ້ນຳການລະດົມທຶນໃນສັງຄົມໃຫ້ພັດທະນາຢ່າງປອດໃສ.
ເຮັດວຽກໃນປີນີ້ໃຫ້ດີຢ່າງຮອບດ້ານ, ຕ້ອງຍຶດໝັ້ນຫົວຂໍ້ຕົ້ນຕໍຢ່າງພົ້ນເດັ່ນ, ຈັດຕັ້ງປະຕິບັດຢ່າງສະເໝີຕົ້ນສະເໝີປາຍ, ຈັດວາງແຜນການພັດທະນາພາກສ່ວນຕ່າງໆຢ່າງເປັນເອກະພາບກັນ, ກ້າວໄປໜ້າຢ່າງກົມກຽວກັນ, ຈັດເອົາການເຕີບໂຕຢ່າງໝັ້ນທ່ຽງ, ຄວບຄຸມລາຄາສິນຄ້າ, ປັບປຸງໂຄງປະກອບ, ສ້າງຜົນປະໂຫຍດໃຫ້ແກ່ປະຊາຊົນ, ຊຸກຍູ້ການປະຕິຮູບແລະສົ່ງເສີມຄວາມກົມກຽວກັນໃຫ້ເຊື່ອມໂຍງເຂົ້າກັນເປັນຢ່າງດີ. ການເຕີບໂຕຢ່າງໝັ້ນທ່ຽງ, ກໍ່ແມ່ນຍຶດໝັ້ນການເພີ່ມທະວີຄວາມຕ້ອງການພາຍໃນປະເທດ, ຮັກສາຄວາມຕ້ອງການຈາກພາຍນອກ, ອອກແຮງພັດທະນາເສດຖະກິດຮູບປະທຳ, ພະຍາຍາມຜ່ານຜ່າຜົນກະທົບຈາກປັດໄຈບໍ່ໝັ້ນທ່ຽງບໍ່ແນ່ນອນຊະນິດຕ່າງໆທັງພາຍໃນແລະຕ່າງປະເທດ, ແກ້ໄຂບັນຫາໃໝ່ຢ່າງທັນການ, ຮັກສາຄວາມໝັ້ນທ່ຽງໃນການພັດທະນາເສດຖະກິດ. ແກ້ໄຂຄວາມຂັດແຍ່ງແລະຄວາມສ່ຽງບົ່ມຊ້ອນຊະນິດດ້ານຕ່າງໆຢ່າງມີປະສິດທິຜົນ, ປ້ອງກັນບໍ່ໃຫ້ບັນຫາຢູ່ບາງພາກສ່ວນກາຍເປັນບັນຫາພາກສ່ວນລວມ, ຊຸກຍູ້ຄວາມກົມກຽວແລະຄວາມສະຫງົບໃນສັງຄົມ.
ສາມ. ໜ້າທີ່ຕົ້ນຕໍໃນປີ2012.
ກ. ຊຸກຍູ້ໃຫ້ເສດຖະກິດພັດທະນາຢ່າງໝັ້ນທ່ຽງແລະໄວສົມຄວນ.
ການເພີ່ມທະວີຄວາມຕ້ອງການພາຍໃນໂດຍສະເພາະແມ່ນຄວາມຕ້ອງການດ້ານການບໍລິໂພກ, ແມ່ນຈຸດຢືນພື້ນຖານທີ່ເສດຖະກິດຂອງປະເທດຈີນພັດທະນາຢ່າງໝັ້ນທ່ຽງຍາວນານແລະໄວສົມຄວນ, ແມ່ນຈຸດໜັກໃນວຽກງານປີນີ້.
ອອກແຮງເພີ່ມທະວີຄວາມຕ້ອງການດ້ານການບໍລິໂພກ. ເລັ່ງລັດສ້າງກົນໄກຖາວອນທີ່ເປີດກວ້າງການບໍລິໂພກ. ອອກແຮງປັບປຸງອົງການປະກອບແບ່ງປັນລາຍໄດ້, ເພີ່ມລາຍໄດ້ຂອງປະຊາຊົນຜູ້ມີລາຍໄດ້ປານກາງແລະຕ່ຳ, ຍົກສູງຄວາມສາມາດການບໍລິໂພກຂອງປະຊາຊົນ. ປັບປຸງນະໂຍບາຍທີ່ສົ່ງເສີມການບໍລິໂພກ ຂອງປະຊາຊົນ. ປັບປຸງສະພາບແວດລ້ອມແຫ່ງການບໍລິໂພກໃຫ້ດີຂຶ້ນ, ຮັກສາສິດແລະຜົນປະໂຫຍດທີ່ຊອບດ້ວຍກົດໝາຍຂອງຜູ້ບໍລິໂພກ.
ປັບປຸງອົງປະກອບການລົງທຶນໃຫ້ດີຂຶ້ນ. ຮັກສາການເຕີບໂຕຂອງການລົງທຶນຢ່າງໝັ້ນທ່ຽງ, ຊຸກຍູ້ໃຫ້ການລົງທຶນແລະການບໍລິໂພກດຳເນີນໄປເປັນຢ່າງດີ. ປະຕິບັດມາດຕະການແລະພິຈາລະນາກວດກາໃຫ້ດີໃນດ້ານການນຳໃຊ້ທີ່ດິນ, ສິນເຊື່ອ, ປະຢັດພະລັງງານ, ອະນຸລັກສິງແວດລ້ອມ, ຄວາມປອດໄພ, ແລະຄຸນ ນະພາບ, ເພີ່ມທະວີການຕິດຕາມຄຸ້ມຄອງຕໍ່ໂຄງການສຳຄັນໂດຍສະເພາະແມ່ນໂຄງການຂອງລັດຖະບານແລະລັດວິສາຫະກິດ., ຍົກສູງຄຸນນະພາບແລະປະສິດທີຜົນຂອງການລົງທຶນ.
ຂ. ຮັກສາລະດັບລວມຂອງລາຄາສິນຄ້າໃຫ້ໝັ້ນທ່ຽງໂດຍພື້ນຖານ
ນີ້ແມ່ນວຽກງານສຳຄັນທີ່ພົວພັນເຖິງຜົນປະໂຫຍດຂອງປະຊາຊົນແລະພາກສ່ວນລວມແຫ່ງການພັດທະນາເສດຖະກິດສັງຄົມ.
ເພີ່ມທະວີການຜະລິດ, ຮັບປະກັນການສະໜອງ. ສືບຕໍ່ຖືການຄວບຄຸມບໍ່ໃຫ້ລາຄາອາຫານຖີບສູງຂຶ້ນໄວເກີນໄປເປັນຈຸດໜັກໃນການຮັກສາຄວາມໝັ້ນທ່ຽງຂອງລາຄາສິນຄ້າ. ຕົວເມືອງຂະໜາດກາງແລະໃຫຍ່ຄວນຮັກສາດິນປູກຜັກຢ່າງເໝາະສົມ, ຮັກສາແລະຍົກສູງລະດັບກຸ້ມຕົນເອງໃນການຈຳໜ່າຍຜັກຕາມລະດູການ, ປະສານງານກັບເຂດອ້ອມຂ້າງແລະເຂດທີ່ມີທ່າແຮງເພື່ອສ້າງແຫຼ່ງຜະລິດຜັກ, ເພີ່ມທະວີຄວາມສາມາດດັດສົມຕະຫຼາດ.
ປະຕິບັດການຈໍລະຈອນສິນຄ້າຢ່າງສະດວກສະບາຍ, ຫຼຸດຕົ້ນທຶນໃຫ້ຕ່ຳລົງ. ປະຕິບັດນະໂຍບາຍເສັ້ນທາງສີຂຽວໃນການຂົນສົ່ງຜະລິດຕະພັນກະສິກຳ, ເຊັ່ນຜັກດັ່ງນີ້ເປັນຕົ້ນ, ຫຼຸດຂັ້ນຕອນໃນການຈໍລະຈອນໃຫ້ໜ້ອຍລົງ, ເພີ່ມຮ້ານຂາຍຍ່ອຍ, ເສີມຂະຫຍາຍບົດບາດຂອງການຈໍລະຈອນສິນຄ້າຢ່າງເຕັມສ່ວນ. ໃຊ້ມາດຕະການຫຼາຍດ້ານພ້ອມກັນ, ຍົກສູງປະສິດທິພາບຂອງການຈໍລະຈອນ, ແລະຫຼຸດຕົ້ນທຶນຢູ່ກາງທາງ, ເຮັດໃຫ້ຜູ້ຜະລິດແລະຜູ້ບໍລິໂພກໄດ້ຮັບຜົນປະໂຫຍດ ຢ່າງແທ້ຈິງ.
ເພີ່ມທະວີການຕິດຕາມຄຸ້ມຄອງ, ປັບປຸງໃຫ້ມີຄວາມເປັນລະບຽບຮຽບຮ້ອຍ. ເພີ່ມທະວີການຕິດຕາມກວດກາດຕໍ່ລາຄາອາຫານ, ຢາປົວພະຍດ, ການເກັບຄ່າໃນການປິ່ນປົວພະຍາດ, ການສື່ສານ, ແລະການສຶກສາດັ່ງນີ້ເປັນຕົ້ນ, ປັບປຸງກໍລະນີທີ່ເກັບຄ່າແລະໃໝເງິນຢ່າງຊະຊາຍໃນຂົງເຂດຂົນສົ່ງແລະຄົມມະນາຄົມ, ດັດແກ້ການກະທຳເກັບຄ່າຢ່າງລະເມີດລະບຽບການຂອງວິສາຫະກິດຂາຍຍ່ອຍຂະໜາດໃຫຍ່, ສຳຫຼວດແລະລົງໂທດຜູ້ທີ່ເຜີຍແຜ່ຂ່າວລືຊາ, ສະສົມສິນຄ້າເພື່ອຍົກສູງລາຄາ, ຄວບຄຸມລາຄາສິນຄ້າຢ່າງມີເຈດຕະນາຊົ່ວຮ້າຍ, ດັ່ງນີ້ເປັນຕົ້ນ
ຄ. ຊຸກຍູ້ໃຫ້ກະສິກຳພັດທະນາຢ່າງໝັ້ນທ່ຽງແລະເຮັດໃຫ້ຊາວກະສິກອນມີລາຍໄດ້ເພີ່ມຂຶ້ນຢ່າງຕໍ່ເນື່ອງ
ໃນຂະບວນການຫັນເປັນອຸດສາຫະກຳແລະພັດທະນາຕົວເມືອງ, ຕ້ອງໃຫ້ຄວາມສຳຄັນໃຫ້ແກ່ການພັດທະນາກະສິກຳໃຫ້ທັນສະໄໝ. ຕ້ອງຍຶດໝັ້ນຈັດເອົາການແກ້ໄຂບັນຫາ"ກະສິກຳ, ຊົນນະບົດແລະຊາວກະສິກອນ"ໃຫ້ດີນັ້ນເປັນວຽກງານສຳຄັນທີ່ສຸດ, ເພີ່ມທະວີນະໂຍບາຍສ້າງຄວາມເຂັ້ມແຂງແລະຄວາມຮັ່ງມີໃຫ້ຊາວກະສິກອນຕື່ມອີກ, ປັບປຸງແລະຂະຫຍາຍທ່າອ່ຽງທີ່ດີໃນການພັດທະນາກະສິກຳແລະຊົນນະບົດ.
ຮັກສາຄວາມໝັ້ນທ່ຽງແລະການພັດທະນາການຜະລິດກະສິກຳ, ໃຫ້ຊາວກະສິກອນມີລາຍໄດ້ເພີ່ມຂຶ້ນໃນຫຼາຍດ້ານ. ສືບຕໍ່ດຳເນີນການເພີ່ມຜົນຜະລິດທັນຍາຫານ, ຮັກສາເນື້ອທີ່ປູກສະບຽງອາຫານ, ອອກແຮງເພີ່ມຜົນຜະລິດຕາມເນື້ອທີຫົວໜ່ວຍ. ຊີ້ນຳໃຫ້ຊາວກະສິກອນປັບປຸງອົງປະກອບ, ເພີ່ມການຜະລິດຜະລິດຕະພັນກະສິກຳທີ່ຂາດເຂີນໃນຕະຫຼາດແລະມີຄຸນນະພາບສູງ, ສະໜັບສະໜູນການຜະລິດຜັກ, ຊີ້ນ, ໄຂ່, ນົມ, ແລະຜະລິດຕະພັນໃນນ້ຳ, ດັ່ງນີ້ເປັນຕົ້ນ. ສືບຕໍ່ເພີ່ມຍອດມູນຄ່າເງິນອຸດໜູນດ້ານກະສິກຳ, ຍົກສູງມາດຕະຖານ, ເປີດກວ້າງຂອບເຂດ, ແລະປັບປຸງບູລະນະກົນໄກ. ສືບຕໍ່ຍົກສູງລາຄາຕ່ຳສຸດໃນການຈັດຊື້ສະບຽງອາຫານ, ປີນີ້ລາຄາຕ່ຳສຸດໃນການຈັດຊື້ເຂົ້າບາເຣໄດ້ສູງຂຶ້ນ7,4ຢວນຕໍ່50ກິໂລ, ແລະລາຄາຈັດຊື້ເຂົ້າໄດ້ສູງຂຶ້ນ16ຢວນຕໍ່50ກິໂລ. ຈັດຕັ້ງປະຕິບັດແຜນການພັດທະນາແລະຫຼຸດຜ່ອນຄວາມທຸກຍາກໃນຊົນນະບົດໃນຮອບ10ປີໃໝ່, ປະຕິບັດຕາມມາດຕະຖານຫຼຸດຜ່ອນຄວາມທຸກຍາກສະບັບໃໝ່ຂອງລັດຖະບານ, ເຮັດວຽກໃນດ້ານນີ້ໃຫ້ດີ.
ເລັ່ງລັດຄວາມກ້າວໜ້າຂອງວິທະຍາສາດເຕັກໂນໂລຊີດ້ານກະສິກຳ. ທາງອອກພື້ນຖານຂອງກະສິກຳຢູ່ນຳການພັດທະນາຂອງວິທະຍາສາດເຕັກໂນໂລຊີ. ຄວນອອກແຮງຊຸກຍູ້ການປະດິດສ້າງໃໝ່ຂອງວິທະຍາສາດເຕັກນິກດ້ານກະສິກຳ, ເພີ່ມທະວີການສະໜັບສະໜູນໃນການຄົ້ນຄວ້າແລະນຳໃຊ້ເຕັກນິກທີ່ສຳຄັນ, ເຊັ່ນ, ພັດທະນາແນວພັນຄຸນນະພາບດີ, ການປ້ອງກັນແລະຄວບຄຸມພະຍາດ, ຄວາມປອດໄພດ້ານຄຸນນະພາບຂອງຜະລິດຕະພັນກະສິກຳ, ດັ່ງນີ້ເປັນຕົ້ນ.
ເພີ່ມທະວີການກໍ່ສ້າງພື້ນຖານໂຄງລ່າງດ້ານກະສິກຳແລະຊົນນະບົດ. ປີນີ້ງົບປະມານການເງິນສູນກາງຈະຈັດວາງ1228ຕື້700ລ້ານຢວນເຂົ້າໃນກະສິກຳ, ຊົນນະບົດແລະຊາວກະສິກອນ, ເຊິ່ງເພີ່ມຂຶ້ນ186ຕື້800ລ້ວນຢວນເມື່ອທຽບກັບປີ2011. ຊຸກຍູ້ການປັບປຸງສະແວດລ້ອມຢູ່ຊົນນະບົດໃຫ້ດີຂຶ້ນ, ເລັ່ງລັດການດັດສ້າງເຮືອນອັດຕະລາຍຢູ່ຊົນນະບົດ, ສືບຕໍ່ປັບປຸງເງື່ອນໄຂການຜະລິດແລະດຳລົງຊີວິດຢູ່ຊົນນະບົດ.
ລົງເລິກການປະຕິຮູບຢູ່ຊົນນະບົດ. ຍຶດໝັ້ນລະບຽບການທຸລະກິດພື້ນຖານຂອງຊົນນະບົດ. ຄວນຕັ້ງໃຈຈົດທະບຽນແລະມອບໃບຢັ້ງຢືນໃນການກຳນົດກຳມະສິດຂອງທີ່ດິນ. ສິດສຳປະທານທີ່ດິນເພື່ອດຳເນີນທຸລະກິດ, ສິດນຳໃຊ້ທີ່ດິນໃນການສ້າງເຮືອນຢູ່, ສິດແບ່ງປັນຜົນກຳໄລລວມໝູ່ເປັນສິດຊັບສິນທີ່ກົດໝາຍມອບໃຫ້ຊາວກະສິກອນ, ບໍ່ວ່າຜູ້ໃດແມ່ນລ່ວງລ້ຳບໍ່ໄດ້. ເພີ່ມທະວີການຄຸ້ມຄອງແລະການບໍລິການໃນການໂອນສິດຮັບປະທານທີ່ດິນເພື່ອດຳເນີນທຸລະກິດ, ພັດທະນາການທຸລະກິດຢ່າງມີຂະໜາດອັນເໝາະສົມ. ປົກປ້ອງດິນປູກຝັງຢ່າງເຂັ້ມງວດ. ລົງເລິກການປະຕິຮູບສັງລວມຢູ່ຊົນນະບົດ, ຊຸກຍູ້ການປະຕິຮູບລະບຽບການຢູ່ສະໜາມຟາມແລະປ່າໄມ້ທີ່ຂຶ້ນກັບລັດຖະບານ.
ສີ່:ເລັ່ງລັດຫັນປ່ຽນຮູບການພັດທະນາຂອງເສດຖະກິດ
ແກ້ໄຂບັນຫາທີ່ພັດທະນາບໍ່ສະຫມ່ຳສະເຫມີກັນ, ບໍ່ກົມກຽວກັນແລະບໍ່ຕໍ່ເນື່ອງກັນ, ຂໍກະແຈແມ່ນຢູ່ນຳການຫັນປ່ຽນຮູບການພັດທະນາຂອງເສດຖະກິດ, ຊຸກຍູ້ການປັບປຸງໂຄງປະກອບເສດຖະກິດຈາກດ້ານຍຸດທະສາດ, ນີ້ແມ່ນຂະບວນການທີ່ຍາວນານແລະກໍ່ແມ່ນຫນ້າທີ່ຮີບດ່ວນທີ່ສຸດໃນປັດຈຸບັນ.
ການຊຸກຍູ້ການເລື່ອນຊັ້ນຂອງອົງປະກອບອຸດສາຫະກຳໃຫ້ດີຂຶ້ນເລື້ອຍໆ.ຊຸກຍູ້ໃຫ້ຂະແຫນງການຈະເລີນໃຫມ່ທີ່ມີລັກສະນະຍຸດທະສາດນັ້ນພັດທະນາຢ່າງປອດໃສ.ສ້າງກົນໄກຊຸກຍູ້ການນຳໃຊ້ພະລັງງານໃຫມ່, ເພີ່ມທະວີການວາງແຜນຈັດສັນຢ່າງເປັນເອກະພາບກັນ,ສ້າງໂຄງການທີ່ສົມຄູ່ກັນ,ແລະຊັກນຳໂດຍນະໂຍບາຍ, ເປີດກວ້າງຄວາມຕ້ອງການພາຍໃນປະເທດ, ສະກັດກັ້ນບໍ່ໃຫ້ຂະແຫນງການພະລັງງານແສງຕາເວັນ,ການຜະລິດໄຟຟ້າດ້ວຍພະລັງງານລົມແລະຂະແຫນງການອື່ນໆພັດທະນາເປີດກວ້າງອອກຢ່າງຫລັບຫູຫລັບຕາ. ພັດທະນາເຕັກນິກຂໍ້ມູນຂ່າວສານຮຸ່ນໃຫມ່, ເພີ່ມທະວີການກໍ່ສ້າງພື້ນຖານໂຄງລ່າງດ້ານແວັບໄຊ,ຊຸກຍູ້ໃຫ້ຕາງຫນ່າງໂທລະຄົມມະນາຄົມ, ຕາຫນ່າງວິທະຍຸໂທລະພາບແລະອິນເຕີແນັດເຊື່ອມໂຍມເຂົ້າກັນເພື່ອໄດ້ຮັບຜົນງານທີ່ແທ້ຈິງ.ອອກແຮງພັດທະນາະແຫນງການຕ່າງໆເຊັ່ນ:ການຜະລິດອຸປະກັນລະດັບສູງ, ການປະຢັດພະລັງງານແລະອະນຸລັກສິ່ງແວດລ້ອມ, ການຜະລິດຢາດ້ວຍເຕັກນິກຊີວະຊາດ,ການຜະລິດລົດຍົນທີ່ໃຊ້ພະລັງງານໃຫມ່, ວັດຖຸໃຫມ່ແລະອື່ນໆ.ເພີ່ມງົບປະມານໃຫ້ແກ່ໂຄງການສຳຄັນໃນດ້ານການປະຕິຮູບເຕັກນິກ,ຊຸກຍູ້ການປັບປຸງແລະຍົກລະດັບຂອງຂະແຫນງການດັ້ງເດີມ.ປະຕິບັດແລະປັບປຸງນະໂນຍບາຍພັດທະນາວິສາຫະກິດຂະຫນາດນ້ອຍໃຫ້ດີຂຶ້ນ,ຫລຸດຄວາມແບກຫາບຂອງວິສາຫະກິດໃຫ້ຫນ້ອຍລົງ,ກະຕຸກໃຫ້ວິສາຫະກິດແບບເຕັກນິກຂະຫນາດນ້ອຍມີຊີວິດຊີວາໃນດ້ານການພັດທະນາ.
ຊຸກຍູ້ການປະຢັດພະລັງງານ,ຫລຸດການລະບາຍມົນລະພິດແລະການປົກປັກຮັກສາສິ່ງແວດລ້ອມຊີວະພາບ.ຂໍກະແຈຂອງການປະຢັດພະລັງງານແລະຫລຸດການລະບາຍມົນລະພິດແມ່ນປະຢັດພະລັງງານດ ຍົກສະມັດຕະພາບໃຫ້ສູງຂຶ້ນ, ຫລຸດການເຊື່ອມພິດໃຫ້ຫນ້ອຍລົງ. ຕ້ອງເລັ່ງລັດວາງແຜນການວຽກງານໃນການຄວບຄຸມປະລິມານນຳໃຊ້ພະລັງງານຢ່າງສົມເຫດສົມຜົນອກ, ເລັ່ງລັດສ້າງລະບົບລາຄາຂອງພະລັງງານໃຫ້ສົມເຫດສົມຜົນ.ເພີ່ມທະວີການຄຸ້ມຄອງການນຳໃຊ້ພະລັງງານ,ສ້າງຕາຫນ່າງໄຟຟ້າແບບອັດຕະໂນມັດແລະພະລັງງານແບບແຈກຢາຍ,ປະຕິບັດນະໂຍບາຍທີ່ບັງເກີດຜົນຕ່າງໆເຊັ່ນ:ປະຕິບັດການຜະລິດໄຟຟ້າແບບປະຢັດພະລັງງານ, ຄຸ້ມຄອງພະລັງງານແບບເຊັນສັນຍາກັບຝ່າຍທີ່ກ່ຽວຂ້ອງ,ໃຫ້ລັດຖະບານຊັ່ງຊື້ແບບປະຢັດພະລັງງານແລະອື່ນໆ.ການສ້າງອົງປະກອບພະລັງງານໃຫ້ດີຂຶ້ນ,ຊຸກຍູ້ການໃຊ້ພະລັງງານດັ້ງເດີມຢ່າງສະອາດແລະມີສະມັດຕະພາບສູງ, ພັດທະນາການຜະລິດໄຟຟ້າດ້ວຍພະລັງງານນິວເຄຼຍຢ່າງປອດໄພ,ຕັ້ງຫນ້າພັດທະນາການຜະລິດໄຟຟ້າດ້ວຍພະລັງງານນ້ຳຕົກ, ເລັ່ງລັດການສຳຫລວດອາຍແກສ,ຍົກມາດຕາສ່ວນຂອງພະລັງງານໃຫມ່ແລະພະລັງງານທີ່ໃຊ້ຄືນໄດ້ນັ້ນໃຫ້ສູງຂຶ້ນ.ເພີ່ມທະວີການກໍ່ສ້າງຊ່ອງທາງຈໍລະຈອນຂອງພະລັງງານ.ລົງເລິກປະຕິບັດນະໂບບາຍແຫ່ງຊາດອັນພື້ນຖານທີ່ປະຢັດຊັບພະຍາກອນແລະອະນຸລັກສິ່ງແວດລ້ອມ.ດຳເນີນການຕິດຕາມກວດກາຕໍ່ການໃຫ້ໃບຢັ້ງຢືນດ້ານການປະຢັດພະລັງງານແລະໃບຢັ້ງຢືນກ່ຽວກັບສະມັດຕະພາບໃນການໃຊ້ພະລັງງານ,ສົ່ງເສສີມການປະຢັດພະລັງງານ, ປະຢັດນ້ຳ, ປະຢັດທີ່ດິນ,ປະຢັດວັດຖຸຕ່າງໆແລະນຳໃຊ້ຊັບພະຍາກອນແບບສັງລວມ, ອອກແຮງພັດທະນາເສດຖະກິດຫມູນຫວຽນ.ເພີ່ມທະວີການປົກປັກຮັກສາສິ່ງແວດລ້ອມ, ສຳຄັນແມ່ນແກ້ໄຂບັນຫາສິ່ງແວດລ້ອມທີ່ກ່ຽວພັນເຖິງຊີວິດການເປັນຢູ່ຕ່າງເຊັ່ນ:ການເຊື່ອມພິດຈາກໂລຫະຫັນກ, ການເຊື່ອມພິດແຫລ່ງນ້ຳດຶ່ມ,ອາກາດ,ທີ່ດິນແລະທະເລ.ພະຍາຍາມຫລຸດການເຊື່ອມພິດຕໍ່ແຫລ່ງກະສິກຳ.ຕິດມຕາມກວດກາຕໍ່ສານເຄມີທີ່ຈະສົ່ງຜົນອັນຕະລາຍນັ້ນຢ່າງເຄັ່ງຂັດ.ປີນີ້, ຈະດຳເນີນການຕິດຕາມກວດກາສິ່ງເຊື່ອມພິດທີ່ເປັນເມັດນ້ອຍ(ຫລື:PM2.5)ຢູ່ນະຄອນຫລວງປັກກິ່ງ,ນະຄອນທຽນສິງ,ແຂວງເຫີໄປ,ເຂດສາມຫລ່ຽມແມ່ນ້ຳຢາງຊີກຽງ,ເຂດສາມຫລ່ຽມແມ່ນ້ຳຈູ່ຈ່ຽງ,ພ້ອມກັບກຳແພງນະຄອນແລະເທດສະບານແຂວງຕ່າງໆທີ່ເປັນຈຸດຫນັກ,ແລ້ວຈະເຜີຍແຜ່ການຕິດຕາມກວດການີ້ໄປເຖິງຫມຸດທຸກຕົວເມືອງຂອງທົ່ວປະເທດໃນປີ 2015.ເພີ່ມທະວີການສ້າງຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດໂດຍສະເພາະແມ່ນເກີດເຫດການຍ້ອນອາກາດປ່ຽນແປງຢ່າງຮຸນແຮງ,ຍົກຄວາມສາມາດປ້ອງກັນແລະຫລຸດໄພໃຫ້ສູງຂຶ້ນ.
ຍຶດຫມັ້ນຫລັກການຮັບຜິດຊອບຮ່ວມແຕ່ມີຄວາມແຕກຕ່າງກັນດ ຊຸກຍູ້ຂະບວນການເຈລະຈາກ່ຽວກັບການປ່ຽນແປງຂອງດິນຟ້າອາກາດໃນສາກົນຢ່າງມີລັກສະນະສ້າງສັນ.ພວກເຮົາຈະບອກໃຫ້ໂລກຮູ້ດ້ວຍການກະທຳຕົວຈິງວ່າ, ຈີນເດັດຂາດຈະບໍ່ໃຫ້ເສດຖະກິດເຕີໂຕໂດຍຖືການເສຍສະຫລະສິ່ງແວດລ້ອມຊີວະພາບແລະສຸກຂະພາບຂອງປະຊາຊົນເປັນຄ່າທົດແທນ,ພວກເຮົາຈະເດີນຕາມເສັນທາງພັດທະນາຢ່າງມີສີວິໄລທີ່ໃຫ້ການຜະລິດມີການພັດທະນາ,ຊີວິດການເປັນຢູ່ມີຄວາມມັ່ງເຄັ່ງເຂັ້ມແຂງ,ແລະສະພາບສິ່ງແວດລ້ອມດີງາມ.
ຊຸກຍູ້ໃຫ້ເສດຖະກິດພາກພື້ນພັດທະນາຢ່າງກົມກຽວກັນ.ປະຕິບັດຍຸດທະສາດລວມໃນການພັດທະນາພາກື້ນແລະວາງແຜນສ້າງເຂດທີ່ມີບົດບາດຕ່າງກັນ,ເສີມຂະຫຍາຍຈຸດພິເສດແລະທ່າແຮງຂອງແຫ່ງຕ່າງໆ,ເພື່ອຍົກລະດັບກົມກຽວກັນຂອງການພັດທະນາໃນພກາພື້ນແລະຄວາມສະເຫມີພາບໃນດ້ານການບໍລິການສາທາລະນະພື້ນຖານ.ເພີ່ມທະວີແລະສ້າງກົນໄກຮ່ວມມືຂ້າມພາກພື້ນນັ້ນໃຫ້ສົມບຸນ, ກຳຈັດກຳແພງດ້ານຕະຫລາດ, ຊຸກຍູ້ໃຫ້ປັດໄຈຕ່າງໆຈໍລະຈອນ,ຊັກນຳໃຫ້ຂະແຫນງການຕ່າງໆມີການຫັນປ່ຽນຢ່າງມີລະບຽບຮຽບຮ້ອຍ, ຊຸກຍູ້ໃຫ້ເສດຖະກິດພາກພື້ນປະສານສົມທົບແລະພັດທະນາເປັນຢ່າງດີ.
ຕັ້ງຫນ້າຊຸກຍູ້ການຫັນເປັນຕົວເມືອງຢ່າງຫນັກແຫນ້ນ.ຕ້ອງເຄົາລົບກົດເກນພັດທະນາຂອງຕົວເມືອງ, ເລີ່ມຈາກສະພາບຕົວຈິງຂອງແຫ່ງຕ່າງໆ, ຊຸກຍູ້ຕົວເມືອງໃຫຍ່,ຕົວເມືອງກາງແລະນ້ອຍພ້ອມກັບເມືອງນ້ອຍພັດທະນາຢ່າງກົມກຽວກັນ. ອີງຕາມຄວາມສາມາດແບກຫາບດ້ານຊັບພະຍາກອນສິ່ງແວດລ້ອມແລະຈຳນວນພົນລະເມືອງ, ໃຫ້ກຳລັງການຜະລິດຂອງທົ່ວປະເທດແຈກຢາຍເປັນຢ່າງດີ,ເພື່ອຈໍ່ຕົວເປັນສະຖານະພາບປະຊາກອນທີ່ມີລະບົບຕົວເມືອງຊົນນະບົດກັບຈຳນວນທີ່ດິນຂອງປະເທດ, ການແຈກຢາຍຂອງຊັບພະຍາກອນແລະກຳລັງບົ່ມຊ້ອນດ້ານການພັດທະນາສອດຄ່ອງກັນ.ເພີ່ມທະວີການໃຫ້ຄວາມສົນໃຈແລະໃຫ້ການບໍລິການແກ່ຊາວກະສິກອນຜູ່ທີ່ຊອກວຽກເຮັດງານທຳໃນຕົວເມືອງ,ອອກແຮງແກ້ໄຂ້ບັນຫາຕົວຈິງຕ່າງໆເຊັ່ນ:ໃຫ້ການບໍລິການດ້ານປະກອບອາຊີບ, ການຄ້ຳປະກັນທາງສັງຄົມ, ລູກຫລານເຂົ້າຮຽນ,ການເຊົ່າຫລືຊື້ເຮືອນຢູ່ຂອງຊາວກະສິກອນຜູ່ທີ່ເຮັດວຽກຢູ່ໃນຕົວເມືອງ,ຄ່ອຍໆເຮັດໃຫ້ການບໍລິການສາທາລະນະພື້ນຖານໃນຕົວເມືອງແລະຊົນນະບົດນັ້ນເຜີຍແຜ່ໄປສູ່ຊາວກະສິກອນຜູ່ທີ່ເຮັດວຽກຢູ່ໃນຕົວເມືອງ.ໃຫ້ຄວາມສົນໃຈຕໍ່ລູກຫລານ,ແມ່ນຍິງແລະຜູ່ເຖົ້າແກ່ຊາລາທີ່ຢູ່ຊົນນະບົດຂອງຊາວກະສິກອນທີ່ເຮັດວຽກຢູ່ໃນຕົວເມືອງ.ເຮັດໃຫ້ຊາວສິກະກອນທີ່ເຮັດວຽກຢູ່ຊົນນະບົດນັ້ນບໍ່ວ່າຈະຢູ່ຕົວເມືອງຫລືຢູ່ຊົນນະບົດຕໍ່ລ້ວນແຕ່ສາມາດມີຊີວິດທີ່ສະຫງົບສຸກແລະມີວຽກເຮັດງານທຳ.
ຫ້າ:ລົງເລິກປະຕິບັດຍຸດທະສາດສ້າງປະເທດໃຫ້ຈະເລີນດ້ວຍວິທະຍາສາດເຕັກນິກແລະການສຶກສາ,ແລະຍຸດທະສາດສ້າງປະເທດໃຫ້ເຂັ້ມແຂງດ້ວຍຊັບພະຍາກອນມະນຸດ
ອອກແຮງພັດທະນາວຽກງານວິທະຍາສາດເຕັກນິກແລະການສຶກສາ, ສ້າງຖັນແຖວຜູ່ມີຄວາມຮູ້ຄວາມສາມາດທີ່ມີຄຸນທາດສູງ, ແມ່ນເສັ້ນທາງທີ່ຕ້ອງເດີນຕາມໃນການສ້າງປະເທດໃຫ້ມັ່ງຄັ່ງເຂັ້ມແຂງແລະໃຫ້ປະຊາຊາດຟື້ນຕົວຄືນ.
ຍຶດຫມັ້ນການໃຫ້ບູລິມະສິດໃນການພັດທະນາການສຶກສາ.ສູນກາງການເງິນໄດ້ວາງງົບປະມານໃຫ້ຄ່າໃຊ້ຈ່າຍດ້ານການສຶກສາທົ່ວປະເທດກວມ 4%ຂອງ ຍອດມູນຄ່າຜະລິດຕະພັນພາຍໃນປະເທດຫລື GDP, ການເງິນທ້ອງຖີ່ນກໍ່ຕ້ອງມີການຈັດວາງທີ່ສົມຄູ່ກັນ, ເພື່ອຮັບປະກັນໃຫ້ເປົ້າຫມາຍນີ້ສຳເລັດຜົນ.ຊຸກຍູ້ການສຶກສາພາກບັງຄັບໃຫ້ສະຫມ່ຳສະເຫມີກັນ, ການຈັດວາງຊັບພະຍາກອນການສຶກສາຕ່າງໆຄວນໃຫ້ບູລິມະນຸດແກ່ພາກພາງ,ພາກຕາເວັນຕົກ, ຊົນນະບົດ, ເຂດຫ່າງໄກສອກຫລີກ, ເຂດຊົນເຜົ່າສ່ວນຫນ້ອຍແລະໂຮງຮຽນທີ່ບອບບາງໃນຕົວເມືອງ.ສືບຕໍ່ອອກຮງແກ້ໄຂບັນຫາຍາກທີ່ປະຊາຊົນໃຫ້ຄວາມສົນໃຈຫລາຍເຊັ່ນ:ການເລືອກເຂົ້າໂຮງຮຽນ,ສ່ວນອະນຸບານທີ່ດີ, ເຊິ່ງເປັນບັນຫາສຸດສຸມໃນສັງຄົມ.ການສ້າງໂຮງຮຽນປະຖົມແລະມັດທະຍົມຢູ່ຊົນນະບົດຕ້ອງອີງຕາມສະພາບຕົວຈິງດ ແກ້ໄຂການພົວພັນລະຫວ່າງຍົກຄຸນນະພາບການສຶກສາໃຫ້ສູງຂຶ້ນກັບການໃຫ້ເດັກສາມາດເຂົ້າໂຮງຮຽນຢູ່ບ່ອນໃກ້.ສ້າງໂຮງຮຽນທີ່ສາມາດກິນຢູ່ໄດ້ໃນຊົນນະບົດໃຫ້ດີ,ວາງແຜນປັບປຸງທາດບຳລຸງຂອງນັກຮຽນທີ່ຮັບການສຶກສາພາກບັງຄັບຢູ່ໃນຊົນນະບົດໃຫ້ດີ.ເພີ່ມທະວີການຄຸ້ມຄອງຄວາມປອດໄພຂອງລົດທີ່ສົ່ງນັກຮຽນເຂົ້າຮຽນ, ຮັບປະກັນຄວາມປອດໄພດ້ານຊີວິດຂອງນັກຮຽນ.
ເພີ່ມທະວີວຽກງານສ້າງຜູ່ມີຄວາມຮູ້ຄວາມສາມາດຢ່າງຮອບດ້ານ. ພະຍາຍາມສ້າງສະພາບແວດລ້ອມທາງສັງຄົມທີ່ດີງາມທີ່ມີຜູ່ມີຄວາມຮູ້ຄວາມສາມາດ,ທຸກຄົນສາມາດເສີມຂະຫຍາຍທ່າແຮງຂອງຕົນແລະນຳໃຊ້ໃນຕົວຈິງໄດ້.
ຫົກ:ຮັບປະກັນແລະປັບປຸງຊີວິດການເປັນຢູ່ໃຫ້ດີຂຶ້ນຢ່າງແທ້ຈິງການທີ່ໃຫ້ຜົນປະໂຫຍດກົກຮາກຂອງປະຊາຊົນອັນກວ້າງໃຫຍ່ໄພສານທີ່ສຸດໄດ້ບັນລຸເປັນຈິງ,ໄດ້ຮັບການປົກປັກຮັກສາແລະຂະຫຍາຍອອກເປັນຢ່າງດີແມ່ນການທາດແທ້ຂອງທັດນະສະທີ່ຖືຄົນເປັນກົກ.ຕ້ອງເອົາການຮັບປະກັນແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນເປັນຫນ້າທີ່ສຳຄັນໃນບັນດາວຽກງານຂອງລັດຖະບານ.
ຊອກຫາທຸກວິທີເພື່ອເພີ່ມໂອກາດປະກອບອາຊີບ.ການປະກອບອາຊີບແມ່ນວຽກສຳຄັນທີ່ພົວພັນເຖິງການພັດທະນາຂອງປະເທດແລະຄວາມສຸກຂອງປະຊາຊົນ. ປີນີ້, ການປະກອບອາຊີບຍັງມີແຮງກົດດັນຢ່າງສູງ,ອົງການປົກຄອງທຸກຂັ້ນຕ້ອງຍຶດຫມັນຍຸດທະສາດໃຫ້ບູລິມະສິດໃນດ້ານການປະກອບອາຊີບດ ສືບຕໍ່ປະຕິບັດນະໂຍບາຍປະກອບອາຊີບທີ່ຕັ້ງຫນ້າກວ່າເກົ່າ.ໃຫ້ການສະຫນັບສະຫນູນເປັນຈຸດຫນັກແກ່ຂະແຫນງການບໍລິການ,ວິສາຫະກິດເຕັກນິກໃຫມ່ແລະວິສາຫະກິດຂະຫນາດນ້ອຍທີ່ສາມາດຮັບເອົາແຮງງານຢ່າງຫລວງຫລາຍ,ເພື່ອສ້າງຕຳແຫນ່ງປະກອບອາຊີບິດຫລາຍກວ່າເກົ່າ.ສົ່ງເສີມການສ້າງພາລະກິດເພື່ອເປັນການຊຸກຍູ້ການປະກອບອາຊີບ.ສ້າງການພົວພັນອອກແຮງງານຢ່າງກົມກຽວກັນ,ເພີ່ມທະວີການຄຸ້ມຄອງການສົ່ງແຮງງານ,ກວດກາແລະແກ້ໄຂຄວາມຂັດແຍ່ງກັນທີ່ເກີດຂຶ້ນໃນການພົວພັນອອກແຮງງານ,ເພີ່ມທະວີການຕິດຕາມສຳຫລວດແລະໄກ່ເກ່ຍດ້ານການອອກແຮງງານ, ປົກປັກຮັກສາສິດຜົນປະໂຫຍດທີ່ຊອບດ້ວຍກົດມາຍຂອງຜູ່ອອກແຮງງານ.
ເລັ່ງລັດສ້າງລະບົບຄ້ຳປະກັນສັງຄົມໃຫ້ສົມບູນຂຶ້ນ.ຮອດທ້າຍປີນີ້ຈະສຳເລັດການໃຫ້ການປະກັນໄພສັງຄົມຂອງຜູ່ເຖົ້າຢູ່ຊົນນະບົດແບບໃຫມ່ແລະການປະກັນໄພສັງຄົມຂອງຜູ່ເຖົ້າໃນຕົວເມືອງເຜີຍແຜ່ໄປສູ່ທົ່ວທຸກບ່ອນຂອງຈີນ.ເພີ່ມຄ່າປະກັນໄພສັງຄົມດ້ວຍຫລາຍຊ່ອງທາງ, ເພີ່ມທະວີການຕິດຕາມກວດກາກອງທຶນຄ້ຳປະກັນສັງຄົມແລະການລົງທຶນຂອງກອງທຶນຄ້ຳປະກັນສັງຄົມ,ເພື່ອໃຫ້ກອງທຶນນີ້ມີມູນຄ່າເພີ່ມຂຶ້ນ.
ອອກແຮງຊຸກຍູ້ການປະຕິຮູບວຽກງານການປິ່ນປົວພະຍາດ, ການຜະລິດຢາແລະວຽກງານສາທາລະນະສຸກ.ເລັ່ງລັດສ້າງລະບົບປະກັນໄພດ້ານການປິ່ນປົວພະຍາດໃຫ້ທົ່ວປວງຊົນໃຫ້ສົມບູນຂຶ້ນ, ເປີດກວ້າງຂອບເຂດທີ່ໄດ້ຮັບການປະກັນໄພດ້ານການປິ່ນປົວພະຍາດ,ຍົກລະດັບປະກັນໄພດ້ານການປິ່ນປົວພະຍາດແລະລະດັບຄຸ້ມຄອງບໍລິການໃຫ້ສູງຂຶ້ນ.ມາດຕາຖານຄ່າປະກັນໄພດ້ານການປິ່ນປົວພະຍາດໃນຕົວເມືອງແລະຄ່າອຸດຫນູນຂອງລະບົບການຮ່ວມມືປິ່ນປົວພະຍາດແບບໃຫມ່ຢູ່ຊົນນະບົດຈະຍົກສູງເຖິງ 240 ຢວນຕໍ່ຄົນຕໍ່ປີ.ລະດົມຜູ່ເຮັດວຽກໃນດ້ານແພດສາດນັ້ນມີຄວາມຫ້າວຫັນເຮັດວຽກຫລາຍຂຶ້ນ, ສ້າງການພົວພັນທີ່ກົມກຽວກັນລະຫວ່າງຄົນເຈັບກັບແພດ.ເພີ່ທະວີການບໍລິການດ້ານສາທາລະນະສຸກ, ປ້ອງກັນແລະຄວບຄຸມພະຍາດຕິດແປດ,ພະຍາດຊຳເຮື້ອແລະພະຍາດອາຊີບທີ່ຮຸນແຮງທີ່ກະທົບເຖິງສຸກຂະພາບຂອງປະຊາຊົນ.ເພີ່ມທະວີວຽກງານຄວາມປອດໄພດ້ານຢຸກຢາ.ສະຫນັບສະຫນູນແລະຊຸກຍູ້ການພັດທະນາຂອງແພດພື້ນເມືອງຈີນແລະແພດສາດຊົນເຜົ່າ.
ເຮັດວຽກປະຊາກອນແລະການວາງແຜນຄອບຄົວໃຫ້ດີ.ສືບຕໍ່ຮັກສາລະດັບເກີດລູກຕ່ຳຢ່າງຫມັ້ນທ່ຽງ, ແກ້ໄຂບັນຫາທີ່ເພດຂອງລູກເກີດໃຫມ່ບໍ່ກ້ຳເກິ່ງກັນ,ຍົກຄຸນນະພາບຂອງລູກເກີດໃຫມ່ໃຫ້ສູງຂຶ້ນ.ເລັ່ງລັດບັນລຸການເຜີຍແຜ່ການບໍລິການທີ່ດີໃຫ້ແກ່ການວາງແຜນຄອບຄົວໃຫ້ເຖິງທົ່ວທຸກບ່ອນ,ເຜີຍແຜ່ການກວດກາສຸກຂະພາບໃຫ້ແມ່ຍິງທີ່ກຽມຈະຖືພານັ້ນໄປເຖິງຕົວເມືອງ 60% ໃນທົ່ວປະເທດ.
ສືບຕໍ່ດັດສົມຕະຫລາດອະສັງຫາລິມະສັບແລະສ້າງໂຄງການເຮືອນຢູ່ນະໂຍບາຍໃຫ້ດີ.ປະຕິບັດຢ່າງເຂັ້ມງວດແລະປັບປຸງນະໂຍບາຍສະກັດກັ້ນກໍລະນີທີ່ສວຍໂອກາດແລະແບບລົງທຶນໃຫ້ດີ,ໃຫ້ຫມາກຜົນໃນການດັດສົມນັ້ນຫມັ້ນຄົງ,ຊຸກຍູ້ໃຫ້ລາຄາເຮືອນຢູ່ຢູ່ໃນລະດັບສົມເຫດສົມຜົນ.ສືບຕໍ່ຊຸກຍູ້ການສ້າງໂຄງການເຮືອນຢູ່ນະໂຍບາຍ,ບົນພື້ນຖານທີ່ຮັບປະກັນຄຸນນະພາບ,ແລ້ວສ້າງເຮືອນຢູ່ນະໂຍບາຍໃຫ້ສຳພາດ 5 ລ້ານຊຸດແລະເລີ່ມສ້າງ 7 ລ້ານຊຸດຂຶ້ນໄປ.ວາງລະບຽບການສ້າງ,ແຈກຢາຍ,ຄຸ້ມຄອງແລະຖອນເຮືອນຢູ່ນະໂຍບາຍໃຫ້ສົມບູນຂຶ້ນ.
ເພີ່ມທະວີແລະປະກິດສ້າງການຄຸ້ມຄອງບໍລິການຫານສັງຄົມ. ເພີ່ມທະວີການແກ້ໄຂຄວາມຂັດແຍ່ງໃນສັງຄົມ, ປະຕິບັດການຄຸ້ມຄອງບໍລິຫານສັງຄົມ, ປະຕິບັດກົດຫມາຍຢ່າງປອດໃສໄຮ້ມົນທິນແລະຍຸດຕິທຳ. ເພີ່ມທະວີບົດບາດຂອງລັດຖະບານໃນການຄຸ້ມຄອງສັງຄົມແລະໃຫ້ການບໍລິການສາທາລະນະ.ສ້າງກົນໄກປະເມີນຄວາມສ່ຽງຕໍ່ຄວາມຫມັນທ່ຽງຂອງສັງຄົມໃນການວາງນະໂຍບາຍສຳຄັນແລະກົນໄກຄ້ມຸຄອງການແກ້ໄຂເຫດການສຸກເສີນ.ປະຕິບັດຍຸດທະສາດພັດທະນາດ້ວຍຄວາມຫມັ້ນຄົງ, ເພີ່ມການຕິດຕາມຄຸ້ມຄອງການຜະລິດຢ່າງປອດໄພ,ປ້ອງກັນບໍ່ໃຫ້ເກີດອຸປະຕິເຫດທີ່ຮ້າຍແຮງກ ລົງເລິກດຳເນີນການເຄື່ອນໄຫວຕ້ານການລ່ວງລ້ຳສິດຊັບສິນທາງປັນຍາແລະຂາຍສິນຄ້າປອມແປງ.ເພີ່ມທະວີຄວາມສາມາດໃນການຕິດຕາມຄຸ້ມຄອງຄວາມປອດດ້ານອາຫານດ ຍົກລະດັບຄວາມປອດໄພດ້ານອາຫານໃຫ້ສູງຂຶ້ນ.
ເຈັດ:ຊຸກຍູ້ໃຫ້ວັດທະນະທຳພັດທະນາຢ່າງໃຫຍ່ແລະຮຸ່ງເຮືອຂຶ້ນຢ່າງໃຫຍ່
ວັດທະນະທຳແມ່ນບ້ານເກີດດ້ານຈິດໃຈຂອງມະນຸດເຮົາ, ການສືບທອດວັດທະນະທຳອັນດີເລີດແມ່ນສາຍເລືອດຂອງຊົນເຜົ່າຫນຶ່ງທີ່ສາມາດຢູ່ຕໍ່ໄປໄດ້.ຕ້ອງສະຫນອງຜະລິດຕະພັນດ້ານວັດທະນະທຳທີ່ມີຄຸນນະພາບດີຢ່າງອຸດົມສົມບູນ, ຕອບສະຫນອງຄວາມຕ້ອງການດ້ານຈິດໃຈວັດທະນະທຳຂອງປະຊາຊົນເລື້ອຍໆ.ລົງເລິກຊຸກຍູ້ການສ້າງລະບົບຄຸນຄ່າໃຈກາງຂອງສັງຄົມນິຍົມ.ອອກແຮງພັດທະນາວຽກງານວັດທະນະທຳສາທາລະນະປະໂຫຍດ.ຖືຊົນນະບົດແລະເຂດພາກກາງແລະພາກຕາເວັນຕົກເປັນຈຸດຫນັກ, ເພີ່ມທະວີການສ້າງພື້ນຖານໂຄງລ່າງດ້ານວັດທະນະທຳພື້ນຖານ.ເພີ່ມທະວີການອະນຸລັກມໍລະດົກວັດທະນະທຳ,ສ້າງວຽກງານວັດທະນະທຳຊົນເຜົ່າສ່ວນຫນ້ອຍໃຫ້ຈະເລີນ.ລົງເລິກການປະຕິຮູບລະບອບວັດທະນະທຳ,ສືບຕໍ່ຊຸກຍູ້ຫົວຫນ້ອຍວັດທະນະທຳແບບທຸລະກິດນັ້ນຫັນເປັນວິສາຫະກິດ.ເປີດກວ້າງຂະຫນາດຂອງຂະແຫນງການວັດທະນະທຳໃຫ້ກາຍເປັນກຸ່ມວັດທະນະທຳ,ທີ່ມີລະດັບວິຊາຊີບຢ່າງສູງ,ຊຸກຍູ້ຂະແຫນງການວັດທະນະທຳກາຍເປັນຂະແຫນງການເສົາຄ້ຳໃນເສດຖະກິດແຫ່ງຊາດ.ລົງເລິກດຳເນີນການແລກປ່ຽນດ້ານວັດທະນະທຳກັບພາຍນອກດ ຊຸກຍູ້ວັດທະນະທຳຈີນແລະຕ່າງປະເທດຕ່າງຖອດຖອນກັນ.
ແປດ:ລົງເລິກຊຸກຍູ້ການປະຕິຮູບໃນຂົງເຂດຈຸດສຸມ
ການປະຕິຮູບແລະໄຂປະຕູສູ່ພາຍນອກແມ່ນການເລືອກເຟ້ນທີ່ຖືກຕ້ອງຂອງຈີນໃນຊາຕາກຳປັດຈຸບັນ.ຕ້ອງອີງຕາມຄວາມຮຽກຮ້ອງຕ້ອງການຂອງພັດທະນາທັດວິທະຍານາດ, ເຄົາລົບນ້ຳໃຈປະຕິສ້າງຂອງປະຊົນ,ຊອກຄົ້ນຢ່າງກ້ຫານດ ສືບຕໍ່ຊຸກຍູ້ການປະຕິຮູບລະບອບເສດຖະກິດ,ລະບອບການເມືອງແລະດ້ານອື່ນໆດ້ວຍຄວາມຕັດສິນໃຈແລະຄວາມກ້າຫານຢ່າງໃຫຍ່, ເພື່ອແກ້ໄຂບັນຫາຍາກຕ່າງໆໃນການພັດທະນາ.ສ້າງການພົວພັນລະຫວ່າງເສດຖະກິດກັບການພັດທະນາຂອງສັງຄົມໃຫ້ກົມກຽວກັນດ ຮັບປະກັນຄວາມຍຸດຕິທຳແລະຄວາມເປັນທຳໃນສັງຄົມ;ຊຸກຍູ້ການປະດິດສ້າງໃນດ້ານການບໍລິຫານງານຕາມກົດຫມາຍແລະການຄຸ້ມຄອງສັງຄົມ,ສ້າງການພົວພັນລະຫວ່າງລັດຖະບານກັບປະຊາຊົນແລະກັບອົງການຈັດຕັ້ງສັງຄົມໃຫ້ດີ, ສ້າງລັດຖະບານທີ່ໃຫ້ການບໍລິການ,ຮັບຜິດຊອບ,ປົກຄອງຕາມກົດຫມາຍແລະປອດໃສໄຮ້ມົນທິນ.ຫນ້າທີ່ຈຸດສຸມຂອງການປະຕິຮູບໃນປີນີ້ແມ່ນ:
ລົງເລິກການປະຕິຮູບລະບອບການເງິນ,ພາສີອາກອນແລະທະນາຄານ.ສ້າງລະບຽບການແບ່ງພາສີໃຫ້ສົມບູນ,ບູລະນະລະບຽບການຈ່າຍເງິນ, ຍົກຂະຫນາດແລະມາດຕາສ່ວນຂອງການຈ່າຍເງິນທົ່ວໄປ.ສ້າງກົນໄກຮັບປະກັນການເງິນພື້ນຖານຂັ້ນເມືອງນ້ອຍໃຫ້ດີ.ຊຸກຍູ້ການປະກາດງົບປະມານການເງິນແລະ ງົບດຸນ ຂອງທ້ອງຖີ່ນຕໍ່ພາຍນອກຢ່າງຫນັກແຫນ້ນ.ຊຸກຍູ້ການປະຕິບັດມາດຖານຕິດຕາມຄຸ້ມຄອງຂະແຫນງການທະນາຄານໃຫມ່.ຊຸກຍູ້ສ້າງການສ້າງລະບຽບການປະກັນໄພເງິນຝາກ.ລົງເລິກການປະຕິຮູບອົງການການທະນາຄານແບບນະໂຍບາຍ.ສ້າງແລະບູລະນະລະບຽບການຂາຍຫຸ້ນໃຫມ່ແລະລະບຽບການຖອນອອກຈາກຕະຫລາດ,ເນັ້ນຫນັກເຖິງການປົກປ້ອງຄ່າຕອບແທນແລະສິດທິຜົນປະໂຫຍດຂອງຜູ່ລົງທຶນ. ຕັ້ງຫນ້າພັດທະນາຕະຫລາດພັນທະບັດ.ຊຸກຍູ້ການປະຕິຮູບແລະການພັດທະນາຂອງຂະແຫນງການປະກັນໄພ.ລົງເລິກການປະຕິຮູບຫັນອັດຕາດອອກເບ້ຍໃຫ້ເປັນແບບຕະຫລອດ.ຊຸກຍູ້ການແລກປ່ຽນເງິນຢວນຈີນໃນໂຄງການທຶນ,ເປີດກວ້າງການນຳໃຊ້ເງິນຢວນຈີນໃນການຄ້າການລົງທຶນຂ້າມຊາດ.
ຊຸກຍູ້ໃຫ້ເສດຖະກິດລະບອບກຳມະສິດຕ່າງໆພັດທະນາຮ່ວມກັນ.ປັບປຸງແລະພັດທະນາເສດຖະກິດລະບອບກຳມະສິດສ່ວນລວມຢ່າງບໍ່ຫວັ່ນໄຫວຄ່ອນແຄນ,ສົ່ງເສີມ,ສະຫນັບສະຫນູນແລະຊັກນຳເສຖະກິດບໍ່ແມ່ນລະບົບກຳມະສິດສ່ວນລວມພັດທະນາ.ລົງເລິກຊຸກຍູ້ເສດຖະກິດແຫ່ງຊາດປັບປຸງແບບຍຸດທະສາດ,ສ້າງກົນໄກທີ່ໃຫ້ທຶນຂອງລັດເຂົ້າອອກຕະຫລາດແລະຈໍລະຈອນຢ່າງສົມເຫດສົມຜົນ.ຊຸກຍູ້ການປະຕິຮູບຂະແຫນງການທາງລົດໄຟ,ຂະແຫນງການພະລັງງານໄຟຟ້າແລະອື່ນໆ,ເພື່ອສ້າງສະພາບແວດລ້ອມທີ່ໃຫ້ເສດຖະກິດລະບອບກຳມະສິດທຸກປະເພດແຂ່ງຂັນກັນຢ່າງຍຸດຕິທຳແລະຮ່ວມກັນພັດທະນາ.
ລົງເລິກການປະຕິຮູບລາຄາ.ຊຸກຍູ້ການປະຕິຮູບລາຄາພະລັງໄຟຟ້າຢ່າງຫນັກແຫນ້ນ,ປະຕິບັດແຜນການປະຕິຮູບເກັບຄ່າໄຟຟ້າຕາມຄວາມຕ້ອງການຂອງປະຊາຊົນ, ປັບປຸງກົນໄກກຳນົດລາຄາຂອງໄຟຟ້ານ້ຳຕົກ,ໄຟຟ້ານິວເຄຼຍແລະພະລັງງານທີ່ໃຊ້ຄືນໄດ້.ສ້າງການພົວພັນລະຫວ່າງລາຄາຖ່ານຫີນກັບລາຄາໄຟຟ້າໃຫ້ສົມເຫດສົມຜົນ.ປັບປຸງການປະຕິຮູບລາຄານ້ຳມັນສຳເລັດຮູບ,ຊຸກຍູ້ການປະຕິຮູບລາຄາອາຍແກສທຳມະຊາດ.ປະຕິບັດລະບຽບການທີ່ເຄັ່ງຂັດທີ່ສຸດໃນການຄ້ມຸຄອງບໍລິຫານຊັບພະຍາກອນນ້ຳ,ສ້າງແລະປັບປຸງມາດຖານເກັບຄ່ານ້ຳຂອງແຫ່ງຕ່າງໆໃຫ້ສົມບຸນຂຶ້ນ, ຊຸກຍູ້ການປະຕິຮູບໂດຍລວມຕໍ່ລາຄານ້ຳໃຊ້ທາງກະສິກຳ. ສ້າງເຂດທົດລອງການຄ້າຂາຍດ້ານການລະບາຍບກາກບອນແລະລະບາຍສິ່ງມົນລະພິດ.
ລົງເລິກການປະຕິຮູບລະບຽບການແຈກຢາຍລາຍໄດ້.ເລັ່ງລັດສ້າງແຜນການລວມຂອງການປະຕິຮູບລະບຽບການແຈກຢາຍລາຍໄດ້.ພະຍາຍາມຍົກມາດຕາສ່ວນຂອງລາຍໄດ້ຂອງປະຊາຊົນໃນລາຍໄດ້ຂອງທົ່ວປະເທດໃຫ້ສູງຂຶ້ນ, ຍົກສູງອັດຕາຄ່າທົດແທນການອອກແຮງງານໃນການແຈກຢາຍເທື່ອທຳອິດ.ບູລະນະລະບຽບການເງິນເດືອນ,ສ້າງກົນໄກເພີ່ມເງິນເດືອນເປັນປະຈຳ,ຍົກລະດັບເງິນເດືອນຕ່ຳສຸດໃຫ້ສູງຂຶ້ນ.ສ້າງເງື່ອນໄຂເພີ່ມລາຍຮັບດ້ານຊັຍສິນຂອງປະຊາຊົນ.ສ້າງກົນໄກທີ່ໃຫ້ທົ່ວປວງຊົນສາມາດຊົມໃຊ້ຜົນປະໂຫຍດທີ່ໄດ້ຮັບໃນການໂອນຊັບພະຍາກອນສາທາລະນະ.ສ້າງລະບຽບການແຈກປາຍລາຍໄດ້ໃຫ້ເປັນແບບສະບັບ, ປ້ອງກັນລາຍໄດ້ທີ່ຊອບດ້ວຍກົດຫມາຍຢ່າງບັງເກີດຜົນ, ເດັດຂາດຮິບເອົາລາຍໄດ້ທີ່ຜິດກົດຫມາຍ, ຫັນປ່ຽນທ່າອຽງທີ່ລາຍໄດ້ຜິດໂຕນກັນຫລາຍໂດຍໄວ.
ຕັ້ງຫນ້າຊຸກຍູ້ການປະຕິຮູບແບ່ງຫົວຫນ່ວຍທີ່ບໍ່ສາມາດສ້າງກຳໄລດ້ວຍຕົນເອງໃຫ້ເປັນປະເພດ.ແບ່ງປະເພດໃຫ້ຫົວຫນ່ວຍຕ່າງໆຕາມຫລັກວິທະຍາສາດ, ໃຫ້ການຊີ້ນຳໂດຍແບ່ງປະເພດ,ຊຸກຍູ້ການພັດທະນາໂດຍອີງຕາມຂະແຫນງການ,ມີການຈັດຕັ້ງໂດຍແບ່ງເປັນລະດັບ,ປະຕິບັດຕາມບາດກ້າວຕ່າງໆ,ລົງເລິກການປະຕິຮູບລະບຽບການຄຸ້ມຄອງຫົວຫນ່ວຍທີ່ບໍ່ສາມາດສ້າງກຳໄລດ້ວຍຕົນເອງແລະລະບຽບການບຸກຄະລາກອນ, ການແຈກຢາຍລາຍໄດ້,ແລະການຄ້ຳປະກັນທາງສັງຄົມ.
ເລັ່ງລັດຊຸກຍູ້ການປະຕິຮູບລັດຖະບານ.ເປີດກວ້າງປະຊາທິປະໄຕສັງຄົມນິຍົມດ ຈັດການເລືອກຕັ້ງຢ່າງປະຊາທິປະໄຕ, ຕັດສິນຢ່າງມີປະຊາທິປະໄຕ, ຄຸ້ມຄອງຢ່າງປະຊາທິປະໄຕ, ຕິດຕາມປະຊາທິປະໄຕຕາມກົດຫມາຍ, ຮັບປະກັນສິດຮູ້ຂ່າວ,ສິດເຂົ້າຮ່ວມ, ສິດປະກອບຄຳເຫັນແລະສິດຕິດຕາມຂອງປະຊາຊົນ.ເພີ່ມທະວີການກໍ່ສ້າງການປົກຄອງຢ່າງປອດໃສໄຮ້ມົນທິນດ ລົງເລິກດຳເນີນການຕໍ່ສູ້ກັບສະພາບເສຍທາດຂາດຄຸນ,ຊຸກຍູ້ວຽກງານຕ່າງໆໃນການສ້າງລະບຽບການລົງໂທດແລະປ້ອງກັນການເສຍທາດຂາດຄຸນ,ອອກແຮງແກ້ໄຂບັນຫາພົ້ນເດັ່ນທີ່ມີປະຊາຊົນສອງແສງເລື້ອຍໆ.
ເກົ້າ:ພະຍາຍາມຍົກຄຸນນະພາບແລະລະດັບຂອງການໄຂປະຕູສູ່ພາຍນອກ
ການໄຂປະຕູສູ່ພາຍນອກຂອງປະເທດພວກເຣົາໄດ້ເຂົ້າສູ່ໄລຍະໃຫມ່ແລ້ວ,ຖານະແລະບົດບາດຂອງການຄ້າຂາເຂົ້າຂາອອກແລະການລົງທຶນສອງທິດນັ້ນໄດ້ເກີດມີການປ່ຽນແປງຢ່າງເລິກເຊິ່ງ.ຄວນສອດຄ່ອງກັບສະຖານະການໃຫມ່, ປະດິດສ້າງແນວຄິດໃນດ້ານວຽກງານເສດຖະກິດຕໍ່ຕ່າງປະເທດ, ຫັນປ່ຽນຮູບການພັດທະນາເສດຖະກິດຕໍ່ພາຍນອກ, ຍົກລະດັບເສດຖະກິດແບບໄຂປະຕູຕໍ່ພາຍນອກໃຫ້ສູງຂຶ້ນ, ຈໍ່ຕົວເປັນສະຖານະພາບໃຫມ່ຂອງເສດຖະກິດແບບໄຂປະຕູສູ່ພາຍນອກ.
ຮັກສາໃຫ້ການຄ້າກັບພາຍນອກພັດທະນາຢ່າງຫມັ້ນທ່ຽງ.ພວກເຮົາເນັ້ນເຖິງການເປີດກວ້າງຄວາມຕ້ອງການພາຍໃນດ ແຕ່ເດັດຂາດບໍ່ຄວນປະຫມາດບົດບາດສຳຄັນຂອງຄວາມຕ້ອງການພາຍນອກທີ່ມີຕໍ່ການພັດທະນາເສດຖະກິດຂອງປະເທດພວກເຮົາ. ຕ້ອງຣັກສາໃຫ້ນະໂຍບາຍການຄ້າກັບພາຍນອກຫມັ້ນທ່ຽງໂດຍພື້ນຖານ.ຕ້ອງເລັ່ງລັດຫັນປ່ຽຣຣູບການພັດທະນາຂອງການຄ້າກັບພາຍນອກ.ລົງເລິກປະຕິບັດຍຸດທະສາດທີ່ໃຫ້ການຄ້າຈະເລີນດ້ວຍວິທະຍາສາດເຕັກນິກ, ສ້າງຊື່ສຽງດ້ວຍຄຸນນະພາບແລະໃຫ້ຕະຫລາດມີຫລາຍຢ່າງຫລາຍແນວ,ສະຫນັບສະຫນູນວິສາຫະກິດສ້າງຍີ່ຫໍ້,ຕາຫນ່າງຂາຍແລະສູນຄົ້ນຄວ້າພັດທະນາຂອງຕົນເອງ, ຊັກນຳການຄ້າປຸງແຕ່ງຂະຫຍາຍໄປສູ່ຊັ້ນສູງຂອງໂຕ່ງສອດການຜະລິດແລະຍ້າຍໄປສູ່ເຂດພາກກາງແລະພາກຕາເວັນຕົກ.ສ້າງຕະຫລາດດັ້ງເດີມຢູ່ອາເມລິກາຍີ່ປຸ່ນແລະເອີລົບໃຫ້ຫມັ້ນທ່ຽງ,ບຸກເບີກຕະຫລາດໃຫມ່.ເຮັດໃຫ້ການຄ້າຂາອອກຜະລິດຕະພັນທີ່ສຸມແຮງງານນັ້ນຫມັ້ນທ່ຽງ, ທັງເປີດກວ້າງການຄ້າຂາອອກຜະລິດຕະພັນເຕັກນິກສູງແລະມີມູນຄ່າເພີ່ມສູງ,ຄວບຄຸມການການຂາອອກຜະລິດຕະພັນທີ່ສິ້ນເປືອງພະລັງງານແລະມີການມົນລະພິດຫລາຍ.
ຍົກຄຸນນະພາບໃນການນຳໃຊ້ທຶນຕ່າງປະເທດໃຫ້ສູງຂຶ້ນ.ຍຶດຫມັ້ນເຂັ້ມທິດທີ່ນຳໃຊ້ທຶນຕ່າງປະເທດເປັນຢ່າງດີແລະບັງເກີດຜົນ, ຍິ່ງໃຫ້ຄວາມສົນໃຈຕໍ່ການສ້າງອົງປະກອບໃຫ້ດີຂຶ້ນແລະຍົກຄຸນນະພາບໃຫ້ສູງ.ປະຕິບັດສາລະບານຊີ້ນຳຂະແຫນງການທີ່ໃຫ້ຕ່າງປະເທດໄປລົງທຶນສະບັບດັດແກ້,ນຳພາທຶນຕ່າງປະເທດໄປລົງສູ່ຂະແຫນງານຜະລິດທີ່ກ້າວຫນ້າ,ຂະແຫນງການເຕັກນິກສູງໃຫມ່, ຂະແຫນງການປະຢັດພະລັງງານແລະອະນຸລັກສິ່ງແວດລ້ອມ, ຂະແຫນງການບໍລິການທັນສະໄຫມແລະເຂດພາກກາງແລະພາກຕາເວັນຕົກ.
ປະຕິບັດຍຸດທະສາດ"ອອກໄປສູ່ພາຍນອກ".ປະເທດພວກເຣົາພວມຢູ່ໃນໄລຍະສຳຄັນທີ່ການລົງທຶນຢູ່ຕ່າງປະເທດພວມພັດທະນາຢ່າງວ່ອງໄວ.ຄວນຊັກນຳວິສາຫະກິດປະເພດຕ່າງໆດຳເນີນການຮ່ວມມມືລົງມືນແລະຊັ່ງຊື້ຂ້າມຊາດໃນຂະແຫນງການພະລັງງານ,ວັດຖຸດິບ, ກະສິກຳ, ຂະແຫນງການການຜະລິດ,ການບໍລໍລິການແລະພື້ຖານໂຄງລ່າງ.ປ່ອນຍານການຈຳກັດຕໍ່ພົນລະເມືອງທີ່ໄປລົງທຶນຢູ່ຕ່າງປະເທດ.
ເພີ່ມທະວີການຄຸ້ມຄອງຄວາມສ່ຽງຂອງການລົງທຶນຢູ່ຕ່າງປະເທດ,ປົກປ້ອງຄວາມປອດໄພດ້ານຊີວິດຂອງຊັບສິນຂອງວິສາຫະກິດຈີນຢູ່ຕ່າງປະເທດ.
ເຂົ້າຮ່ວມການປັບປຸງເສດຖະກິດທົ່ວໂລກແລະການຮ່ວມມືໃນພາກພື້ນ.ພະຍາຍາມຮັກສາໃຫ້ການພົພວັນດ້ານເສດຖະກິດການຄ້າກັບປະເທດທີ່ພັດທະນາແລ້ວນັ້ນຂະຫຍາຍຕົວຢ່າງຫມັ້ນທ່ຽງ,ລົງເລິກການຮ່ວມມືແບບຕ່າງຝ່າຍຕ່າງມີຜົນປະໄຫຍດກັບປະເທດທີ່ພວມພັດທະນາຢ່າງຣອບດ້ານ.ສືບຕໍ່ຊຸກຍູ້ການສ້າງສາເຂດການຄ້າເສລີແລະຂະບວນວິວັດຫັນເສດຖະກິດພາກພື້ນເປັນອັນຫນຶ່ງອັນດຽວກັນ.ຕັ້ງຫນ້າເຂົ້າຮ່ວມການກໍ່ສ້າງກົນໄກຄຸ້ມຄອງເສດຖະກິດທົ່ວໂລກຄື:ກຸ່ມ G20 ເປັນຕົ້ນ,ເພີ່ມທະວີການປະສານງານກັບອົງກອນເສດຖະກິດສຳຄັນກ່ຽວກັບນະໂຍບາຍເສດຖະກິດມະຫາພາກ, ຄັດຄ້ານລັດທິປົກປ້ອງໃນທຸກຮູບແບບດ ສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນໃນການເຈລະຈາຮອບໂດຮາແລະການປະຕິຣູບລະບອບການເງິນສາກົນ.
ບັນດາຜູ່ແທນ!
ປະເທດພວກເຮົາແມ່ນປະເທດເອກະພາບທີ່ມີຫລາຍຊົນເຜົ່າ,ຊົນເຜົ່າສາມັກຄີບາກບັ່ນສູ້ຊົນ, ຮ່ວມກັນພັດທະນາຢ່າງຈະເລີນຮຸ່ງເຮືອງ, ປະເທດຈິ່ງສາມາດພັດທະນາໄດ້.ຕ້ອງຍຶດຫມັ້ນແລະປັບປຸງລະບຍບການເຂດຊົນເຜົ່າປົກຄອງຕົນເອງ, ຜັນຂະຫຍາຍນະໂຍບາຍມາດຕະການທີ່ສູນກາງສູະຫນັບສະຫນູນການພັດທນາຂອງຊົນເຜົ່າສ່ວນຫນ້ອຍແລະເຂດຊົນເຜົ່າສ່ວນຫນ້ອຍຢ່າງຈິງຈັງ,ອອກແຮງປະຕິບັດແຜນການທີ່ສະຫນັບສະຫນູນການພັດທະນາຂອງຊົນເຜົ່າທີ່ມີປະຊາກອນຫນ້ອຍ, ຊຸກຍູ້ກິດຈະກຳທີ່ສ້າງເຂດຊາຍແດນໃຫ້ຈະເລີນແລະປະຊາຊົນຢູ່ເຂດຊາຍແດນຮັ່ງມີຂຶ້ນ,ແລະພັດທະນາວຽກງານຊົນເຜົ່າສ່ວນຫນ້ອຍ.ປັບປຸງແລະຂະຫຍາຍການພົວພັນຊົນເຜົ່າສັງຄົມນິຍົມຢ່າງກົມກຽວກັນທີ່ສະເຫມີພາບ, ສາມັກຄີ,ຕ່າງຊ່ວຍເຫລືອເຊິ່ງກັນແລະກັນ.
ຜັນຂະຫຍາຍເຂັມທິດພື້ນຖານຂອງວຽກງານສາສະຫນາຂອງພັກຢ່າງຈິງຈັງ.ປົກປັກຣັກສາສິດທິຜົນປະໂຫຍດທີ່ຊອບດ້ວຍກົດຫມາຍຂອງອົງການຈັດຕັ້ງສາສະຫນາ,ບຸກຄົນວົງການສາສະຫນາແລະສາສະຫນິກາຊົນ,ເສີມຂະຫຍາຍບົດບາດອັນຕັ້ງຫນ້າຂອງພວກເຂົາເຈົ້າໃນດ້ານການຊຸກຍູ້ເສດຖະກິດພັດທະນາ, ສ້າງວັດທະນະທຳໃຫ້ຈະເລີນ,ແລະໃຫ້ສັງຄົມມີຄວາມກົມກຽວກັນ.
ຜັນຂະຫຍາຍນະໂຍບາຍວຽກງານຕໍ່ຊາວຈີນຕ່າງດ້ວຂອງພັກ.ປົກປັກຮັກສາສິດທິຜົນປະໂຫຍດທີ່ຊອບດ້ວຍກົດຫມາຍຂອງຊາວຈີນທີ່ຢູ່ຕ່າງປະເທດແລະຊາວຈີນທີ່ເຄີຍອາໃສຢູ່ຕ່າງປະເທດແລ້ວກັບຄືນຈີນ,ສະຫນັບສະ ຫນູນໃຫ້ເຂົ້າເຈົ້າເຂົາຮ່ວມການສ້າງສາປະເທດຊາດໃຫ້ທັນສະໄຫມແລະວຽກງານໂຮມປະເທດຊາດເປັນເອກະພາບໂດຍສັນຕິ.
ບັນດາຜູ່ແທນ!
ການປ້ອງກັນປະເທດທີ່ຫນັກແຫນ້ງແລະກອງທັບທີ່ເຂັ້ມແຂງແມ່ນສິ່ງປົກປ້ອງຜົນປະໂຫຍດ້ານອະທິປະໄຕ, ຄວາມຫມັ້ນຄົງແລະການພັດທະນາຂອງປະເທດ.ຕ້ອງເລັ່ງສາຍຕາໃສ່ການປະຕິບັດພັນທະຫນ້າທີ່ປະຫວັດສາດຂອງກອງທັບໃນໄລຍະໃຫມ່ຂອງສັດຕະວັດໃຫມ່,ເພີ່ມທະວີການສ້າງສາກອງທັບໃຫ້ເປັນແບບປະຕິວັດ,ທັນສະໄຫມແລະເປັນແບບສະບັບຢ່າງຮອບດ້ານ, ຍົກຄວາມສາມາດສຳເລັດຫນ້າທີ່ທາງການທະຫານຫລາຍຢ່າງທີ່ຖືຄວາມສາມາດເອົາຊະນະໃນສົງຄາມພາກພື້ນພາຍໃນເງື່ອນໄຂຂໍ້ມູນຂ່າວສານເປັນໃຈກາງນັ້ນໃຫ້ສູງຂຶ້ນເລື້ອຍໆ.ເພີ່ມທະວີການສ້າງສາແນວຄິດການເມືອງ, ຍຶດຫມັ້ນຫລັກການກົກຮາກທີ່ພັກນຳພາກອງທັບຢ່າງເດັດຂາດແລະປະຖົມປັດໄຈທີ່ກອງທັບແມ່ນຂອງປະຊາຊົນ.ອອກແຮງສ້າງຜູ່ມີຄວາມຮູ້ຄວາມສາມາດດ້ານການທະຫານແບບໃຫມ່ທີ່ມີຄຸນທາດສູງ. ຕັ້ງຫນ້າປະຕິບັດການປະຕິຮູບການປ້ອງກັນປະເທດແລະກອງທັບຢ່າງຫນັແຫນ້ນ.ສຳເລັດຫນ້າທີ່ຕ້ານການກໍ່ການຮ້າຍ,ຮັກສາຄວາມຫມັ້ນຄົງ, ແກ້ໄຂເຫດການສຸກເສີນ,ກູ້ໄພຕ້ານໄພແລະຫນ້າທີ່ອື່ນໆຢ່າງເດັດຂາດ.ຍຶດຫມັ້ນໃຫ້ທະຫານປະສົມປະສານກັບປະຊາຊົນ, ສ້າງທະຫານໃນປະຊາຊົນ, ເດີນຕາມເສັ້ນທາງພັດທະນາທີ່ທະຫານກັບປະຊາຊົນເຊື່ອມໂຍງກັນທີ່ມີສີສັນພິເສດຂອງຈີນ.ຂະຫຍາຍຄວາມສາມັກຄີລະຫວ່າງກອງທັບກັບອົງການປົກຄອງແລະກອງທັບກັບປະຊາຊົນ.
ບັນດາຜູ່ແທນ!
ຮົງກົງແລະມາກາວມີການພົວພັນຢ່າງແຫນ້ນແຟ້ນກັບປະເທດຊາດ, ພວກເຣົາຈະປະຕິບັດເຂັ້ມທິດທີ່ປະເທດຫນຶ່ງສອງລະບອບ, ໃຫ້ຊາວຮົງກົງປົກຄອງຮົງກົງ,ໃຫ້ຊາວມາກາວປົກຄອງມາຫາວແລະປົກຄອງໃນລະດັບສູງຢ່າງຫມັ້ນຫນຽວບໍ່ປ່ຽນແປງ,ອອກແຮງສະຫນັບສະຫນູນຮົງກົງແລະມາກາວພັດທະນາເດສຖະກິດ, ປັບປຸງຊີວິດການເປັນຢູ່ຂອງປະຊາຊົນ, ແລະຊຸກຍູ້ປະຊາທິປະໄຕ. ສະຫນັບສະຫນູນອົງການປົກຄອງເຂດພິເສດຕັ້ງຫນ້າຮັບມືກັບການທ້າທາຍຂອງຄວາມສ່ຽງດ້ານເສດຖະກິດສາກົນ, ປົກປັກຣັກສາໃຫ້ເສດຖະກິດການເງິນພັດທະນາຢ່າງຫມັ້ນທ່ຽງແລະຮຸ່ງເຮືອງເປັນໄລຍະຍາວນານ.
ໃນຫນຶ່ງປີທີ່ຜ່ານມາ, ການພົວພັນລະຫວ່າງສອງຝັ່ງຊ່ອງແຄບໄຕ້ຫວັນໄດ້ທົນຕໍ່ການທົດສອບທີ່ຂ້ຽວຂາດທີ່ສຸດ,ໄດ້ຮັບຄວາມຄືບຫນ້າເປັນຢ່າງດີ. ການຄັດຄ້ານໄຕ້ຫວັນເປັນເອກະລາດ,ຍອມຮັບຄວາມຮັບຮູ້ຄືກັນໃນ 2 ກັນຍາ, ໃຫ້ຫມາກຜົນການຮ່ວມມືແລະແລກປ່ຽນກັນຫມັ້ນຄົງກວ່າເກົ່າ, ຊຸກຍູ້ການພົວພັນລະຫວ່າງສອງຝັ່ງພັດທະນາໂດຍສັນຕິ, ນັບມື້ນັບກາຍເປັນຄວາມປາຖະຫນາຮ່ວມຂອງພີ່ນ້ອງຢູ່ສອງຝັ່ງ. ໃນປີໃຫມ່ນີ້, ພວກເຮົາຈະສືບຕໍ່ຍຶດຫມັ້ນເຂັມທິດລວມໃນວຽກງານຕໍ່ໄຕ້ຫວັນ,ເພີ່ມທະວີພື້ນຖານດ້ານການເມືອງ, ເສດຖະກິດ ວັດທະຍະທຳແລະຄວາມປາຖະຫນາຂອງປະຊາຊົນຂອງການຂະຫຍາຍການພົວພັນລະຫວ່າງສອງຝັ່ງ, ເປີດກວ້າງສະຖານະການໃຫມ່ແຫ່ງການພັດທະນາໂດຍສັນຕິໃນການພົວພັນສອງຝັ່ງ.ລູກຫລານປະຊາຊາດຈີນທຸກຖ້ວນຫນ້າຄວນສາມັກຄີເຂົ້າຢ່າງແຫນ້ນແຟ້ນກວ່າເກົ່າ, ພະຍາຍາມບາກບັ່ນສູ້ຊົນເພື່ອສຳເລັດຫນ້າທີ່ໂຮມປະເທດຊາເປັນເອກະພາບກັນແລະບັນລຸການຟື້ນຕົວຄືນຢ່າງຍິ່ງໃຫຍ່ຂອງປະຊາຊາດຈີນ.
ບັນດາຜູ່ແທນ!
ໃນປີໃຫມ່ນີ້,ວຽກງານການຕ່າງປະເທດຕ້ອງຮັບໃຊ້ສະພາບການລວມຂອງການປະຕິຮູບໄຂປະຕູສູ່າພາຍນອກແລະການສ້າງສາສັງຄົມນິຍົມທັນສະໄຫມໃຫ້ດີກວ່າເກົ່າ,ມີສ່ວນປະກອບຫລາຍກວ່າເກົ່າໃນການຊຸກຍູ້ເສດຖະກິດໂລກເຕີບໂຕ, ປົກປັກຣັກສາສັນຕິພາບແລະຄວາມຫມັນຄົງ.ພວກເຣົາຈະສືບຕໍ່ລົງເລິກການພົວພັນມິດຕະພາບທີ່ເປັນບ້ານໃກ້ເຮືອນຄຽງທີ່ດີຕໍ່ກັບປະເທດອ້ອມຂ້າງດ ຕັ້ງຫນ້າເຂົ້າຮ່ວມກົນໄກຮ່ວມມືທຸກປະເພດກັບປະເທດອ້ອມຂ້າງ,ຊຸກຍູ້ການຮ່ວມມືໃນພາກພື້ນພັດທະນາລົງສູ່ລວງເລິກ, ຮ່ວມກັນສ້າງສະພາບແວດລ້ອມພາກພື້ນທີ່ມີສັນຕິພາບ, ຄວາມຫມັ້ນຄົງ, ສະເຫມີພາບ, ຕ່າງໄວ້ເນື້ອເຊື່ອໃຈກັນ, ຮ່ວມມືກັນແລະໄດ້ຮັບຜົນປະໂຫຍດຣ່ວມກັນ.ພວກເຣົາຈະພ້ອມກັບປະເທດທີ່ພວມພັດທະນາອັນໄພສານເພີ່ມທະວີຄວາມສາມັກຄີແລະການຮ່ວມມື, ລົງເລິກມິດຕະພາບອັນເປັນມູນເຊື້ອ, ເປີດວ້າງການຮ່ວມມືແບບຕ່າງຝ່າຍຕ່າງມີຜົນປະໂຫຍດດ ຊຸກຍູ້ການບັນລຸເປົ້າມາຍພັດທະນາະສະຫັດສະວັດຂອງສະຫະປະຊາຊາດ, ປົກປັກຮັກສາທິດທີ່ຊອບດ້ວຍກົດຫມາຍແລະຜົນປະໂຫຍດຮ່ວມຂອງປະເທດພວມພັດທະນາ.ພວກເຮົາຈະເພີ່ມທະວີການສົນທະນາດ້ານຍຸດທະສາດກັບປະເທດໃຫຍ່ຕ່າງໆ, ເພີ່ມຄວາມໄວ້ເນື້ອເຊື່ອໃຈດ້ານຍຸດທະສາດເຊິ່ງກັນແລະກັນ, ເປີດກວ້າງຂົງເຂດການຮ່ວມມື, ຊຸກຍູ້ໃຫ້ການພົວພັນລະຫວ່າງກັນຂະຫຍາຍຕົວຢ່າງຍາວນານ, ຫມັ້ນທ່ຽງແລະປອດໃສ.ພວກເຣົາຈະຕັ້ງຫນ້າເຂົ້າຮ່ວມວຽກງານຫລາຍຝ່າຍແລະຄຸ້ມຄອງທົ່ວໂລກ,ຊຸກຍູ້ລະບຽບສາກົນເດີນໄປສູ່ຄວາມຍຸດຕິທຳແລະສົມເຫດສົມຜົນ.ພວກເຣົາຈະເດີນຕາມເສັ້ນທາງພັດທະນາໂດຍສັນຕິຢ່າງເດັດດ່ຽວຫນຽວແຫນ້ນ,ຍຶດຫມັ້ນນະໂຍບາຍການຕ່າງປະເທດທີ່ສັນຕິພາບ,ເອກະລາດແລະເປັນເຈົ້າຕົນເອງ,ປະຕິບັດຍຸດທະສາດໄຂປະຕູສູ່ພາຍອນກທີ່ຕ່າງຝ່າຍຕ່າງໄດ້ຮັບຜົນປະໂຫນດ,ຮ່ວມກັບປະເທດຕ່າງໆໃນໂລກນີ້, ທຳຄວາມພະຍາຍາມຢ່າງບໍ່ລົດລະເພື່ອຊຸກຍູ້ສີວິໄລຂອງມວນມະນຸດກ້າວໄປຫນ້າ, ສ້າງຄວາມສຸກໃຫ້ແກ່ປະຊາຊົນບັນດາປະເທດແລະສ້າງໂລກທີ່ກົມກຽວກັນທີ່ມີສັນຕິພາບຖາວອນແລະຮ່ວມກັນຈະເລີນຮຸ່ງເຮືອງ.
ບັນດາຜູ່ແທນ!
ຫວນຄືນອະດີດ, ພວກເຮົາໄດ້ບາກບັ່ນສູ້ຊົນ, ໄດ້ຮັບຜົນງານທີ່ພົ້ນເດັ່ນ.ຈ້ອງມອງເບິ່ງອະນາຄົດ, ພວກເຮົາຍັງມີຫນ້າທີ່ອັນຫນັກຫນາແລະຕ້ອງເດີນຕາມເສັ້ນທາງທີ່ຍາວໄກ, ຍັງຕ້ອງການພວກເຮົາທຳຄວາມພະຍາຍາມຕໍ່ໄປ.ໃຫ້ພວກເຣົາຈົ່ງສາມັກຄີຢ່າງແຫນ້ນແຟ້ນຢູ່ພ້ອມຂ້າງສູນກາງພັກທີ່ມີສະຫາຍຫູຈີນທາວເປັນເລຂາທິການໃຫຍ່, ປົດປ່ອຍແນວຄິດ, ບຸກເບີກປະຕິສ້າງ, ເຮັດວຽກຢ່າງຫນັກແຫນ້ນ, ພະຍາຍາມສ້າງສະພາບການໃຫມ່ແຫ່ງການສ້າງສາສັງຄົມນິຍົມທັນສະໄຫມ!