ຜູ້ນຳມາເຖິງເວທີຄະນະປະທານ
-----------------------------------------------------------------------------------------------------------------
ທ່ານຜູ່ຟັງ,ຂະນະນີ້,ຜູ່ນຳພັກລັດຈີນເຊັ່ນທ່ານຫູຈິນທາວ, ທ່ານ ຈ່ຽງ ເຈີມິນ ທ່ານ ອູປາງໂກະ,ທ່ານເວິ່ນເຈ່ຍປາວ,ທ່ານເຈຍຊິ້ງຫລິນ,ທ່ານລີສາງຊຸນ,ທ່ານສີຈິ້ນພິງ,ທ່ານລີເຄີ້ສຽງ,ທ່ານເຮີ້ກົວສຽງ,ທ່ານໂຈ່ວຢົງຄ່າງແລະທ່ານອື່ນໆພວມຍ່າງຂຶ້ນຫໍທຽນອານເມີນ,ຜູ່ເຂົ້າຮ່ວມພິທີສະເຫຼີມສະຫຼອງຢູ່ຫໍທຽນອານເມີນຍັງມີຜູ່ນຳແລະຜູ່ຕາງໜ້າອາວຸໂສຂອງສູນກາງພັກກອມມູນິດຈີນ,ສະພາປະຊາຊົນແຫ່ງຊາດຈີນ,ຄະນະລັດຖະບານຈີນ,ສະພາປຶກສາການເມືອງປະຊາຊົນແຫ່ງຊາດຈີນແລະຄະນະກຳມະການການທະຫານສູນກາງຈີນ.ພິທີສະເຫຼີມສະຫຼອງໃກ້ຈະເລີ່ມຕົ້ນແລ້ວ.
ທ່ານລີວສີ ກຳມະການກົມການເມືອງສູນກາງພັກກອມມູນິດຈີນ,ເລຂາຄະນະພັກນະຄອນຫຼວງປັກກິ່ງທີ່ເປັນປະທານຂອງພິທີສະເຫຼີມສະຫຼອງ.ໄດ້ປະກາດເລີ່ມຕົ້ນພິທີສະເຫລີມ ສະຫລອງ.
ຢູ່ສະໜາມຫຼວງເລີ່ມຍິງປືນກຽດຕິຍົດ60ນັດ,ໝາຍເຖິງວ່າປະເທດຈີນໃໝ່ສ້າງຕັ້ງຂຶ້ນຄົບຮອບ60ປີ.ປືນກຽດຕິຍົດເຫຼົ່ານີ້ຕັ້ງຢູ່ທິດໃຕ້ຂອງສະໜາມຫຼວງທຽນອານເມີນ,ປືນກຽດຕິຍົດ56ກະບອກແບ່ງເປັນສອງຈຸ,ຈຸລະ28ກະບອກ.2ຕົວເລກນີ້ມີຄວາມໝາຍພິເສດ, 56ໝາຍເຖິງ56ຊົນເຜົ່າຂອງຈີນ, 28ມີຄວາມໝາຍວ່ານັບແຕ່ພັກກອມມູນິດຈີນສ້າງຕັ້ງຂຶ້ນຮອດການສ້າງຕັ້ງປະເທດຈີນໃໝ່ໃຊ້ເວລາ28ປີ.
ໄປພ້ອມໆກັບສຽງປືນກຽດຕິຍົດດັງຂຶ້ນ,ທະຫານກຽດຕິຍົດ200ຄົນໄດ້ປ້ອງກັນທຸງແດງຫ້າດາວເຊິ່ງເປັນທຸງຊາດສາທາລະນະລັດປະຊາຊົນຈີນ ຍ່າງອອກຈາກອະນຸສາ ວະລີວິລະຊົນປະຊາຊົນ,ເມື່ອຍ່າງໄປທິດເໜືອ185ແມັດແລ້ວກໍ່ໄປຮອດເສົາທຸງຊາດທີ່ຢູ່ທິດເໜືອສະໜາມຫຼວງທຽນອານເມີນ,ຈັດພິທີຊັກທຸງຊາດຂຶ້ນສູ່ຍອດເສົາຢ່າງສະຫງ່າຜ່າເຜີຍ.ຊາວໜຸ່ມເຍົາວະຊົນ8ໝື່ນຄົນໃຊ້ພວງດອກໄມ້ສີແດງແລະສີເຫຼືອງປະກອບເປັນຮູບໂຕໜັງສືຈີນໃຫຍ່ໆທີ່ອ່ານວ່າ"ກົວຊິ້ງ"ແປວ່າວັນຊາດ.
ພິທີສວນສະໜາມທີ່ສະຫງ່າຜ່າເຜີຍແລະໃຫຍ່ໂຕມະໂຫລານໄດ້ເລີ່ມຕົ້ນຂຶ້ນແລ້ວ.ທ່າມກາງສຽງເພງຊາດຈີນທີ່ສະຫງ່າຜ່າເຜີຍ.ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນີດຈີນ,ປະທານປະເທດ,ປະທານຄະນະກຳມະການການທະຫານສູນກາງຈີນຂີ່ລົດຫຍິ່ຫໍ້"ຫົງສີ"ທີ່ຈີນຜະລິດເອງອອກຈາກຂົວຈິ່ນສຸຍໄປຖະໜົນສາງອ່ານ.
