ບົດຖ່າຍທອດສົດພິທີສະເຫຼີມສະຫຼອງວັນຊາດຈີນຄົບຮອບ60ປີ
-----------------------------------------------------------------------------------------------------------------
ທີ່ນີ້,ວິທະຍຸສາກົນແຫ່ງປະເທດຈີນ,ມື້ນີ້,ພວກເຮົາຈະຖ່າຍທອດສົດພິທີສະເຫຼີມ ສະຫຼອງວັນສ້າງຕັ້ງສາທາລະນະລັດປະຊາຊົນຈີນຄົບຮອບ60ປີຢູ່ສະໜາມຫຼວງທຽນອ່ານເມີນນະຄອນຫຼວງປັກກິ່ງຂອງຈີນ.
ວັນທີ1ຕຸລາເມື່ອ60ປີກ່ອນ,ຢູ່ແຫ່ງນີ້,ທ່ານເໝົາເຈີຕຸ່ງ ຜູ່ນຳປະເທດຈີນໃໝ່ໄດ້ປະກາດຕໍ່ທົ່ວໂລກວ່າ,ສາທາລະນະລັດປະຊາຊົນຈີນໄດ້ສ້າງຕັ້ງຂຶ້ນ ແລ້ວ.
ມື້ນີ້,ຕົວແທນປະຊາຊົນຈາກຂະແໜງການຕ່າງໆ ຊົນເຜົ່າຕ່າງໆແລະວົງການຕ່າງໆຂອງນະຄອນຫຼວງປັກກິ່ງ,ຕົວແທນຂອງບັນດາແຂວງ,ເຂດປົກຄອງຕົນເອງ, ກຳແພງນະຄອນໃນທົ່ວປະເທດພ້ອມດ້ວຍເຂດບໍລິຫານພິເສດຮົງກົງ,ມາກາວແລະແຂວງໄຕ້ຫວັນ,ຕົວແທນຂອງຊາວຈີນຕ່າງດ້າວແລະເພື່ອນມິດສາກົນເກືອບສອງແສນຄົນຈະພ້ອມກັນສະເຫຼີມສະຫຼອງວັນສ້າງຕັ້ງປະເທດຈີນໃໝ່ຄົບຮອບ60ປີຢ່າງມ່ວນຊື່ນຢູ່ແຫ່ງນີ້.
ສະຖານທີ່ຈັດພິທີສະເຫລີມສະຫລອງວັນຊາດກໍ່ຕັ້ງຢູ່ສະຫນາມຫລວງທຽນອານເມີນເຊິ່ງເປັນສະຫນາມຫລວງໃຈກາງເມືອງທີ່ມີເນື້ອທີ່ໃຫຍ່ທີ່ສຸດໃນໂລກ.ດ້ານເຫນືອຂອງສະຫນາມຫລວງທຽນອານເມີນກໍ່ແມ່ນຫໍທຽນອານເມີນ.
ເວທີປະທານຂອງພິທີສະເຫຼີມສະຫຼອງກໍ່ຕັ້ງຢູ່ຫໍທຽນອານເມີນ,ຈັກຫນ່ອຍ,ຜູ່ນຳຈີນຈະກວດແຖວພົນທະຫານແລະອາວຸດຍຸດໂທປະກອນຂອງກອງທັບປົດປ່ອຍປະຊາຊົນຈີນພ້ອມດ້ວຍຖັນແຖວເດີນຂະສວນສະໜາມຂອງມວນຊົນທີ່ມີຂະໜາດໃຫຍ່ຫລວງຢູ່ແຫ່ງນີ້.
ເພື່ອສ້າງບັນຍາກາດທີ່ຟົດຟື້ນມວນຊື່ນແລະສວຍງາມ,ມື້ນີ້,ຢູ່ສອງຟາກສະໜາມຫຼວງທຽນອານເມີນໄດ້ຕັ້ງເສົາສາມັກຄີຊົນເຜົ່າສີແດງສົດ ໃສ56ເສົາອັນ,ເປັນສັນຍະລັກໃຫ້ແກ່56ຊົນເຜົ່າຂອງຈີນ.
ໂຄມໄຟແດງໃຫຍ່ໆ60ໜ່ວຍແຂວນຢູ່ເທິງທ້ອງຟ້າຂອງສະໜາມຫຼວງທຽນອານ
ເມີນ,ເປັນສັນຍາລັກໃຫ້ແກ່ວັນຊາດຈີນຄົບຮອບ60ປີ.
ຂະນະນີ້,ຊາວໜຸ່ມເຍົາວະຊົນ8ໝື່ນຄົນໄດ້ໄປຮອດໃຈກາງສະໜາມຫຼວງ,ເຂົາເຈົ້າຈະໃຊ້ພວງດອກໄມ້ຫ້າສີປະກອບເປັນພາບເບື້ອງຫລັງ41ພາບ.
